UzDevid | Uzbekistan Developer Ibragimov Diyorbek

Hodisa – Nafaqat musulmonlar uchun, balki, g'ayrimuslim bo'lsada qalbidagi insoniylikni yo'qotmagan odamlar uchun ham rejalangan ijtimoiy tarmoq edi. Bu loyihaga o'z vaqtimni va hamkasblarim vaqtini sarflaganimga qaramasdan uni to'xtatdim. Umma Life platformasini ko'rgach "Hodisa"-ni davom ettiraverishimga faqatgina hudbinligim sabab bo'lishi mumkin edi. Og'riqli nuqtalarimiz juda ko'p bo'laturib bor narsani qaytadan "ixtiro" qilishga qo'lim bormadi. Xa, jamiyatga foydasi tegadigan imkoniyatdan foydalanolmadim, lekin hammasi hali oldinda. Umid qilaman. Bizning g'oyalarimiz va niyyatlarimiz bir bo'lgan nuqtalarda ("ko'rpani" o'zimizga tortmasdan) birlashishimiz shart! Agar-ki yaqinda bo'lib o'tgan tarix qaytalanishini xohlamasak... @uzdevid

Ummat uchun yangi ijtimoiy tarmoqdan (kamida) foydalanib uni qo'llab-quvvatlang. Harbir loyihada bo'lgani kabi kamchiliklari bor. Bularga ko'z yumib foydalansak, dasturchilariga ham katta yordam bo'ladi. Shunday loyiha qilmadik/qilaolmadikmi hech bo'lmasa qo'llab-quvvatlaylik.

​​Ўзбекистон! Кўп жойларда, жумладан баъзи “ўқимишли” инсонларнинг каналларида, комментларда ва “зиёли” қатламнинг профилида кўзим тушиб қоладиган ва дилимни хира қиладиган нарса бу Ўзбекистонни пастга уриб, “🇺🇿=🇺🇿” шу каби белгиларни уялмасдан ишлатиши. Танқид қиламан, хафа бўлмайсан! (Аталган!) Фикрлаб кўринг агар 30 йил аввал биринчи президентимиз И.А Каримов “Биз мустақилмиз!”, дея 30 дан ортиқ давлатлар ичида жар солмаганида эди, балки ҳозирги кунларни кўрмасмидик. Ҳали ҳамон мустамлака бўлармидик, балки. Ҳаммаси Аллоҳга аъён. Нега энди сиз тенги, биз тенги инсонлар ҳар куни ўқиб изланиб, юртимизни ривожлантириш учун ҳаракат қилаётган бир пайтда, сиз ҳаётингиздан нолиябсиз? Ҳўп, Ўзбекистонда яшашдан ор қилар экансиз, шартта сурворинг унда, ўша орзу қилган жойларингизга. Токи, Ватандан узоқда яшаш қандай оғир эканини англамагунингизча ўша ерларда юраверинг. Аллоҳ ҳам шукур қилган, ўзида бор нарсаларни қадрлаган инсоннинг ризқини кўпайтиради. Ҳамма нарсадан нолийвериш, айб топиш мусулмонларга ярашадиган иш эмас. 30 йил аввал қандай давлат эди Ўзбекистон? Ҳозир қандай? Бутун дунё тан оляптику, Ўзбекистон жадал ривожланаётганини, ҳали яна 30 йилдан кейин қандай даражадаги давлат бўламиз шу кетишда? Танганинг иккинчи тарафи борки, келажак “Ўзбекистон тенгдир Ўзбекистонга!” дейдиган манқуртларнинг қўлида экан, юртимизнинг мавқеъи пасайса пасаядики, аммо ошмайди. Бунинг олдини олиш, аксинча Ўзбекистонни ривожлантиришимиз керак! Нега Американи ҳамма орзу қилади? Ҳаммамиз нега айнан ўша ерларда яшашни хоҳлаймиз? Нега энди Ўзбекистон ҳам кун келиб Америка даражасидаги давлат бўлмаслиги керак экан? Ва нима учун биз ҳаракатни бугундан бошламаябмиз?Тенгдошим, кимларнинг авлоди эканингизни унутманг, аждодларимизга муносиб авлод бўлишимиз керак! Ҳамма нарсага сабр орқали эришилади, йиллар ўтади. Ўзбекистон деган ном тилларда чиройли жаранглайди, балки у кунларни сиз билан мен кўрмасмиз, лекин шу кунлар тезроқ келиши учун айнан БИЗ ҳаракат қилишимиз керак! Қачон ўсиш, ривожланиш бўлади? Қачонки инсонлар “мен” деган сўз ўрнида “биз” сўзини ишлатишни бошлашса, эгоист бўлиш ўрнига ҳаммани бирдек ўйлашса. Энди айтишингиз мумкин: “Бу постни ёзишга ёзибсан, лекин ўзинг ҳам Америкада ўқимоқчисанку?” Биринчидан ҳеч ким кафолат бера олмайди ҳали Америкага кетаманми ёки йўқ, Аллоҳга таваккал қилиб шунча нарсага эришдим, бундан кейин ҳам бўладиган нарсалар ҳам ҳаммаси Аллоҳдан. Иккинчидан Америкага кетиб бир умр қолиб кетиш ниятим йўқ, бакалаврни тугатишим билан ватанимга қайтаман. Умуман олганда, мен ватанимизни яхши кўраман. Шукур қиламан шундай мусулмон юртда туғилганимга. Тасаввур қилинг, агар Афғонистон ёки Сурияда туғилганимизда нима бўларди? Шукур қилайлик, еркин нафас оляпмиз, ҳамма шароит бор, ҳеч кимдан кам эмасмиз. Юртбошимиз бутун эътиборини бизларга қаратяпти. Лекин шунда ҳам баъзилар ношукурлик қилишдан тўхташмайди. Қизиқ, улар ўз Ватанига шундай кўз билан қарашса, келажакда ким бўлиб етишади, ўйлаб-ўйлаб ўйимга ета олмай қоламан. Кулгули жиҳати шундаки, инстаграмда видео ишлаб машҳур бўлган бир савияси паст одамнинг гапини бугун миллион-миллион “инсонлар” такрорлашяпти? Ҳўп сенга ўрнак олиш учун бошқа инсон йўқми, атрофингга қара, жуда кўп ҳавас қилса арзигулик инсонлар бор, ота-онанг, бобо-бувингдан ўрнак ол, “инстаграмнинг қули”. Маннонова Моҳинур @uzbekistonlikuz

Kelayotgan yil infoqalloblar yili bo'ladi. Subyektivning ko'rsatuvidan keyin yo'qolib ketgan mayda-chuyda baliqlar o'rnini kitlar egallayabdi (biri-biridan mashhur kitlar). Bitta infobzines "zapuskidan" bemalol 100-300-500ming$ qiladigan nahanglar. Buning uchun avval "shaxsiy brend" ustida yaxshilab ishlanadi. Maxsus marketing jamoa yollanib, auditoriya obdon qizdiriladi. Qimmat mashina, xashamatli uy, ekzotik orollarga sayohatlar, tansiq taomlar, bola-chaqayu, xijobdagi xotinlar, o'qilayotgan namozlaru, umra va hajlar, hamma-hammasi ko'z-ko'z qilinadi. "Ko'rib qo'yinglar mening hayotimni" qabilidagi postlar bilan instagram yondiriladi. Yuzminglab obunachilar yig'iladi. PR aksiya kulminaisyasiga yetib, obunachilar xashamatdan ko'zi yonib turganda esa "Menga o'xshashni istaysizmi, mana sizga BEPUL trening" deb ommani laqqa tushuriladi. Treninga kelganlarga esa "Shaxsiy brend qurish", "Tadbirkorlik sirlari", "Muvaffaqiyat kalitlari", "Shaxsiy moliya va investisiya" va hokazo qabilidagi kurslarga yozilish so'raladi (joylar chegaralangan, shoshiling. 600$ lik VIP joylar allaqachon sotilib bo'ldi, 500$ lik premium paketdan 4 ta qoldi). Bu qalloblar oldida, avvalgilari xolva bo'lib qoldi. Avvalgilari nari borsa birorta co-workingda 100-200 ta odamni yiqqan bo'lsa, hozirgilar konsert zallarida trening o'tayapti. Ko'lam shunchaki daxshat. Yoshmi-qarimi, ayolmi-erkakmi, tadbirkormi-talabami, farqi yo'q "kursimiz hammaga birdek yordam beradi". Nafs yo'lida, hech kim ayab o'tirilmaydi. Din ham diyonat ham sotiladi. Insof va vijdon bir chekkaga surib qo'yiladi. Biz xatolardan xulosa qilmaymiz. O'tgan yili subyektivning infoqalloblar haqidagi videolarini ulashgan insonlar bugun o'zlari o'sha qalloblarning to'riga tushib turibdi. Yoki o'zlari qallobga aylanishdi. Lekin, yaxshi yangiliklar ham bor. Infoqalloblarning umri qisqa, 1-2 yilda odamlarning ko'zi ochiladi. Bozor to'yinadi. Aksar qalloblar ustidan jinoiy ishlar ochiladi, kamida keti ochilib sharmandasi chiqadi. Rossiya bunga yaxshi misol, yil davomida bir nechta katta qalloblarga nisbatan katta jinoiy ishlar ochildi. Ungacha esa chidaymiz. Bu ham bir o'tishimiz kerak bo'lgan bosqich. Anvar Narzullaev

Тошкентда жадидчилик ҳаракатига бағишланган йирик халқаро конференция ўтказилмоқда 11–12 декабр кунлари Миллий масс-медиани қўллаб-қувватлаш ва ривожлантириш жамоат фонди, Қатағон қурбонлари хотираси давлат музейи, Фанлар академияси Тарих институти ва Туркий давлатлар ташкилоти ҳамкорлигида Тошкент шаҳрида «Жадидлар: миллий ўзлик, истиқлол ва давлатчилик ғоялари» мавзусида халқаро илмий конференция ўтказилади. Kun.uz расмий канали

"Мусулмонларнинг ўз ижтимоий тармоғи бўлиши керак", "мусулмонлар бирлашиши керак", "олимлар халқни уйғотиши керак", "шу сайтнинг ўзбекчасини қилиш керак", "мусулмонлар бунинг муқобилини чиқариши керак". Шунга ўхшаган "керак"ларни айтувчилар жуда кўпайиб кетди. "Керак" дегандан кейин, ўзи ҳам шуни қилиши ва жуда бўлмаганда ҳисса қўшиши керак-да. "Керак" дейишни ҳамма билади ва ҳамма эплайди. Аммо "керак"ни воқеликка айлантириш ҳам керак. Бу эса эркакларнинг иши. Шайх ҳазратлари раҳимаҳуллоҳ бирор киши ана шундай "керак"лар ҳақида гапирганда, ўша керакли ишни гапирганнинг зиммасига юклар ва бажартирар эдилар. Зеро Аллоҳ ҳам шундай ўзгартиришларни аввало одамларнинг ўзига юклар ва ўзлари(нафслари)дан бошлашга буюради: "Албатта, то бир қавм ўзларини ўзгартирмагунларича, Аллоҳ уларнинг ҳолини ўзгартирмас" ("Раъд" сураси, 11-оят). @MubashshirAhmad

Bugundan hammaga bir oylik Premium sovg‘a! Nega? Tahrirchiga yordamingiz kerak! Biz o‘zbek tilini raqamlashtirish va xalqimiz orasida savod darajasini oshirishga bel bog‘lagan ijtimoiy loyihamiz. Shu sabab u doimiy moliyaviy ko‘makka muhtoj. Tanlovda yutsak, Prezidentimiz tomonidan bizga 100 000 dollar grant beriladi! Qo‘llanma: 1. MyID ilovasini o‘rnating: Android | iOS 2. Avtorizatsiyadan o‘ting. 3. Keyin awards.gov.uz saytiga kirib, “Ovoz berish” tugmasini bosing. 4. “Sun’iy intellekt texnologiyalar” yo‘nalishida “Tahrirchi” loyihasini tanlang. 5. Mezonlar bo‘yicha baholab, ovoz bering. 6. Bo‘ldi! Videoqo‘llanma | Yana qo‘llanma Ikki daqiqa vaqtingiz ketadi. Ammo bergan ovozingiz juda muhim! O‘zbek tilining yorqin raqamli kelajagiga o‘z hissangizni qo‘shing!