تلاميذ الاستاذ مايو باك 2024

بطلب من التلميذة ( الإمام .ر ) فيديو يخص تعيين قيم ألفا التي من أجلها تكون متتالية متقاربة

هاهو الموضوع الرابع معندكش عذر باش ما تحاولش

تفرج و بارطاجي يزيكم البخل ان شاء الله تنجحوا راني دعيتلكم دعوة مليحة بارطاجي تعيين قيمة ألفا حتى تكون متتالية هندسية يطلب تعيين أساسها

كي يڨلك عيّن قيمة ألفا التي من أجلها تكون المتتالية (Vn) هندسية يُطلب تعيين أساسها تعرفوا تجيبو وحدكم قيمة ألفا و قيمة الأساس ؟؟؟ ولّا نبارطاجيلكم فيديو عليها خدمتو ؟؟؟

ها إذا عجبكم الفيديو بارطاجوه علاه البخل هكا مرحبا بكل إنتقاد بنّاء

مكانش كما القسم العياط و الحس و الدبوس

تعيين قيم العدد الطبيعي n التي من أجلها يكون عدد مركب أس n تخيلي موجب

هههه زعما نحطلكم فيديو خدمتو يخص السؤال : عين قيم العدد الطبيعي n التي من أجلها يكون عدد مركب أس n تخيلي موجب ؟؟؟

مربوحة إن شاء الله مبقاش ڨد لي فات رد بالك رد بالك تفشل مهوش وقت الفشل مهوش وقت باش تطلڨ روحك بربي تكونو ناجحين فقط مسألة وقت لا أكثر

🤣🤣🤣

السلام عليكم حصتي فوجي الأربعاء و الخميس 1 و 2 ماي القادم مع 6 مساءا تُعوّض يوم الأربعاء القادم 1 ماي على الساعة 8 و الساعة 10 صباحا على الترتيب.. يعني فوج الأربعاء مع 6 نقروها الأربعاء مع 8 صباح فوج الخميس مع 6 نقروها الاربعاء مع 10 صباح و تلاميذ تقني رياضي و رياضيات هُناك حصة في الاعداد و الحساب يوم الاربعاء 1 ماي مع 2 زوالًا خبرو بعضاكم

تمارين إختيار الإجابة الصحيحة مع التعليل حاولو فيهم لعل نحلوهم كاش حصة.. اذا لقيتو فيهم صعوبات

توحشنا هاد العاجل و تلاميذي ناجحين

الموضوع الثاني حاولو فيه البداية بتمرين الأعداد المركبة

السلام عليكم نظرا للأمطار الغزيرة لا توجد دراسة اليوم

تمرين في #الإحتمالات: يحتوي طبسي على 15 حبة ڨاطو من بينها 3 بقلاوات 4 تشاراكات 2 مقروطات 2 تاع الشيكولة و 4 والله ماعلابالي واسمهم نسحب من الطبسي 3 حبات على التوالي (باينة دون ارجاع 😜) الأسئلة: 1) ماهو احتمال سحب بقلاوتين على الأقل؟ 2) ماهو احتمال أن نسحب تشاراكة واحدة فقط وفي السحبة الثانية؟ 3) ماهو احتمال سحب 3 حبات مختلفة مثنى مثنى؟ 4) إذا علمت أننا سحبنا بقلاوتين بالضبط، ماهو إحتمال أن تكون الحبة المسحوبة الثالثة مقروطة؟ 5) ليكن X المتغير العشوائي الذي يرفق بكل سحب عدد التشاراكات المتبقية في الطبسي، عين قيم X و عرف قانون إحتماله.

عيدكم مبارك كل عام و أنتم بخير ربي ينجحكم يا رب يا رب نوضو تقرو خلاص العيد ما تنسوش عندكم تمرين لوغاريتمية و متتاليات باش تحاولو فيه الحصة الجاية ما نقبل حتى عذر ( مريض..تيريسيتي راحلنا..نسيت..منيش لاتي..كنت نعاون في ماما...الخ ) العنف..العنف..العنف

أقرا مليح وش راهو مكتوب .. العناوين لي مازالت في الأعداد المركبة نديروهم الحصة الجاية إبتداء من غدوة الأربعاء لغاية فوج السبت صباحا ... 6 - الشكل المثلثي و الأسي 7 - عمدة عدد حقيقي و عدد تخيلي 8 - خواص الطويلة 9 - خواص العمدة 10- التفسير الهندسي للطويلة و العمدة 11- معلومات اخرى : أ - طبيعة مثلث ب - استقامية 3 نقط ج - تعامد مستقيمين د - تبسيط عدد مركب ذو أس كبير ه - مجموعة النقط M ................................................ الجزء الثاني : في الحصة الأخيرة ما قبل العيد... راح نديرو : التحويلات النقطية { الإنسحاب - التحاكي - الدوران - التشابه } أول حصة بعد العيد إن شاء الله نبداو المراجعة أسية..لوغاريتمية..متتاليات..دوال اصلية و تكاملات..احتمالات..اعداد مركبة

تلاميذ تقني رياضي و رياضيات هاكم حاولو فيهم لنهار الثلاثاء ان شاء الله