ذَوْب

"‏نعرف نخاوي ونعرف من نخاوي ‏للرخا خلان والشده الشده ‏ذمة العهده على ذمة .. الراوي ‏وكل رجلٍ طموحه على قدّه"

"‏سجيت رجلي مع مطانيخ العيال ‏في كل شبرٍ فوق الارض السابعه ‏ولا لقيت اشين على بعض الرجال ‏من طيحة الانفس وقل الرابعه"

"اللي يذمّ الرجال ويمدح الناقة ‏ودك يقلّط على حوض العلف معها ‏العاقل تنومسه مكارم أخلاقه ‏ماهي بهايم يهوبل في مسامعها"

اظن ان هذا أعبر وصف بالشعر النبطي ‏"البارح الدنيا عليّه فضاها ‏أضيق من الأبره على ناظم السلك"

"‏ضعيّف الرابعة؟ ما ضرّ رابعتي ‏من يوم ما شفته ضعيّف، تجنبته ‏خبلٍ لا منّه زعل يلغي متابعتي ‏وأنا لو أزعل عليه آطا على رقبته"

"‏خاطري عيّاف واحساسي مشوّه ‏الحزن فالروح يضرب ما يسمّي ‏الظروف احيان ما فيها مروّه ‏والزمن مايعرِق فخالي وعمي ‏الوحيد إن عكر الخذلان جوّه ‏حس بشعوري وحرماني وهمي ‏لايغرك شيبي! وشيبي يموّه ‏العمر ماهو كفو مدحي وذمي ‏عاد فضلوعي طفل، والطفل توّه ‏لكن الدنيا ما تملك نظرة أمّي!"

"لا تسوي خط رجعه ونعتبرك جبان ‏صد لو صدتك هذي ما تسوى كلمتين ‏أنت صرت ضعيف مره هذا من زمان! ‏لا تخلينا نشوفك ضعيف مرتين!!"

"والله انّك تعرف الرجال حتى من قصيده ‏فيه شاعر ياسلام وفيه شاعر يخلف الله"

"‏سمّعوني موعضة ولا نصيحة ‏المهم انكم تشدون انتباهي ‏خلّك مْن العود الازرق والذبيحة ‏دام راعيها على كبر وتباهي ‏ودّنا باللي سواليفه مليحه ‏حتى لو انه على براد شاهي ‏كل ما هاضت من الحزن القريحه ‏اختلي واخذ طريقي واتجاهي ‏فرحتي في شوفة الارض الفسيحه ‏فرحة الاطفال في شوف الملاهي"

"تصد النفوس اللي من الشين نفّاره ‏مثل صدّة الطيّب عن الكلمة الخبله"

مدغم أبو شيبه عبر تويتر شعر حركات! "فديت برجين شارعها وشارعها اللي رصيفه طويل ولمبته حمراء!"

"النعاس اللي يجي قبل الصلاة وش يردّه لا يجينا بعدها!"

"الكلمة اللي تضايقنا نعدّيها وإن جاتنا من سفيه العقل طنشنا"

"لا تظلمينه كان شح بكلامه! ماهو فقير إحساس لكن حياوي"

"ماكرهت من العلوم الا علوم الفاضي واحد وجهه وسيع وذمّته بطّاله"

"العشره اللي صابها قلّ تقدير نكسي لها ثوب الفراق يحشمها"

"أنا اعاملك بالحب ما اعاملك بالمثل لو اعاملك بالمثل يمدي تفارقنا"

لا زلت أغرق في هذه القصيدة

"الكذب يطعن في صفات الرجولة والصدق هو شيخ المراجل والأخلاق"