قناة مشكلتي

انا تزوجت وحبيت زوجتي وحبتني ولي منها ولد ولكن حصل خلاف مفاجئ وكبر الموضوع و حصل الانفصال ومافي امل للرجعه وانا متألم جداً وحزين من الي صار وافكر ابدا حياه جديده وزواج جديد سؤالي هل بقدر انسى الماضي والذكريات مع زوجتي الاولى💔💔 ابغى نصايحكم وتجاربكم لاني بمرحله صعبه

‏⁧انا تملكت واحس مافيني شعور فرحه كانه حلم مافي شعور زي شعور عروسه بيوم ملكتها تفرح احس عادي بارده واعصابي مو مشدوده ولا فيه خوف ولا توتر بس كل الوقت افكر بالمسؤوليه هل احد يابنات صار لها كذا مثلي

السلام عليكم ورحمة الله وبركاته انا مملك قبل خمسه ايام متى ابد اراسلها العرس ممكن بعد خمسه شهور وكيف ابدا معها مراسله ايش الموضوع اراسلها واتس اول ولا سناب ايش الافضل مشكلتي اني استحي واخاف من ردة فعلها تكون عكسيه. شكراً لكم

‏السلام عليكم ‏تهاوشنا انا وزوجي ولعن اهلي ورفصته وقعدنا نسب بعض انا ماقهرني الا يوم لعن اهلي ايش التصرف الصحيح اطنش واتجاهل ولا اروح بيت اهلي؟

زوجتك خرجت من البيت بدون علمك وعندها اطفال وتعملك بلوك من كل مكان ولا ترد وتطلب الطلاق انت ماتضربها ولا تشتم فيها ولا تقصر بحقها وصاين بيتك بسبب مشاكل هوشة عشان كم مشوار ولو كانت مشاكل عاديه يعني نسمعها بكل بيت هل تروح لها تراضيها ببيت اهلها او تخليها علما اهلها اكيد يوقفون معاها وهل الزوجة اذا بتخرج من بيتها تخرج لاسباب اكثر من كذا المفروض ولا لا

‏انا بغربه ومقدره زوجي ومقدره ظروفه ومحترمته حتى بالهوشات الحاصل انه كل ماصار نقاش حتى لو بسيط يصارخ علي ويمد يده ويسبني وانا ساكته ومتمسكه ببيتي ‏وقلت له ابغاك توديني بيت اختي قال تخسين وتعقبين وطلع اتصلت قلت له تعال ودني ما ابغا اعاندك قال لو طلعتي ماترجعين طلعت وبعد مارجعت يسحبني يقول اطلعي من بيتي وانا رفضت وتراضينا وهو معلق عالموضوع هذا لدرجة لما كان مداوم ٢٤ ساعه اتصلت عليه قلت له بروح لقريبتي اللي تبعد عن بيتنا عمارتين وهو يعرفهم قال ماتروحين ‏ حاولت نتفاهم رافض ويقول انتي خدامه عندي تخدميني واخر الشهر اعطيك ٥٠٠(المصروف) ويقول ابغا اادبك واقفل عليك باب الشقه لو طلعت قلت له لو شب البيت نار او صارت حالة طواريء الرجال راكب راسه مررره قلت له هذي بداية النهايه ورحت لاهلي والحين شايله هم مدري وش السواة ما ابغا بنتي يربيها رجال غريب غير ابوها ولا ابغا اظلم احد لا البنت ولا الاب واحس مقدر على الفراق وبنفس الوقت الموضوع ماينصبر عليه ابد انا اللي اصرف عالبيت وفرق هذا معامله سيئه جداً فكرت اسكن بنفس مدينة اهلي وهو يجينا كل ويكند كحل وسط وش رايكم 💗

‏السلام عليكم ‏مشكلتي ان زوجي متعلق في اخته بشكل مو طبيعي وهذا مضايقني يصور لها طلعاتنا يحكيها عن مشاكلنا ، وهو شايف الشي هذا جداا طبيعي ، وفوقها طول الوقت يقولي انا مطفر مطفر واذا احد طلبه فلوس مايقصر معه، مشغول في دوامه ٢٤ ساعه و مايهتم فيني ولا يفكر يجبلي اي شي واذا فكر لازم يستشير اهله او يكون ذوقهم ولي فتره عند اهلي مافكر يرفع السماعه ولا يتصل يتطمن وفوقها اتفاجأ انه مسافر ومخبي وعرفت بالصدفه ويقول من حقي ايش دخل استاذنك والا اعطيك خبر. ‏ايش الحل ؟

السلام عليكم انا زوجتي فتحت جوالي وتلقفت على خصوصياتي ايش التصرف الصحيح معها هل انا غلطان لو طلقتها ولا لا ، علما ان اهلها واقفين بصفها ومو راضين يحلون الموضوع ابي شوركم يالعاقلين حسبي الله فيها

أنا احب بنت عمتي لكن هي مطلقه وانا باقي م تزوجت عمري ٢٥ وهي ٢٤ واهلي رافضين منهم الوالده بس موافقه اخواني اخواتي الوالد يقولون انت توك صغير تاخذ مطلقه بس هي م عندها اولاد يقولون انت كيف راح تسلم من كلام الناس والله اني ف حيره واستخرت اكثر من مرا اني ف حيره

‏انا لي متزوجه من ثلاث شهور لكن ملاحظه يمارس معي العلاقه بشكل قليل جدا يعني في الأسبوعين مره وحده هل هذا طبيعي او لا.

‏سلام مشكلتي عروسه شهرين وزوجي حرفيًا بارد برود لا كلام ولا رومانسيه ولا شي حتى مايقرب مني وفوقها دوامه بعيد عن منطقتي لاسافر مايدق ولا يسال عني ولا يتطمن علي مايشوفني شي بحياته وهذا حنا تونا عرسان 😔 ف احد مثلي ولا ماحبني

‏انا كنت نايم الظهر والعيال وامهم ببيت ابوها ، اتفقت وياها توصلهم بيت ابوها وترجع يعني مشوار ساعتين ، قومتني وقلت له بصحى الحين وقلت لها حطي الغدا قالت تمام انتظرك تحت ‏لما قمت نزلت مالقيتها وكانت في قطه بنتي فوق الكرسي !! اتصلت لها اسالها وينك قلت يمكن فوق قالت انا بالطريق ! قلت ومن صحاني ؟ تقول مب انا وتحلف ،، شيكت عالاتصالات قلت يمكن متصله مافي شي ‏هل القطه ممكن تكون جنيه ؟

معاناتي عروسه شهرين وزوجي حرفيًا بارد برود لا كلام ولا رومانسيه ولا شي حتى مايقرب مني وفوقها دوامه بعيد عن منطقتي لاسافر مايدق ولا يسال عني ولا يتطمن علي مايشوفني شي بحياته وهذا حنا تونا عرسان ف احد مثلي ولا ماحبني

مشكلتي أني من أيام الثانوي تقريبا وأنا احل مشاكل اخواني مع امي دخلت نفسي بمشاكل اهلي شلت هم كل اخواني ولاني كنت قريبه من امي كنت اعرف كل صغيره وكبيره عنهم وعن مشاكلهم اهملت نفسي وصارت افكاري مشوشه فيهم تعبت وتعبت نفسيتي كثير ولما أنا مريت بفتره صعبه ماحصلت احد واقف جنبي من اخواتي وخواتي بالعكس محد يحس بمعاناتي وطلبت من امي تنام عندي لما نفسيتي تعبت حصلت أقسى الكلام من اختي تتمسخر انو امي نايمه عندي حسيت لحظتها بالضعف كان نفسي امسكها واقول أنا وش جالسه امر فيه بس ماقدرت احس اني ندمت كثير أني ضيعت وقتي وتفكيري وكنت طيبه زياده عن اللزوم والحين ما أشوف احد شال همي الكل منشغل بحياته كيف اقدر أسامح نفسي إني ما اهتميت فيها؟ واني أشغلت تفكيري بشي أنا مالي علاقه فيه وكيف ابني شخصيتي من جديد وما أتدخل فيهم وفي مشاكلهم شخصيتي صارت هشه وضعيفه بسبب التراكمات ابغا ارجع اقوي نفسي من جديد وارجع اهتم بنفسي وحياتي

‏كيف اعرف ان زوجي شاذ ؟ عندي عدة مواقف وانتم احكمو..قالي بشهر العسل انه افترق هو واعز اصحابه وبعدها صاحبه قرر يتزوج قالي انقهرت كان ودي اقهره واقدم زواجي قبله بس سبقني ! وقالي برضو قبل الزواج قطع الاسواره الي جابها صاحبه له وبشهر العسل اقترح اننا نشتري سواره ونطقم وشريت وبس رجعنا دبر لقاء مع صاحبه ولبسها يسوي هالحركات عشان يقهره وبشهر العسل السوالف عنه يقول هو رجع من شهر العسل وسافر مع اخوياه اكيد انه مو مبسوط صح ؟ يبغى وجهت نظري بالموضوع عشان يتطمن وبس رجعنا بشهر قالي بسافر مع اصحابي ورفضت + مايهمه اذا لبست او كشخت احس اني جالسه جنب بنت مو رجال وشغله الشاغل يدور اخباره وانبسط انه تعيس بزواجه !

انا لي شهر بالضبط متزوجة وللحين زوجي مادخلي علي اسال متابعينك شسالفة ليش يسوي كذا قسم بالله ماكذبت بكلمة

‏اسألكم بالله الرجال والنساء المتزوجات جاوبو بكل صدق وامانه هل الرجل في الاربعين يكون ضعيف جنسياً؟ مملكة على رجل عمره ٤٠ يموت فيني وانتظرني سنين ماتزوج حتى وافقت عليه ولكن عندي مخاوف عن هالموضوع لان الناس يقولون لي ذا ما عاد فيه حيل ‏وكيف اعرف لو ضعيف او لا ايش العلامات

‏تزوجت الحمدلله ومبسوط وماديتي زينه وكل ماسافرت انا وزوجتي امي وخواتي يقولون لي لاتدلعها بزياده مع اني اسافر فقط مره بالسنه هل صحيح اذا دلعت المرأه بزيادة وماتقول لها لا اذا طلبتك شي تصير ماتحترمك !

‏ثلاثيني ومستواي المادي جيد، شايل فكرة الزواج من راسي لأني مرتاح كذا بعيدا عن المسؤولية والمشاكل. كيف أتصرف مع ضغوطات الاهل في هذا الموضوع؟ ووش بيستفيدون من زواجي

أنا تزوجت بنت ناس وحبيبة وجميلة ولطيفة لكن اكتشفت بعد الزواج إنها ماعندها معالم أنثوية: صدر و..والشي هذا مضيق صدري ومحسسني إني ما استفدت من الزواج وأيضا يسبب لي مقارنات غصبا عني. ولا احد يقول ليش ماقررت من الشوفة لإنه ماكان باين واصلا ماطولت بالشوفة سؤالي: هل ممكن تظهر المعالم هذي بعد الزواج ؟وكيف أقنع نفسي وأتقبل الأمر الواقع لانه مستحيل أطلق عشان هذا الشي خصوصا إنها كويسة بباقي الأمور؟