1 540
Subscribers
No data24 hours
-147 days
-11130 days
Posts Archive
1 540
تم حذف جميع الصوتيات من القناة وداعا للموسيقى والاغاني واللي ماهو مسوي للقناه كتم يكتمها الازعاج ماهو زين حتى انا كاتمنها ^_^
1 540
Repost from الدار
حين اظلم الليل اخو حسان قال اهوا
اهوا على الوضع ذي كرهني العيشه
من زود همي نزلت الشيشه اتقهوا
عساي بالشاي ازيح الهم والطيشه
يا عم ناصر ابا لي شاي لين اروا
قال ابشر ...وقال مالك قالب الريشه
قلت اجلس اخبرك بالامر والدعوى
واسال وانا اجاوبك يا صاحب الشيشه
قال اين لصحاب عنك تدحن البلوى
وين الذي تبعد الضيقه مطاريشه
فقلت ؛ لصحاب حد مرهم وحد عدوى
حد سيف بيدك وحد بيدك كلابيشه
ما بين خنجر به اكباد العدا تكوا
او خنجرن من دمي يروي معاطيشه
منهم عرفت الذي يسوي وما يسوى
في الميه واحد بقي ما تم تغشيشه
آجدد الشاي؟ قال...وقلت له ايوا
يا عم ناصر ترى في العقل تشويشه
قال ابتسم لا تشيل الهم واتقوى
دنياك عشها ياخو حسان تطنيشه
قلت ادري انها دنيه ما بها رجوى
بس الشقا حظ تقصفني كواديشه
قال اشرب الشاي...قل لي بس هل تهوى؟
قلي عن الحب؟ قلت الحب تحريشه
فقال ؛تكره؟ قلت ؛ انسان يتنحوى
منكر جميلي وناسي الملح والعيشه
قال؛ اش حصل في بلادك؟ قلت حرب اهواء
صار الوطن سجن والشيطان شاويشه
قال انت مع من وش مبداك والمنوى
فقلت ؛ شاعر ولكن تم تهميشه
مانا مع اللي بقتلي اصدر الفتوى
ولا مع اللي يبيع ارضه ببخشيشه
خلاص يا حاج ناصر بس لا جدوى
بي جرح لا عاد توجعني بتنبيشه
سافرت لا مصر لجل اغير الاجواء
ما ودي اعيش ذي كنت امس انا اعيشه
عادك تبا شاي؟ قلت ايوه مع السلوى
واسمع نصيحة فتى طايع دراويشه
لا تشتكي للذي ما يفهم الشكوى
ولا تستمع للذي تكثر هواميشه
والان يا عم ناصر ودي المضوا
وقال ؛ با ننتظر لك غد في الشيشه
فقلت؛ باجي...ولا تسأل عن الفحوى
ما فات فات انتبه تكشف مغاميشه
قد هي مية حق شاهي وانت تتلهوا
خلاص مليت يكفي لا تقل ليشه؟
مليت من كل شي حتى من الحلوى
والشعر قررت من ذلحين تبليشه
فالشعر ما جاب لي في عمري الرفوى
لان البلاوي تجيني من خراطيشه
يالله يالله يامن تسمع النجوى
يا منشي الغيم تحيينا طشاطيشه
راجيك سترك وجنب قلبي الإغوا
شر المزايين جنبني تناويشه
وانا من القوم ذي تقدي ولا تغوى
احرار صيت النقاء ترفع معاريشه
مرداس
