مآ لا نَبُوحْ بِه 🖤

بسم اللّٰه، الدعوة التى تدعوها هي توفيق من اللّه-عزّ وجل- ولو شاء اللّٰه لأمسك عليكَ لسانك! لو قلتَ:" يا رَبّ ارزقني بكذا وكذا" هذا بحول اللّه وقوته! فمن وُفِق الدعاء أُيحرم الإجابة!🌻

انت مش مثالي! يوم بتصلي الصلاة ف مواعيدها وتقرأ الورد اللي عليك وتعمَل بالسُنة وتقوم بكل الفرائض اللي عليك ، وبعدها ترجع تقع ع وشك في الذنب اللي حلفت واخدت مليون عهد على نفسك انك مش هترجعله! يوم تحس انك انجزت انجاز مفيش بعد كده وتنام وانت حاسس برضا رهيب وتُشكر فضل ربنا انه أنعم عليك ، ويوم تاني تبقى بتتمنى من ربنا انه يديلك يوم تاني و فرصة بس عشان تتوب ، يوم بيكون إيمانك في السما ، ويوم تاني بتحس ان مفيش انسان على وجه الأرض عصى ربنا زي ما انت عصيته - سبحانه وتعالى - انت مش مثالي ، هتقوم مرة وهتقع عشرة لحد ما ربنا يأذن ليك بالثبات ، ﴿ وآخرون اعترفوا بذنوبهم خلطوا عملا صالحا وآخر سيئا عسى الله أن يتوب عليهم إن الله غفور رحيم ﴾ خلطوا الصالح بالسئ ، زيك زي ما انت عملت وبتعمل وهتعمل ، لكن الفرق هنا إنهم تابوا وانت بردو محتاج تتوب وترجع حتى ولو وقعت على وشك ١٠٠ مرة محتاج إنك تقوم لحد ما ربنا يأذن ويتوب عليك ومترجعش تاني زي ما كُنت! كمل محاولة صدقني في يوم - بإذن الله - هتوصل! يوسف أحمد.

تخيل إن في الجنة أيامنا كلها هتبقى عيد، رؤية الله، وأنس الأحبة، ووصل الأرحام، ووجوه ناضرة مبتسمة، وملابس من سندس وإستبرق ،لا مهام تقضى، ولا عمل تقيل على القلب، ولا عيون تبكي، ولا فراق! لك الحمد يا ربّ على نعمة الإسلام ولك الحمد على شعائرك. يا ربّ نسألك الجنة ونعيمها.. لبيك إن العيش عيش الآخرة. 🌻

رسالة لـ أبطال الثانوية العامة : إوعي تيأس، ومهما حاولت وفشلت ف إعرف إن محاولتك دي فحد ذاتها نجاح، متقولش دا أنا بقالي شهور وقرون بذاكر ومفيش نتيجة في هبطل سعي لأ ، بل بالعكس علشان إنت بقالك كتير بتحاول ف تستحق تكمل عشان توصل لنهاية أفضل، صدقوني هتعدي ف اعملوا اللي عليكوا علشان لما تعدي تبصوا على نتيجة اللي عملتوه وانتو مبسوطين، عشان توصلوا في الاخر لنتيجة ترضيكم، عشان في النهاية توصلوا لهدفكوا وحلمكوا ومحدش يشمت فيكو إنكو ما وصلتوش لهدفكوا لا إوصلوله واثبتوا للعالم كله إنكوا قدها لأن إنتو فعلا قدها وفـ الاخر ڪُل اختيارات الله خير بس لازم ناخد أجر السعي🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🫶🏻🌻.'

أحيانًا بتحصل مصيبة لإنسان وتلاقيه هادي جدًا وكأن مفيش حاجة حصلت، أه هو حزين بس بيتصرف عادي. ده الصابر، واحدة من أعلى درجات الإيمان بالله، ده شخص ربنا بيحبه لدرجة إنه وقت وقوع المصائب بيلهمه الصبر عليها. الصبر اتذكر في نقص الأموال، الثمرات، الأنفس، الأبتلاء .وحتى في الأذى، كل ده عشان هو مفتاح من مفاتيح الجنة. {وَاللَّهُ يُحِبُّ الصَّابِرِينَ}🌻

أقولك على حاجة؟! ابدأي احفظي القرآن ، وادرسي تجويد ، وانتي هتنسي الدُنيا دي وكل اللي فيها.. "حِفظ القرآن ، ودراسة التجويد والقراءات ؛ مُتعة ولَذة وراحة لقلبك وكأنه لم يرَ حُزنًا قَط.". فـ واللَّه أتعجب مِن الذي لم يحفظ القرآن ، ولم يدرس التجويد ، كيف لقلبه أن يذوق طعم السعادة .. والله والله لكأن المدود والغنن تخرج الهم من صدورنا إخراجاً🌻📖".

من تلبيس الشيطان على الإنسان عشان يبعده عن طريق ربنا . انه لما يذنب او يعمل معصيه ويتوب يخليه يحس ان هو منافق وملهوش توبه عشان بيرجع للمعصيه مره تانيه .. ف انت متيأسش وارجع وتوب ولو عملت الذنب مليون مره .. إن الله لا يمل حتى تملوا

عد إلى الله' ولو قطعت مسافات العمرِ مذنبا ❤️

- وايه الحته الضلمه دي يا بابا = ده تخفيف احمال يا سيمبا

يارب حُبّك وقَبولك🫶🏻🌻