Gulyora's blog📚📚📚👩‍🎓

Tugʻilgan kuningni onangning qornidan chiqqan kun deb hisoblama; unda juda oz yashagan boʻlasan. Oʻlimni ham tuproq ostiga kirish, deb bilma; unda hech qancha yashamagan boʻlasan. Yashashni Robbingga “labbay” degan kuningdan boshla. Tugʻilgan kuningni oʻsha kun deb qayd qil. © Nuriddin Yildiz @uzlatiy

Men erining kamabagʻalligidan och qolib oʻlgan birorta ayolni bilmayman. Lekin boy boʻlgan fosiq, zolim erining qahridan, zulmidan oʻlgan, oʻlayotgan koʻplab ayollarni bilaman. Shunday ekan, qizingizni diyonatu axloqqa boy yigitga uzating. ©Ikrom Sharif

Majburiyat emas 1. Ertalab barvaqt turib darsga borish, o‘qituvchilarning gaplariga quloq solish, vazifalarni vaqtida bajarish, odobli bo‘lish, majburiyat emas. "Kelajaging muhim bo‘lmasa, majburiyat emas" 2. Ishda masʼuliyatli bo‘lish, senga yuklangan vazifalarni bajarish, tartibli bo‘lish, majburiyat emas. "Ish joyingda qolish niyat bo‘lmasa, majburiyat emas" 3. Sport bilan shug‘ullanish, to‘g‘ri ovqatlanish, kun tartibi tuzish, majburiyat emas. "40 ga kirmasdan cholga (kampirga) aylanmoqchi bo‘lsang, majburiyat emas" 4. Ota - onang gapiga quloq solish, ularni rozi qilish, majburiyat emas. "Shu darajada razil bo‘lmoqchi bo‘lsang, oxiratda jahannam olovida yonmoqchi bo‘lsang, majburiyat emas" 5. Majburiyatlar yuklanishi shart emas, ularni o‘zimiz anglashimiz kerak. Buni qil, yoki uni qil deyishlarini kutmang, axir hammamizning o‘z tafakkurimiz bor. "Alloh taolo odamzodga aql - idrok berdi" 6. Nimadir qilishdan oldin uni aql tarozisiga qo‘ying, yur ketdik desa ergashmang, buni qil desa to‘g‘ri ish qilyapmanmi deb o‘ylang. "Hayvonlar o‘ylamaydilar, chunki ularda ong yo‘q" Hayotda o‘z aqlingiz bilan ish qiling, chunki oxiratda ham, ular sizga javob berishmaydi. 🔷 Bizni ijtimoiy tarmoqlarda kuzatib boring: 👉 @samarqandyoshlari_uz

Nima bo‘lgan bo‘lsa, bo‘ldi, azizim, Ko‘nglingiz g‘ashlanib yurmasin, mayli. Payhon bo‘lganlarga tilangu to‘zim, Zarra g‘amga botmang bizlar tufayli. Bir dil og‘rig‘idan to‘xtamaydi vaqt, Daryolar ortiga qolmaydi oqib. Bir yurak hastayu, bir inson bebaxt, Kimdir isinmoqda jonini yoqib! Hammasi shu holos! Boshqa hech gap yo‘q, Kimnidir to‘rt fasli to‘zg‘idi, tindi. Kimdir kunlaridan mudom ko‘ngli to‘q, Kimdadir sinarli hammasi sindi. Nima bo‘lgan bo‘lsa, tugadi... Tamom! Tez yoqqan yomg‘irning tinmog‘i ham tez. Kimdir jon-jonidan sevadi hamon, Kimlardir bir bora eslamagan kez! Yonma-yon yurarkan shodlik va qayg‘u, Ishqni ishg‘ol qildi xijron degan yov. O‘ylamang, Xudoning ishlarida bu, Men sizga imtihon, siz menga sinov. Nima bo‘lgan bo‘lsa, tugadi... Tamom! Malika Tavfiq @yosh_kitobsevarlarr✨

QOʻShNILAR – Bu xonadonda uch qiz bor. Yoshlari oʻtib borayapti. Biroq bu ostonaga hali sovchi yoʻlamagan. Sababi… – Xoʻsh-xoʻsh?! – Har kuni bu hovlidan janjal shovqini eshitilib turadi. Darvoza choshgohda ham ochilmaydi. Koʻchaga haftalab supurgi tegmaydi. Qizlar oyna-taroqdan boʻshamaydi… – Himmm… – Unga qoʻshni xonadonda ham uch qiz oʻsayapti. – Xoʻsh-xoʻsh?! – Uchalasi ham universitetda oʻqishadi. Butun mahalla yaxshi biladi – uchalasi ham odobli, ustiga-ustak pazanda, qoʻli gul chevar… Xonadonda hamma yoq saranjom-sarishta. Qoʻni-qoʻshniyu mahalladoshlar qizlarni maqtab adogʻiga yetisholmaydi… Ammo… – Xoʻsh? – Bu xonadon ostonasidan ham sovchi hatlamagan. Haliveri hatlamaydiyam… – Ie? Nimaga? – Qizlar… “kontrakt”ga oʻqishadi… @yosh_kitobsevarlarr

🧠 "Quruq sahroni gullatish" uchun ham kitob o‘qing! Kuningiz xayrli va mazmunli, ko'p mutolaaga boy bo'lsin! 🤗

Nega kitob o'qish kerak? 📚📚📚📚📚 Inson hayoti davomida ko'p xatolar qiladi. Shu xatolar orqali yangi narsalarni o'rganadi, xulosa chiqaradi. Lekin xatolar bazida qimmatga tushishi mumkin. Kitob o'qish esa sizni ko'p xato qilishdan asraydi. Chunki kitobda siz  birovlarning xatosidan dars olasiz. Siz izlayotgan savollarga javob allaqachon topilgan va kitoblarga bitilgan. Sizdan esa o'qish qoldi xolos. @yosh_kitobsevarlarr✨

#хайрли_тонг Эгилган бошнинг залвори, елкаларга эмас юракка тушади. Тилагим хеч қачон бошингиз эгилмасин... Доимо бошингиз омон, қадрингиз осмон, юзингиз ёруғ, юрагингиз ойдин бўлсин Қадрдон. Ассалому алейкум!