Ramazon

Ибн Масъуд розияллоҳу анҳу асҳобларига: "Сизлар Муҳаммад соллаллоҳу алайҳи ва саллам асҳобларига қараганда намоз, рўза ва жиҳодни кўп қиласизлар, лекин улар сизлардан кўра яхши эдилар", дедилар. Улар: "Бу қандоқ бўлди?", дея сўрашди. "Чунки улар сизларга қараганда дунёдан зоҳид (юз ўгирувчи) ва охиратга рағбат қилувчи эдилар", дея жавоб қилдилар Ибн Масъуд розияллоҳу анҳу. https://t.me/Ramazon_ab

"Мен анавидек гуноҳ қилмаганман-ку", - деб ўзингизнинг гуноҳингизни енгил санаманг. Инсон қайси гуноҳи учун Жаҳаннамга, қайси савоби учун Жаннатга тушишини билмайди. Аллоҳ сизнинг барча гуноҳларингизни кечириб, сиз кичик санаб, кўз юмган биргина гуноҳингиз учун адолат қилиб жазолаши мумкин. Яна кўплаб сизнинг наздингизда буюк, аммо Аллоҳнинг наздида кичик бўлган амалларингиз четда қолиб, биргина ихлос билан айтилган "Субҳаналлоҳи ва биҳамдиҳи!" деган зикрингиз учун Жаннатга киришингиз ҳам мумкин. Тарози Аллоҳникидир. https://t.me/Ramazon_ab

Қуш қорни тўйгандан кейин ўгрилди ва учиб кетди... Қолган донларни ўйламади... Ёнимга олиб олай, захира қилиб қўяман, эртага ейман, демади... Ҳаммаёқ қор, эртага оч бўлсам, егулик тополаманми? - деб ташвишланмади!... Чунки ризқ берувчисидан кўнгли хотиржам эди. Ризқ берувчиси уни унутиб қўймаслигини жуда яхши биларди! ┈┈•┈┈•⊰✿🍃🌸🍃✿⊱•┈┈•┈ https://t.me/Ramazon_ab

Расулуллоҳ соллаллоҳу алайҳи васаллам: Агар Аллоҳ ва расули сизни яхши кўришини хуш кўрсангиз, уч хислатни муҳофаза қилинглар: 1. Ростгўйлик, рост сўз. 2. Омонатга риоя қилиш, ўз ўрнида адо қилиш. 3. Яхши қўшничилик. Чунки, қўшнига озор бериш худди қуёш қаттиқ музни эритиб юборгани каби яхшиликларни эритиб, ўчириб юборади. Имом Табароний ривояти. https://t.me/Ramazon_ab

Инсонлар икки тоифага бўлинадилар: Гуноҳкор эканини ўйлайдиган Ҳақ аҳли инсонлар ва Ҳақ аҳли эканини ўйлайдиган гуноҳкор инсонлар. https://t.me/Ramazon_ab

Баъзида Аллоҳ сени бир нарса билан икки маротаба имтиҳон қилади. Чунки сен биринчисдан ўта олмадинг,Аллоҳ эса ўтишингни хоҳлаяпти. https://t.me/Ramazon_ab

Ёлғиз қолдингми? Ўзингни ёлғиз ҳис қиляпсанми? Аслида ёгғизлик, Аллоҳнинг ҳар он сен билан эканлигини унутишингдир! https://t.me/Ramazon_ab

Уч нарсага ишон: Ўтмиш учун Аллоҳнинг раҳматига, Ҳозир учун Аллоҳнинг ёрдамига, Келажак учун Аллоҳнинг ваъдасига. https://t.me/Ramazon_ab

Мол-дунёинг бўлса, пулдор дўстларинг кўпаяди. Чиройинг бўлса, хушторларинг кўпаяди. Ахлоқинг гўзал бўлса бир умрлик чинакам дўстларинг кўпаяди. https://t.me/Ramazon_ab

Боланинг энг катта душмани унга Аллоҳ ҳақида билдирмаган, Уни танитмаган, абадий шу дунёда яшайдиган қилиб етиштирган ота-онаси ҳисобланади. Ҳазрати Умар розияллоҳу анҳу https://t.me/Ramazon_ab

АЁЛ ҲАҚИДА Аёл билан танишиш учун бир неча дақиқа етарли, уни яхши билиш учун эса йиллар керак. Айрим “доно”ларнинг фикрича, аёлни тўлиқ билиш учун у билан ажралиш керак экан. Албатта, бу фикрни ҳазил маъносида қабул қиламиз. Лекин айрим эр-хотинлар ажрашиб кетганларидан сўнг, айниқса бошқа оила қурганларидан кейин бир-бирларининг қадрига ета бошлайдилар. Аксарият яхши эрнинг қадрига етмаган хотинга Аллоҳ янада золимроқ эрни, солиҳа аёлнинг қадрига етмаган эрга эса “куйдирувчи ” хотинни рўбарў қилиб қўяди. Тоҳир Малик https://t.me/Ramazon_ab

Ҳикмат Ер юзида иймон лаззати каби бошқа лаззат йўқдир. Шайх Алий Тантовий роҳимаҳуллоҳ https://t.me/Ramazon_ab

ХОТИМАНИ ҲАМ ГЎЗАЛ ҚИЛИНГ! Агар бирор киши билан алоқангиз узилса, унинг барча сирларини тўплаб, бир жойга яширинг-да, сўнгра у жойни ўзингиз ҳам унутиб юборинг. Шунда хотима ҳам гўзал бўлади. Хотимани гўзал қилиш ҳам мукаррам ахлоқлардан ҳисобланади. “Ҳикматлар чашмаси”дан https://t.me/Ramazon_ab

Биров сиздан ёрдам сўраса, насиҳат ёки маслаҳатларингиз билан қалбини жароҳатламанг. У инсон агар маслаҳат ё насиҳат истасайди, "Бу борада сенинг фикринг қандай?"деб сўрарди. Ёрдам сўрабдими, демак, аллақачон бир қарорга келган, йўлини танлаб бўлган. Сизнинг маслаҳат ё насиҳатларингизни ўйлаб, мулоҳаза қилиб, ақл тарозисида ўлчаб-ўйлаб олган. Қўлингиздан келса, ёрдам беринг, келмаса узрингизни билдиринг... https://t.me/Ramazon_ab

ИЙМОННИНГ ҲАҚИҚАТИ Эй одам боласи, сен ўзингда бор айб билан одамларни айблар экансан, токи ўзингни ўша айбдан тузатмагунингча иймоннинг ҳақиқатини ҳаргиз топа олмассан. Агар айбингни ҳақиқатда тузата олсанг, албатта яна бошқа айбингни ҳам кўра оласан. Шунда сен ўзинг билан ўзинг машғул бўлиб қоласан. Ана шундоғ бўлмоғинг Аллоҳ таолога маҳбуброқдир. Ҳасан Басрий https://t.me/Ramazon_ab

Олийжаноб эр хотинининг шаръий талабларини эътиборга олади. Улардан ман қилмайди. Хотин ота-онасини зиёрат қилмоқчи бўлса рухсат беринг. Уйда зерикса, айланишни истаса бирга чиқинг. Агар қандайдир кийимга ҳавас қилган бўлса имкониятингиз бўлса олиб беринг. Агар дугоналарини чақирмоқчи бўлса унга рухсат беринг. Уни бўғманг. Маҳрум қилиш ҳамманинг ҳам қўлидан келади. Тақдим қилишга эса ҳамма ҳам қодир эмас. Қалби қаттиқлик қаҳрамонлик эмас. Аслида юмшоқлик қаҳрамонликдир. А. Полвонов. https://t.me/Ramazon_ab

СЕН АВВАЛ ҲАРАКАТ ҚИЛ Шайх Ибни Нуҳдан ривоят қилинади: - Сендан айриладиган нарсадан у сени тарк қилишидан аввал сен ундан айрил. Сенга лозим бўладиган нарсага эса, у нарса сенга лозим бўлишидан аввал, сен унга эга бўл. https://t.me/Ramazon_ab

АЛЛОҲНИНГ РАШКИ Ҳакимлардан бири айтган экан: “Ҳар қачон бирор кимсага ошиқ бўлиб, ўй-фикрингиз билан унга буткул боғланиб қолсангиз, Аллоҳ таоло Ўзидан бошқага боғланиб қолган қалбни рашк қилишини сизга билдириб қўйиши учун сизни ундан маҳрум қилади ёки сизни ошиқлик аламини татишга мажбур қилади”. “Ҳикматлар чашмаси”дан https://t.me/Ramazon_ab

Ҳакимлардан бири ўғлига: фалон қўшнимиз бор-ку! Шу бизни ёмон кўради - деди. - Ўғли сўради: Отажон ахир улар биз билан доим яхши кўришиб, чиройли муомала қилади-ку? - Отаси жавоб берди: «Сен уларни катталарини кулиб қараганига эмас кичик ёшдаги болаларини бизга нисбатан қандай муомалада бўлаётганига диққат қилгин. Кичик ёшдаги болалар уйидан эшитган суҳбатига қараб бошқаларга муомала қилади» - деди. Изоҳ: “Болалар қалбида мунофиқлик йўқ. Улар катталарнинг сўзларини қалбларига илғаб, муҳаббат ёки нафратни тўғридан-тўғри қабул қилишади.” “Бола қалбида катталар юрагидаги ҳақиқат яширинган бўлади. Агар сизга бола меҳр билан қараса, билингки, у меҳр сиз ҳақингизда гапирилган самимий сўзлардан сўнг пайдо бўлган. Одамлар ҳақидаги ҳақиқий фикрни болаларнинг нигоҳида топасиз.” https://t.me/Ramazon_ab

​​#Ҳадис Абу Бакр ибн Ҳафсдан ривоят қилинади: «Бир одам Набий соллаллоҳу алайҳи васалламнинг ҳузурларига келди. У гуноҳ қилган эди. Бас, у зот: «Сенинг онанг борми?» – дедилар. «Йўқ», – деди. «Сенинг холанг борми?» – дедилар. «Ҳа», – деди. «Бор! Унга яхшилик қил!» – дедилар». Ҳасан Марвазий ривоят қилган. Шарҳ: Яъни, она йўқ бўлса, ўрнига хола ўтар экан. Демак, ўша холани онаси йўқ пайтида онанинг ўрнида кўриш керак. Борида онадан дуо сўрайдиган бўлса, унинг йўғида холадан сўрайди. Яхшилик қиладиган бўлса, унга яхшилик қилади. Гуноҳга ботиб қолиб, қандай қилсам гуноҳим мағфират қилинади, деган ҳалиги одамга Расулуллоҳ онаси ўрнида қолган холасига яхшилик қилишни буюрганлари шуни кўрсатади. Ушбу ҳадиси шарифдан олинадиган фойдалар: 1. Гуноҳ қилган одам олимлардан маслаҳат сўраши кераклиги. 2. Гуноҳ қилган одам онасининг дуоси ила мағфират топиши имкони борлиги. 3. Онанинг ўрнини хола босиши. 4. Холага яхшилик қилиш билан ҳам гуноҳ мағфират бўлиши. Шайх Муҳаммад Содиқ Муҳаммад Юсуф раҳимаҳуллоҳ. https://t.me/Ramazon_ab