Jumamuratov: Sorawlar bazası

Juwap: 1000-goldı urıw Kanalımızdaǵı sorawlar sanın 1000ǵa jetkerip, "1000 goldı urdıq" desekte boladı)) @XudaybergenJumamuratov

PS: Qandayda bir mániste soraw avtorı da házir BUL ISTI QÍLÍP atır))

1000. #Avtor Futbol patshası Pele 1969-jılda penalti arqalı BUL ISTI QÍLǴAN. Hám onı jetim járdemge mútájlarǵa baǵıshlaǵan. Krishtianu Ronaldu BUL ISTI QÍLÍWÍ ushın 40, Lionel Messi BUL ISTI QÍLÍWÍ ushın bolsa 72 sanı jetpey atır. Soraw: BUL ISTI QÍLÍW ornındaǵı sózlerdi jazıp beriń. [Soraw dúzilgen sáne - 20.05.2024]

Juwap: 4-aprel. Túsindirme: Sebebi 4.04 sánesi tap fayl yamasa bet tabılmaǵanda shıǵatuǵın qátelik kodı - 404 (not found)tı yadqa saladı. @XudaybergenJumamuratov

999. #Avtor Ádetde programmistler kúni jıldıń 256-kúninde bayramlanadı. Bul 12-13-sentyabr kúnlerine tuwrı keledi. Bul bayramdı basqa túrli sánelerde - 10-dekabr, 19-iyul, 22-aprel kúnleri bayramlaw da usınıs etilgen. Biraq veb-programmistler óz bayramların sol kúnge qoyǵan. Soraw: Bul sáneni TABA ALMASAŃÍZ da juwap jazıp jiberiń.

Juwap: Istanbul @XudaybergenJumamuratov

998. 1453-jılda bul qala túrkler qol astına ótken hám Osmanlı túrkler mámleketiniń paytaxtına aylantırılǵan. Sol waqıttan berli qala házirgi atı menen atala baslanǵan. Házir bolsa paytaxt statusına iye emes. Soraw: Qaysı qala?

Juwap: 1. Uyqı 2. Tús @XudaybergenJumamuratov

997. Duplet. 1. Irland naqılına kóre, kúliw hám X shıpakerdiń kitabındaǵı eń paydalı em esaplanadı. Gillian Flinniń aytıwınsha, "X pıshıqqa uqsaydı, eger siz oǵan itibar bermeseńiz, ol sizge keledi". Dalay Lama bolsa, eń jaqsı meditaciya X ekenligin aytqan. Soraw: Xtı bir sózde jazıp beriń. 2. Mircha Eliadeniń aytıwınsha, Ytı jazıw paydalı eken. Pol Mishel Fuko Y aldamshı, ideyalarda shálkeslikke alıp keledi dep aytıp ótken. Súwretshi Vincent van Gog bolsa, kartinaların arzıw qılıwın hám Ytı sızıwın aytıp ótken. Soraw: Ytı bir sózde jazıp beriń. Eki juwaptı bir postta jazıń...

Juwap: Aleksandr Bell @XudaybergenJumamuratov