🧬Medical Courses-IUA-B26🧬

"ما بعد الكسل." قبل أي حاجة لازم تعرف إن كلنا بنحب الكسل محدش فينا بيحب الشغل أصلًا أو السعي، عايزين كل حاجة توصل ليها بدون بذل أي مجهود، حياة الأنْتَخة كلنا بنتمناها، بس في الواقع مفيش حياة كده أصلًا، ولا حد فينا عايش الحياة دي، كلنا بنسعى لأهداف مُختلفة، بنسعى لإننا عندنا يقين إننا هنوصل وده أهم شيء. خلينا كده نُلقي نظرة على مستقبلك بالكسل، شخص قاعد بدون أي أهداف، بدون أحلام-لإن حتى هيكسل يحلم، أو كل ما يحلم هيكسل يحقق- شخص حزين؛ لإنه شايف غيره محقق أشياء هو تمنّاها يومًا، شخص ضيّع عُمره هباءً بسبب الكسل. الكسل هو الرصاصة اللي قادرة تنهي حياة الشخص وهو على قيد الحياة، طول ما إنتَ كسول طول ما الأهداف مستحيلة! مفيش نجاح مع الكسل، آه مُمتعة فكرة إني قاعد مبعملش أي شيء بس إحنا أصلًا مُطالبين بالسعي! مُطالبين نحلم، وفكرة إني شخص بدون أحلام فكرة مُخيفة طب أنا عايش ليه أصلًا. فكر دايمًا مع نفسك أنا عايش ليه عشان أتعلم وأدخل كلية معينة حلو طب هل الكلية دي لا تستحق السعى؟! ما هو لو لا تستحق السعي مش هتبقى كلية عالية! كذلك أهدافنا هي تستحق السعي عشان هي عالية وعظيمة هي مش شيء تافه على الإطلاق! محدش فينا عايش للأنْتَخة، هدفك عالي يبقى اسعي ليه، بكسل طب ما هو لو كسلت دلوقتِ هكسل بعدين، وتمام بكسِّل طب هتعمل إي هتفضل تكسِّل دايمًا لحد ما الهدف يجيلك لحد عندك وده استحالة! لا بُد إنك تزيل الكسل ده، ومحدش يقدر عمومًا يُزيل الكسل من حياتك ولا حد قادر يخليك تسعى! إنت الوحيد اللي تقدر تعمل كده بس في حاجات ممكن تساعدك لده. أولًا الاجبار، اجبر نفسك على السعي، اجبر نفسك لمدة واحد وعشرين يوم على عمل شيء وبعد كده تلقائيًا هتكون اعتدت على الشيء ده، اجبر نفسك على إنك تسعى وتحلم، الاجبار هيبقى صعب ومؤلم وهتلتزم يوم ويوم لا بس في النهاية في نتيجة. ثانيًا وده الأهم متستناش لبكرا أو تقول هبدأ بكرا لو مبدأتش دلوقتِ مش هتبدأ أبدًا لو مبدأتش في اللحظة اللي الهدف أقبل عليك فيها مش هتبدأ أبدًا، المماطلة صديقة مقربة للكسل ولو المماطلة دخلت حياتك هيفضل الكسل فيها، مجرد ما تجيلك فكرة قوم اسعى ليها؛ لإن لو فضلت مكانك مش هتتحقق! ثالثًا اكتب ورقة بهدفك وعلّقها قدامك في أي مكان أو ممكن تعمل الهدف ده خلفية للموبايل بتاعك؛ بحيث كل ما تقع عينك عليه تحس بتأنيب الضمير وتقوم تسعى. رابعًا شوف ناس حققت الهدف اللي إنتَ نفسك تحققه وتابعهم شوف همَ وصلوا ليه إزاي ونجحوا إزاي وبقوا إي، ده هيساعدك إنك تتفائل دايمًا وإن مفيش شيء مستحيل، وابعد عن المُحبطين الكسلانين لإنهم هيدخلوا الكسل حياتك تلقائيًا، وكل ما تبقى عايز تقوم هيقعدوك تاني. وأخيرًا أنت مخلوق عشان تسعى وتواجه الحياة، حياة البلوجر اللي قدامك دول وبيظهروا ليك حياتهم الجميلة في الواقع همَ بيعيشوا حياة Fake، غير واقعية على الإطلاق، محدش حياته وردية، ومحدش فينا مبيسعاش، في اللي بيسعى وبيظهر ليك ده وفي اللي بيسعى من وراك بس فعليًا الكل بيسعى فمتقولش لنفسك فُلان ما بيعملش كده، لا فُلان بيعمل كده وممكن يكون بيعمل شيء ثاني وبيسعى برضو لإن مش كلنا نفس الهدف. لحظة الكسل الجميلة العابرة دي هتتحاسب عليها لإننا هنتسئل عن عُمرنا أفنيناه فـ إيه، وهتحاسل نفسك لما تكبر وتشوف الأصغر منك وهمَ حققوا اللي اتمنيته ولما تكبر وتلاقي حياتك بدون أهداف، فعشان نفسك الجميلة تستاهل كل جميل اسعى وابدأ. -والسلامُ خِتام يا عزيزي.

35 نصائح أخيرة مفيدة لراحة البال

34 طرق تمالك الضغوط في حياتنا

33 العلامات أو المدلولات للضغوط

32 مخاطر الضغوط وعدم التعامل معها

31 نوعا الضغوط الخارجية والداخلية

30 تعريف الضغوط والتفريق بين الجيدة والسيئة منها

29 مقدمة الأسبوع

28 رسالة منزلية من الدكتور سهيل

27 نصائح هامة وعامة نحو تنظيم أكثر فعالية للوقت

26 المضيعات الظرفية وطرق التعامل معها

25 المضيعات الذاتية وطرق التعامل معها

24 لمحة عن مضيعات الوقت ومنظورنا لها

23 على ماذا نقضي وقتنا؟

22 وقت الذروة ووقت الخمول

21 مقدمة