RTA Pashto - ملي راډیو تلویزیون

په جاکارتا کې د افغانستان د سفارت سرپرست مولوي سعدالله بلوچ د کوربه هېواد لپاره د مالیزیا له سفیر داتو مظفر شاه ابن مصطفی سره وکتل. اندونیزیا کې د افغانستان سفارت وايي، چې دې کتنه کې د افغانستان او مالیزیا ترمنځ د سیاسي، اقتصادي او سوداګريزو اړیکو پر پياوړتيا او پراختیا خبرې شوي دي. دغه راز دواړو لوریو د دوه‌اړخیزو اړيکو او ګډو همکاریو پر دوام ټینګار کړی دی.

لوړو زده‌کړو وزارت د اعلامیې په خپرولو سره بهر کې په زده‌کړو بوخت له ستونزو سره مخ افغان زده‌کړیالانو او استادانو ته ډاډ ورکړی، چې د ستونزو حل لپاره یې هېواد کې لازمې اسانتیاوې برابروي. په اعلامیه کې راغلي، یاد وزارت زده‌کړیالانو ته په هېواد کې د پاتې زده‌کړو د دوام او استادانو ته د خدمت او علمي فعالیت زمینه برابروي.

نن چهارشنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

تېره ورځ ( سې‌شنبه، د وږي ۱۷مه) ۶۷۸ افغان کډوال له پاکستان او ۳۳۹له ایران څخه هېواد ته راستانه شوي دي.

په ۱۴۴۷ هجري قمري کال کې د چاپیریال ساتنې ادارې مهمې لاسته راوړنې!

د اسلامي امارت ویاند مولوي ذبیح‌الله مجاهد «حکومت د مطبوعاتو په هېنداره کې» خبري کنفرانس پر مهال ویلي، د المپیک، بدني روزنې او ورزش لوی ریاست په ۱۴۴۷ کال کې د هېواد په کچه ۴۴۰ کورنۍ سیالۍ جوړې کړې دي. ښاغلی مجاهد زیاتوي، یاد ریاست تېر کال د پینځو سترو لیګونو د تر سره کولو سربېره افغانستان د بدمنټون او دودیزې غېږنیونې برخو کې د نړیوالو سیالیو کوربه‌توب هم کړی دی. دغه راز د اسلامي امارت ویاند زیاته کړې، یاده موده کې ۲۴۰ افغان ورزشکارانو په ۲۳۰ نړیوالو لوبو کې ګډون کړی او ۶۲ د سرو، سپینو او برنزو مډالونه یې ترلاسه کړي دي.

په ۱۴۴۷ هجري قمري کال کې د المپیک، بدني روزنې او ورزش عمومي ریاست مهمې لاسته راوړنې!

په ۱۴۴۷ هجري قمري کال کې د عامې روغتیا وزارت مهمې لاسته راوړنې!

د اسلامي امارت ویاند مولوي ذبیح‌الله مجاهد «حکومت د مطبوعاتو په هېنداره کې» خبري کنفرانس پر مهال ویلي، عامې روغتیا وزارت تېر کال هېواد کې د ۶۰ بنسټیزو روغتیايي پروژو چارې بشپړې او ګټې اخیستنې ته سپارلې دي. ښاغلي مجاهد زیاته کړې، یادو پروژو کې د ولسوالیو په کچه ۲۴ روغتونونه، ۱۵ روغتیايي مرکزونه، د بیړنیو خدمتونو خونې، د زړه د جراحۍ څانګه، د هیمودیالیز څلور څانګې او یوه د ماشومانو د درملنې څانګه شامله ده. نوموړي ویلي، چې تېر کال په ټول هېواد کې د ۱۰۳ روغتیايي مرکزونو د بیا رغونې چارې هم پیل شوې دي. همدا راز کابل کې د سرطاني ناروغیو د تشخیص او درملنې ۲۰۰ بستریز روغتون هم فعالیت پیل کړی دی. دغه راز عامې روغتیا وزارت د ۱.۹ میلیارده افغانیو په لګښت د اوو نیمه کاره روغتیايي پروژو چارې هم بشپړې کړې دي.

د اسلامي امارت ویاند مولوي ذبیح‌الله مجاهد نن د رسنیو په مرکز کې «حکومت د مطبوعاتو په هېنداره کې» د اتم خبري کنفرانس پر مهال وویل، عامې روغتیا وزارت په تېر ۱۴۴۷ هجري قمري کال کې څه باندې ۱۰۲ میلیونه کسانو ته په بېلابېلو برخو کې روغتیایي خدمتونو وړاندې کړي دي. ښاغلي مجاهد زیاته کړه، په دې ډله کې ۹۹.۷ میلیونه سراپا، څه باندې ۲.۱ میلیونه داخل بستر، ۲۲۸ زره لوی او ۳۸۴ زره کوچني عملیاتونه، ۷۵ زره هیمو‌‌ډیالیزم، څه باندې ۸ زره د جدي څارنې، شاوخوا ۲۹۰ زره امبولانس او څه باندې ۸۸ زره فیزیوتراپي خدمتونه شامل دي. دغه راز مجاهد وویل، په نشو د روږدو د څه باندې ۲۵ زره کسانو درملنه، د څه باندې ۹۹ زره په سرطاني ناروغیو د اخته کسانو درملنه، او ۳۰ زره حاجیانو ته د روغتیایي خدمتونو وړاندې کول هم د دې ډلې څخه دي.

د پانګونې بین‌الوزارتي کمېټې غونډه کې د سالنګ دویم تونل او درملو تولیدي فابریکې جوړولو په برخو کې د متحده عربي اماراتو د "HHM Global Industry Group" شرکت د پانګونې د لیوالتیا هرکلی شوی. اقتصادي معاونیت وایي، چې په دې غونډه کې د شرکت مسولینو ته ډاډ ورکړل شوی، چې اړوند وزارتونه او ادارې په دې برخه کې ورسره پوره همکارې دي. دغه راز د یاد شرکت له مسولینو غوښتنه شوې چې د سالنګ دویم تونل او د درملو تولیدي فابریکې جوړولو او همداراز نورو برخو کې د پانګونې لپاره خپلې طرحې چمتو او د بحث لپاره یې د پانګونې بین الوزارتي کمېټې ته وړاندې کړي.

مزارشریف ښار کې د ۸۰ میلیونه افغانیو په لګښت د یوه سړک جوړولو چارې پيل شوې.

د هرات ولایت د شرطې ځواکونو له روزنیز مرکز څخه نږدې ۵۰۰ مجاهدین فارغ شول کورنیو چارو وزارت وايي، چې د لوېدیځ زون د ولایتونو د قطعاتو او جزوتامونو ۴۷۷ مجاهدین، په هرات ولایت کې د شرطې ځواکونو له روزنیز مرکز څخه د لومړنیو مسلکي زده‌کړو تر بشپړولو وروسته فارغ شول.

د کلیو د بیارغونې او پراختیا وزیر ملا عبداللطیف منصور د کندهار ولایت د تخته پل ولسوالۍ او د غزني ولایت د ګیلان ولسوالۍ له قومي مشرانو او مخورو سره وکتل. په دې لیدنه کې د یادو ولسوالیو قومي مشرانو په خپلو سیمو کې د اوبو رسولو شبکو، سړکونو، استنادي دیوالونو، کوچنیو بندونو او نورو پروژو د پلي کېدو غوښتنه وکړه. همدا راز ښاغلي منصور، قومي مشرانو ته ډاډ ورکړی، چې یاد وزارت به له امکانانو سره سم د خلکو ستونزو ته رسېدنه کوي.

له ایران سره په جګړه کې د وژل شویو او ټپي شویو امریکايي پوځيانو شمېر ۸۳۸ ته لوړ شوی دی. تسنیم خبري اژانس ویلي، چې د ۲۶ نورو امریکايي پوځیانو په ټپي کېدو سره د ټپیان شمېر ۸۲۰ او د وژل شویو ۱۸ تنو ته لوړ شوی دی. دغه راز نیویارک ټایمز د ایراني سرچینو له قوله لیکلي، چې په اردون، عراق او نورو هېوادونو کې د وژل شویو امریکايي پوځیانو شمېر شاوخوا ۵۰۰ تنه دی.

ملي راپور؛ د اریانا افغان هوايي شرکت رییس ملا بخت الرحمن شرافت وايي، د اریانا افغان هوايي شرکت الوتکه په خوست کې له یوې پېښې وروسته، د افغان انجنیرانو له لوري بېرته جوړه او الوتنې ته اماده شوه. بشپړه خپرونه:https://youtu.be/1rYGkJ7ehOI

کابل کې د سولې استوګنیزې پروژې چارې په معیاري ډول روانې دي. بشپړه خپرونه:https://youtu.be/VylKq-1gF70

د خېښۍ، ودونو، مصیبتونو او همدراز له حج او عمرې څخه د راستنېدو پر مهال د ناسمو رواجونو د مخنیوي په اړه د عالیقدر امیرالمؤمنین حفظه‌الله تعالی فرمان! د نشر شمېره: ۱۲مه

شپږ ساعته د مرګ په تمه| مستند

په مالیزیا کې د افغانستان سفارت سرپرست نقیب‌الله احمدي، د مالیزیا د بهرني تجارت د پراختیا عمومي ادارې له اجرائیه رئیس داتو ابوبکر یوسف سره په کتنه کې د دواړو هېوادونو پر سوداګریز اړیکو بحث شوی. په مالیزیا کې د افغانستان سفارت وايي، په دې کتنه کې د افغانستان او مالیزیا ترمنځ د سوداګریزو اړیکو پر پراختیا، د مالیزیا بازارونو ته د افغان صادراتو په رسولو، په افغانستان کې د پانګونې پر فرصتونو، د دواړو هېوادونو د سوداګرو ترمنځ د اړیکو پر پیاوړتیا او په سوداګریزو نندارتونونو کې د متقابل ګډون په اړه خبرې شوې دي.