مُهَشَّم

"طريد أنا من ذكرياتك وملحوق ‏هذي سواياها معي كل ليلة"

ما بلّ ثوبك مطر شوقي ولا بلّك لو علتك من سحاب الروح وسميّه

"محبتك ما هي الا نعمة من الإله ‏أشوف تاثيرها في وجهي المبتسم ‏سبحان من جابك لروحي بداية حياه ‏و خلا وجودك مثل شيٍ يردّ النسم"

"تزِلّ الدّروب.. ولا سلا قلبي، ولا زال ‏غريبٍ يدوّر -في طرف ضحكتك- ديرة" – محمد السلطان

القلوب اللي ولد فيها الطموح وشيّب ما حداها الا ليالٍ شيبت في لحاها ‏كل ما نسنس عليها من الحنين هبيّب ‏حرك الذكرى القديمة جوفها وأشقاها

"ان وصلك كتاب منّي وشمّيت العبير لا تخليني من الكلمتين الشافية"

معك اتجرد من مبادي تربت فيّ ‏وانا الثابته الي ماتغير مباديها ‏اداريك من ضيقك واحنّك من ادنى شي ‏وانا ما تلفت للخواطر واداريها ‏ولا أعاتب غير الساعه الي تجيبك لي ‏تجيبك ولا هي راكده في ثوانيها ..

يا حسافة ‏لا عمر يمدي ‏ولا تهون المسافة ‏مابقى في تالي الخطوة .. طريق ‏وما بقى في زحمة الصحبة رفيق ‏كل تنهيدة بغصة ‏و كل ظلٍ ‏صرت اخافه

تعبت من الصحيح من الخطا يارب ‏تموت اوهامنا .. ويعيش ذابحها ‏"معي صيحة طفل، تحتاج آذاني أب ‏وسط نبرة رجل، و الطفل صايحها" ‏أنا احس المطر يمطر عشان نحب ‏واذا اني ما نسيت اشلون اسامحها؟! ‏وش تشوفون لا طاح السحاب وصب؟ ‏" انا اشوف السماء تمطر ملامحها "

حبيبي .. مالقى البردان لجروحك دفا وضماد سوى نار الثمام من الحروف ورمث قرطاسه كسرها في نجر باله حمسها والهوى وقّاد على جمر القوافي قلبه البردان محماسه يبي تشرب عيونك دلته والهيل والميعاد "ولا وده تنحَّى .. والغريق يوزع انفاسه"

"في ليلةٍ .. من ليال المربعانيه ‏ضفيتها مثل بزرٍ في طرف بشتي"

عن نسيم البرد والليل روحي في ذراك ‏كل ليلة فالشتا معك .. ليلة دافية ‏من يعيش سنين عمره على ضفّة غلاك ‏مايبي غير الرضا .. والعفو والعافيـه

رفيق العمر، ما جاد القصيد ولا ملاه شعور ‏وانا من ليله الفرقى لمحت الياس بـ أعياني ‏هذاك الليل ‏ما باح المفارق صدري المستور.. ‏توادعنا، وانا احبك تموت بطارف لساني !

‏ماللسهر عذر تلتمسه .. يدين الليال ‏لو كان عيني على كثر الخطا دامحه ‏هب الهوى غصن روحي بانتظارك ومال ‏ياليتني قبل اعاتب جرحك .. مسامحه !

إلين الفجر تعبت المساري لين قل الحيل تقديني هواجيس السهر وتتوه دروبي أنا تعرفني أرصفة الطرق وأشجارها والليل كثر ماهيب تجهلني النوايا وقلب محبوبي

‏"لمحتك كنّك الحق المبين، وكنت أنا التخمين ‏وكتبتك حلمٍ أكبر من قصيدي وأعظم أحلامي"

"يارب عشان خاطري – لا تخلّي اللي بخاطري"

ما زانت الديرة الا من مجيّك وجاي ‏والا من أول سماها يشبه ترابها"