المها

حيل الله أقوى مابقى في يدي شيّ ‏مافيه حل ٍ في يدي .. ماذخرته ‏حاولت لكن المحاصيل هيّ هيّ ‏الطير طار ولا بقي الا شجرته ‏وقفّت أشوف شويّ وأغمّض شويّ ‏واللي أنكسر في خاطري ماجبرته ‏لين الحقت شمسي على بارد الفيّ ‏وشفت أن كل اللي جمعته خسرته

وانا الله خلقني ماقبل الذِّل والتهميش ‏لو اخسر طموح العمر واغلب علاقاتي

‏تزاحمت الأحرف وهاج البوح وأشتدّ الشعور ‏ترعى مجرّة راسي .. أفكار وكواكب أخيله ‏ثار الكلام وأنتصر له فارس الحرف الغيور ‏دوّر على آخر نفَس للصمت عايش وأقتله! ‏أثبت وتحتي الأرض تركض والليالي في دبور ‏أرسم على وجيه الدفاتر إنهيار الأسئله ‏وحيد ! لا حولي بلاد .. ولاغياب .. ولاحضور ‏متبعثر : أشبه في حطام حروب ودموع أرمله ‏زاهدٍ برغبات العمر وأحارب الظلمة بنور ‏كريم نفس .. يجمّل أيامه وهي ماتجمّله ‏فريد .. لو مالاقي إنصافي ولا أحب الظهور ‏ألا بسحر ان مرّ من حول الجمال .. يكمّله ‏خاف الهدوء من مرّت غيوم الهوى فوقي مرور ‏ترجّل الحزن بـ وسط جوفي .. وبرّك رحّله ‏تتصادم أصداء الصخب في داخلي وأصمد وأثور ‏وآخذ زحامي عن زحام الناس حولي وأعزله! ‏أثر خطاوي الذكريات ببالي و حسّ العطور ‏يرجّع الخافق لـ نبضه .. بالليال الأوله ‏احلم وقلبي يكفخ جناحه إذا حسّ بسرور ‏طفلٍ تحت وبل المطر يركض عشان يبلّله ‏تتصحّر آمال العمر وتيبّس أغصان الصبور ‏ان كبّر احلامه وعلّقها بصحيبه وأخذله! ‏ياصاحبي شف خطوتي في عزفها صمتٍ وجور ‏وسوالفٍ شوّه ملامحها الغياب ( مكبّله ) ‏تتكابر الحيرة .. بهقواتي .. وشرهات الصدور ‏وعتابي اللي برسله لك .. وأتردّد .. وأهمله ‏تلمع لك عيون الحنين وتشتعل نار الغرور ‏وانا مقامي .. ما يعلّيه الغياب أو ينزله ! ‏ما أعرف اتوسّط ولو أتوسّط فـ بعض الأمور ‏تبطي الليال ولا توجهني على أرضٍ ممحله ‏تبي نسافر للجفا او نملي الدنيا حضور ‏إذا كذا ولّا كذا .. أنا ماعندي مشكلة

"ابي دربٍ يوديني بعيد عن مدى الآهات ‏وابي حاجة تنسيني سبايب قوّة الضربه"

( علاقات سطحيّه .. حياه صحيّه )

في عزّ سجتي وهوجاسي بأن يا بني آدم لا تعض يد إنمدت لك بيوم من الأيام .. كادت إنّ تراودني مشاريه على بعض من كنت أظنهم أقرب لي من هدبّ عيني ومن ظلالي ‏ولكن «شرهت قدم رجلي على ساقي» ‏ياعسى أيامكم ماتعودّ وجعلها ماتسقى ‏نشرهه على بهيمة تثاغي ولا تلحقكم مشاريه منا و أشهد إن حتى مشاريهي على مثلهم ( واااااااجد )

لا تعاتبني على الصمت مدري وش اقول ‏ضايقٍ خلقي من الناس و اولهم انا ‏كل ما قربت برتاح من شيل الحمول ‏شلت في قلبي مدارات و أحباب و عنا ‏كنت واهم يوم اقول انها شدة و تزول ‏الهنا هناك متراكي و انا واقف .. هنا

صباح الخير للكل إلا إلليّ ناسي إن: ‏" الحوبة تبطي بس ماتخطي "لا صباح ولا خير له عندنا

‏والله إني . . كل ماجيتك و أنا متكدر ينشرح صدري و أعود طيّب و متعافي

"أنت دوا كبدي..لو إني عايش في كبَد"

بدايةً من : "اول الوقت متحرص وحذري شديد ‏خابرًا حيلة المحتال ما تنطلي" لكن تجري الرياح بما لا تشتهي السفن.. ‏ وينتهي بك المطاف تردد : ‏"واصبح عنادي المزعوم قطعة جليد ‏وسط تنور نار تطبخ وتغلي"

وش هالصبح الملتاع ‏وش هالحنين اللي بلا طاريّ

من سنين الطفولة لضياع المصير ‏كان حلمي أطير .. وطار عقلي فقط

وانا اشرب شاهييّ واسمع قصايد الغبر وبنص الهواجيس طرى في بالي بدون سابق إنذار " لا برد فنجال وصلك .. لا تسوقه صّوبي " بمعنى لا تجيني بعد مايبرد شعوري ويهدا غضبي تجاهك ويموت عتابي ، إحذر تخطي خطوة وحده تجاهي بعد ما ركدت نيراني ومابقى منها إلا رمادها

غرورك تمتّع به على اللاش و المسكين أما أنا نظام الغطرسة ، ما يناسبني

محدٍ يخلّيني على مفرق طرق ، أنا الطريق من أوله .. لين آخره

ما عاد وصلك .. يستحقّ إجتهادي ‏يعني بالعربي فارق

كم طمرنا زله وكم تجاهلنا سفيه ‏وكم حشمنا ناس والله ماهي تنحشم ‏وكم نجامل من وجيه لجل خاطر وجيه ‏وكم نقّدر خشم ماله سوى فركة خشم

أكره الكذابين و اكره اصحاب اليدين البخيلة اللي ما تمد لك الا عشان تمن عليك ،و شحيح الصدق ،والنفوس الردية يارب ياذا الجلال والاكرام كما باعدت بين المشرق والمغرب باعد بيني وبينهم .. اللهم امين

صبحكم الله بالخير أما بعد .. كل ما اشتدت قسوة الأيام أتصبر بـ قصيدة مساعد وهو يقول " الشمس بكره رغم أنف الدجى شارقة" - شارقة شارقة يامها ماغير تصبري