📊

Каҳф сурасидаги 7 "раҳмат": 1. "Роббимиз, бизга Ўз ҳузурингдан раҳмат бергин" (10 оят). 2. "Роббингиз сизга Ўз раҳматини таратур" (16 оят). 3. "Роббинг сермағфират, раҳм-шафқат соҳиби бўлган Зотдир" (58 оят). 4. "Биз унга Ўз даргоҳимиздан раҳмат ва Ўз тарафимиздан илм ўргатган эдик" (65 оят). 5. "Бас, Роббилари унинг бадалига уларга ундан кўра яхшироғини, аҳли солиҳроқ ва раҳмлироғини беришни ирода қилди" (81 оят). 6. "Бу Аллоҳнинг раҳмати ила бўлди" (82 оят). 7. "Бу – Роббимнинг раҳматидандир" (98 оят). Жума куни Каҳф сурасини ўқисангиз, сурадаги ушбу етти раҳмат Сизга кейинги жумагача кифоя қилади. Сизга Аллоҳнинг раҳмати ёғилсин! ©Muxlisuz https://t.me/sof_iibrat

🕌 Жума айёмингиз муборак бўлсин! Анас розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Ким жума куни бомдод намозидан олдин: ​ أسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ «Астағфируллоҳаллазий лаа илаҳа иллаа ҳувал ҳаййул қоййум ва атубу илайҳ», деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар. Маъноси: Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан. Ибн Сунний ривояти. https://t.me/sof_iibrat

#Tafakkur 📚📖📚Otamiz Odam alayhissalomning birinchi aytgan kalomlari "Alhamdulilloh"–"Allohga hamd bo‘lsin" ekanini bilasizmi? Ya’ni, insoniyat ilk yaralgandayoq unga Alloh taoloning ismi bildirilgan. Shundan boshlab Odam avlodlariga Allohni tanish va farzandlariga tanitish meros bo‘lib qolgan. Kim Allohni tanimasa, omonatga xiyonat qilgan bo‘ladi. Kim farzandlariga Allohni tanitmasa, Otamiz Odam alayhissalomdan qolgan meros ilmga xiyonat qilgan bo‘ladi. Unutmang, hammamiz Odamdan tarqalganmiz, Odam esa Alloh taoloning eng birinchi elchisi–Rasuli edi. Va biz hammamiz payg‘ambar Otamiz Odam alayhissalom avlodlarimiz... Demakki, Alloh taoloning ism-u sifatlarini o‘rganib bilish va farzandlarimizga ham o‘rgatish har birimiz uchun omonatdir! Asmaaul husnaani–Alloh taoloning go‘zal ismlarini o‘rganish orqali Robbimizni yaxshiroq taniymiz. Robbimizni qanchalik yaxshi tanisak, U Zotning sifatlari bilan O‘zi qodir qilganicha sifatlansak, komil mo‘min-musulmon bo‘lamiz, in shaa Alloh! Alloh taoloning ism-u sifatlarini o‘rganish orqali U Zotni tanish har bir mo‘min-musulmon uchun eng sharafli, eng qadrli vazifadir. Dinda bundan-da sharafli amalning o‘zi yo‘q. https://t.me/sof_iibrat

#tafakkur Ғамдан ҳам, қарздан ҳам қутилдим Абу Саъийд розияллоҳу анҳу айтадилар: “Кунларнинг бирида Расулуллоҳ соллаллоҳу алайҳи васаллам масжидга кирдилар, ансорлардан Абу Умомани кўриб қолдилар. Шунда у зот: “Эй Абу Умома! Масжидда намоз вақтидан бошқа вақтда ўтирганингни кўряпманми?” дедилар. “Мени ғамлар ва қарзлар босди, ё Аллоҳнинг Расули!”, деди. Шунда Набий алайҳиссалом: “Сенга агар айтсанг, Аллоҳ ғамларингни кетказадиган ва қарзларингни узадиган калималарни ўргатиб қўяйми?” дедилар. “Ҳа, ё Аллоҳнинг Расули!” деди у. “Тонг отганда ва кеч кирганда: Аллоҳим! Сендан ғам босишидан, маҳзунликдан, ожизликдан, дангасаликдан, қўрқоқликдан, бахилликдан, қарзга ботишдан ва одамларнинг ғолиб келишидан паноҳ сўрайман, дегин”, дедилар. Абу Умома айтади: “Ўшандоқ қилган эдим, Аллоҳ ғамларимни кетказди ва қарзларимни узди” (Абу Довуд ривояти). Бу сўзларни такрорлаш, шубҳасиз, ҳаётни ўзгартирадиган янги кайфиятнинг калитига айланади. Кейин қадамлар тўғриланади ва Аллоҳнинг ёрдами унга қўшилади. Ҳадисда кўришингиз мумкинки, Пайғамбаримиз соллаллоҳу алайҳи васаллам масжидда ўтирган кишининг ҳолатидан ажабландилар. Шундан сўнг унга руҳий тангликдан қутқарадиган ва ёмон фикрларнинг унга ҳужум қилишидан сақлайдиган дуони ўргатдилар. Шаддод ибн Авс розияллоҳу анҳудан ривоят қилинади. Расулуллоҳ соллаллоҳу алайҳи васаллам бизга бундай дейишни таълим берардилар: “Аллоҳим, мен Сендан ишда собитқадамликни, тўғри юришда азму қарорни сўрайман. Сендан неъматингга шукр қилишни, ибодатингни гўзал қилишни сўрайман. Сендан содиқ тил, соғлом қалб сўрайман. Сендан ўзинг билган нарсаларнинг ёмонлигидан паноҳ сўрайман. Сендан ўзинг биладиган нарсаларнинг яхшилигини сўрайман. Сендан ўзинг биладиган нарсалар (гуноҳларимга) мағфират сўрайман. Албатта, Сен ғайбларни ўта яхши билувчидирсан” (Имом Абу Довуд ривояти). Бу дуолар жангчиларнинг шижоатларини уйғотадиган ҳаяжонли мадҳияга ўхшайди. Улар алсо бир жойда ўтирганларнинг ўкириши ҳам, ҳаракатсизларнинг илтижолари ҳам эмас. Аксинча, булар нур ва иймондан иборат жўшқин ёрдам бўлиб, одамларга ҳаёт қийинчилиларини енгишга ва кундалик муаммолардан халос бўлишга ёрдам беради. ©️ Шайх Муҳаммад Ғаззолий https://t.me/sof_iibrat

Солиҳа аёл Иймондан улуғ нарса йўқ сўзсиз, Унга тенг қилманг кумушу зарни. Лек Пайғамбарим деганлар бир сўз: Солиҳа аёл – иймоннинг ярми! Аёлга бергай ким шундай баҳо? Исломда улуғ, бил, аёл қадри. Насабу чирой шарт эмас асло, Солиҳа аёл – иймоннинг ярми! У онадир, у – опа ё сингил, Беш маҳрамининг ғурури, шарми. Асранг иймонни айлаб сиз комил, Солиҳа аёл – иймоннинг ярми! ✍ Ғиёсиддин Юсуф https://t.me/sof_iibrat

🤲 "Парвардигорингизга ҳамд билан тасбеҳ айтинг, Ундан мағфират сўранг! Зеро, (Аллоҳ) тавбаларни қабул қилувчи Зотдир" (Наср сураси, 3-оят). 📿 Расулуллоҳ алайҳиссалом шу кўрсатмага биноан Аллоҳнинг нусрати келганидан сўнг жуда кўп ҳамду сано, тасбеҳ, истиғфор айтганлар. ❗️ Субҳаналлоҳ, алҳамдулиллаҳ, Аллоҳу акбар... ©Muxlisuz https://t.me/sof_iibrat

Islomimni yigirma tiyinga sotishimga sal qolgan Qurʼoni Karim xodimi Hasanxon Yahyo Abdulmajid https://t.me/sof_iibrat

TARIX O'ZINI TAKRORLAYDI Salohiddin Ayyubiy Quddusni ozod qilish uchun qo'shin tayyorlab, kerakli moddiy choralarni ko'rar ekan, safarbarlik kunini aniqlashdan oldin ma'naviy holatni ham aniqlashtirib olishga qaror qildi. U mirshablarning rahbari, hozirgi til bilan aytganda, Ichki ishlar vazirini chaqirib, unga shunday dedi: «Podshoh farmoni e'lon qilasan. Farmon mazmuni quyidagicha: «Ertadan boshlab uch kun hech kim uyini ham, ishxonasini ham, do'konini ham qulflamay, eshigini ochiq qoldiradi. Bu Podshoh farmoni, bajarmaganlar javobgarlikka tortiladi». Keyin o'zing bosh bo'lib, farmonning to'liq bajarilishini ta'minlaysan va uch kun ichida qanday o'g'irlik yoki talon-taroj bo'lsa, bittasini ham qo'ymay qaydlab, menga hisobotini berasan». Farmon aytilgandek bajarildi. Ammo hamma bu farmondan hayratda edi. Uch kundan so'ng vazir kelib, hisobot berdi, farmon to'liq amalga oshirilganini, lekin birorta ham shahar yoki qishloqda bitta ham o'g'irlik kuzatilmaganini aytdi. Shunda Salohiddin Ayyubiy: «Endi jangga chiqsak ham bo'ladi», dedi va Quddusni fath qildi. Internet tarmoqlarida G'azza ahlining iymonu taqovsiga, ilmu tarbiyasiga dalolat qiladigan turli xabarlar, videolarni ko'rib yuqoridagi qissa esimga tushdi. G'azzaliklar vayronalar ostidan topilgan pul, tilla taqinchoq va boshqa qimmatbaho buyumlarni topshirish uchun egalarini istab yurishibdi. Aytishlaricha, hozirgacha birorta ham o'g'irlik qayd qilinmabdi. Bu ham ularning iymonlaridan, islomlaridan darak. Kim biladi deysiz, balki bugun boshlariga tushib turgan musibatlar ham "sinovlar iymonga yarasha bo'ladi", degan qoidaga ko'ra kechayotgandir. Umid qilamizki, ixloslariga yarasha, fido qilgan qonlari evaziga Alloh taolo ularga ham fathu nusrat berib, dushmanlaridan g'olib qiladi va o'z yerlariga o'zlari ega bo'lajaklar. Mazkur qissadan biz shuni xulosa qilishmiz kerakki, musulmonlar jamiyatda qanday islohot olib bormoqchi bo'lishmasin, avvalo o'zlarini isloh qilishlari, ma'nan yuksak, qalban pok bo'lishlari kerak. Botinni tuzatmay, o'zni isloh qilmay turib, jamiyatni o'nglab bo'lmaydi, dushman jabridan qutilib bo'lmaydi. Birovlarga zulm qilib turib ustingizdan zulmni arita olmaysiz. Hasanxon Yahyo Abdulmajid, 06.11.2023 https://t.me/sof_iibrat

#НИКОҲ • Ёшларга насиҳат. ©️ Аброр Мухтор Алий https://t.me/sof_iibrat

🗣 Саловат айтишни унутманг,  азизлар! «Аллоҳумма солли ъала саййидина  Муҳаммад» ✅  https://t.me/sof_iibrat

🗣 Истиғфор айтишни унутманг!!! «Астағфируллоҳ ва атуубу илайҳ» https://t.me/sof_iibrat

Дейишади... • Эрта турмушга чиқсанг, "эрсираган" дейишади; • Кечроқ турмушга чиқсанг, "ўтириб қолган" дейишади; • Ўзингдан ёши каттароққа тегсанг, "чолга тегибди" дейишади; • Кичкинага тегсанг, "ёш болани бошини айлантириб тегвоган" дейишади; • Тенгдошингга турмушга чиқсанг, "эр-хотин ёшида фарқ бўлиши керак" дейишади; • Тўйдан кейин Аллоҳ фарзанд берса, "зўрға турганаканде" дейишади; • Агар фарзанд ато этмаса, "бу туғмасакан" дейишади; • Содда кийиниб юрсанг, "ҳижоб ичида ижод" дейишади; • 16 ёшингда "эрта катта бўб қоган" дейишади; • 30 ёшингда эса, "қариб кетипдими?!" дейишади; • 1-хотин бўлсанг, "буни эрини аниқ иккинчи хотини бор" дейишади; • 2-хотин бўлсанг, "бировни бахтини ўғиpлаган" дейишади; • Интернетдан фойдалансанг, "эри даюс" дейишади; • Фойдаланмасанг, "онги пас" дейишади; • Бир нимадан хафа бўлсанг, "ношукур" дейишади; • Хурсанд бўлсанг, "бахтни яшириш керак, кўз тегади" дейишади; • Шароитинг оддий бўлса, "ночор" дeйишади; • Ўзингга тўқ бўлсанг, "порахўр" дейишади; • Озғин бўлсанг, "сал семирса, ўладими?!" дейишади; • Тўлача бўлсанг, "сал озса, бўмидими?!" дейишади; • Ўғил туғсанг, "энди қиз керак" дейишади; • Қиз туғсанг, "ўғил хам туғволишиз керак" дeйишади; • Фарзанд сони кам бўлса, "қоматини ўйлаб кам туққан-да" дейишади; • Фарзанди кўп бўлса, "вой Худо туғвурарканде аа" дейишади; Улар аввал ҳам гапиришган, ҳозир ҳам гапиришди, кейин ҳам гапиришади. Ўзингиз учун яшанг. Улар доим https://t.me/sof_iibrat

📿 "Лаа илааҳа иллаа анта, субҳанака, инний кунту миназ золимийн". 💠 Маъноси: Сендан бошқа илоҳ йўқ. Сен Поксан. Мен эса золимлардан бўлдим. 🤲 Ушбу дуони доимо айтинг, чунки унинг аввали тавҳид, ўртаси тасбеҳ, охири эса истиғфордир! ©Muxlisuz https://t.me/sof_iibrat

#ҳикмат Одам боласи талаффуз қилиши мумкин бўлган энг яхши сўз “Ла илаҳа иллаллоҳ” калимасидир. Банда шуни доим айтиб юриши керак. Шайх Муҳаммад Содиқ роҳимаҳуллоҳ👇 ㅤㅤㅤㅤ https://t.me/sof_iibrat

Ассалому алайкум!🌼 Яна бир тонгни, янги кунни қарши олдик алхамдулиллаҳ! Ўтаётган ҳар кунимиз ўтмишга айланиб бормоқда. Унда биз турли кунларни яшаб ўтдик - қувончли, қайғули, бахтли, изтиробли дамлар... Шундай яшайлик-ки ортга назар солганимизда бизни афсус-надоматлар паришон қилмасин. Инсонларнинг энг яхшиси одамларга фойдаси тегадиганидир. Шундай экан кунимизни яхши ниятлар ила бошлайлик! Кунингиз хайрли файзли ва баракотли бўлсин! ✅ https://t.me/sof_iibrat

ИСТИҒФОРНИНГ 40 ХОСИЯТИ 1. Аллоҳга итоатгўй банда истиғфор айтади; 2. Истиғфор айтган банда пайғамбарлар, солиҳлар йўлидан юради; 3. Истиғфор айтган одам имон ҳаловатига эришади; 4. Истиғфор бандани гуноҳлардан поклайди; 5. Истиғфор айтган одамнинг гуноҳлари савобли ишларга алмаштирилади; 6. Истиғфор айтган одамга неъматлар кўпайтириб берилади ; 7. Истиғфор банданинг мартабасини кўтаради; 8. Бахт-саодат, тинчлик-хотиржамлик олиб келади; 9. Истиғфор туфайли одамлар ҳам, жамият ҳам бузуқликлардан покланади; 10. Истиғфор ёмғир ёғишига сабаб бўлади; 11. Мол-дунёга барака киритади; 12. Истиғфор айтган инсон фарзанд неъмати билан сийланади; 13. Деҳқончилик, чорвачиликдаги унумдорлик ҳам истиғфор айтиш билан узвий боғлиқ; 14. Истиғфор айтувчи жаҳаннамдан нажот топади; 15. Истиғфор банданинг жаннатга киришига сабаб бўлади; 16. Истиғфор Аллоҳнинг раҳмати тушишига, банда ҳолати ижобий томонга ўзгаришига сабаб бўлади, яхшиликларни кўпайтиради; 17. Истиғфор танани бақувват, соғлом қилади, касалликларни аритади; 18. Истиғфор айтган одамнинг ҳаёти фаровон бўлади ; 19. Истиғфор билан ватан тинч бўлади, эл-юрт тараққий этади; 20. Истиғфор инсон кўнглини хотиржам қилади; 21. Бошга тушган балоларни даф этади; 22. Бандани Аллоҳга яқинлаштиради; 23. Истиғфор айтган одам Аллоҳнинг марҳаматига сазовор бўлади ; 24. Истиғфор мажлис каффоратидир; 25. Истиғфор ғийбатга каффорат бўлади ; 26. Шайтон васвасасини қайтаради; 27. Аллоҳ истиғфор айтган бандани яхши кўради ; 28. Истиғфор айтиш Аллоҳни рози қилади; 29. Ғам-ташвишларни кетказади; 30. Хурсандчилик олиб келади; 31. Юзни нурли қилади; 32. Ризқ келишини осонлаштиради; 33. Истиғфор айтган одамнинг дуоси қабул бўлади ; 34. Аллоҳ истиғфор айтувчининг оғирини енгил қилади; 35. Кўп истиғфор айтган одам қиёмат куни номаи аъмолини кўриб хурсанд бўлади; 36. Оламдан ўтиб кетган ота-оналар фарзандлари айтган истиғфор туфайли жаннатда юқори мартабага кўтарилишади; 37. Истиғфор одамни тушкунликдан халос этади; 38. Ҳасрат-надоматни, пушаймонни кетказади; 39. Қалбни тиниқлаштиради; 40. Истиғфор айтган одамнинг ризқи кенг бўлади, касб-корига барака киради... ©Qorirovotuz https://t.me/sof_iibrat