تجارب 100 قدرات💯

السلام عليكم ورحمة الله وبركاته، انا عمر حاصل على درجه 100% في اختبار (القدرات العامة) وبشارك تجربتي معاكم👇🏻 طيب نبدأ بأول نقطة لي بإختبار القدرات 1- دخلت القدرات كأول محاول لي وانا حرفيًا ما ذاكرت ولا شي ولا اعرف وش هي القدرات وعلى وقت ما سمعت انه القدرات حظ وتأثرت بذا الكلام بكل ضعف ورحت احجز ويعنني اذاكر وانا اروح العب سوني اخرج كثير وشفت سلسله فهد التميمي ولا فهمت حتى نمت بنص الشرح وقمت العب بعد قلت يلا فيه وقت لما جا وقت اختباري كان بالمغرب وانا ادركت انه لازم اذاكر بالعصر يعني متخيلين لوين وصلت هههههه، المهم شغلت المعاصر مقطع واحد وخلاص قلت يعيال انا ذاكرتتت تعبت اجتهدتت محد قدي اخش الاختبار مو فاهم شي والله اضغط الخيارات واسوي التالي على عماها طلعت يسألوني كييف وش سويت اقول سهل معليكم آخر شي تطلع 60 ههههههه. 2- بعد ذي الدرجة جاني تحطيم قوي من كل النواحي من اهلي من اللي حولي من اخوياي (وين اللي كان يقول بذاكر وييين اللي كان يقول بجلد الاختبار وآخرتها ستين) اخذت ذا الكلام بخاطري كله وما وقفت هنا طبعًا تحمست لاني اخذت جلده على قفاي صحصحتني من غفوتي اللي كنت فيها ومن بعدها اشتريت "للكمي" (كتاب المعاصر 6 بلس) واشريت "للفظي" (كتاب هدفك 8 الطبعه الثالثه واشتركت بدوره ايهاب عبدالعظيم بـ 150 حولها واصلاً دورته ممتازه مرههه وكتابه مكمل له انه يخليك تتدرب لانه مقسم فيه (التناظر-إكمال الجمل-الخطأ السياقي-والقطع) يعني مره رهيب مخلي كل شي ورا بعض عشان تثبت بمخك وانت تحل وهذا اللي ساعدني فيه) المهم من بعد اشتراكي فيهم وكفاح وسهر وجد واجتهاد دخلت الاختبار وانا مبسوط جاني نموذج مذاكره كان الأزياء ومدري ايش نسيت بس حليت كثير عرفته والحمدلله جبت 87 ارتفعت 27 درجه وهذي اللي اعطتني بور ودفعه قويه جدا جدا جدا اني اكمل للـ 100 وما اوقف. 3- طبعًا بعد درجتي اللي هي 87 قدرت اني اكمل وارجع وانا فرحان وكانت درجه الكمي واللفظي فرق فواصل بس او نسبه وحده بس المهم بعد ما خلصت الاختبار الثاني رجعت اراجع واتدرب زياده اكثر واكثر ورجعت اختبر والحمدلله جبت 93 والصراحه زعلتني اكثر من 87 لاني ذاكرت مره كثير وتعبت مره اكثر من درجه 87 لكن برضه نقول الحمدلله ورضيت فيها بما اني دخلت 90+. 4- وأخيرًا وليس آخرًا من بعدها نزل كتاب المعاصر 7 بلس وكتاب 140 كنت ابغى بس 140 نموذج عشان اتدرب منه لانه كان منظم بشكل جبار ما شاء الله لقيت صاحبي الله يسعده مشتريه وبما انه لسه في مرحله تأسيس قلت آخذ منه 140 نموذج اتدرب عليه وارجعه والحمدلله وقتها سحبت على الناس كلها فتره ذاكرت اللفظي مذاكره جاده لانه آخررر فرصه محوسب وداخل بكل قواي العقليه يا جالد يا جالد مافيها كلام انا داخل اجلد وامشي جاي آخذ الـ 100 بآخر محاوله لي محوسب خلصت التناظر باللفظي بكتاب هدفك حق ايهاب عبدالعظيم وإكمال الجمل والخطأ السياقي بس القطع خلاص ذاكرتها من كتب الدوره حقته بس ما خلصت كل القطع سويت لي جدول 👇🏻👇🏻 الجدول يا طويلين العمر كان عباره عن آخذ نموذج كمي من 140 نموذج اخلصه اروح الحقه بنفس النموذج باللفظي في دوره ايهاب واحط صح في كتاب الكمي حق 140 وكتاب الدوره حق ايهاب عشان لو جاني النموذج اكون قيدي مذاكره كمي ولفظي عشان ما اقول يوووه ذاكرت الكمي وسحبن على اللفظي وجاني وكثير صارت للناس المهم خلصت من الـ 140 نموذج بس 50 نموذج ونفس النماذج خلصتها من دوره ايهاب 50 نموذج وقرب الاختبار رحت للتسريبات قبل اختباري رحت لتسريبات مظلة واذاكر بنفس الخطة كمي هنا لفظي هنا على طول والوقت ما اسعفني اني اختم كل التجميعات وذا اللي وترني خلاص رحت نمت وانا شوي متوتر اخاف ما يجيني من اللي ذاكرته وقبل انام توكلت على الله وصليت الوتر ودعيت فيها ربي ان لا يضيع لي تعب ولا سهر سهرته وجهزت نفسي بالصباح ورحت الاختبار وانا واااثق بجلده وشلت التوتر من راسي، المهم دخلت الجامعة ودخلت المقر حق قياس وانا مو خايف ابداً داخل مرووق ودخلت القاعه خلاص اختبر دعيت ربي يجيني نموذج جدًا سهل وفعلًا ربي ما يضيع تعب احد ابد ابد ابدددد اول ما فك معاي الاختبار صادفني سؤال كمي جدااا سهل منه عرفت وش نموذجي بعدين خلص القسم الاول بكلل سهولة خلصته وباقي ربع ساعة ممكن او 7 دقايق من كثر ماهو سهل الحمدلله وجاتني قطعة القدرات الدماغية حليت وانا اضحك ومبسووووط ودي اروح اعلم اللجنه كلها اني اخيرًا بقفللل وحليت كل شي بكل ثقه وواثق من حلي وكتبت بالسبورة حقتهم بإذن الله 100 والحمدلله يارب جبتها وطلعت من القاعه والابتسامة شاااااقه وجهي والله وشوي وابكي من الفرحة اللي انا فيها خرجت رحت توضيت وصليت ركعتين واحمد ربي كثير ودمعت بالسجود من كثر الفرحة الله يجعلكم تذوقو هذي الفرحة يااارب والله شعور الانجاز جدًا حلو غير فرحتكم وفرحة اهلكم فيكم وفخرهم فيكم

🌟تجربة 77: 👇🏻👇🏻

السلام عليكم ورحمة الله وبركاته -اللهم لك الحمد حتى ترضى ولك الحمد إذا رضيت ولك الحمد بعض الرضى- الحمدلله الذي بنعمته تتم الصالحات🤍 انا طالبة بصف ثاني ثانوي حبيت احكي لكم تجربتي في الحصول على درجة ١٠٠٪؜ في القدرات من أول محاولة -ما شاء الله تبارك الله- لعلي أفيد احد او اكون سبب في إلهامه وتحفيزه واجتهاده بعد الله سبحانه وانه يعرف ان لا مستحيل مع الله ثم الجد والاجتهاد🤍 بحاول اختصر لكم قد ما اقدر وراح اتكلم لكم عن: ١-المدة. ٢-المصادر. ٣-الطريقة. ٤-النصائح. أولا: المدة. المدة كانت أربع شهور شاملة التأسيس والتدريب وكلشي يعني قبلها ما أعرف ايش يعني قدرات (يعني انتو تقدرون بإذن الله). ثانيا: المصادر. تأسيس وتدريب كمي من دورة المنصف. تدريب لفظي من دورة هدفك مستر إيهاب. ثالثا: الطريقة. أولا بديت تأسيس الكمي وأخذت فيه شهر، بعدها دخلت دورة تدريب الكمي ودورة تدريب اللفظي مع بعض مدة ثلاث شهور، بداية كنت اذاكر نموذجين كمي ونموذجين لفظي باليوم وبعدها حاولت ازيد لحد ما وصلت قرابة الخمسة كمي وخمسة لفظي باليوم، كنت احضر حصة شرح النموذج سواء الكمي او اللفظي بعدها اختبر الاختبار المخصص للنموذج (الاختبار العادي) واذا اخطأت اعيد لحد ما اخذ في الاختبار ١٠٠، بس بعد النموذج العشرين تقريبا صرت ما احضر حصص شرح النماذج الكمي لان نفس الافكار وتنعاد فقط احضر شرح الأسئلة الي اغلط فيها اما اللفظي لازم نحضر جميع الحصص واذا ما كان عندك وقت ابدا فقط ممكن تتخطى شرح القطع والأسئلة المكررة، حرصت اولا اني انتهي من ال٧١ نموذج الاكثر تكرارا (موجود الملف الي مصنفهم في قروب المنصف على التيليغرام مع رقم النموذج عند كل دورة) واذا صار عندي وقت اكمل لكن ما امداني وما كملت ومع ذلك ولله الحمد حصلت على درجة ١٠٠٪؜، بعد ما خلصت ال٧١ نموذج كمي ولفظي طبعا بديت اراجع ولكن كيف؟ كنت اختبر النماذج بالاختبارات المحاكية (في بالدورة اختبارات محاكية نفس اختبار قياس تماما بالتنسيق والطريقة والوقت وكل شي) وكنت ما اترك النموذج الا وجبت في اختباره المحاكي الدرجة الكاملة (وطبعا ما يحتاج اعيد حصص الشرح)، امداني اخلص فقط مراجعة ٤٠ نموذج وما جاني من الي راجعتهم لكن جاني نموذج كنت مذاكره جميع اسئلته وعارفتها وفاهمة طريقة حلها، نماذج الدورة كانت بالاختبار نسخ لصق والحلو في النماذج أن الأسئلة تتكرر سو تكون متدرب على كل الأسئلة الي ممكن تجيك اوريدي. رابعا واخيرا: النصائح. ١-حط ببالك ان مش بمذاكرتك راح تجيب الدرجة الي تبيها ولا بالوقت ولا بالجهد، لان كنت افكر كذا بالبداية انا شخصيا اعرف ناس ذاكرو اكثر مني ومدة اطول مني ويحتاجو هالدرجة اكثر مني ودخلو محاولات اكثر مني ومع ذلك ما جابوها بعدين ربي الهمني افكر في ان الدرجة مش بالمذاكرة ولا بالوقت الدرجة بتجي من واسع كرم وقدرة وعون ربي وان المذاكرة والاجتهاد والتعب ما هو الا اثبات او برهنة لربي اني فعلا ابي هذا الشي عشان يحققه لي. ٢-الدعاء الدعاء الدعاء ودعاء الوالدين وفي شي ان لا تترك مساعدة اهلك وبر والديك عشان المذاكره بالعكس برهم هو البركة في مذاكرتك وبسببه ربي بيوفقك. ٣-لا تدعي بنموذج معين ادعي بالنموذج الي فيه الخير لك والي بيخليك تجيب الدرجة الي تبيها لان زي ما قلتلكم جاني نموذج ما راجعته ومش مذاكرته الا مره وحده وناسيته اساسا ومع ذلك هو الي كان فيه الخير لي. ٣-اجتهادك كيف يكون؟ لا تخلي اي مجال للتقصير والكسل وصلي استخاره لموعد اختبارك وابذل كل ما تستطيع وناجي ربك وقول يا رب انا بسوي كل الي اقدر عليه والنتيجة عندك يا رب العالمين وثق وتيقن ان ربي ما راح يخيبك وراح يرزقك من واسع كرمه وفضله. ٤-اخيرا ليلة اختبارك نام كويس جدا واحرص تكون نشيط ومصحصح وذهنك صافي ومروق ومركز واصحى قبل الفجر بشوي صلي ركعتين والشفع والوتر واقرا سورة البقرة كاملة وادعي ربك، وانت بالطريق اقرا سورة يس، وانت داخل الاختبار ادعي هذا الدعاء بيقين وفهم لمعناه: (اللهم اني اتبرأ من علمي وقدرتي الى علمك وقدرتك فأكرمني بما يسرني من واسع كرمك وفضلك) ووضح لربي انك تبي الدرجة تكون من كرمه وفضله مش من مذاكرته واجتهادك لان طبعا نعرف مين القادر ربنا ولا مذاكرتنا. وإلى هنا أكون انتهيت من سرد تجربتي المليئة بأيام الارهاق والصداع والكفاح ومحاولة الاستمرار وليالي السهر والتعب لكم واتمنى تكون فادتكم وحفزتكم وربي يرزق هذي الدرجة كل من رغب بها وسعى لها حق سعيها🤍🤍 واتمنى ما تنسوني من دعواتكم احصل على درجة ١٠٠ بالتحصيلي واياكم😣🤍

🌟تجربة 76: 👇🏻👇🏻

🌟تجربة 75: 👇🏻👇🏻

بسم الله والصلاة والسلام على الرسول حاب ابدأ بتجربتي طيلة السنتين الماضية بفضل الله ومنته وكرمه حصلت على هذي النتيجة ولولا فضل الله ثم مصادر الي ذاكرتها ماجبتها اول شيء بتكلم عن اول فرصة لين اخر فرصة لي لا تنسون ذكر الله {وَأَمَّا بِنِعْمَةِ رَبِّكَ فَحَدِّثْ} {قَدْ جَعَلَهَا رَبِّي حَقًّا} اول شيء اول فرصة لي ذي كانت ورقي اول محاولة وطبعًا اخذتها كتجربة قلت بجرب واشوف وكنت مذاكر شهرين تقريبًا فقط كمي وقلت اللفظي سهل بس علاقات يعني تتوقعون بجيب اعلى زين انها جت على ٦٩ بعد تعبت نفسيتي فترة تقريبًا قعدت ٨ شهور ماذاكرت!! حطيت براسي اني ما اقدر اجيب اعلى ووو لين اخوياي رصوا علي اذاكر وذاكرت تقريبًا شهرين كذا لكن كمي ولفظي وجبت بال٨٠ بعدها حسيت اني اقدر اجيب ليه ما احاول؟ حجزت باول ترم بثالث ثانوي وقعدت ثلاث شهور اذاكر وكنت ساحب على تسريبات وجبت الحمدلله +٩٥ لكن كان بقلبي ال١٠٠ كنت حاطها براسي دام اخوياي قدروا يجيبون ١٠٠ ليه ما اقدر؟ وفكرت وقريت قلت طيب لو لو ماجبتها فكرت ودعيت ربي وبديت بمشيئة الله تقريبًا كانت شهر ونص كانت فقط تسرييات ومراجعة وش الي كتبتها بالملاحظات كنت ايّ سوال ما افهمه اكتبه واحطه بالجدار وخلصت مراجعة تسريبات ٣٠ نموذج وكنت ما اواصل فيها وماشديت وخلصتها وباقي على اختباري اسبوع بديت اراجع وملف رسومات ومقارنات خلصته وراجعت رسومات مره ثانية حسيت يبيلي افهمه اكثر وباقي يومين على اختباري ذاكرت تسريبات مره ثانية وكنت اقوم الفجر لين العشاء فتره متواصلة لكن صلوات كنت ملتزم فيها والفروض والسنن والرواتب بفضل الله والمنّة وسورة يس كانت لها فضل كبير الحمدلله والتسبيح والتهليل والصلاة الإبراهيمية والحوقلة وسورة البقرة بفضل الله ثم فضل كل شيء قدرا اوصلها وكانت مرحلة صعبة جدًا ونفسيتي كانت متدمرة لا اطلع ولا شيء حتى المدرسة كنت ما اداوم الا قليل لكن الحمدلله فترة وعدت - لحد يستسلم ال١٠٠ الكل يقدر عليها ماهي معجزة ولا شيء لكن رتب اولوياتك ثم مذاكرة ونصيحتي وازنو بين كمي ولفظي وحاولوا تاخذون على اقل ٦ نماذج وتبدون كل شوي تزيدون نموذج نموذج وبعدها تتيسر .. وكنت اخش قروب المخفي التجارب واشوف اللي جابوا ١٠٠ كنت اقول ماشاءالله لو اجيبها وش يصير والحمدلله وتذكروت فرحة اهلكم فيكم كيف بيكون شعوركم ماشاءالله تبارك الله -ماشاءالله تبارك الله- مصادري كانت المعاصر للكمي ، و ارجح للفظي اكاديمية الرابح وايهاب نسخ لصق جدًا وبفضل الله ثم تسريبات المظلة ماكان جبتها وفي ختام الموضوع لا تيأسون ومعكم ربي ماراح يخيب ظنكم دام توكلتوا عليه واجتهدوا واجتهدوا والله انها ايام مُره وتمر ان شاء الله دعواتي لكم ان شاء الله الكل ١٠٠٪؜ ، دعواتكم بالتحصيلي ال١٠٠ .. #طلاب_المخفي

🌟تجربة 74: 👇🏻👇🏻

اللهم لك الحمد حتى ترضى ولك الحمد إذا رضيت ولك الحمد بعد الرضا 🤲🏻🤍، أخيرًا تحقق الحلم وانتهت رحلتي مع القدرات بعد كفاح استمر لمدة سنة و 6 شهور (4 محاولات)، وصملت لين وصلت الحمد لله ♥️، (جاني نموذج البصمة والمطاط💯) المهم بحاول أعطيكم النصائح والمصادر اللي ساعدتني للوصول لهذه الدرجة وبإذن الله تستفيدون وتدعو لي 😇، أولًا :- المصادر 📚: 🔸كمي : 1-التأسيس : انصحكم وبقوة في دورة المنصف لتأسيس الكمي شاملة فيديوهات وشرح واختبارات و بتغنيك عن أي مصادر ثانية للتأسيس بإذن الله. 2-التدريب (النماذج) : انصحكم بدورة المنصف للنماذج لأنها أدق وأفضل نماذج موجودة حاليًا وشاملة جدًا وفيها اختبارات محاكية ومراجعة للأخطاء وشيء جميل جدًا ومتعوب عليها، وهذا رابط دورات المنصف : https://t.me/ELmonsef10 🔹لفظي : 1-التأسيس : أشوف ما يحتاج تقدرون تكتفون بالنماذج بس إذا حبيتم أنصحكم بدورة إيهاب عبد العظيم للتأسيس. 2-التدريب (النماذج) : طبعًا أنصحكم بدورة إيهاب للنماذج لأنها أفضل نماذج وأدق أسئلة للقسم اللفظي شاملة وبتغنيك عن كل شيء وشرح الأستاذ جميل جدًا وفيها اختبارات محاكية وقروب مناقشة ومتابعة باختصار حلال فيها كل ريال، وهذا رابط دورات إيهاب : https://t.me/hadafak_online 🟡 ملاحظة : في جميع الدورات المذكورة خذو أحدث دورة متوفرة بوقتكم، وصراحة هذه المصادر عن تجربة هي أفضل شيء لاختبار القدرات المحوسب صح أنها كلها مدفوعة بس والله تستاهل وعلى ضمانتي واعتبروها استثمار لمستقبلكم. وبالنسبة لخطة المذاكرة في قناة فيها بوتات تعطيك خطة حسب وقتك وقدرتك مفيدة جدًا اسمها منصة مفتاح تقدر تمشي مع أي بوت يناسبك بعدين في الأخير تشوف بوت ليلة الامتحان برضه من عندهم فيه أهم الأشياء اللي لازم تراجعها قبل الاختبار (التسريبات والتقفيلات والمراجعة النهائية وإلخ..)، وهذا رابط منصة مفتاح : https://t.me/MEFTA7Q ثانيًا :- النصائح 🎯 : 1-خلصو من القدرات بدري (من ثاني ثانوي) عشان ما تنضغطون في التحصيلي. 2-لا تختبر ورقي ابدًا وتغلط غلطتي وغلطة كثير. 3-لا تروح تختبر وتقول بجرب تكفى خلص مذاكرة كل شيء واستعد أتم الاستعداد بعدين اختبر عشان تقفل على القدرات من أول محاولة بإذن الله وتفتك من بدري. 4-حط لك هدف وخطة والتزم فيها وأهم شيء الاستمرارية وعدم الانقطاع. 5-لا تهمل اللفظي أو الكمي وتقول سهل ما يحتاج مذاكرة انتبه لازم تذاكر القسمين وتوزن بينهم. 6-خذ وقتك في تأسيس الكمي وافهم كل النقاط ولا تروح للنماذج إلا وانت فاهم كل شيء في التأسيس لأنه مهم جدًا جدًا. 7-قبل ما تبدأ في المذاكرة يوميًا راجع اللي درسته بالأمس عشان تثبت المعلومة عندك وحط علامة عند كل سؤال استصعب عليك او صوره بجوالك عشان ترجع لهم بعدين وتراجعهم (مهمة جدًا هذه الخطوة). 8-حل كويزات في أوقات الفراغ بتفيدك وبتعودك على سرعة الحل. 9-أي شيء ما فهمته لا تسحب عليه أسأل في قروبات التيليجرام بيفيدونك ان شاء الله. 10-طبعًا لازم تحافظ على نفسك من ناحية أكل ونوم ورياضة وعبادة وحاول توزن بينهم في يومك، وانصح بالمذاكرة في الصباح يكون هدوء والوقت فيه بركة والعقل مصحصح، و ودي اتفصل في موضوع العبادة لأنه غير حياتي حرفيًا، حاولوا تحافظوا على الصلوات الخمس في المسجد قدر المستطاع ولا تنسوا الأذكار طبعًا أذكار الصباح والمساء وبعد كل صلاة و سورة البقرة والوتر داوموا عليها يوميًا فيها بركة عظيمة وتيسير وأجر كثير. 11-تأكدو انه انتم عليكم السعي فقط والتوكل على الله أما النتيجة من الله سبحانه وتعالى, وما بصير أي شيء إلا اللي مكتوب لك، ولا تحزن اذا ما جبت الدرجة اللي تتمتاها وأقبل بقدر الله وتذكر دايمًا الآية : قوله تعالى : (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ). 12-لا تشتت نفسك بكثرة المصادر ولا تتوتر ابدًا في الاختبار، وفي الاختبار أي سؤال تحله حاول لا تغير إجابتك في المراجعة الا اذا تأكدت انك غلطان وراح تختار الإجابة الصحيحة؛ لأن هذا الشيء هو اللي ضيعني ف البداية. 13-لا تستسلم أبدًا ولا تسمع للكلام السلبي حاول تسعى حتى توصل للهدف. وبس والله آسف على الإطالة، كذا قلت كل اللي في خاطري ان شاء الله أكون أفدتكم و ساعدتكم وان شاء الله يا رب يوفقكم ويحقق لكم ما تتمنون، ولا تنسوني من دعواتكم في شهر الخيرات 🌱، ان شاء الله أجيب 100 في التحصيلي وتتحقق أحلامي يا رب 🤲🏻🤍. أي أحد عنده أي سؤال أو استفسار يتفضل الخاص مفتوح : @M7MD_XD3GG

🌟تجربة 73: 👇🏻👇🏻

السلام عليكم بحاول اكتب لكم اغلب النصائح الي ساعدتني اجيب هذي الدرجة بفضل الله ثم بفضلها أكثر مما اذكر لكم مصادر دراسة بس قبل كل شي الشغله هذي نصيب وفي ناس تدرس أكثر وما تجيب ال100 مو يعني انه اذا انت ما حققتها يعني غيرك درس أكثر منك بالآخر نصيبك هذا 🤍 ما رح اطيل عليكم نجي للمصادر : الكمي 📕 التأسيس للكمي 📌 طيب كيف نتأسس ؟ ادرسوا كتاب المعاصر وخذوا حقكم بالوقت لانه هذي اهم مرحلة مهم جدا ما نطلع من التأسيس الا وكل جزئية في هذا الكتاب اتقناها 📍 التجميعات او النماذج يكفي جدا للكمي عشان تجيب 100 انك تدرس ال140 نموذج بس في خطأ يسووه بعض الناس انهم يحاولوا يحلوا اكبر قدر يقدروا عليه من الاسألة يا جماعة التدريب يثبت المعلومة بس ويخليك اسرع اذا قعدت تحل اسألة كثير وفي كل نموذج تقريبا تغلط 5 اغلاط او 6 يعني واضح عندك مشكلة بالتأسيس طيب ايش الحل؟ الموضوع ابسط مما تتخيل وحرفيا حل هذي المشكلة اني كنت اي سؤال اغلط فيه اشوف عنوان الدرس حقه وارجع ادرسه من كتاب المعاصر (التأسيس) ومرة على مرة بتلاقي كل نقاط الضعف عندك اختفت 🤩🤩 عشان كذا انا انصح دايما خصوصا بالكمي اي جزئية نغلط فيها نرجع للدرس حقها بالمعاصر (كتاب التأسيس ) ورح تشوفوا كيف رح تقل اخطائكم بشكل صادم ! اغلاط وقت دراسة الكمي انتبه تسويها 🛑❌ لا تقطع ابدا وتقول باخذ راحة اسبوع دافعيتك رح تقل اضعاف ورح تنسى كثير اشياء ورح تحس نفسك طلعت من جو القدرات حرفيا اذا مر عليك سؤال ولاحظت انه في كل مرة تغلط فيه حتى بعد ما تعيد الشرح ضروري ما تعدي السؤل كذا سوي قروب لك على اي تطبيق وانا افضل التلجرام وارسل عليه كل سؤال مستعصي يمر عليك وراجعها من فترة لفترة مهم جدا يكون عندك جدول ولازم يكون على قدك لا تتحمس وتحط شي صعب لانه بينتهي فيك الحال انك تنجز ربعه وتفقد الأمل وتوقف حط ببالك انه طريقك بالقدرات يمهد لك طريق اسهل بالتحصيلي ولما تلاقي نفسك متمكن بالكمي رح يساعدك لقدام بالحسابات بالفيز والكيم والرياضيات بعد ! ممكن الاوقات الي توصلوا اخركم ومو قادرين تدرسوا تحلوا كويزات ( في مرحلة التجميعات فقط ) من باب التغيير بدل لا تدرسوا من الكتاب ( بس لا تطولوا فيها لانه الأصل من النماذج ) تغيير طريقة الدراسة مفييييد جدا ما تتخيلوا كيف نجي الان للفظي الي كان عقدة 📗 نصيحتي لكم يا اخوان ومافي ابسط منها التكرار والتكرار والتكرار والله اذا قعدتوا تعيدوا نماذج اللفظي أكثر من مرة وفعلا تعطوها حقها بتوصلوا مرحلة انه نماذج اللفظي كاملة ما تاخذ منك يومين دراسة الشي الوحيد الي اقدر افيدك فيه باللفظي انه ترا له تأسيس مثله مثل الكمي ولازم نفهم كل العلاقات كويس ونكون دقيقين عالاخر بالتفريق بينها عشان نتميز 🤍 بأكد عليكم مرة ثانية انه لازم نراعي الدقة لانه في كثير اسألة تتشابه واعتقد كلكم لاحظتوا وترا اللفظي مثله مثل الكمي لازم تعطيه وقته وحقه كامل لا تقول هذا سهل وتسحب عليه بالآخر يعتبر نصف الدرجة الله يوفقكم لا تنسونا من دعواتكم وترا لا تستلم من اول ولا تستعجل النتائج الشغله تحتاج صبر والواحد ما يعرف انه رح يحقق هذا الشي الا اذا حققه فعلا فاصبروا واحتسبوا الأجر، اذكروني بدعوة حلوة زيكم 🫡🤍

🌟تجربة 72: 👇🏻👇🏻

معرف كلكم تعرفوني أو لا،، لكن أتمنّى حقيقي انكم تضمّو اسمي بين دعواتكم في ظهر الغيب بإني أجيب 100 تحصيلي وأدخل الجامعة اللي اباها 🤍 ادعولي معاكم لُطفًا🤍 لعلّكم أقرب منّي إلى الله🤍😔

معرف كلكم تعرفوني أو لا،، لكن أتمنّى حقيقي انكم تضمّو اسمي بين دعواتكم في ظهر الغيب بإني أجيب 100 تحصيلي وأدخل الجامعة اللي اباها 🤍 ادعولي معاكم لُطفًا🤍 لعلّكم أقرب منّي إلى الله🤍😔