ကဗျာအိမ်

မေ့မရခဲ့တာထက် မမေ့ရက်ခဲ့တာပါ အသက်ရယ် ဆရာအောင်ချိမ့်လို အသည်းနဲ့သူမို့ ကွဲခဲ့ရပေမဲ့ မင်းကြောင့်ကွဲခဲ့ရတဲ့ အသည်းကို ပြန်ဆက်ဖို့အတွက် မင်းနေရာကို အစားမထိုးနိုင်ခဲ့ဘူးကွယ်။ - မောင်လူပိုအေး

သူက ငါ့ကို ပေးပေး မပေးပေး ငါ့နှလုံးသားက ရပြီးသား ။ မဖြစ်နိုင်ဘူး ဆိုတာတွေ ဖြစ်ခဲ့တယ် ။ မတုံ့ပြန်သော အချစ်ဟာ ဩဇာ အရသာ လေးနက်မြဲ ငါ့မှာ မရသေးပေမယ့် ရခဲ့ပါပြီ ။ -အောင်ချိမ့်

🤍🤍

ကျွန်တော့် ဇာတာရောရှိသေးလား ကိုယ့်ကိုယ်ကို အချိုးမပြေကြောင်း မနေ့က သိလိုက်တယ် "ကျွန်တော့်ကို မီးပူတိုက်ပေးပါ"                             တာရာမင်းဝေ                           (ဝေသာလီပတ်ပျိုး) @DM

မရေရာတဲ့ မနက်ဖြန်တွေကြား သေချာမဲ့ လက်တစ်စုံကို ဖမ်းဆွဲခွင့်ပြုပါ ပန်းပဲပျိုးရ ဓါးပဲထမ်းရ မင်းဖက်က လက်ပြရင် သံဿရာအဆက်ဆက် တံခါးချပ်တွေ ရိုက်ချိုးခဲ့ပါ့မယ်။ -လင်းခက်

အကို ပြောဖူးသလိုပါပဲ ကမ္ဘာဟာ ဘယ်နှစ်ပတ်လည်လည် ဆန္ဒရှိရင် ကျွန်မတို့ တိုက်မိနိုင်တယ် မဟုတ်လား -နှင်းသရသွင်

ပန်းတစ်ပွင့် ပွင့်လာပုံကို စောင့်ရသလိုမျိုး ။ အလွမ်းနဲ့ဆိုပေမဲ့ လေးလံမနေတဲ့ နေ့ပေါင်းများစွာ ။ အေးအေးလူလူပဲ ကိုယ်နိုးထတယ် မျက်နှာသစ်တယ် အဝတ်လဲတယ် ပြီးတော့ သတိရနေလိုက်တယ် အရေခွံလဲထားတဲ့ မြွေလို တသွင်သွင်စီးတဲ့ ရေလို ။ တရားနဲ့ဖြေလို့မရတဲ့ အရာတွေဟာ တကယ်ရှိတယ် ။    -ဆူးရစ်နွယ်

လွမ်းတဲ့စိတ်သည် ရက်မရွေးကြောင်း။ - မောင်လူပိုအေး

ဒီကမ္ဘာမှာ ပန်းတွေ မပွင့်လည်း ဘာအရေးလည်း ကိုယ့်သေနတ်ကိုယ်ကိုင် ကိုယ်ပန်းကိုပျိုးပြီး ကောက်ကောက်ကွေ့ကွေ့ မြစ်ထဲ လူငယ်ဆန်မှု့တွေ မျှောချခဲ့ရတယ်။ -လင်းခက်

အခြေအနေတွေ ငြိမ်သက်တာနဲ့ ကိုယ့်မြို့ကလေးဆီကိုပဲ ပြန်မှာ လှိုင်းသံလေးနဲ့ပဲ အိပ်စက်မှာပါ ဆားငွေ့သင်းသင်းကိုပဲ ရှူရှိုက်မှာပါ အဲ့နေရာကလွဲရင် ဘယ်အရပ်ဒေသမှာ မှ ကိုယ်စိတ် မချမ်းသာ သေလည်း ကိုယ့် နေရာ ရှင်လည်း ကိုယ့်နေရာ ။ -နွေသစ်ငြိမ်း