مُهَشَّم

وأنا لولا مشاعرنا و ضحكة وجهك البرّاق ‏جفيت الشعر و دروب الكلام و ماتت أحلامي

"من عرفتك وأنا اشوف الناس بطرف عين.. أحس إني ملكت شيٍ ما يملكونه"

رد قلبي للدفا للصبح وأحلامي القديمه ‏لليقين إن أجمل أيام العمر فيما تبقى ‏للكلام اللي عثت به شر خيبات الهزيمه ‏لين ما خيّم عليه الصمت وحروفه تتقّى ‏ردني للفجر الأزرق يوم للضحكات قيمه ‏تنتشي فيني قصايد حب لو قلبي مشقّى -ردنا يا رب

يا طيوفٍ كل ما مرت على درب الرجاوي ‏قمت أخايلها وأنا كفّي من الوصل مغسولة

خبني بين حد الصحو ونعاسها ‏لحظةٍ فارهة لين أتساقط رطب ‏لحظةٍ وارفة تذبحك بإحساسها ‏كنها تبعدك عني وهي تقترب ‏هاتها يابعد عمري بعد ناسها ‏ضحكةٍ ما تمر شفاك ما تنحسب ‏عاد لا ريّع النعناع بأنفاسها ‏لعنبو شعر ذاك الوقت ما ينكتب

"معاك أدوّر ما يجر السوالف والقصيد ‏ومع جميع الناس حتى الكلام يكودني"

أستغفر اللهَ ربّي في مُناجاتي ‏فهو العليمُ بآثامي وزَلّاتي ‏وهو الغفورُ، ولي في عفوِه طمعٌ ‏إذا بَسَطتُ له كفَّ الضَّراعاتِ ‏ما لي سِوى بابِه بابٌ ألوذُ به ‏إن ناء ظهري بأوْزارِ الخَطيئاتِ

حتى وهو شامخ وقاسي ورجال ‏يذوب .. لا ضمّة يدينك .. يدينه ‏وشلون لو عرّج .. على حبة الخال ‏واركى على خدك .. وغمازتينه !

الليالي مالها وجهٍ ضحوك ومسفهلّي ‏غير لامنه بدا لي خدك اللي فيه شامة

"يوم جاء وجهك صباحٍ فيه مال الضيق داعي جادت الدنيا سلام وسافرت بالعين قرّة"

لا تمد كفك للكفوف الردية ‏ولا تسوق رجلك للذي مايدانيك ‏وخلك خوي مايخلي خويه ‏وافزع لمنهو جاك بالضيق ناصيك ‏وخلك كريم وافي بالعطية ‏والطيب والاحسان أول مباديك

سقت عمري دون وجهك والحزن ولّت سنينه ‏ بين ضحكات الدروب وبين نشوات الهقاوي ‏من عرفتك وأنت محراب الشعور وقبلتينه ‏ يتجّه لك كل حس و يهتدي بك كل غاوي❤️

‏من راح جعله مايعود اليّا راح ‏خل الغشيم يلاعب الريح خله ‏دام القلوب صحاح والخطر صحّاح ‏ماني على ما قيل طراد زله

"فتحت لوجهتك صدرٍ يشوف إنك سما وآفاق ‏قبل لا أعرف خوافي خطوتك في سرمد أيامي"

أشوف لك من وين ما رحت ذكرى ‏لا شفتها صدّيت عنها ودنّقت ‏ما كل جرحٍ لا خذا أيام يبرى ‏بعض الجروح يزيد شره مع الوقت

"مافي فؤادي غير بسمات وجروح ‏ومافي لساني غير مطلع قصيدة"

ليلة طويل الهدب تنعس وتسريني ‏وأنا نجومي هجاج .. وجمرتي حيّة ‏أهذب عسيف الهوى والشوف يغريني

"ضايقٍ صدري ولا أدري وين اروح ‏كل ما حاولت اسلي نفسي ما قويت ‏إن شكيت الهم تزداد الجروح ‏وإن كتمت الحزن من همي بكيت"

"فمان الله والعبرة تراها عدّت الخاطر فمان الله يا أغلى من بغيته ولا جاني"