𝐀𝐥-𝐦𝐮𝐚𝐥𝐥𝐢𝐦 akademiyasi

✨Assalomu alaykum va rohmatullohi va borakatuhu ✨ Qur'on shaydolari! Al-Muallim akademiyasi kanalining  va Safo-ta'lim Ayol-qizlar guruhi qadrli a'zolari ))) Bugun  sizlarni 22:00da bòladigan darsimizga taklif qilamiz. 🫴🪐 Muhammad Ayyub Hanafiy Ustozimiz va'da qilganidek xos guruhlarida bòladigan darslarini, Safo ta'lim Ayol-qizlar maktabi guruhida ovozli chatda òtib beradilar. Sizlar bemalol darsga kirib eshitib tinglashlaringiz mumkin. Eslatib òtaman tinglash bepul.👂 Qur'on tilovat qilganda, uni tinglanglar va jim turinglar, shoyad, raxmatga erishsangiz. Arof surasi 204-oyat

‼️ Ашуро кунининг рўзасини тутишни унутманг! 📅 28 июль – жума куни Муҳаррам ойининг 10 куни – Ашуро кунидир. ☪️ Расулуллоҳ соллаллоҳу алайҳи васаллам: “Ашуро кунининг рўзаси – Аллоҳдан умид қиламанки – бир йил олдинги гуноҳларга каффорат бўлади”, деганлар (Имом Муслим ривояти). ❇️ Ибн Аббос розияллоҳу анҳу айтадилар: “Расулуллоҳ соллаллоҳу алайҳи васалламни Ашуро куни рўзасини Рамазон ойи рўзасини кутиб соғингандек, бошқа кун ва ой рўзасини кутганларини кўрмадим” (Имом Бухорий, Имом Муслим ривояти). 📌 Расулуллоҳ соллаллоҳу алайҳи васаллам Ашуро куни рўзасини тутиб, одамларни ҳам бу куннинг рўзасини тутишга буюрганларида, саҳобалар: “Ё, Расулуллоҳ! Бу кун яҳудий ва насронийлар улуғлайдиган кун-ку!” дейишди. Шунда Расулуллоҳ соллаллоҳу алайҳи васаллам: “Аллоҳ хоҳласа келаси йил тўққизинчи куни ҳам тутамиз”, дедилар. Аммо, келаси йил келмасидан Расулуллоҳ соллаллоҳу алайҳи васаллам вафот этдилар (Имом Муслим ривояти). 🕌 Уламоларимиз Расулуллоҳ соллаллоҳу алайҳи васалламнинг ушбу ниятларига эътиборан, Ашуро кунига қўшиб бир кун олдинги ёки бир кун кейинги кунда ҳам рўза тутмоқ афзал дейдилар. ⏰ Оғиз ёпиш ва очиш вақти (Тошкент вақти билан): 🗓 9 Муҳаррам - 27 июль - пайшанба ⏱ Саҳарлик (оғиз ёпиш) вақти: 03:37 ⏱ Ифторлик (оғиз очиш) вақти: 19:48 🗓 10 Муҳаррам - 28 июль - жума ⏱ Саҳарлик (оғиз ёпиш) вақти: 03:38 ⏱ Ифторлик (оғиз очиш) вақти: 19:47 🗓 11 Муҳаррам - 29 июль - шанба ⏱ Саҳарлик (оғиз ёпиш) вақти: 03:40 ⏱ Ифторлик (оғиз очиш) вақти: 19:46 🤲 Нияти: Холис Аллоҳ учун нафл рўза тутишни ният қилдим. ‼️ Ғафлатда қолманг! Ашуро куни рўзасини тутишни ўтказиб юборманг! @Andijon_Rais

Абу Ҳурайра розияллоҳу анҳудан ривоят қилинади: "Набий соллалоҳу алайҳи ва саллам: "Ким илм талаб қилиш йўлига тушса, Аллоҳ унга жаннатнинг йўлини енгиллаштиради. Қайси бир қавм Аллоҳнинг уйларидан бирида жам бўлиб, Аллоҳнинг Китобини тиловат қилсалар, уни ўзаро ўргансалар, албатта, уларнинг устига сакина тушади, уларни раҳмат ўраб олади, фаришталар қуршаб оладилар ва Аллоҳ уларни Ўз ҳузуридагилар қаторида зикр қилади", дeдилар". Имом Муслим ва Абу Довуд ривоят қилганлар. Илмларнинг энг аввали, дунё-ю Охират ҳовлисини ўзининг ёрқин нури билан обод этувчи , гуноҳ ва маьсиятлардан қорайиб, қотиб кетган бу қалбларни юмшата олувчи илм бу - Энг Олий бўлган Зотнинг Китоби Олий Қурьон илмидир. 🌺Ким ўз ҳаётини мана шу илмни ўрганишга бағишлар экан , унинг даражаси ҳам Буюк Аллоҳ наздида буюкликка кўтарилади. 🌹"Ўқи ва кўтарил" деган нидони эшитгач, у инсон учун дунё ҳаётидаги қийинчиликлари унут бўлади, Қурьон илмини олишдаги машаққатлари эса ўша кунда унга роҳат бўлиб қайтади , биизниллаҳ.

Ey, volidam! (Monolog) Onani tushinish, onalikni anglash haqida... https://t.me/+bRD_J5a12JU5ZGNh | 🎧

ҲИЖРИЙ ​ЯНГИ ЙИЛИНГИЗ МУБОРАК БЎЛСИН! Эслатма! 2023 йилнинг 19 июль куни – янги 1445 ҳижрий йил – Муҳаррам ойи бошланишининг 1 кунидир. 🌙 Муҳаррам ойи қандай ой?   Муҳаррам ойи – мусулмонлар тақвимининг биринчи ойидир. Бу ой Аллоҳ таоло уруш, қон тўкишни ҳаром қилган (Зулҳижжа, Зулқаъда, Муҳаррам, Ражаб) тўрт ойнинг бири бўлиб, унинг ўнинчи куни яъни, ашуро куни алоҳида фазилатларга эга. Ашуро қандай кун?   Бу кун ҳақида Расулуллоҳ соллаллоҳу алайҳи васаллам: “Бу шундай яхши кундирки, бу кунда Аллоҳ Бани Исроилни душманларидан қутқарган. Шу боис Мусо алайҳиссалом бу кунда рўза тутган. Мен Мусога кўпроқ (яқин бўлишга) ҳақлироқман”, дедилар ва у кунда рўза тутиб, одамларни ҳам унинг рўзасини тутишга буюрдилар” (Имом Бухорий ривояти). Ашуро куни рўза тутиш ўтган бир йиллик гуноҳларга каффорат бўлади. Бу ҳақда Расулуллоҳ соллаллоҳу алайҳи васаллам: “Ашуро кунининг рўзаси – Аллоҳдан умид қиламанки – бир йил олдинги гуноҳларга каффорат бўлади”, деганлар (Имом Муслим ривояти). Бу кун яқинларга кенгчилик қилиш, бир йиллик кенгчиликка сабаб бўлади.   Абу Саъд розияллоҳу анҳудан ривоят қилинади. Набий соллаллоҳу алайҳи васаллам: “Ким Ашуро куни аҳли аёлига кенглик яратса, Аллоҳ унга йил бўйи кенглик яратади”, дедилар (Имом Байҳақий ривояти). Суфён ибн Уяйна раҳматуллоҳи алайҳ: “Бу ҳадисни олтмиш йил тажриба қилдим ва фақатгина яхшилик кўрдим”, деганлар. Ашуро кунини Расулуллоҳ соллаллоҳу алайҳи васаллам қандай ўтказардилар?  Расулуллоҳ соллаллоҳу алайҳи васаллам бу кунни ўтказиб юбормаслик учун қаттиқ ҳаракат қилардилар, унинг савобига эришиш учун бу куннинг келишини интиқлик билан кутардилар. Бу ҳақда Ибн Аббос розияллоҳу анҳу айтадилар: “Расулуллоҳ соллаллоҳу алайҳи васалламни Ашуро куни рўзасини Рамазон ойи рўзасини кутиб соғингандек, бошқа кун ва ой рўзасини кутганларини кўрмадим” (Имом Бухорий, Имом Муслим ривояти). Абдуллоҳ ибн Аббос розияллоҳу анҳудан ривоят қилинади. Расулуллоҳ соллаллоҳу алайҳи васаллам Ашуро куни рўзасини тутиб, одамларни ҳам бу куннинг рўзасини тутишга буюрганларида, саҳобалар: “Ё, Расулуллоҳ! Бу кун яҳудий ва насронийлар улуғлайдиган кун-ку!” дейишди. Шунда Расулуллоҳ соллаллоҳу алайҳи васаллам: “Аллоҳ хоҳласа келаси йил тўққизинчи куни ҳам тутамиз”, дедилар. Аммо, келаси йил келмасидан Расулуллоҳ соллаллоҳу алайҳи васаллам вафот этдилар (Имом Муслим ривояти). Уламоларимиз Расулуллоҳ соллаллоҳу алайҳи васалламнинг ушбу ниятларига эътиборан, Ашуро кунига қўшиб бир кун олдинги ёки бир кун кейинги кунда ҳам рўза тутмоқ афзал дейдилар. Manhajuz

💫 DIQQAT E'LON💫 Assalomu alaykum va rohmatullohi va borakatuhu Qur'on shaydolari! QADRLI AL-MUALLIM akademiyasi va Safo ta'lim Ayol-qizlar maktabi guruhi a'zolari sizlarni va yaqinlaringizni bugun QUR'ON TILOVATI KECHASIGA chorlab qolamiz. ✨ Qur'on tilovati kechasida AL-MUALLIM akademiyasi tolibalari tomonidan Sara Qiroatlari bilan Qur'on tilovat qiladilar. Barchangizni bugun 21:00 bòladigan ONLINE voice chat Qur'on kechasida kutib qolamiz. Yaqinlaringizga ham bu postni ulashish esdan chiqmasin. 😌 Kanalimiz:https://t.me/al_muallim_quron Guruhimiz:https://t.me/Safo_Ta_lim_ayollar_guruhi