Farrux Amirov ijodiy kanali

Shukur Qurbon Shaytonlari chiqdi yo'ldan.... Xiyobon oqshomlaridan @wwwesdalikuz

Assalomu alaykum! Juma ayyomingiz muborak bo'lsin!

Tugʻilgan kuningiz muborak boʻlsin🎉 * * * * Qadrning qadrini bilguvchilar oz, Qorinning qadrini biladi hamma. Qadr bilmaslarni etishib e'zoz, Qadrlovchilarga qilishar ta'ma... Abdumajidova Sarvinoz @Farrux_Amirov

Yoshlar kuni muborak boʻlsin azizlar🥳 @Farrux_Amirov

​​Choʻpon yigit haqida ballada Erta tong. Osmonda quyosh koʻrinmas, Soy tomon yuraman qoʻylarni haydab. Ichimda aytaman: Men uchun emas, Sharpadek yashamoq Qirlarda daydib. Shabada esadi. Shabada najot, Koʻzini ochadi quyosh ham oxir. Bir umr qoʻy boqib oʻtaman nahot, O bunday yashamoq naqadar ogʻir. Belbogʻimni yozib Qulayman yerga, Chala qolgan uyqu oʻgʻirlar meni. Chaqirtikanaklar botadi belga, Oh buncha notekis Dashtlarning yeri. Koʻzimni ochaman. Seskanib birdan, Qoʻy u qoʻzilardan yoʻq biror nishon. Beva qolgan erdek sekin ingrayman, Atrofga chopqillab Boʻlaman sarson. Qoʻyni ku topaman. Xirmon oralab, Qaro kech uyimga kelaman qaytib. Ichimda aytaman: Men uchun emas, Sharpadek yashamoq Qirlarda daydib. Otajon, Yoʻl bering! Boʻldi Ketaman Shuncha payt yashadim Bahormi, Qishmi. Aslo istamayman nomim chiqmasdan, Sahroi soʻxtada oʻlib ketishni. Otajon, Ichimni kuydirar bir choʻq, Qachon tinim bilgan qoʻyboqar choʻpon. Hayvonning aqli yoʻq, Qirning joni yoʻq. Mening orzularim bor ku otajon. Shaht bilan ketaman Qarorim shu Bas, Xokisor otamga alvido aytib. Ichimda soʻzlayman: Men uchun emas, Sharpadek yashamoq Qirlarda daydib. Pichirlab qoʻyaman Har bir qadamda, Oʻzimni izlayman Manzilim shahar. Menday mehnatkash yoʻq axir olamda, Shohlarday yashayman istasam agar. Mana, oʻsha mening ijara uyim, Nenidir izlayman Xalovatmi yo. Topmasdan yostiqqa qoʻyaman boshni, Meni siqib borar tevarak dunyo. Shabada kelsaydi Shabada najot, Baland binolarning ortida qolgan. Uxlayman Men yotgan yumshoq karavat, Bizning tikon bosgan dasht boʻlmas ekan. Qaydadir ingraydi Oʻn uch yosh inim, Beva qolgan erlar ingragan kabi. Qirlarda girgotton boʻlar betinim, Ohista pichirlar qurigan labi. Shu tarzda yuradi kunni qoralab, Shoʻrlik qolmasaydi bir kunda qarib. Boʻzlagancha chiqar xirmon oralab, Bir toʻda qoʻylarni oldiga solib. Menga azob berar Shu tush har kecha, Inimning aksida goʻyoki oʻzim. Uxlolmay chiqaman Har tun, Tonggacha, Qirlarni izlaydi jovdirab koʻzim. Ichimdan zil ketar Bu xayol qafas, Qush boʻlib uchmoqqa sira qoʻymaydi. Pichirlab qoʻyaman U uchun emas, Sharpadek yashamoq Qirlarda daydib. Hayot bir suv sepdi Jar soldi Uygʻon, Sen axir oʻzingsan Oʻzliging qani? Jimgina qaytaman qishloqqa tomon, Yoʻqolgan qoʻylarni topib bergani. Farrux Amirov @Farrux_Amirov

Ancha she'r kutib qoldingiz-a?

Ўғри Хотини оч эди, оч эди ўғли, Балки, шундан эгри йўлга тушди у. Омадсиз ҳаётда – омадсиз ўғри, Уч-тўрт сўм чақа деб қўлга тушди у. Қозию миршаблар бўлишдилар жам, Бирлашиб жазолаш йўлини топди. Қонсираб турганми экан жаллод ҳам, Ўғрининг иккала қўлини чопди. Бу ҳам бир тақдири азал экан-да, Унга шундай қисмат аталган эди. Гўё “шоирсан-ку, гапир”, дегандай Нигоҳи кўксимга қадалган эди. У на дод соларди, на бир сўз демас, Унинг нигоҳларин тубига етдим. Бу лаҳза бечора ўғрига эмас, Бечора дунёга ачиниб кетдим. Қайдан гувоҳ бўлдим бу ҳолга билмай, Эсласам, кўксимда ғашлик жўшади. Энди мен қай томон юзимни бурмай, Қўлсиз одамларга кўзим тушади. Ифтихор @qalb_yoli

#хушхабар_ Расман Жиззах давлат педагогика институти университет сифатида эълон қилинди. Президент Шавкат Мирзиёев 21.06.2022 йил “Педагогик таълим сифатини ошириш ва педагог кадрлар тайёрловчи олий таълим муассасалари фаолиятини янада ривожлантириш чора- тадбирлари тўғрисида” ги ПҚ-289 сонли қарорни имзолади. Мазкур Қарор билан А.Қодирий номидаги Жиззах давлат педагогика институтига, Жиззах давлат педагогика университети мақоми берилди.