اتعلم دينك بالدارجة

أفضل برنامج تقدر تديرو في هذي الإجازة الصيفية أنك تحفظ شيء من القران... وأيضا تحث ولادك وخاوتك الصغار على الحفظ... ما تخلوش هذا الفراغ يضيع هكاك...انتفعو بيه...لأنه يجي نهار وتكثر عليك المشاغل راح تتمنى الفراغ باش تحفظ القران...وشحال من واحد كي كبر حب يحفظ القران لكن الوقت ما ساعدوش. انت الفرصة بين يديك الان.

قال النبي صلى الله عليه وسلم:"كلُّ جَسَدٍ نبتَ مِنْ سُحْتٍ فالنارُ أولَى بِهِ"

المال الحرام ما علاباليش اذا انتبهتو ولكن موضوع القمار تفاقم جدا....هذيك المرة دخلت لأحد الحسابات المرجوة لهذه المنصات لقيت بزاااف ناس في التعليقات تقمر..... والإشكال هذي المنصات سهلت بزاف القمار والحرام... القمار من كبائر الذنوب يا جماعة الخير... القمار تبانلك بلي راك تزيد في دراهمك ولكن راك تمحق في البركة وتغضب في رب العالمين.. حتى ولو صرت أغنى الأغنياء في هذه الدنيا راح يخذلوك دراهم الحرام....قارون بلغ ما بلغ ثم خسف الله به الأرض ولي عندو خوه صغير يراقبو...لأنهم راهم يقمرو بألفين وعشرالاف...قادر يغروه بالدراهم.

شفت كي تكون تمشي في الطريق وتفوت الدخلة....تمشي بعدها شوية راح تلقى دخلة أخرى ترجع لطريقك... وكل ما تفوتك الدخلات...راح تطول باش ترجع... توبتك من الذنوب نفس الأمر....لازم تدير فب بالك بلي لازم تجاهد نفسك في فترة التوبة...لأنك بعد الندم على ما فات لازم تتخلص من أثر الذنوب التي تحدث في القلب...كيما المدمن تاع المخدرات بعدما يحبس من التعاطب لازم يتعافى من أثر السموم.. راني نقوللكم هذا الكلام...باش تفهم أن هذي المشقة بعد قرار التوبة شيء متوقع.... لازم تصبر عليه.. كعب بن مالك رضي الله عنه بعدما اعترف بخطئه...هجره الناس خمسين ليلة حتى زوجته...ولكن واش كان الجزاء ؟ ذكر الله توبته هو وأصحابه في القرآن إلى قيامة الساعة وأثنى عليهم بالصدق...

لحقني سؤال في البوت وما لحقتش نحاوب عليه حتى لقيت مولاه حذفو... السؤال كان عن الانتكاسة كيفاش يتجنبها الإنسان... الانتكاسة تكون عندها مقدمات...يعني ماشي فجأة ينتكس الإنسان ولكن أمور حدثت في قلبه فغيرته...ربي عز وجل قال :" إن الله لا يغير ما بقوم حتى يغيروا ما بأنفسهم" لذلك لازم يحرص كل واحد فينا أن يراقب إيمانه...ما يقولش كي راني تايب راني خير من الباقي...دائما يسعى ويجتهد باش يتقرب من ربي أكثر...املأ وقتك بالعبادة.. ونشوف من الأمور لي تحفظ بيهم نفسك من الانتكاسة الابتعاد عن المحيط لي يفكرك بالمعصية كامل....الله عز وجل أمر المسلمين بالهجرة من بلادهم وأرضهم في مكة إلى المدينة لكي لا يُفتنوا في دينهم...وانت أيضا اهجر ما نهاك الله عنه...وكل ما يذكرك به.

متخيلين معايا أن هذا الجمال أصله دودة...هذا خلق الله فأروني ماذا خلق الذين من دونه.

فتى يأمن الفراش أن يحط بين يديه.

من سوء ظنك بالله....أن تظن أن الله يجيب دعاءك يوم عرفة فقط..فتترك الدعاء بعدها.. الله عز وجل أقرب إلينا من حبل الوريد...الله عز وجل ينزل إلى السماء الدنيا كل ليلة يجيب الدعاء ويغفر الذنب ويعطي السائل. ومن أوقات الإجابة قبل مغيب شمس الجمعة... انفردوا بأنفسكم وادعوا واذكروا إخوانكم.

بغض النظر شكون ينقي الدوارة...اذا كنت تعيف تاكلها ما ترميهاش...كاين ناس ياكلوها...بل كاين ناس يحبوها....وربما نسا يتوحمو عليها...اتصدق بيها خير ليك وللزوالي...الناس راهي تشريها بالدراهم في يامات من غير الأعياد..

ايه...واش تحكولنا؟ @Beddarja_bot

ربي عز وجل قال في قصة ابراهيم واسماعيل...:"فلما أسلما وتله للجبين وناديناه أن يا إبراهيم قد صدقت الرؤيا" قد يصل سكين الابتلاء إلى حلقك ولكن لن يذبحك...بل سيعقب ذلك الفرج.

بيناتنا....لي يديرو منشورات كيما هكا...ما ياكلوش في المطاعم؟ متخيلين البرغر والشوارما ينغرسو...دايرين في بالهم بلي كاين شجرة تاع الحوت؟ اذا كاين شجرة تاع السلمون دلوني عليها الله يحفظكم. والإشكال هذي الرحمة كامل ما تبانش كي يكونو خاوتنا تحت القصف.

عندي بعض التنبيهات مبعد نرجعو لقضايا العزاب: - يوم النحر (يعني اليوم) من العشر الأوائل...يعني هو في الفضل كالأيام السابقة..فلا تغفلوا عن الاجتهاد فيه...خاصة مع أجواء العيد...ولو أنك تذكر الله عز وجل بلسانك فقط.. - من ضحى فليتصدق على من لم يضح...مرة النبي صلى الله عليه وسلم تصدق بشاة كلها إلا الكتف...سألهم واش بقى من الشاة... قالولو ما بقى منها والو إلا الكتف...النبي صلى الله عليه وسلم قال بل بقي كلها إلا الكتف...لأن ما تصدق به ادخره عند الله عز وجل...يلقاه يوم القيامة.. ما نقولكش اتصدق بالأضحية كامل...ولكن اتفكر خاوتك وابدا بالأقارب. - من لم يضح...قد ضحى النبي صلى الله عليه وسلم عنك...وفرحة العيد لا ترتبط بالأضحية ابشروا وافرحوا ليعلم المنافقون أن في ديننا فسحة.

وأخص معشر العزاب بدعاء: بلغنا الله العيد القادم في صحة وعافية ونحن متزوجون 😁 آميين (سمعتها من ورا الهاتف)

عيدكم مبارك تقبل الله منا ومنكم صالح الأعمال أعاده الله عليكم بالمسرة والأفراح.