قناة حسين موشن

يا شباب اعذروني تأخرت عليكم في رفع التحدي لكن معايا عمل مستعجل ولازم يتسلم في معاده اليوم باذن الله وده حزء منه فباذن الله فيديو البث بيرفع حاليا وأول ما يكتمل هرفعه للجميع هنا والتحدي هيكون بكرة باذن الله دعواتكم بالتيسير ❤️❤️

الشباب اللي حضروا تدريب أمس يتركوا لي رسائل على تويتر وهرد عليهم باذن الله برابط فيديو التدريب

سعيد بأرائكم يا شباب والحمد لله انكم خرجتم مستفيدين من البث ☺️ وأكيد ده مش شطارة مني .. ده فضل ربنا وكرمه إنه ساعدني أدربكم على المحتوى اللي كنت مجهزه ... فالحمد لله أولا وأخرا ❤️❤️❤️ ........ وهنا أوجه الكلام لمن لا يستفيد من البث المباشر 😥 عاوز أقولك إن البث المباشر بيكون أفضل مليون مرة ليك كمتدرب من الفيديو المسجل على يوتيوب أنا لما باجي أجهز محتوى تدريبي ليوتيوب بجهز سكربت وبرتب الموضوع وبسجل وبمنتج وكل ده يبدوا انه جميل لكن الدرس المسجل بيفتقد للتفاعل بين المتدرب والمدرب اللي موجود في التدريب من خلال البث المباشر بيفتقد كمان للمعلومات التكميلية واللي مش بيكون متحضر ليها في الاسكربت بتاع فيديو يوتيوب مثلا وهنا أقصد زي مثال الفرق بين الشركات ال B TO B وال B TO C واللي شرحته بالتفصيل للشباب امبارح ومكنتش مخطط ليه إطلاقا لكن وانا بدربهم على كتابة الاسكربت والتصميم كان لازم يعرفوا الجزء ده لأنه مهم جدا بالمناسبة أنا كنت سعيد جدا بال 7 متدربين اللي حضروا التدريب إمبارح وأكيد أتمنى العدد لا يكون في التدريبات القادمة بإذن الله أكتر من كده حتى أتأكد إني وصلت لهم مادة التدريب بشكل عميق جدا ونصيحتي ليك انتا ياللي محضرتش حاول لما تلاقي حد عنده معلومة مش عندك ولو بسيطة وعامل تدريب بث مباشر اوعى تسيبه لأن بيكون فيه فرصة تعلم عظيمة أنا نهلت منها من المدربين اللي تدربت تحت إديهم كفاية كده 😁 دمتم مبدعين ❤️❤️

ما تقيمكم يا شباب للقاء اليوم هل استفدتم حاجة منه 🤔 وهل عرفتم إزاي يكون ليك دخل من الموشن حتى لو مش معاك إلا موبايل 🤔🤔

بدأنا يا شباب في انتظاركم

البث هيكون مقسم على جزءين جدولت روابط الإنضمام هنا وهيبدأو أوتامتيك في الوقت المحدد باذن الله الأول هينتهي هيبدأ الثاني مباشرة رابط الجزء الأول رابط الجزء الثاني البث هيكون مسجل فيديو ... لكن هيسلم فقط لمن حضروا البث السبب إني مش بعرض محتوى ليا علي يوتيوب ببث مباشر وباذن الله بعد البث بفترة هيتم اعادة تسجيل المحتوى وعمل مونتاج ليه ورفعه على القناة فمش هيضيع عليكم شئ باذن الله

حبيت أنوه بس ان بث اليوم هيكون مفيد فقط للشباب اللي حابب يتعلم ☺️ ١- إزاي يتعلم يكتب سكربت بالتغذية البصرية ٢- إزاي يتعلم أي لهجة هو حاببها بالتغذية السمعية ٣- إزاي يتعلم يصمم مشاهد أي فيديو عنده بالتغذية البصرية ٤- إزاي يطور من مستوى تحريكه ويتعلم حركات جديدة فقط بالتغذية البصرية أي حد مش مهتم بواحد من النقاط دي البث هيكون تضييع وقت بالنسبة ليه 🤷‍♂️

اليوم بإذن الله هكون معاكم في بث مباشر مفتوح لمدة ساعة ونصف هتكلم فيه عن التغذية البصرية وهجاوب فيه على أسئلتكم هنبدأ البث الساعة ٩ م بتوقيت السعودية ٨ م بتوقيت مصر

حد وهو بيسمع الشرح بتاع امبارح للبن تول وسمع جملة هاندل فوق وهاندل تحت قال إخص عليك يا بنتاع الكحك 😂😂

للتوضيح 😎 التحدي ده انتا هتعمل فيه الأتي ١- هتجمع مشاهد ٢- وتغير الوان ٣-وتحرك اللي هيشارك فيه هيحس بنقله جامدة جدا باذن الله في مستوى تفكيره الإبداعي 🤗 بعضكم هيقول بس أنا مش بعرف اعمل كل الحاجات دي 😥 بس أحب أقولك حاول وابذل قصارى جهدك وأي حاجة تقف معاك ارفعها على الجروب والناس هناك مش هتتأخر أو كلمني علطول بشكل شخصي وهرد عليك علطول باذن الله ☺️✌️

فيديو جديد على قناتي بيوتيوب ✌️ إجابة على أسئلتكم بالجروب 🫣 بشرح لكم فيه كل حاجة ممكن تحتاجها عن أداه البن تول داخل برنامج أفتراكت ☺️ لو عاوزين درس كمان فيها ونعمل فيها تطبيق عملي فعلي بيها بحيث تدربوا إديكم عليه وتسهل معاكم في الاستخدام عرفوني في الإستبيان اللي تحت 🤗 دمتم مبدعين ❤️❤️ رابط الفيديو

اوعى تفرح بمستواك الحالي وتفضل قاعد مكانك .. لازم دايما تدور على الجديد لأن النفس بتتعلم الكسل مع الوقت لو انتا محركتهاش انها تعمل حاجة جديدة .. غالبا هيستقر بيك الحال إنك تيأس وتفكر إن المجال كش بيجيب فلوس علشان أنا محبش أي حد منكم يوصل لكده فعليكم بالتطوير الدائم لنفسكم 🤗 أتمني لكم كل النجاح والتوفيق دمتم مبدعيم ❤️❤️

من 3 سنين كان ده معرض أعمالي 😅 رابط معرض أعمالي 2020 وبعدين كترت أعمالي وتنوعت بين الموشن والمونتاج ومحتوى لمنصات تعليمية وتعليق صوتي فأصبح الأول غير مناسب 🤷 فتوجهت لمنصة تانيه وبقا معرض أعمالي بالشكل ده 👇 رابط معرض أعمالي 2021 وبعدين الأعمال كترت أكتر بفضل الله وبقيت محتاج موقع أعرض عليه شغلي بشكل إحترافي لعملائي ولشركات التوظيف ☺️ فعملت المعرض ده 👇 رابط معرض أعمالي 2022 انا بقولكم ده ليه 🧐 أولا: من باب وأما بنعمة ربك فحدث☺️ ثانيا: علشان أقولك إن كل ده من فضل ربنا عليا وإني بدور على المعلومة بنفسي ومش بستنى حد يعلمهالي ودايما بحاول أطور من نفسي الحمد لله مجال شغلنا يا شباب محتاج منك تطوير يومي 😞 والتطوير قد يكون تغذية بصرية وقد يكون معلومة جديدة وقد يكون نقاش على الجروب وقد يكون مشروع جديد انتا متعرفش تشتغله لكن بتاخده تحدي

نبدأ على بركة اللهبعمل الحركة على لوجو وزارة الصحة

أنا مش مطنش أسئلتكم في الجروب في أسئلة فيها محتاجه شرح فيديو وبجهز اول فيديو دلوقتي باذن الله وهجاوب بالترتيب باذن الله لو في حد سألني سؤال قبل كده وانا عديته فيعيد سؤاله تاني علشان ممكن أكون في زحمة رسائل الجروب منتبهتش بيه

بناء على طلبكم مديت فترة الإشتراك في المعسكر أسبوع إضافي 😊 حتى يكون الناس اللي عندها إمتحانات أعمال السنة خلصت على خير بإذن الله وهيكون بدايتنا الجمعة بعد القادمة باذن الله بتاريخ 21 / 10 / 2022 🤗 تقدروا تطلعوا على كافة تفاصيل المعسكر 🧐 من الرابط 👇👇 رابط المعسكر وإذا كان لديكم أي استفسار فلا تترددوا في التواصل معي على واتساب 😇 رابط الواتساب

اعذروني أنا منشغل عنكم اليومين دول بالتجهيز لمعسكر الموشن جرافيك 😎 لكن انتهيت الحمد لله وببدأ أتفرغ للجروب وقناة اليوتيوب بإذن الله 🤗 المهم اليوم أنا رفعت لكم على قناتي بيوتيوب شرح بسيط لعمل😇 مكعب ثلاثي الأبعاد على أفتر افكت وبدون الحاجة لإلليستريتور إطلاقا 🤩 فقط باستعمال ال SHAPE LAYER 🤷 تابعوا الدرس من الرابط 👇👇 رابط الدرس