مُهَشَّم

"ودعتني توديع.. بارد وهادي كن الفراق الي يروِّع، سهالات"

تذكّرني.. أنا أشعلَت الشموع لْظلمتك بإصرار ‏لا تنساني إلى طلَّ الصباح، وطفيَت شْموعك

أقاوم بالصبر سرب المواجع كل ماهاضي على باقي ربيعٍ في مساحة قلبي المفتوح وانا لا خِلت برقٍ في سِما ليل الأمل ناضي حَيَا بعضي وبعضي من تباريح الأسى مذبوح

أذكريني نار بدوٍ في لياليك العتيمة ‏وقبل أشد ركاب جرحي كنت أبشد إنتباهك ‏يا إنتصاري في طريق الفقد، ودروب الهزيمة ‏حالف إني لا ارسم البسمة على طارف شفاهك

يجيب الليل من مبسم خلود وضحكة المنساب سيوفٍ تحت لمعات البروق إن جات مسلولة سريتك والسماء ليلة وداع.. وقلبها مرتاب وخذيتك وجهةٍ؛ عن غربة الأرواح مجهولة ماهو من طبعي أملّ المدينة واتبع الغيَّاب أنا يوم إني اتبع ضحكتك لي عام وشهو له؟

لاني قادر أعاتب.. ولاني قادر الوم انا رهين الصمت لا ضاق صدري

يا ذعاذيع الهبوب اللطيفه كل ليل ‏لاطفي صدرٍ ماتبرد ضلوعه لاطفي ‏ْ ‏لو قدرت اجمع مابين السهل والمستحيل ‏كيف بجمع عقل ناضج وقلبٍ عاطفي؟

"خذيت من رف المواقف زاد ومن الشعر قوت اسريبها عن وحشة الدنيا وعن جور العتب"

العشرة اللي صابها قل تقدير/نكسي لها ثوب الفراق يحشمها

"سامح الله ظلمها وطعونها الخضر النديه والله يسامح خناجرها ويعفو عن خطاها"

"سامح الله ظلمها وطعونها الخضر النديه والله يسامح خناجرها ويعفو عن خطاها"

يناديك همس الغيم والماطر الهمّال ‏وجمر الشموس وبارق الليل والقمرا ‏وقف لك حنين الأمس وقفة رضا وإجلال ‏وطاحت قِدَمْك آخر حصوني من الذكرى ‏تغرّبت في نظرة عيونك وهي منزال ‏وأنا كمّ مسراحي معاها وكم مسرى ‏عرفتك مثل أجمل قصيدة تمر البال ‏وذكرتك، مثل جرحٍ جعل ماهو بـ يبرى

‏أثرني ماقدرت أنسى، وأثر بعض الطواري زند ‏تثوّر عبرتي من أقصى ضميري وأول أحزاني ‏أقول اللي أقول من السوالف لكن أسكت عند ‏كلامٍ لو أقوله نبش جروحي وبكّاني ‏شعور الفقد يوجع والهوى أن هب ماله ند ‏يبعثرني .. ولا يخوفني الا زلة لساني ‏تناسيتك، ولكن الليالي ماخذتها عَنّد ‏تعرف أني على الطاري أضم الجرح وأنساني

‏لو توقّفني مشاوير الليالي في النصيفة ! ‏كل ليلٍ عاد عينك تسهره ما فات أوانه

في عيوني كنّك المال في يدين البخيل ‏ما انت لاقي ضحكةٍ منك ما صرّيتها ‏انت ضحكاتك زهابي وانا عابر سبيل ‏والفرص أصعب من إيجادها، تفويتها ‏يوم أحبك ما تخيّلت ادوّر لك بديل ‏والعلوم التاليه منك، ما حبّيتها ‏"خلّ دمعك لا يسولف ولا حتى يسيل" ‏من متى وعيونك تنام، ما راضيتها؟

‏علقت بليلةٍ ظلمه دقايقها تقول إسبوع طويله نوبةٍ توجع حشاي ونوبه أوجعها

وأستقبل ظروفك وأجازيك الإحسان ‏ولا نعيم أغلى علي من عذابك ‏على كثر ما أمر الأيام عطشان؟ ‏أتعمد أني ما أتبع إلا سرابك ‏كم لك تمر أرضي بـ غيمة وهتان ‏ولا سقيت أرضٍ تحرت سحابك ‏وأنا لو أني في مكان السحب؟ كان ‏فلّيت مجدول المطر في تراب

وش تبين من المطر والغيم يا ضحكات خلّي؟ ‏من يشوفك شاف نوض البرق في عرض المخيلة