KNDF B-05 official

လွိုင်ကော်မြို့အတွင်း အရပ်ဝတ်ဖြင့် WYဆေးပြားများသယ်ဆောင်သွားလာနေသည့် ရဲတပ်သားတစ်ဦးအား ဖမ်းဆီးရမိ ၂၀၂၃ ခုနှစ်၊ ဒီဇင်ဘာလ၊ (၁၅)ရက်၊၊ လွိုင်ကော်မြို့အတွင်း အရပ်ဝတ်ဖြင့် WYဆေးပြားများ‌သယ်ဆောင်ကာ သွားလာနေသည့် ရဲတပ်သားတစ်ဦးအား ၂၀၂၃ခုနှစ်၊ ဒီဇင်ဘာလ၊ (၁၁)ရက်နေ့တွင် KNDFတပ်ရင်းအမှတ်(၅) ရဲဘော်များမှ လက်ရဖမ်းဆီးနိုင်ခဲ့ပါသည်။ ၎င်းနှင့်အတူသယ်ဆောင်လာသောအိတ်အား စစ်ဆေးကြည့်ရာ လက်ပစ်ဗုံး(၃)လုံး၊ WYဆေးပြား(၁၂)ပြား၊ လက်ကိုင်ဖုန်း(၂)လုံး နှင့် ငွေသားတချို့ကို သိမ်းဆည်းရရှိခဲ့ပါသည်။ အဆိုပါရဲတပ်သား တင်မောင်နိုင်သည် လွိုင်ကော်မြို့၊ တောင်ဈေးအနီးရှိ KBZ ဘဏ်တွင် တပ်စွဲထားသော ရဲတပ်ဖွဲ့ဝင်များထဲမှတစ်ဦးဖြစ်ပြီး WYဆေးပြားများကို အပြင်မှဝယ်ယူကာ တပ်ဖွဲ့ဝင်များထံ ပြန်လည်ရောင်းချနေသူတစ်ဦးဖြစ်ပြီး ယခုဖြစ်စဉ်တွင်လည်း အပြင်တွင် ဆေးပြားများဝယ်ယူရန် အရပ်ဝတ်ဖြင့် သွားလာနေချိန်အတွင်း KNDF ရဲဘော်များမှ ဖမ်းဆီးခဲ့ပြီး သက်ဆိုင်ရာ ကရင်နီပြည် ရဲဌာန ( KSP) လက်ထဲသို့ အပ်နှင်းခဲ့ပါသည်။ သတင်းနှင့်ပြန်ကြားရေးဌာန တပ်ရင်းအမှတ်-၅ ကရင်နီအမျိုးသားများကာကွယ်ရေးတပ် - KNDF

"၁၁.၁၁ စစ်ဆင်ရေးတွင်" ကရင်နီတပ်ပေါင်းစုများမှ စစ်ကောင်စီများကို သုတ်သင် ရှင်းလင်းသည့် Video File များ

KNDFတပ်ရင်းအမှတ်(၅) နှင့် ကရင်နီပြည်ရဲတပ်ဖွဲ့တို့ ပူးပေါင်း၍ မူးယစ်ဆေးဝါးနှင့်နယ်မြေလုံခြုံရေးအတွက် ရှောင်တခင် ဝင်ရောက်စစ်ဆေး။ ၂၀၂၃ခုနှစ်၊ နိုဝင်ဘာလ (၉)ရက်။ မိမိတို့ကရင်နီအမျိုးသားများကာကွယ်ရေးတပ် တပ်ရင်းအမှတ်(၅)သည် တော်လှန်ရေးတွင်ပါဝင်လာခဲ့ချိန်မှစ၍ ယနေ့အချိန်ထိ တိုက်ခိုက်ရေးတာဝန်များကိုသာမက၊ ပြည်နယ်နှင့်ပြည်သူ့လုံခြုံရေးအတွက် အဖက်ဖက်မှပါဝင်ပူးပေါင်း ဆောင်ရွက်မှုများပြုလုပ်လျက်ရှိပါသည်။ ၂၀၂၃ခုနှစ်၊ နိုဝင်ဘာလအတွင်း မိမိတို့ ထိန်းချုပ်နယ်မြေများအတွင်း ခိုလှုံလျက်ရှိသော အရပ်သားပြည်သူများ၏ လုံခြုံရေးအတွက် နယ်မြေလုံခြုံရေးစစ်ဆေးခြင်း နှင့် မူးယစ်ဆေးဝါးရောင်းဝယ်ဖောက်ကား အသုံးပြုမှုများအား စုံစမ်းရှာဖွေခြင်းများကို ကရင်နီပြည်ရဲဌာန(KSP) နှင့် အတူတကွပူးပေါင်း ဆောင်ရွက်ခဲ့ပါသည်။ သတင်းနှင့်ပြန်ကြားရေးဌာန ကရင်နီအမျိုးသားများကာကွယ်ရေးတပ်-KNDF တပ်ရင်းအမှတ်(၅) KNDF/B-05

အောက်တိုဘာလ တလတာစစ်ရေး သတင်း အနှစ်ချုပ်ထုတ်ပြန်ချက် စာအမှတ်-KNDF/၁/၂၀၂၃(၀၂၁) ၂၀၂၃ခုနှစ်၊နိုဝင်ဘာလ(၃)ရက်။

ကရင်နီအမျိုးသားများကာကွယ်ရေးတပ် တပ်ရင်းအမှတ် ၅ ထုတ်ပြန်ချက် ၃ရက်၊၁၁လ၊၂၀၂၃ခုနှစ် မိမိတို့ကရင်နီအမျိုးသားများကာကွယ်ရေးတပ် တပ်ရင်းအမှတ် ၅ သည် တိုက်ပွဲဆင်နွှဲခဲ့သည်မှာ (၂) နှစ်ကျော်လာသည်နှင့်အမျှ မိမိတို့ဖက်မှလည်း တိုင်းပြည်နှင့်လူမျိုးများအတွက်မြင့်မြတ်စွာဖြင့်အသက်ပေးလှူသွားခဲ့သော အာဇာနည်သူရဲကောင်းများလည်းရှိခဲ့ပါသည်။ ထိုကဲ့သို့‌သော သူရဲကောင်းများအတွက် သတိရအောက်မေ့ဘွယ် ဆုတောင်းခြင်းအား ပြုလုပ်ပေးခဲ့ပြီး အာဏာရှင်အမြစ်ပြတ်ရေးဖြစ်သော နွေဦးတော်လှန်ရေးတွင် ‌ကြွေလွင့်သွားခဲ့ရသောအာဇာနည်သူရဲကောင်းများအား အောက်မေ့သတိရရင်း လေးစားဂုဏ်ယူပါကြောင်း ပြောကြားလိုပါသည်။ သတင်းနှင့်ပြန်ကြားရေးဌာန ကရင်နီအမျိုးသားများကာကွယ်ရေးတပ် - KNDF တပ်ရင်းအမှတ် - ၅ KNDF/B05

KNDF တပ်ရင်းအမှတ် (၅) ဒုတိယအကြိမ်တွေ့ဆုံပွဲ ကျင်းပပြုလုပ် ၁၅ရက်၊ အောက်တိုဘာလ၊ ၂၀၂၃ခုနှစ်။ မိမိတို့ကရင်နီအမျိုးသားများကာကွယ်ရေးတပ်-KNDF တပ်ရင်းအမှတ်(၅)သည် ကရင်နီပြည်တွင်တိုက်ပွဲဆင်နွှဲခဲ့သည်မှာ(၂)နှစ်ကျော်ကြာမြင့်ခဲ့ပြီဖြစ််သည်။ တော်လှန်ရေးခရီးကြာမြင့်လာသည်နှင့်အမျှ မိမိတို့ ကရင်နီအမျိုးသားများကာကွယ်ရေးတပ်-KNDF တပ်ရင်းအမှတ်(၅) မှ ရဲဘော်များသည် ကျရာတာဝန်ကဏ္ဍအသီးသီးတွင် တာဝန်ကျေပွန်စွာထမ်းဆောင်ခဲ့ကြသလို၊ မြင့်မြတ်စွာ အသက်ပေးလှူသွားခဲ့သော အာဇာနည် သူရဲကောင်းများအတွက်လည်း လေးစားဂုဏ်ယူ‌မိပါကြောင်း‌ ပြောကြားလိုပါသည်။ ရဲဘော်အားလုံး၏ စိတ်အားထက်သန်မှုနှင့် ကြိုးစားအားထုတ်မှုတို့ကြောင့် ယနေ့အထိတိုင် တော်လှန်ရေးခရီးပေါက်လာခဲ့ပြီဖြစ်သည်။ မိမိတို့တပ်ရင်းအမှတ်(၅) အနေဖြင့် ရဲဘော်များ၏ လုပ်ဆောင်ခဲ့မှုများကို အသိအမှတ်ပြု‌ကြောင်း နှင့် စိတ်ဓာတ်မြှင့်တင်ပြီး မဆုတ်နစ်သော ဇွဲ၊ လုံ့လတို့ဖြင့် ပြည်သူ့တော်လှန်ရေးအောင်မြင်သည်အထိ ဆက်လက်ရပ်တည် တိုက်ပွဲဝင်သွားမည်ဖြစ်ကြောင်း ထပ်မံပြောကြားလိုပါသည်။ သတင်းနှင့်ပြန်ကြားရေးဌာန ကရင်နီအမျိုးသားများကာကွယ်ရေးတပ်-KNDF တပ်ရင်းအမှတ်-၅ KNDF/B05

Women Power #KNDFB-05 #အမျိုးသမီးတပ်ခွဲ/၄

"အာဇာနည်သူရဲကောင်း၏ ဈာပနာအခမ်းအနား" ၂၀၂၃ခုနှစ်၊ စက်တင်ဘာလ၊ ၃၀ရက်နေ့။ ကရင်နီ အမျိုးသားများကာကွယ်ရေးတပ်၊ တပ်ရင်းအမှတ် (၅) နှင့် ပူးတွဲ၍ (ကရင်နီတပ်‌ပေါင်းစု ကွန်မန်ဒို)တွင် တာဝန်ထမ်းဆောင်ခဲ့သော စစ်ကြောင်းမှူး ကာဗြေလယ်(ခ)ကြက်ဖ သည် ၂၀၂၃ခုနှစ်၊စက်တင်ဘာလ၊၂၇ရက်နေ့တွင် ဖရူဆိုမြို့နယ်၊ ထားလဲကျေးရွာအနီးတွင် စစ်ကြောင်းထိုးလာသော စစ်ကောင်စီများနှင့်အပြန်အလှန်ပစ်ခတ်ရင်း တိုင်းပြည်နှင့်လူမျိုးအတွက် မြင့်မြတ်စွာအသက်ပေးလှူခဲ့ပါသည်။ မိမိတို့တပ်ရင်း အမှတ်(၅) အနေဖြင့် စစ်ကြောင်းမှူး ကာဗြေလယ်ကျဆုံးမှုအတွက် ကျန်ရစ်သူမိသားစုဝင်များနှင့်အတူ ထပ်တူဝမ်းနည်း၍ မှတ်တမ်းတင်ဂုဏ်ပြုအပ်ပါသည်။ ဆက်လက်ပြီးမိမိတို့ ကရင်နီအမျိုးသားများကာကွယ်ရေးတပ်၊ တပ်ရင်းအမှတ်(၅) အနေဖြင့်လည်း ဖရယ်ဒရယ်ဒီမိုကရေ‌စီစနစ်ပေါ်ပေါက်ရေးအတွက် ဆက်လက်ပြီးတိုက်ပွဲဝင်သွားပါမည်ဟု ကတိသစ္စာပြုအပ်ပါသည်။

"အာဇာနည် သူရဲကောင်းနှစ်ဦးရဲ့ ဈာပနာအခမ်းအနား" ၂၀၂၃ ခုနှစ်၊ စက်တင်ဘာလ ၊ (၃)ရက်နေ့ ။ ၂၀၂၃ ခုနှစ်၊ စက်တင်ဘာလ ၊ (၃)ရက်နေ့တွင် စစ်အာဏာရှင်စနစ်ကိုဝောာ်လှန်ရင်း တပ်သားစိုးရယ် (ခ) စိုးပေ နှင့် ဒုတပ်စုမှူး မြတ်မင်းသူ (ခ) မုန်တိုင်း အာဇာနည်သူရဲကောင်း နှစ်ဦးသည် သေးဆူလဲတိုက်ပွဲတွင် စစ်ကောင်စီနှင့် အပြန်အလှန်တိုက်ခိုက်ရင်း မြင့်မြတ်စွာအသက်ပေးလှူခဲ့ပါသည်။ မိမိတို့ကရင်နီအမျိုးသားများကာကွယ်ရေးတပ် တပ်ရင်းအမှတ်(၅)အ‌နေဖြင့် ရဲဘော် စိုးရယ် နှင့် မြတ်မင်းသူ အာဇာနည်သူရဲကောင်းနှစ်ဦးကျဆုံးမှုအတွက် ကျန်ရစ်သူမိသားစုများနှင့်အတူ ထပ်တူဝမ်းနည်း ရပြီး မှတ်တမ်းတင်ဂုဏ်ပြုအပ်ပါသည်။ ဆက်လက်ပြီး မိမိတို့ကရင်နီအမျိုးသားများကာကွယ်ရေးတပ် တပ်ရင်းအမှတ်(၅)အနေဖြင့် အနာဂတ်ဖရယ်ဒရယ်ဒီမိုကရေစီ စနစ် ပေါ်ပေါက်ရေးအတွက် ဆက်လက်တိုက်ပွဲဝင်သွားပါမည်ဟု ကတိသစ္စာပြုအပ်ပါသည်။

သေးဆူလဲ ၊ ပူဖားကျေးရွာများရှိ စစ်ကောင်စီ၏ ခြေကုပ်စခန်းများအား စီးနင်းတိုက်ခိုက်ခဲ့ခြင်း သတင်းထုတ်ပြန်ချက်။

"စည်းရိုး Project လက်နက်အပ်နှင်းပွဲ အခမ်းအနား" ယနေ့သည် ကရင်နီအမျိုးသားများကာကွယ်ရေးတပ် KNDF ဗျူဟာ(၄)ရဲ့ "စည်းရိုး" Projectမှ ရရှိလာသော လက်နက်များအပ်နှင်းပွဲ အခမ်းအနား ဖြစ်ပါသည်။

ဒီးမော့ဆို-ဖရူဆို ပြည်ထောင်စုလမ်းမကြီးပေါ်တွင် ဖြစ်ပွားခဲ့သော တိုက်ပွဲသတင်းထုတ်ပြန်ခြင်း။ ၂၀၂၃ ခုနှစ် ၊ သြဂုတ်လ(၁၉)ရက်။

ဇွန်လ (၁)လတာ တိုက်ပွဲသတင်းအနှစ်ချုပ် ထုတ်ပြန်ခြင်း။

ဒေါလျားခူ နှင့် တနီးလာလဲ တောင်ပေါ်တစ်ကြော ဖြစ်ပွားခဲ့သော တိုက်ပွဲအခြေအနေ စစ်ရေးသတင်းထုတ်ပြန်ခြင်း။

သေးဆူလဲတွင်တပ်စွဲထားသော စစ်ကောင်စီတပ်များအား ရှောင်တခင်ဝင်ရောက်တိုက်ခိုက်ခြင်း ၁၇.၅.၂၀၂၃ 14.5.2023 (တနင်္ဂနွေနေ့)တွင် KNDF တပ်ရင်းအမှတ်(၅)မှ သေးဆူလဲတွင်တပ်စွဲထားသော စစ်ကောင်စီတပ်များအား ကင်းတက်ထောက်ရင်း ရှောင်တခင်ဝင်ရောက်တိုက်ခိုက်ခဲ့ရာ စစ်ကောင်စီဖက်မှတပ်သား(1)ဦးကျဆုံးပြီး၊ (2)ဦးထက်မနည်းထိခိုက်ဒဏ်ရာရရှိခဲ့ပါသည်။ ထို့အတူ 16.5.2023 (အင်္ဂါနေ့)တွင် မိမိတို့တပ်ရင်းအမှတ်(၅)မှ သေးဆူလဲတွင် တပ်စွဲထားသောစစ်ကောင်စီတပ်များအား ထပ်မံဝင်ရောက်တိုက်ခိုက်ခဲ့ရာ တိုက်ပွဲမှာ (၂)နာရီဝန်းကျင်ခန့် ကြာမြင့်ခဲ့ပြီး စစ်ကောင်စီဖက်မှထိခိုက်မှုများရှိခဲ့ကာ မိမိတို့ KNDFမှ အထိအခိုက်မရှိ ပြန်လည်ဆုတ်ခွါနိုင်ခဲ့ပါသည်။ သတင်းနှင့်ပြန်ကြားရေးဌာန KNDF တပ်ရင်းအမှတ်(၅)

PROJECT “ကရင်နီပွိုင့်5” ‼️DAY 18‼️ 🔺ကရင်နီပြည်ဟာ Feb 24 ရက်မှစပြီး နေ့စဉ်ရက်ဆက် တိုက်ပွဲဖြစ်ပွါးနေတာ ဒီကနေ့ထိပါပဲ။တိုက်ပွဲကာလကြာမြင့်သည်နှင့်အမျှ လိုအပ်ချက်များစွာရှိနေပါတယ် ။ 🔺ရှေ့ကပြီးခဲ့ “စည်းရိုး” ပရောဂျက်အောင်မြင်မှုဟာလည်း မြေပြင်ကိုတိုက်ရိုက်စီးဆင်းနေပါပြီ။ 🔺ကျ-ည် ချက်တိုင်းဟာငွေတွေပါ။ 🔜 ပြည်သူစခဲ့တဲ့ပွဲမဟုတ်ပေမယ့် ပြည်သူဟာအနိုင်နဲ့အဆုံးသတ်ရမှာပါ။ ကရင်နီပြည်ဟာ လွတ်မြောက်ဒေသဖြစ်ဖို့လည်းသိပ်မလိုတော့သလို ပေးဆပ်ရတဲ့အရင်းအနှီးကလည်း လူငယ်တွေရဲ့အသက်တွေပါ။ 🔚ကောင်းမွန်တဲ့ရလာဒ်ကို လိုချင်ရင် တန်တဲ့ပေးဆပ်မှုရှိရမယ်တဲ့။ ခုပေးဆပ်နေတာ ကျွန်တော်တို့လူငယ်အသက်တွေဖြစ်နေတယ်။ ဒီထက် တန်ဖိုးကြီးတာ ဘာများရှိဦးမှာလဲ။ 🔺“ငွေနဲ့ဝယ်လို့ရတဲ့ ကျ-ည်ဆံတွေကရှားနေပြီး ငွေနဲ့ဝယ်လို့မရတဲ့ အသက်တွေဆုံးရှုံးဖို့ ပေါနေတဲ့ ရင်နာစရာကောင်းတဲ့နိုင်ငံ” ဒီစာကိုရေးနေတဲ့အချိန် ကျနော်ကိုယ်တိုင်ငိုနေမိတယ်… #ကရင်နီပွိုင့်5 #ဖက်ဒရယ်လှမ်းချီကရင်နီမှသည် #KarenniPoint5