قناة حسين موشن

ان شاء الله 10 دقائق ونبدا مساحة على تويتر وتليجرام للرد على أسئلتكم اللي كتير طلبتوها واتأخرت في الرد عليها

جزء كبير من إتقانك لأي حاجة بتعملها في حياتك انك تعملها بشكل يومي حتى ولو جزء صغير كذلك في التصميم والتحريك حتى لو مش هتقدر تصمم أو تحرك يومياً حاول قدر المستطاع تتفرج على شغل حلو حاول تنتقي الشغل اللي هتدخله دماغك وأنا هنا بقولك حاول .. لأنك ممكن متقدرش توصل للقدر اليومي اللي بنصحك بيه لكن الغير يومي لو بشكل منتظم برضوا يأدي الغرض المهم متوصلش لمرحلة ان معاك مشروع ومش لاقي أفكار في دماغك للتصميم أو للتحريك عذرا على الإطالة لكنهم كلمتين من القلب ❤️

إزاي أهيأ نفسي للشغل في الشركات ؟؟ هما بيقبلوا مين ؟؟ ليه ممكن أترفض ؟؟ طب هما بيختاروا الناس إزاي ؟؟ فيديو حاولت أجاوب فيه على كل الأسئلة اللي وصلتني مؤخرا من الناس اللي بتبحث عن فرصة عمل داخل الشركات ☺️

واحدة من المحاضرات المهمة اللي شرحتها في معسكر تعلم الموشن جرافيك المدفوع وكانت بعنوان كيفية تصدير الأرت بورد بتاعتي كملف PDF لعرضها على المؤسسة اللي بعمل بيها أو عملائي الفريلانس اضغط على العنوان لمشاهدة المحاضرة👆

بستقبل أسئلتكم النهاردة وبجاوب عليها باذن الله خلال اليوم أكتب سؤالك في التعليقات

في فرصة شغل داخل مصر سينيور مصمم موشن جرافيك مع وكالة إعلانات إماراتية بس عاوزين حد خبرة أكتر من ٤ سنين ويكون عنده بورتفوليو قوي وشوريل فلو حد مهتم يراسلني خاص على @husseinmotion_me وهبعتله وسائل تواصلهم وربنا يوفق الجميع 😊❤️

الفيديو ده فيه معلومة رهيبة🤩🤩 هتريحك من الفوضى اللي بتعاني منها وانتا بتصمم على #إلليستريتور 🥺 طبقها وادعيلي 🤗

‏أخيرا الذكاء الإصطناعي داخل ‎#فوتوشوب 🤩🤩🎉 أدوبي أخيرا أضافت خاصية التعديل على الصور بشكل رهيب داخل البرنامج🤗 عن طريق كتابة بعض ال prompt وفوتوشوب يخلص الباقي 😍 شوف الإمكانيات الرهيبة الجديدة في الفيديو المرعب ده 🤗

خاطرة صباحية بقيت بحس بأثرها جدا في حياتي المهنية الأيام دي لما تشترك في دورة مدفوعة حاول تختارها بناء على المدرب حاول يكون عنده ١٠ سنين خبرة في المجال وحاول كمان تتأكد انه بيفتح تواصل حقيقي معاك مش مجرد رفع الكورس ومفيش تواصل عاوزك لما تشترك مع حد وانا بعمل كده قبلك تحاول تعتبره مدرسك وتصاحبه والمدرس مش بيصاحب التلميذ الا لما يكون شاطر أوي وقتها هيعرفه ويحفظ اسمه ويحبه وكل ما يسأل سؤال هيجاوبه ومش هيتأخر عليه على ذكر موضوع ال ١٠ سنين خبرة فغالبا الناس التقيلة أوي دي مش بتدي كورسات لأنها بتكون شايله شركات كبيرة على كتافها أو شايله مشاريع ضخمه ولو بتدي كورسات فهتلاقيها غالية شويتين لكن لجل الاستثمار في نفسنا واننا نواكب سرعة تطور السوق .. فلازم ندفع الثمن بتاع ده

في الفيديو ده اتكلمت عن كل حاجة عن الخطوط ☺️ وركزت علي النقط دي :- 1- أهمية الخطوط في التصميم 2- أهم المواقع اللي تحمل منها خطوط عربي 3- أهم أنواع الخطوط اللي ممكن تحملها 4- إزاي تحمل الخطوط اللي حاببها وتضيفها لجهازك 5- إزاي تستخدم أي خط انتا حملته علي برامج أدوبى المختلفة ؟؟

الفيديو ده مهم جدا .. بس لمين يا ترى ؟؟ 1- للي مفكر ان العلم مش بالتعلم وانه حتى لو مش موهوب يقدر يحقق نتيجة كويسة لو اجتهد واشتغل على نفسه 2- للي مفكر ان التعليم المجاني هيوصله للي بيطمح ليه أتمنى تجربتي تفيدكم وتساعدكم في طريقكم بإذن الله

البث هيكون إمتا ؟؟

اقترحوا المواضيع اللي حابين اني أتكلم عنها في اللقاء المباشر الاسبوع الجاي بإذن الله ☺️

حل مشكلة اختفاء حواف التكبير والتصغير داخل برنامج أدوبي الليستريتور

. إجابتي على السؤال ده من واقع اللي بعمله في شغلي بناء على تعاليم دينا الإسلامي وقناعاتي الشخصية بعدها الإجابة: طبعا ليكي كامل الحق في كده وانا ارفض المشاريع اللي بتكون عن ١. فيديو كليب لأغنية ٢. إعلان لمنتج نسائي وهيظهر فيه نساء عاريه ٣. إعلان لعقارات وبرضوا هيظهر فيه رقص بالإضافة للعري ٤. غير كده أي حاجة تخالف تعاليم دينيا الحنيف ونص الشرع عليها انها حرام بدون خلاف بين العلماء ٥. أي حاجة بقا أنا مش مقتنع بيها وحاسس انها ضد قناعاتي الشخصية زي إعلان لحساب بيخلى الناس اللي مدمنة ألعاب الكترونية .. تدفع ليه فلوس مقابل انه يدخل يدعمها في التحديات المباشرة على تيك توك رفضته رفض قاطع وعملت بلوك لصاحب الحساب لأني شايف انه دي حاجة بتساهم في إفساد شباب امتنا الإسلامية الجميلة

طبعا مش الحكمة خالص انك يكون جهازك قديم او راماته قديمة وتكون بتحرك مشروع على الأفترافكت وحضرتك فاتح على الجهاز مع الأفترافكت جوجل كروم وفوتوشوب وإلليستريتور ومشغل كمان حاجة بتسمعها على الجهاز قرآن او اناشيد ولا حاجة جهازك الضغيف وراماتك الصغيرة تشغل عليها الأفترافكت بس وانتا بتحرك وكل ما تحس ان مدة ال preview بتقل معاك يبقا لازم تنضف ال purge عندك وطبعا مش هتعرف تعمل كده الا لما تخلص شغلك بالترتيب يعني تصمم الأول وتعتمد التصميم وبعدين تحرك

هناقش معاكم حل لمشكلة قد تكون متكررة في الأجهزة اللي إمكانياتها ضعيفة شوية ليه الجهاز مش بيعمل preview إلا لمدة ثانيتين أو تلاته ؟؟ أولا لازم تفهم ازاي البرنامج بيعمل ال preview للشغل بتاعك دلوقتي لو عندي ٥ ثواني خلصتهم وعاوز أعرضهم وأشوفهم فلما بدي للبرنامج أمر play بيروح يخزن الفريمات بتاعتك دي على الرامات بتاعت الجهاز تخزين مؤقت ولما بيخلص تجزينهم بيعرض لك الشغل بوقت حقيقي يعني مش هتلاقيه بيعرض الشغل بتاعك وبيعمل الصوت اللي لو صهيب ابني سمعه وأنا شغال هيفكر ان في بوبع في الجهاز 😂😂 طبعا كل ما زادت مساحة الرامات كل ما كانت بتسوعب عدد فريمات أكتر وبالتالي تعرض معاك وقت أكتر في ال preview لكن مع الوقت في حاجة بتكون مليانه من كتر التخزين المؤقت عليها اسمها ال cash بتاعت الجهاز ودي انتا اللي لازم تفضيها بنفسك بتدخل على قايمة edit وبتنزل على purge وبتختار انك تعمل لها clear او empty

وانتا بتتعلم الموشن جرافيك لازم في البداية تتعلم تعمل الحركة بدون أي أدوات مساعدة وأقصد الإسكربتات أجلها لمدة سنة من تعلمك بحيث تتعلم إزاي تعمل الحركة بشكل يدوي الأول وتفهمها كويس جدا وبعدين روح للأدوات المساعدة اللي تخليك تعمل الحركة بصغطة زر بس وانتا فاهمها كويس هي اتعملت ازاي