تلاميذ الاستاذ مايو باك 2024

اللهم إن لي تلاميذا تعلقت بهم فأحببتهم و كانوا بمثابة الإخوة لي نجاحهم يسرني و دونه يؤلمني؛ اللهم ﻻ تؤلمني بمن أحب و أسعدني و إياهم بنجاحهم؛ اللهم مني الدعاء و منك الإجابة . أمين أمين أمين يا رب أحسن نهار يوم تكلموني و تقولولي رانا نجحنا و تعبك مراحش باطل... #الأستاذ_مايو

هذا الرد تاعي على تلميذ طرح سؤال : هل التحويلات النقطية داخلية في الباك ؟؟ مكاين حتى واحد يقدر يأكدلك داخلة ولالا لأنو لي راهم يديرو في السوجي غالقين عليهم الباب بالمفتاح ههههه لكن 51% مكانش و بنسبة 49% كاين و أعتبر هدرتي غالطة و ما تبنيش عليها.. نصيحة أخوية : الأولوية للدوال الاسية اللوغاريتمية متتاليات احتمالات دوال اصلية اعداد مركبة التحويلات النقطية حتى لوكان تجي راح تجي بسؤال واحد ولا زوج عليهم نقطة ولا زوج على الأكثر على الأكثر يعني ما تضيعش 18 ولا 19 نقطة بسبب نقطة ولا زوج التحويلات النقطية أقراها لكن خليها في الأخير... إن شاء الله وصل الميساج

الدفعة الثانية من الأسئلة المتنوعة لي راح نجاولو عليها ✓ اتجاه تغير دالة مركبة ✓ مناقشة دورانية ✓ دستور ثنائي الحد ✓خواص الاحتمالات ✓ رمي زهرتي نرد في آن واحد ✓ سحب كريات من صندوق به n كرية ✓ شجرة احتمالات من نوع خاص ✓ إستنتاج دالة أصلية بعد ما نُبسّط العبارة المُعطاة

و هذا الرابط تاع الفرنسية هيا جربو علابالي تعرفو غير ( vrai ou faux ) https://forms.gle/7M6pufXTYAECnTvN6

سلام عليكم هاو الجديد هاو الجديد ضرك نبارطاجيلكم رابط ادخلو و تلقاو أسئلة في مادة الاجتماعيات عبارة عن اختيار الاجابة الصحيحة جاوبو و ضرك.تخرجت نتيجتك في الاجابة يعني تشوف رووحك حافظ أو لا أستعدوا

22 عنوان في الأعداد المركبة بدون تحويلات نقطية لازم كل واحد فيكم يعرفهم باش يضمن نقطة الأعداد المركبة .......... أكتبولي رقم العناوين لي متعرفوش تجاوبو عليهم ولا مراكمش متمكنين منهم.. راني هنا معاكم لآخر دقيقة

سنة 2022 ربي ينجحهم و يوفقهم في مسارهم الجامعي ذهبي أ - بالرڨي ك

تصحيح الموضوع الاول اختبار الأمير

فوج الاثنين و الخميس متنسوش حصة غدوة الاثنين مع 6 تقراوها غدوة صباح مع 10

بسم الله الرحمان الرحيم هذي الورقة الأولى فيما يخص الأسئلة لي طرحتوها نبداو في الحصة القادمة ... مزال أسئلة أخرى في أوراق أخرى نجاوبو عليها الحصص القادمة... نبقاو معاكم بإذن الله لآخر ثانية... تستاهلوا أكثر المهم شرفوني بنقطة مليحة ( 20 )

السلام عليكم أكتبولي في التعليقات الأسئلة لي مزال عندكم نقص فيها ولا جاتكم في باك تجريبي و معرفتوش تجاوبو عليها بإذن الله تعالى إبتداءً من حصة غد السبت نجاوبلكم عليكم و ميولّيش عندكم نقص فيها ..... الفترة المتبقية لازم نعالجو النقائص و لو كثيرة لا تيأس ..

عجبتني حبيت نشاركها معاكم... 🔴 اللهم اجعلني سعادة لأمي و أبي يوم اعلان نتائج بكالوريا 2024 💓🥹. ✓ يا تلاميذ أخدموا و أتعبوا و أشقاو و مرمدوا رواحكم و أقتلوا رواحكم و أنجحوا علاجال والديكم خليهم يفرحوا كما كل الناس حرام عليكم تغضبوهم وقت الناس الاخرى فرحانين و علابالي تقدرولها و أنا الأستاذ مايو راني معاكم لآخر ثانية... أي حاجة تحتاجوها راني معاكم متخليش والديك غضبانين فرحوهم ربي يفرحكم... خلاص يزّي ... لوكان نبقى نكتب ضرك دموعي يطيحوا ... نوضو تقراو .... نوضو نوضو نوضو....

وشراكم وشحالكم من نهار اليوم ان شاء الله راكم ريڨلتوها

بارطاجي بارطاجي بارطاجي اابارطاج البارطاج اشارة دالة مركبة و اشتقاق دالة مركبة نعتذر عن الصوت ( كنت بحّان و شوي تعبان ) ان شاء الله يكون عجبكم و إستفدتو منو

للترفيه مشروب الزهر تشربه قبل الامتحان تجاوب في اخر 5 دقائق ههه #bac2024

وشراكم وشحالكم ان شاء الله راكم لباس تلاميذ الأحرار متنسوش نهار الإثنين هاذي ( بعد غدوة ) مع 2 الڨايلة عندكم إختبار تجريبي ماشي غير النظاميين لي يفوتو حتى نتوما عندكم الحق تفوتو الإختبار

مع 10 ليلا ان شاء الله نحاولو نديرو بث تجريبي و نحلو فيه الأسئلة الأولى تاع إختيار الإجابة الصحيحة أرجع للمنشورات السابقة

وشرايكم نديرو بث مباشر ؟ نجاوبو فيه على الأسئلة تاع إختيار الإجابة الصحيحة ؟؟ واجدين ؟؟ وش من وقت ؟؟ أعطوني رايكم