مُهَشَّم

من كثر ما طيبه تعلّق بالاذهان ‏لا شفت لي موقف يشرّف ذكرته - يزيد الفوازي

"إعتيادي للسهر عادة نقيضة عادة ‏يا سماحة بالي.. لفيض الحياة إتجهي ‏إنعدام اللهفة وثقل الشعور السادة ‏اكثر الاشياء يبيّن وسمها في وجهي"

"ليه أحس إن الليالي فـ الفرح دايم لئيمة؟ ‏ليه أحس إن الأماكن تغترب منها سنيني؟ ‏محزن إني عايش بـ رجوى (أمل) ليلة رحيمة ‏وموجع إني خايف تْموت الأماني في يديني ‏ودي ألقى فـ الليالي؛ ليلةٍ ماهي يتيمة ‏تحتضني من عنا وقتي.. ومن لهفة حنيني"

"سقت عمري دون وجهك والحزن ولّت سنينه ‏ بين ضحكات الدروب وبين نشوات الهقاوي ‏من عرفتك وأنت محراب الشعور وقبلتينه ‏ يتجّه لك كل حس و يهتدي بك كل غاوي"

‏"عقدت لك من دمعة الوجد سلسال ‏وش باقي من الدمع حتى تحسّين؟ ‏كل الدروب احلام، واشعار، وآمال ‏ودعوة لقاء من عام ‏من غير آمين ‏أنتِ وطن عمري.. وانا كنت رحَّـال ‏عقب الوطن كل إرتحالي على وين؟"

صافحت في كفي خيال العزيزين ‏وأثره جنون الشوق صافح يديني

معك كل الدروب مْيسّره وموفّقه توفيق ‏و بسماتي ملت وجهي ، وترحابي وضحَ فيني ‏لقيتك للدروب الموحشة ذخر وللضياع رفيق ‏وعقب رمضى العمر وياك تو تزهر بساتيني

مع السلامه احباب رايح أنا ألحين رايح مع الغيّاب رايح ولادري وين هِنا لقيت اصحاب من عافهم مسكين فدوه لهم أرقاب وعيوني الثنتين هِنا ضحك لي ناب هِنا بكت لي عين هِنا نفيت اغراب في ريشة التلوين هِنا نفاني آآب يمكن على تشرين يعني بلاش اعتاب يعني بلا تخمين

شد الرحال من الحشا — ماعاد لك بالصدر زادّ

"يهون الدرب ما هان الغريب اللي بدون بلاد ‏ترى لو ما سكنك؟ ‏يشوف فيك الدار، والحِلّة ‏على إني قبلك أمِل الرتابة واكرَه المعتاد ‏أنا وجهك لو أملّ البلد، والناس.. ما أملّه"

"آه يا صبري عليك، وآه يا صمتي، وخوفي ‏عاشقك لو طاع عينك ياحبيبي من يطيعه؟ ‏رد لي كل السنين الأوّله.. أو رد جوفي ‏طالبك لا تترك أيامي تشرّدها القطيعة"

أعيش العمر و أنا أدري ورا العتمه فجر ميلاد ‏ يطير من يدي سرب الأمل و لا أملك حدوده

أنا الحزين الحزين اللي عليه الكلام وأنا الغريب الغريب المغترب بـ وطنه وأنا اللي اقصى طموحاته يعيش بسلام فاقد شعور السلام الداخلي لي كم سنه بعض الليالي مامرتني مرور الكرام احداثها محزنه وامراضها مزمنه يا صاحبي صاحبك ماهو على مايرام الحزن مثّر على نفسيته و بدنه

"وأصعب من العيش فالغربه وجور البعاد ‏مرار عيشتك في وجيه الليالي دخيل ‏يا اخوي لا شفتني سجيت بالله ناد ‏أخاف تبطي بي السجّه ولا به حصيل"

‏"طلّي الليلة مثل طلّتك ذاك الزمان ‏يوم كان الوصل متبوع.. والعاشق تبع ‏يوم كنا —يد في يد— طيش وعنفوان ‏ما علينا خوف من سَلم، ولا من طبع ‏جددي ذكرى المحبين في نفس المكان ‏وغيّري وقت اللقاء من ثمان إلى سبع ‏وش يصبرني على الشوق للساعة ثمان؟ ‏أنا اخاف اموت لا جت ثمان إلّا ربع"

"ما تعبت من المسافة ولا طَويّ السنين ‏كل يوم أشيل حلمي وانا خلف الإمام ‏ما أصعب من الدمع لا طاح بين السجدتين ‏وما أسهل من الذنب لا صرت تعطيه إهتمام"

الكلام يهون كلّه والبلا ؟ من كلمة تطلع مْن الغيض مطلاع السهم من قوسه - جابر النشيرا

قبل ينهدم صرح الغلا والنفوس تشين فمان الكريم اللي عطاياه ما تحصى ‏اتركني على كفّ المقادير بين إثنين ‏زمانٍ ماهوب لقصى وحظٍ ماهوب لقصى ‏وتطمّن تراك اللي بقى لي من الغالين ‏يامنصاي عن كل البشر لابغيت انصى ‏والله ماتحرر من غرامك ليوم الدين ‏لو يحررون القدس والمسجد الأقصى ‏• سعود مبارك