تلاميذ الاستاذ مايو باك 2024

صباح الخير متنسوش العربية معاملها 3 متنسوش العربية معاملها 3 متنسوش العربية معاملها 3 لازمك تقرا النص ولا الشعر مليح باش تفهم على واش يهدر ولا وش يقصد لازمك تجيب فيها أكبر نقطة ممكنة ربي معاكم مبقاش ڨد لي فات الجمعة الجاية يسموكم طلبة جامعيين

نصيحة لأصحاب الباك: نهار الباك راح تلقى زوج مواضيع .. واحد ساهل و لوخر صعيب .. أنت خير الساهل بسك الصعيب راح يجيك واعر ^^

الإجابة على سؤال متحووووف في الأعداد المركبة السؤال الأخير من التمرين الشامل لي حطيناه في المنشورات السابقة

لازم تكمّل الوقت كامل ... متنساش إذا كملت و راجعت كلش أضربها برڨدة ... ممكن بعد الرڨدة تغير كاش إجابة ولا تزيد ولا تنقص .. في كل إختبار مادة لازم تتحدى نفسك و تڨول لازمني نجيبكلش صحيح ولا على الأقل أغلبية الأسئلة صحيح... الناجح هو لي يتحدى نفسو في كل لحظة ... رد بالك رد بالك تڨول على كاش سوجي صعيب ... مقالولكش وشرايك في السوجي... قالولك جاوب و كسر راسك باش تفرح والديك.. تفكر كلامي في كل لحظة و ثانية

هادي حكاية الأستاذ مايو لخضر نهار أعلنو نتائج الباك... ...أنا في الباك تاعي كنت أصلا ناسي أنو هذاك النهار يعلنو فيه النتائج...المهم كي سمعت بلي راهم حطو ريزيلطا...ما فهمت والو هذاك وين رحت نحوس على الإستدعاء تاعي ...هههه بعدها مالقيتوش وأنا ناسي رقم التسجيل...قلبي خرج من جسمي....هههه عدت نقلب في القش و نطيش كالسارق هههه....المهم في الأخير لقيتو...رحت نجري للسيبار هههه لقيت كونكسيون مكاش والناس تزغرت لأنهم شافو قبل بمعارفهم و قلبي يزيد و يخبط...هههه بعدها جيت نمشي جهة مسجد عمر بن الخطاب جهة سيدي بوجنان لقيت الغاشي متجمع على الإمام قلت وش كاين؟ ....لقيتو يشوف لجماعة الباك نتيجتهم عندو كونكسيو مليحة...هيا قلت والله غير نقعد ونستنى هنا خيرلي...أيا لحق دوري عطيتو رقم التسجيل دخل يشوف وقلبي يخبط يخبط وبعدها قالي راك ناجح بمعدل 14.56 قتلو يرحم والديك زيد تأكدلي قالي يخي مولا رقم التسجيل هو تلميذة ؟؟؟ قالي اصبر راني غلطتلك...زاد خلعني اكثر واكثر...قتلو ربي ربي تأكد زاد شاف مرة أخرى قالي مبروك عليك مايو لخضر بمعدل 13.31ثم تأكدلي و رحت ديراكت نجري نجري نجري للدار نجحت نجحت و الزغاريد دايرة حالة و الحمد لله ... نهار نتائج الباك مستحيل يتنسى هذاك النهار ربي يمتعكم بيه و ينجحكم....

شكرا تلاميذي الناجحين والله أخجلتموني بهذا التكريم ... أدعو الله أن يوفقكم و ينور دربكم و تكونوا من الناجحين و المتفوقين و نعاود نكرمكم لأنكم تستاهلو أكثر ..

شكرا تلاميذي الناجحين والله أخجلتموني بهذا التكريم ... أدعو الله أن يوفقكم و ينور دربكم و تكونوا من الناجحين و المتفوقين و نعاود نكرمكم لأنكم تستاهلو أكثر ..

ملف بكالوريات تجريبية ماي 2024 بالحل المفصل اقراوهم تستفيدو من أفكار متنوعة مرتبين : الصفحات الأولى فيهم شعبة رياضيات و شعبة تقني رياضي و شعبة علوم و حتى التسيير

كاين ملف pdf فيه 400 صفحة فيه بكالوريات تجريبية تاع ولايات الوطن هاد العام ماي 2024 بالحل المفصل ... لي حاب ننشرو يحط ♥️

وشحالكم وشراكم ... ياتل ان شاء الله تكونو لباس .. كاش تمرين أعداد مركبة ولا إحتمالات... توحشتهم منقدرش نعيش بلا أعداد مركبة ولا إحتمالات...

نوض تقرا ضرك الڨايلة متخليش حتى العشية .... مكانش الرڨاد جاي الصيف و أرڨد حتى تشبع... نوض أفتح كاش تمرين رياضيات ولا فيزياء ولا علوم ... نوض أحفظ ولا راجع الحفاظة تاعك في المواد الأدبية لا تفقدوا الأمل لا تيأسوا لا تفشلوا فأنتم ناجحون .... مُحبكم في الله الأستاذ مايو لخضر - رياضيات -

بسم الله الرحمان الرحيم نعم كانت لحظات لا تُنسى ... نعم كنتم تلاميذ ما شاء الله و ستبقون كذلك هذا إعتراف منّي لكم ... كانت لحظات جميلة بيننا عشناها بحلوها بتعبها ... شكرا لكم على كل كلمة جميلة قلتوها في حقي فأنا لا أستطيع أن أرد جميلكم... شكرا لكل من سامحني في كلمة أخطأت فيها معه ... شكرا لكل من ضربته عن قصد أو عن غير قصد فأنا أريدكم أن تكونو من الناجحين ... شكرا لكل واحد داير فيا الثقة من البداية و قرا عندي ( ان شاء الله راني مقصرتش معاكم ) ... شكرا لكل واحد ذكرني بالخير و قال غير كلمة الحق فيا ... شكرا لكل من دعالي بالخير و دعا لوالديا بطول العمر و حجّة ليهم و ليا .. نتمنى من ربي يستجيب دعائي ينجحكم و نفرح صباح و عشية .. نفتخر أني قرّيت أمثالكم و دايما كنتم سند ليا ... لولاكم لما كاين أستاذ أسمو مايو بيكم نوض ولا نطيح ... ان شاء الله ترفعولي راسي و تبقى غير ذكريات نذكرها للأجيال القادمة ... ربي يحفظكم و يخليكم و يطول في عمر والديكم و ربي يفرحهم بيكم ... نصيحة : لي حاب ينحج لي حاب يجيب معدل ننصحو ميحڨرش روحو و يقول منقدرش نتا تقدر تجيب نتا تقدر توصل نتا يسموك ناجح نتا راك مدعي بالخير .. النجاح ماهو إلا جزاء من عند ربي لبرك لوالديك و عدم عصيانهم ... بالتوفيق بالتوفيق بالتوفيق .. إلى الأمام إلى الأمام إلى الأمام لا تنظر إلى الخلف...

صباح النوور ربي ينجحكم ملاحظة فقط : متنشروش فيديوات فطوات الحفل في مواقع التواصل مجرد نصيحة... ربي يوفقكم و يفرحني بيكم

سؤال في الإحتمالات يستدعي تعرف الوسط الحسابي أو تعرف العلاقة بين الحدود في الحسابية لكنه بسيط

تلاميذ شعبة رياضيات و شعبة تقني رياضي حاولو فيهم للحصة تاع نهار الثلاثاء صباحا مع 9.. وحدة الأعداد و الحساب ... العِــــــــــلميين روحو تقراو المناعة و ريبوزوم و الخلايا التائية و البائية و متنسوش ( الصدمة الحلولية ) ههههههه المهم كي تحصلو في العلوم عيطولي

تلاميذ شعبة رياضيات و شعبة تقني رياضي ... يوجد حصة ( مُراجعة عامة ) في وحدة الأعداد و الحساب بعد غدوة الثلاثاء مع 9 صباحًا خبرو بعضاكم ...

السلام عليكم النجاح في أي ميدان مهوش بالرڨاد و التفنيين ... لي حاب ينجح لازم يشقى و يتعب... لي حاب ينجح لازم يضحي ... لي حاب ينجح لازم كي الناس تتعب هذاك وين هو يستغل الفرصة باش يرتقي للمراتب الأولى لأنو الدنيا فُرص.. خلاصة الحديث : العبد الضعيف الأستاذ مايو من 8 صباح لل 8 الليل يقري و تاعب و لكن على ما دخلت ڨدڨد كتبتلكم و جمعتلكم هذا التمرين الشامل في الأعداد المركبة باش نحلوه الحصة الجاية... إن شاء الله وصل الميساج ...

أقروها خاوتي الصغار عييت و أنا نكتب فيها.... علابالكم شكون هو لي يكون عندو حظوظ أكبر في النجاح ؟ هذاك لي يتعامل مع السوجي بذكاء هذاك لي ما يحشيهالوش سؤال و يبقى فيه نص ساعة حاصل هذاك لي ما يستعملش المسودة ياسر هذاك لي يحط توقيت يحل فيه السوجي أقل من التوقيت المُعطى باش يبقالو وقت يراجع و يتنفس و يقدر يكتشف أخطاؤو هذاك لي يكتب بخط واضح هذاك لي ما يفشلش و ما يخرجش قبل الوقت و لو كان ظهرو مڨسوم على زوج. هذاك لي يشقى و يتعب علاجال والديه باش يفرحهم بنجاحو هذاك لي راضيين عليه والديه هذاك لي مستحيل يقلقهم و إذا قلقهم ما يسمحش لروحو يخليهم مقلقين و يروح يراضيهم هذاك لي يعز والديه أكثر من نفسو هذاك لي حاب يرد لوالديه و لو شوي واش تعبو عليه هذاك لي كي ينسى قانون ولا ينسى قاعدة يتفكر أنو والديه يستنو نجاحو تعاود تجيه الفكرة و يكمل يعمّر الورقة ..... قاعدة تاع الأستاذ مايو : نجاحكم في البكالوريا لا يعني نجاحكم في الحياة و عدم نجاحكم في البكالوريا لا يعني عدم نجاحكم في الحياة و لكن نجاحكم في البكالوريا يعني إبتسامة في وجه ماماك خير من الدنيا و ما فيها.. تكبرو و تفهمو كلامي زين زين... كتابة الأستاذ مايو .....