Sections. 4rd

الافادة نزلت و ناس استلموها النهاردة وناس لا لو عندك مشكلة في الفرنساوي التكميلي او لو مسلمتش الافادة إنك خلصت هتبقي مشكلة بالنسبالك فَ حاول تنجز فيها و تسلمهم دا يوم الاحد شباك ٦ هيكون مخصص لمجموعة أ لإستلام الافادة و شباك ٨ هيكون مخصص لمجموعة ب لإستلام الإفادة بخصوص الشباب الاخلاء بتاع العسكرية محتاج صورة منه بس لانك مش هتسلمهم الأصل و مش محتاج شهادة ميلاد.. الاوراق اللي هتديهالهم هو الصور الشخصية بعدد الافادات المطلوبة + صورة البطاقة + صورة اخلاء العسكرية للشباب + إيصال بيان النجاح ال هو ١٠٢ او ١٠٥ تقريبََا و ياريت يوم الأحد محدش من البنات يروح لانه اولََا ممكن يحسبوه يوم شباب مخصوص لأننا محتاجين الافادة عشان التقديم للجيش فهو بنسبة كبيرة هيركنوا البنات فهو استنوا ليوم الاتنين او الاربع مضمون اكتر Jebro

اللي قلبه نضيف ربنا بيحبب فيه خلقه من غير سبب.. بيتزرع في وشه قبول غير عادي، وبييجي مع طلته سلام نفسي وخفة حضور مالهمش وصف، وبيخطف القلوب قبل الأنظار من غير أي مجهود! _السر في الآية الكريمة اللي بتقول "وألقيت عليك محبَّةً منِّي_" لما ربنا يحبك اتأكد إنه هيجعل كل الطيبين اللي بتقابلهم يحبوك ويرتاحولك كأنهم عارفينك من سنين، هيرد عنك كيد كل الناس اللي نيتها شر تجاهك وبتدبرلك الأذى وانت مش عارف، هيسخرلك اللي شبهك ويوقفلك ولاد الحلال ويمهدلك طريقك ويوقعك في اللي ينفعك وهيحبب فيك أهل الأرض والسماء. اللهم اجعلنا ممن ألقيت عليهم محبَّتك فجعلت لهم قبولاً في الأرض ومحبَّةً في السماء🕊💙 صلاة الفجر "... متنسوش تدعو لاخواتنا فى فلسطين

٠٠ الرسول ﷺ كان يشكو حزنه إلى الله ويدعوه وفي أخر الدعاء قال ﷺ جملة عظيمة جدًا.. ”_إن لم يكن بك عليا غضب فلا أُبالي_“.. ليّه حياتنا متمشيش كدا بـ البساطة دي؟ اللي هو المُهم أنت يارب تكون راضي عني !! مش مهم الجامعة، مش مهم الموضوع دا، مش مهم الحاجه دي .. مش مهم أي حاجة أهم حاجة إنك راضي يارب عني، ومقتنع تمامًا إن رضا ربنا بيجي بعده كل حاجة إحنا اتخلينا عنها علشان نرضيه وبيعوضنا بالأحسن كمان.. - فاللهمّ اِرضنا واِرض عَنا🥀🖤 صلاة الفجر".... متنسوش تدعو لاخواتنا فى فلسطين

مرة وأنا في المواصلات كنت ماسك التليفون وبقلب واتصفح في الفيس وفيديوهات اليوتيوب لقيت راجل كبير في السن كان قاعد جنبي غمزني في دراعي وقالي ..هقولك نصيحة، اي حاجه في التليفون فيس ويوتيوب واتس وغيره ممكن تشوفها في اي وقت لكن الطريق ده ممكن ماتمشيش فيه مرة تانية ولا العربية دي . فحاول تسيب أثر فيه يشهدلك يوم القيامه وقالي انت عارف تفسير {يَوْمَئِذٍ تُحَدِّثُ أَخْبَارَهَا} انه الأرض هتشهد بكل حاجه اتعملت عليها يوم القيامة ، حتى انه المؤمن لما بيموت المكان اللي كان بيصلي فيه بيبكي عليه! فحاول كل مكان جديد تروحه تسيب فيه اثر (صلاه ، تسبيح ، استغفار ،قراءة سورة من القران - أي نوع من انواع الذِكر-) واتذكر قول أبو الدرداء: "اذكروا الله عند كل حجيرة وشجيرة لعلها تأتي يوم القيامة فتشهد لكم صلاة الفجر "... متنسوش تدعو لاخواتنا فى فلسطين

للينك تقديم طلب الافادة اتفعل تقدروا تقدموا عليها دلوقت

خطوات استخراج إفادة نجاح قسم عربي وإنجليزي ادخل على الرابط التالي: https://www.ckes.cu.edu.eg/law.aspx اختيار شئون الطلاب، ثم (طلب إفادة بكالوريوس) - واستكمال البيانات، ثم الدفع بالكود الذي سيظهر بالنهاية. ولطلاب قسم إنجليزي اختيار خدمة (شهادة مؤقتة جديدة أول مرة - مصري (إنجليزي/فرنسي) ليسانس. تجهيز صور واضحة لأصول المستندات التالية على الموبايل أو الكمبيوتر: صورة شخصية حديثة بخلفية بيضاء (سيتم وضعها على الإفادة) بطاقة الرقم القومي شهادة الميلاد إيصال سداد فوري أصل إخلاء طرف التربية العسكرية إعادة تسمية جميع الصور وجعلها بنفس الرقم القومي الخاص بك. ادخل على الرابط التالي وتقديم الطلب ورفع صور الأوراق ثم الضغط على إرسال: قسم عربي https://forms.gle/HxdhdeaE34sakpFa9 قسم انجليزي https://forms.gle/zNCPx8GJuvW7FpNMA يجب تسليم أصل إخلاء طرف التربية العسكرية وأصل إيصال السداد والصور الشخصية بعدد الإفادات المطلوبة عند الحضور للاستلام بعد أسبوع من تاريخ التقديم.

٠٠ امبارح قاعد معا واحد صحبى بنتكلم عادى ف لقيته بيقولى من علامات صبرك الجميل إن الناس تشوفك تفتكر إنك مافيش عندك أي مشاكل خالص! دي ميزة على فكرة. "أن يستوي حالك في النعمة والنقمة". وماتحاولش تثبت لـ اللي حواليك إنك عندك مشاكل بس أنت مخبي؛ لا ماتحاولش تثبت لحد أي حاجة؛ يكفيك علم الله بك! أنت ماشي على خطى النبي محمد ﷺ كان أثقل الناس همًا وأكثرهم تبسمًا♥ وتذكر دائمًا: {وَبَشِّرِ الصَّابِرِينَ}. صلاة الفجر "... متنسوش تدعو لاخواتنا فى فلسطين

"السعي حلو لأن الفراغ مُهلك، بس ما خلف الكواليس مؤلم! مؤلم لأنه بياخد مننا فِكر ووقت وعُمر وتجارب وفي الآخر لا صابت لا خابت. بناخد كل خطوة وإحنا مش عارفين إذا كانت صح ولا غلط، بنبقا نفسنا حد يقولنا أي حاجه تنور لينا خُطانا. و في نهاية المطاف عسانا إنها خُطى نؤجر عليها، ما أصاب منها سَنسعد به، و ما لم يصب سنضعه في خانة التجارب التي ينبغي أن نتعلم منها و نتشاركها مع الغير فربما يُعينهم ذلك ع خطوة يُقدمون عليها. أسأل الله أن يُسدد خُطانا ولا يُذهب منها شيئا سُدى ويرزقنا الصبر والرضا أينما حللنا. يارب اللهم آمين." صلاة الفجر"... متنسوش تدعو لاخواتنا فى فلسطين

٠٠ ﴿وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ﴾. كُلُّ دَقِيقَةٍ تَمُرُّ عَلَيْكَ إِمَّا أَنْ تَكُونَ شَاهِدَةً لَكَ وإِمَّا عَلَيْكَ؛ فَلَا تَظُنَّ أَنَّكَ تَعِيشُ عَبَثًا، وَتَذَكَّرْ أَنَّ اللّٰهَ تَعَالىٰ قَدْ خَلَقَكَ لِغَايةٍ، وأنَّ هَذِهِ الدُّنيَا لَيْسَت سِوَىٰ جِسرِ عُبورٍ إِلىٰ الآخِرَةِ؛ فَإمَّا إلىٰ نَعيمٍ لا تَنْغيصَ فيهِ أو إلىٰ عَذَابٍ لَا رَاحَةَ فيهِ. صلاة الفجر "... متنسوش تدعو لاخواتنا فى فلسطين

٠٠ صلوا على خير البريـة تغنموا عشرًا يُصليـها المليك الأعـظمُ من زادهـا ، ربي يفـرّج همـه والذنب يُغفر ، والنفوس تُنَعمُ םבםבﷺ🕊💙 صلاة الفجر "... متنسوش تدعو لاخواتنا فى فلسطين

٠٠ ‏سمعت جملة في بودكاست بتقول : "الخوف قبل التجربة عجز" يعني مخاوفك قبل البدء مجرد أوهام .. ‏الجمله بتاعة ( مش يمكن لما أجرب أطلع بعرف ) بالرغم من هزليتها إلا إنها صح جدًا والله Do not fear failure but rather fear not trying. الإنسان مبيعرفش يتوقع قدراته إلا لما يجرب فعلا .. ازاي بتخاف من شيء لم يسبق لك الخوض فيه؟ بتخاف من الفشل؟ فيه جملة بتقول "لكل منّا يوم أوّل" "يعني مهما كانت نتايجك سيئة في يومك الأول إلا إنها مهمة، ليه؟ لأن مفيش تطور من غير بداية .. مش هتعرف أصلا إنك شاطر في الناحية دي غير لما تجرّب، متخافش من التجربة، خاف إنك متحاولش.. خاف من ضياع الفرصة'.👌🤎 صلاة الفجر "... متنسوش تدعو لاخواتنا فى فلسطين

بمناسبة إنتشار الكلام عن علامات الساعة ناس كتير فاكرة إن المسيح الدجال كائن غريب و عنده عين واحدة في نص راسه و شكله مرعب ، والحقيقة إنه مش كده خالص هو حد عادي جدا زينا ، بني آدم طبيعي .. بس الرسول عليه السلام استفاض في ذكر وصفه اكتر من أي رسول تاني وبالمناسبة كل الرسل نبهوا أقوامهم من المسيح الدجال عشان فتنته هي أكبر فتنة هتحصل على الأرض وهنعرف ليه .. أول حاجه اسمه المسيح عشان حاجتين ، انه عنده عين ممسوحة بمعنى انها مغمضة كدا شوية الرسول وصفها أكنها عنبة طافية يعني زي الزبيبة بسبب إن المية اللي فيها مش موجودة وتاني حاجه عشانه هيمسح الأرض كلها في ٤٠ يوم ، اليوم الأول فيه أكنه سنة في الطول ، واليوم التاني أكنه شهر واليوم التالت أكنه أسبوع ، و بقية الأيام زي أيامنا العادية ، هيوصل لكل حتة في الأرض ، هيكون راكب دابة الرسول قال إنه حمار بس شكله غريب جدا عمر ما حد شافه ما بين ودانه بس ٤٠ ذراع ، حاجه ضخمة جدا يعني .. شاب مش عجوز ، لون بشرته بيضا مايلة للأحمر ، شعره كثيف جدا و خشن جدََا جدََا ، قصير بس جسمه عظيم بمعنى انه عريض جدا و مليان ، و في تباعد بين رجليه واضح . وأهم نقطة هيبقى مكتوب بين عينيه كافر ( ك ف ر ) و من حكمة ربنا هيقرأها كل مؤمن سواء بيعرف يقرأ او جاهل . ليه بقى هو فتنة عظيمة كده ؟ عشان هيقول إنه هو ربنا و هيعمل حاجات فعلََا مايقدرش يعملها إلا ربنا ، بس احنا مؤمنين طبعََا إن ده كله تحت مشيئته سبحانه هيمشي معاه نهرين واحد أكنه جنة مية جميلة جدََا ، و واحد نار ملتهبة جدََا ، الرسول قال انهم العكس جنته نار و ناره جنة ، ووصانا لو اتعرضنا ليه وقالنا نختار نغمض عنينا و ننزل راسنا ونشرب من النار هنلاقيها مية باردة و حلوة جدََا . و دي وصية مهمة جدََا . هيجي للراجل يقوله لو انا أحييت ليك مامتك و باباك هتؤمن بيا ؟ لو الراجل ايمانه ضعيف هيقوله أيوة طبعََا ، فَ يطلعله جن من تحت الأرض زي شكل باباه فَ يقوله آمن بيه هو على حق ، فَ الراجل يؤمن فعلََا انت متخيل باباك ومامتك يطلعولك يقولولك إنه صح ؟ متخيل الفتنة ؟ هيروح لمدن اللي يؤمن بيه ينزلهم مطر من السما و يطلع زرع الأرض و ثماره ، و اللي يكفر بيه المطر هيقف عندهم والأرض تبقى بور ، و أصلا الدجال هيجي بعد ٣ سنين هتحصل فيهم مجاعة و قلة مطر فَ بالتالي هتبقى فتنة شديدة جدََا .. في شاب من خيار وأصلح أهل الأرض يومها هيطلعله من المدينة ويقول لكل الناس دا كداب ماتصدقهوش ماتؤمنوش بيه ، فَ الدجال هيقوم شاقه نصين و مموته ويقول للناس لو أحييته تاني هتؤمنوا ؟ فَ يرجعه تاني و يحييه فالشاب عشان عنده علم وعارف هيقوله والله انا دلوقتي صدقت أكتر انك الدجال ، يا ناس مش هيقدر يعمل كده الا فيا أنا ماتصدقهوش ، فَ الدجال هيموته وهيكون أحسن شهيد على وجه الأرض عند الله ♥️. في مدينتين مايقدرش الدجال يدخلهم هم مكة والمدينة هيبقى عليهم ملائكة تحاربه لو فكر يدخلهم ، ولا يقدر يدخل المسجد الأقصى ولا الطور فَ نصيحة الرسول إننا مانعرضش نفسنا لفتنته و نحاول اول ما يظهر اننا نروح نقعد في الاماكن دي عشان في ناس مؤمنة هتبقى عارفه انه الدجال و يروحوله يقاتلوه و من شدة الحاجات اللي هيشوفوها هيكفروا برضو ويقعوا في الفتنة وقال لو ماعرفناش نهرب وهنواجهه خلاص نقرأ عليه فواتح سورة الكهف لما نشوفه ( اول عشر آيات من سورة الكهف ) دي هتقينا فتنته ، عشان كده واجب على كل واحد فينا من النهاردة يحفظهم . و ماتنسوش تدعوا دايمََا " اللهم إني أعوذ بك من فتنة المحيا و الممات و من شر فتنة المسيح الدجال "

٠٠ يوم عاشوراء ( قد أوتيت سؤلك يا موسى ) َفي مثل هذا اليوم قبلت لموسى سبع حاجات أجابها الله دفعة واحدة احشد رغباتك في يوم عاشورا وأكثر سؤالك واهتف بكل حاجاتك فربما لحظة يقال لك قد أوتيت سؤلك اللهم كما آتيت موسى سؤله آتنا سؤلنا إنك على كل شيء قدير♥️ صلاة الفجر "... متنسوش تدعو لاخواتنا فى فلسطين

ماذا تعرف عن يوم عاشوراء؟ 1 - إنه اليوم الذي نجا فيه سيدنا موسى عليه السلام من الغرق بمعجزة شق البحر. 2 هو يوم من أيام الله العظيمة، لتعيش يوم كامل مع ذكرى تزود يقينك بقدرة الله على تحقيق الآمال والأحلام وكل شيء. 3- حين هاجر النبي الله للمدينة وجد اليهود يصومون هذا اليوم فقال نحن أحق بموسى منهم، وأمر الصحابة بصيامه. 4- يقول عنه النبي الله صيام يوم عاشوراء يكفر ذنوب عام مضى. 5- هدف صيام ذلك اليوم هو أن يتذكر الإنسان عظمة الله وقدرته فتتمنى بعد أن تبذل أقصى جهدك أن يريك الله آية عظيمة تحقق لك ما كنت تظنه مستحيلا. 6- قال عنه النبي الله لئن عشت إلى قابل لأصومن التاسع والعاشر وذلك من شدة حرص النبي على صيامه. 7- دعاء يوم عاشوراء قريب للإجابة، وعلى الإنسان أن يدعو وهو متيقن من إجابة الله في هذا اليوم الفضيل.

إعتدنا المشهد.. وبقت أخبارهم ودمائهم وأشلائهم ومعاناتهم روتين ممل حتى بقينا نهرب ونتجاهل أخبارهم.. ليهم ربنا

«وهَممتُ أن أشكو الهموم لصاحبي فذكرتُ أنك من وريدي أقربُ عبدٌ أنا والحُزن يَعصرُ خافقي ضمد جِراحي إنّني لك أهربُ!❤️‍🩹» صلاة الفجر "... متنسوش تدعو لاخواتنا فى فلسطين

هرجع تاني واقول والكلام دا مهم مهم والله اذكار الصباح والمساء وسورة البقرة ومحدش يقولي بسمعها ، القراءة والتلفظ بالايات هو المطلوب ، سورة الصافات والملك ، آية الكرسي بعد كل صلاة، متسيبوش الصلاة ، صلاة الفجر كل البيت يصحي... بطلوا تشغيل اغاني وافلام هايفة ووحشة في بيوتكم.. الأيام الجاية صعبة صعبة والفتن هتكتر بشكل كبير وكل دا تمهيد للمسيخ ، والناس الي بتسخر فككو منهم كأن ربنا مش كاتب لهم النجاة ، ومتخلهمش يشغلوكم ، مبقاش فيه وقت تعدو تقنعوا الناس بأبسط الاشياء وهما رافضين انشغلو بانفسكم واولادكم ، متسمحوش بدخول الشياطين اللي هتدخل هتفرق بين الزوجين وتاذي الاطفال وتخرب البيوت .... الأسحار اتطورت عن الاول اصبح الان السحر بالنظر واللمس والكلام ... كله بأمر الله ولكن ربنا يريدنا ناخد بالاسباب ونجتهد ونتحصن ارجوكم ارجعوا لاصول الدين ارجوكم تغلبوا علي الشياطين. ارجوكم حصنوا نفسكم .. اللهم جنبنا الفتن ما ظهر منها و ما بطن اللهم اصرف عنا شياطين الإنس والجن

٠٠ "من سلَّم أمرهُ لله، أغناه بغير سبب، وأعزّه بغير عشيرة، وشرّفه بغير منصب، وآنسه بغير صاحب.. ‏ اللهُم إنّي أسلمتُ نفسي إليك وفوّضت أمري إليك، لا ملجأ ولا منجى منك إلا إليك، ربِّ إني فوضت أمري إليك وتوكلت عليك فكُن لي خير وكيلٍ ودبّر لي أمري فإني لا أُحسِن التدبير." صلاة الفجر"... متنسوش تدعو لاخواتنا فى فلسطين

كل شئ حُرمتَ مِنه رُحمتَ من شره ... ﴿وَاللهُ يَعْلَمُ وَأَنْتُمْ لَا تَعْلَمُونَ﴾ 🤍 صلاة الفجر"... متنسوش تدعو لاخواتنا فى فلسطين