مُهَشَّم

‏اغطي الجرح الصدوق بضحكة الوجه الكذوب ‏وأنا أدري انّه لو تمر بْه النسايم عّرته

‏جمّل مباديك .. ما دام العمر لا يزال ‏بكره تدور الليال و تلوي شدوقها ‏المسك محدٍ لقاه الا فـ بطن الغزال ‏و الطيب ما حرجتْه له ناس في سوقها ‏كم واحدٍ فوق الارض وما لذكره مجال ‏وكم واحد تحت الارض وسيرته فوقها

يا عطر الصبح.. مرّت نسمة طيوفك ولا مريّت جعل صبحٍ يجيبك ما أعدم ريحانه و شيحه

غديرٍ عليه الناس صادر وورادي اعيفه لو انه من زلال المطر يسقى انا غايتي ومناي ودواي ومرادي مذاقٍ على غيري صعيبٍ ولا يلقى

أسافر على متن السحَابة، وأدفّ الريح ‏ورى غربتك وآخر منازلك، وبلادك ‏وأمر الليالي بـ الطواريق والتجرّيح ‏لا جاد الزمان بكل طعنة، ولا جادك ‏أعرفك وأعرف انّك عمر مايبي توضيح ‏يطول المدى؛ ماخانت البيد ميعادك ‏عسى ليلةٍ فيها من الشكّ والتبريح ‏فدى ليلةٍ فيها مجيّك ومعوادك

ألا ياقمر يوم اكتمل نورك الوهّاج ‏تذكرت محبوبي وأنا ادور السّجه

أطهر من الضحكه اللي في عيون الصغار وأعذب من النسمه اللي مع صلاة الفجر

ودّي اسرق من جيوب الوقت ضحكات وأماني ‏ودّي انسف أول الأوجاع — في مطلع قصيدة!⁩

كل ما هبّت على قلبي نسانيس الليالي ‏قمت احسّب ماكسبت من الحياه وماخسرته ‏وأتذكر مكسبي واللي غدا من راس مالي ‏وأتذكر كل حلم ما هدمته لا عمّرته ‏وأتذكر كم غدالي من صديق وكم بقالي ‏وكم صديق حافظ بـ كرّته وصّد وضاع كرته

عطني يدك ونهيم مع كل نسّناس ‏للغيم، وأرصفة الطرق، والأغاني ‏وأحلامنا لو يمسي بقلبها ياس ؟ ‏صبحٍ يغيب -وباكر يطل ثاني-

"يا أجمل من تراحيب المعزّب في عيون الضيف ‏يا أرقّ من الحنين بذاكرةٍ عشق طواه الياس"

"حياته على عز وتوفى وهو مستور غادر وهو محبوب والناس يبكونه"

إجتهد للحلم و لكل مجتهد نصيب ‏ولا خلك تنتظر وش تجيب لك الصدف ‏حقق أحلامك لو الحظ والواقع كئيب ‏ولا تراخى لين تاقف على باب الهدف ‏ماحدٍ جاته حياته بعفويه وطيب :( ‏جات بالجهد المضاعف وملعنة الجدف

انتصب قدام حسّادك بْـ بيض الهدوم ‏لو ماعندك لـ أهل بيتك شراب ولا طعام ‏عش بلا ياس وتشائم .. لو تعيش مْحروم ‏من زرع حسن البدايه جنى مسك الختام ‏واعرف ان تحقيق الاهداف وادراك الحلوم ‏بالكثير من العمل —— والقليل من الكلام !

مدام ان جانبك شام لجنابي وانت عني شمت ‏كثر خيرك .. وانا مانيب لاجايع ولاضامي

شفيك يا صدري علامك تضايقت ‏و الناس تضرب في سعتك المثايل ‏افا يا صدري ضقت من جاير الوقت ‏خابرك يا صدري تشيل الثقايل

يا راحة البال وين القاك وآهاتي صواديح؟ والبارحة قيض، والليلة شتات، وبكره أوهام