قناة مشكلتي

‏انا متزوجه من ثمانيه شهور وصار بيني انا وزوجي نقاش فجاء قالي انتي ما راح تطولين عندي كيذا بصريح بالعاده يقولي اني كملت سته شهور مثلا او سبعه شهور وانا ما استمتعت ولا حصل حمل واطنش فجاءه امس قالي كيذا انا بصدمه ما نقاشته تنصحوني اناقشه بعد يوم من المشكله ولا ما ينفع

أتمنى كل عضو موجود لا يتدخل برأي الشخص الثاني كل شخص يطرح وجهة نظره الخاصه فيه

‏أصبَحنا وأصبحَ الملْكُ للَّهِ ربِّ العالمينَ، اللَّهمَّ إنِّي أسألُكَ خيرَ هذا اليومِ فتحَهُ ونصرَهُ ونورَهُ وبرَكتَهُ وَهداهُ، وأعوذُ بِكَ من شرِّ ما فيهِ وشرِّ ما بعدَهُ. (رواه ابوداود)

‏مشكلتي مع زوجي علاقتنا كأني صديقه وياخذ بالشهور مايقرب مني ابد ما كأني زوجته مع انه يحبني ويقدرني بس الوضع هذا مرره مضايقني ما احسني متزوجه نهائي ولا في اي مشاعر اللي تحصل ببن الازواج ف ايش الحل ؟ 😤

‏مشكلتي زوجتي لاتطلب العلاقة بيننا إلا نادرا ‏هل هذا فطري أم متعمد ‏وكيف أعالج هذا الشيء اذا كان له علاج؟

‏قبل كم سنه خطبوني ناس وطلبت الام تجي هي وبنتها يشوفوني قبل يشوفني ولدهم ولما شافوني رفضو ، وقبل فتره تكرر معي نفس الموقف مع خطيب ثاني جت امه واخته شافوني ثم رفضوني قبل هو يشوفني! مع ان اهلي استقبلوهم استقبال طيب وانا الحمدلله ماينقصني شي لا شكليًا ولا أخلاقيًا ومن عائله سمعتها طيبه ‏انا الحين كرهت موضوع اني أطلع عالأهل واتخذت قرار أي خطبه مستقبلا بطلع للولد نظره شرعيه قبل اهله لكن كيف نوصّل لأهل الخاطب هالفكره وهل ممكن يتقبلون ان الولد يشوف قبل امه؟

‏⁧ سؤالي :وجهة نظركم من زواج رجل عمره ٥٧ والبنت ٣٤ ‏ولكم الشكر

‏زوج اختي ضرب اختي ويوم عرفت رحت ضربته بقوة وأبوي وأمي زعلوا مني يقولون وش دخلك واختك اصلا راعية مشاكل وتستاهل الضرب وخله يكسر رأسها ويأدبها ‏والآن أبوي وأمي مايكلموني لهم ايام غضبانين علي ايش الحل؟

بعد الملكة بشهرين مناسب ازور خطيبتي ؟ وش افضل وقت وش يصير في الزيارة ؟ وكيف اسلم عليها أبوسها او من بعيد؟ ابي اعرف كل شيء عن الزيارات

‏⁧ ⁩ انا متزوجة لي خمسه سنوات لكن ماقدرت احبه هو طيب ومايخالف معاي وماهو مقصر بشي بس عجزت عجزت احبه وش اسوي بيننا بنت وحده شورو علي مابيننا حب فقط احترام مااحسني احبه ولا بيننا مشاعر لكن هو عموماً مو مقصر ب اي شيء هل الحب ضروري ؟

السلام عليكم انا اتزوجت بالحب ونا كان عمري 16 ولكن صار حياتي ازق من تاني لانه ما بيعطيني شي بس وقت النوم يجي جمبي ما اعرف ايش اسوي ولا يكلمني زين وما يبي يشتغل وا جالس ف بيت اذا اقول له اشتغل ما يبي اعطوني هل اسيبه ام اقعد معه لكني جيت ف حاله اكتئاب ما اعطاني لا مهر ولا شي وساكنه ف فنادق وكل شوي يذلني قدام ناس ماذا ❓ تنصحوني

خطيبي اصغر مني بسنه وثلاث شهور الصراحه احبه وأبيه ورجال ماعليه قاصر ابد وهو راضي ويشوف انه عادي بس مدري هل هذا الشي يأثر بالنسبه للرجل؟ انه ياخذ وحده اكبر منه ولو حتى بسنه بس؟

‏انا منفصل من طلقيتي واجيب عطور وملابس برندات لبناتي وحده عمرها سنتين والثانيه عمرها 4 سنوات واعطيهم حتى الالعاب والهدايا والصدمه توني اكتشف ان امهم ترميها بالزباله ولاتعطيهم هذا وانا اشوفهم كل اسبوع يوم واحد 4 ساعات من مركز شمل زياره وش رايكم بتصرفها؟؟

‏⁧ انا خطبت وشفت البنت بالشوفه الشرعيه وكنت وقتها مركز عالبنت وقلت هذي بتكون زوجتك وركزت بكل شيء وشفتها كويس وعجبتني وقتها وبعد الشوفه بفتره نسيت ملامحها وودي اشوفها مره ثانيه لكن صعب اطلب بيكون احراج وصرت خايف تكون ماعجبتني لأني نسيتها وش رايكم؟

‏⁩ انا ملكت ودخلت معها بشوفة وصورنا والحمد لله عجبتني البنت وسمعتها طيبة وبعده خزنت رقمها و خزنت رقمي اشوفها بالحالة و تشوفني بالحالة الواتساب لكن فيني خجل اكلمها وينصحون ان لااكلم ولا اراسل لان فيها مشاكل و تظهر امور خفية في غنى عنها وش رايكم ؟؟؟

‏⁧ وش الحل مع الزوجه اللي تجيب خواتها عندها من اسبوع الي اسبوعين؟ وبيتي شقة ضيقة

‏السلام عليكم ‏صديقتي متزوجة وزوجها انسان محترم وطيب معاها ومبسوطة في حياتها الزوجية لكنها تشتكيني دائما من مزاح زوجها مع اصدقائه بحيث مزاحه يكون اباحي وغير لائق وهذا الشي بيجرحها ويضايقها .. سؤالي ماهو سبب هذا التصرف وهل صحيح اغلب الرجال كذا ؟! ‏( الا مارحم ربي )

السلام عليكم ايش الحل مع زوجي هو يصرف ماانكره بس لو خلصت سريع يقول ماله دخل ومايرضي يجيب لي. وكمان مثلا لو تداينت وقلت له يقولي مالي دخل. كل ما جيت اكلمه ونتفاهم يرفض ويطنش ومايرد ويقولي يلي مايتعدل يتبدل! !! معه احد ثاني بحياته او هاذ مجرد شك؟ ؟ اش الحل معه ترا عجزت افهمه واقوله اني مالي الا هوو جاب او لا مصيره يصرف علينا ترا معي واطفال بنت وولد واالانفصال صعب

‏⁧ انا متزوجة من سنتين ونظام جلستنا حنا وأهل زوجي سوا ونكون بعباياتنا ومتسترين بديت الاحظ اخو زوجي يحاول يلفت انتباهي بأي شكل من الاشكال لدرجة ينتظرني امشي ويقوم يمشي جنبي ويغني عشان يوريني ان صوته حلو واذا بيسأل عن بنتي يكلمني انا رغم ان زوجي بجنبي فوق ذلك كانوا يلعبون لعبة وزوجي قال اسمي. والمستفز ذا وقف وقعد يردد اسمي بصوت واطي بحيث محد يسمعه الا انا ‏اقسم بالله اني مرعوبة منه اخاف احد يلاحظ واخاف اكلم زوجي يبدأ يشك فيني انا. شلون اتخلص من هالمعتوه قبل ما يجيب لي باقعه!

انا رجل تزوجت من بنت عمي وللاسف الشديد رفضو ان اشوفها بحجه انها حييه جدا واعطيت اخوها الهديه يوصلها لها وحاولت اتواصل معها وللاسف الشديد لم تتواصل معي ع طول وتحجج بان الجوال لوالدتها وهي لاتستطيع اخراج جوال الا بعد زواجها وتقبلت هذا العذر الغير مبرر وحاولت اتأقلم لعلها تتحسن الامور وبعد دخلتي تفأجت بنحفها ولون بشرتها قمحي وتقبلت هذا بأحترام ولاقلت لها اي شي بل كتمت بصدري ولكن للاسف عند طلبي الحق الشرعي اصطدمت جدار رفض تام فحاولت اكثر من ٢٠ يوماً وهنا قررت الانفصال لراحتي النفسيه بعد معالجة الموضوع مرارا وتم الانفصال والحمد لله فتزوجت بأخرى والحمدلله والان بخير ونعمه واما الاولى لازلت غاضب عليها لأنها ظلمتني واتعبتني نفسياً وامور اخرى حسيه ومعنويه والان هي نادمه وتتمنى رجوعي ولكن نفسي طابت نهائياً مع انني دفعت حدود ١٠٠ وتركت هذا لأجل علاقات عمي ووالدي تستمر كما كانت عليه اما هي لااستطيع ان اسامحها وجعلت حسابها ع رب العباد اتمنى عدم التجريح