Uninano

'बाबासाहेबानं दिलं हे…बाबासाहेबानं!' UGC च्या नव्या नियमांच्या विरोधात एका तरुणीनं दिल्ली युनिव्हर्सिटीमध्ये *'ब्राह्मणवाद जिंदाबाद"*च्या घोषणा दिल्या. महिलांना वारसाहक्क, घटस्फोटाचा अधिकार, कायदेशीर संरक्षण आणि मुळातच स्वतंत्रपणे जगण्याचा अधिकार मिळवून देण्यासाठी डॉ. बाबासाहेब आंबेडकरांनी लढा दिला. आज जीन्स आणि शर्ट घालून, स्वतःच्या आवडीनं जगण्याचं स्वातंत्र्य उपभोगणारी एक तरुणी जेव्हा 'मनुस्मृती'तून जन्मलेल्या ब्राह्मणवादाचं समर्थन करते, तेव्हा वाटतं की, जणू कोंबडी स्वतःहून KFC कडं चालली आहे. असो. ती तरुणी घोषणा काहीही देत असली तरीही आवडतील ते कपडे घालून गर्दीचं नेतृत्व करण्याचा आणि घोषणा देण्याचा अधिकारही तिला बाबासाहेबामुळंच मिळालेला आहे. म्हणून तीही अभिमानानं म्हणू शकते : 'बाबासाहेबानं दिलं हे… बाबासाहेबानं'! आजही महारवाड्यात राहणाऱ्या आमच्या दिव्याच्या घरी आलेल्या पाटलाला तिच्या वस्तीतल्या घरचं पाणी चालत नाही; पण तिच्या आईनं कर्ज फेडण्यासाठी घाम गाळून कमावलेल्या नोटा चालतात. तिच्या बापानं सिमेंटमध्ये घाम मिसळून बांधलेल्या भिंती चालतात. मग अशा दुटप्पी व्यवस्थेच्या नाकावर टिच्चून दिव्यानं उच्च शिक्षण घ्यावं, मोठं व्हावं आणि पुन्हा ठामपणे म्हणावं : 'बाबासाहेबानं दिलं हे… बाबासाहेबानं'! जेव्हा प्रेमसंबंधात असतानाही, लग्न करण्याची वेळ आल्यावर मात्र 'तो किंवा ती दलित आहे' म्हणून नातं नाकारलं जातं, तेव्हा ठणकावून सांगायला हवं, "अन्याय सहन करणं ही आपली परंपरा नाही; अन्यायाविरुद्ध उभं राहणं हीच आपली ओळख आहे." आणि तेव्हा अस्पृश्यतानिर्मूलनाच्या अनुच्छेद १७ चा उल्लेख करावा आणि पुन्हा म्हणावं : 'बाबासाहेबानं दिलं हे… बाबासाहेबानं'! घरात ब्राह्मणवादी आणि जातीयवादी विचार बाळगून बाहेर मात्र संविधानवादाची आणि आंबेडकरवादाची भाषा करणाऱ्या चळवळीतल्या अशा काही भंपकांचा आणि भुरट्या राजकारण्यांचा चेहरा वेळीच ओळखून त्यांच्या नादाला न लागता संवैधानिक/राज्यघटनात्मक मार्गानं आपण पुढं जावं आणि मग म्हणावं : 'बाबासाहेबानं दिलं हे… बाबासाहेबानं'! जेव्हा एखादी मैत्रीण लग्नानंतर 'अपत्यांच्या नावामागं आडनाव नको' असं म्हणते तेव्हा काहीवेळा तिच्या ह्या म्हणण्यामागं 'जात नको' ही भूमिका नसते, तर तिला 'कांबळे', 'काविरे', 'डेंगळे' ह्यांसारख्या दलित आडनावांची लाज वाटते म्हणून ती तसं म्हणत असते! तेव्हा तिला सांगावं : 'तू ज्या मल्टिनॅशनल कंपनीत काम करतेस ना, त्या संधीचं दारही ह्या जातीत जन्मलेल्या बाबासाहेबांनीच सर्व जाती, धर्मातल्या महिलांसाठी उघडलं आहे. त्यामुळे लाज न बाळगता उलट अभिमानानं तूही म्हण : 'बाबासाहेबानं दिलं हे… बाबासाहेबानं'! ' आज सर्वच राजकीय पक्ष डॉ. बाबासाहेब आंबेडकरांना आपलं मानतात. संसदेत संविधानाची प्रत दाखवली जाते, जयंतीनिमित्त मोठे कार्यक्रम होतात, स्मारकं उभी राहतात; पण त्याच वेळी निवडणूक आयोगासारख्या घटनात्मक संस्थांच्या स्वायत्ततेवर प्रश्न उपस्थित होतात. अभिव्यक्ती-स्वातंत्र्यावर मर्यादा येतात. EDच्या आणि CBIच्या कारवाया राजकीय शस्त्रासारख्या वापरल्या जातात. निवडणुकांपूर्वी आरोपांच्या आधारे विरोधकांना तुरुंगात टाकलं जातं आणि निवडणुका झाल्यावर आरोप हवेत विरतात. बाबासाहेबांनी 'संवैधानिक नैतिकता' ही संकल्पना मांडली होती. तिचा अर्थ केवळ कायदे पाळणं हा नव्हता, तर सत्तेवर असतानाही मर्यादा पाळणं, संस्थांचा सन्मान राखणं हा होता. आजच्या राजकीय वातावरणात आंबेडकरी विचारांची खरी कसोटी इथंच लागते. हा समाज उभा राहावा म्हणून बाबासाहेबांनी आयुष्य झिजवलं आणि रमाईनं फाटक्या साडीनं संसार सांभाळला. आज तोच समाज इतका पुढं आला आहे की, रमाईची साडी हिऱ्यांनी मढवली जावी इतकी ताकद त्याच्यात निर्माण झाली आहे. कोणे एके काळी गळ्यात मडकं बांधून फिरावं लागलेल्या पिढ्यांच्या पुढच्या पिढ्या आज बुद्धाचं सोन्याचं लॉकेट घालतात. कधी कमरेला झाडू बांधून चालणाऱ्या लोकांच्या पुढच्या पिढ्यांच्या पाठीवर आज शाळेची किंवा कार्यालयाची बॅग आहे. कधी गळ्यात मडकं होतं — आज हातात स्टेथोस्कोप आहे. कधी हातात खराटा होता — आज हातात पेन आहे. कधी पाय अनवाणी होते — आज पायात ब्रँडेड चपला आहेत. कधी ताट रिकामं होतं — आज तूप-साखरेचंही जेवण आहे. कधी हॉटेलात प्रवेश नव्हता — आज पंचतारांकित हॉटेलात सर्व धर्म-जातींच्या मित्रांसोबत जेवण्याचा आत्मविश्वास आहे. म्हणूनच एक गोष्ट विसरून चालणार नाही. ती अधिक जबाबदारीनं लक्षात ठेवायला हवी. ती गोष्ट म्हणजे - आंबेडकरी विचार युवकांना अन्यायाविरुद्ध लढणं शिकवतो; दिशाहीन होणं नव्हे. विवेक, अभ्यास आणि संघटित कृती हीच त्याची दिशा आहे. स्वतःच्या जातीची लाज न बाळगता हेही लक्षात ठेवायला हवं - आंबेडकरी विचार हा केवळ इतिहास नाही; तो वर्तमानाला प्रश्न विचारणारा आरसा आहे.

♦️Sectional Timing in SSC exams🔥🔥🔥🔥🔥🔥

♦️SSC Selection Posts Phase-XIV (2026) Notification Out🔥🔥🔥🔥

ALL VERY IMPORTANT PHRASAL VERBS

RBI Assistant Dress Guidelines

RBI Assistant Dress Guidelines

♦️RRB NTPC Graduation Level Answer Key Today ✅ Time: 04:00 PM https://rrb.digialm.com/EForms/configuredHtml/33128/98228/login.html

हळूहळू आयटीमधील नोकऱ्यांवर गंडांतर येईल. तांबड्या समुद्रातील आॅप्टिकल्स, केबल्सला धोका पोहोचला तर मी इथे फेसबुकवर लिहितो आहे. ते देखील लिहिता येणार नाही. अराजकसदृश्य अशा आपल्या सरकारच्या हाती उलट आयतं कोलितच मिळेल. आपण फक्त प्रार्थना करू शकतो की, हुथींनी त्या केबल्सला हानी पोहोचू नये. नेतृत्व किती चलाख हवं असतं. याचं उदाहरण म्हणजे कागदावरूनच आपली अफाट मुत्सद्देगिरी दाखवणारा थोर राजा छत्रपती राजाराम महाराज होय.त्यानंतर मोगलमर्दिनी ताराराणी सरकार होत. आणि त्यानंतरच्या पुण्यश्लोक अहिल्यादेवी होळकर. इतिहास का वाचायचा असतो? यासाठीच वाचायचा असतो. की, आपल्याकडे जेव्हा सैन्याच्या आधारे काही करणं अशक्य होईल तेव्हा कागदं किती महत्त्वाची ठरतात. आपल्याकडे आपले प्रमुख कितवी शिकले आहेत? त्यांनी काय काय इतिहास वाचला आहे? असं विचारलं तर बिचारे आपल्याला देशद्रोहीच ठरवतील. अशी परिस्थिती. साधा गॅस पुरवता येईना लोकांना आणि आपण जगभरची युद्धे थांबवण्याच्या बाता करतो आहोत.आणि वाचाळ माध्यमे त्या खोट्या गोष्टी लोकांच्या माथीही मारत आहेत. पण संकटाच्या काळातच नेतृत्वाचा कस लागतो. थोरले महाराज असोत की धाकटे महाराज असोत. त्यांनी संकटं तर अक्षरशः हातावर खेळवली आणि नाचवली पण होती. पण आपण इतिहास कोणता वाचला? अफजलखान, शाहिस्तेखान या पलीकडे किती थोर इतिहास आहे आपल्याला. पण धर्माची गुंगीच लोकांना अधिक आवडते. मार्क्स म्हणतो की, 'धर्म ही माणसांची अफू आहे.' (धर्म ही अफूची गोळी आहे. हे मार्क्सचं मूळ वाक्य नाही. वरील वाक्य मार्क्सचं आहे. तेच बरोबर आहे.) माझ्या गावात सकाळी एक कीर्तन झालं. हभप बुवा म्हणाले की, हनुमानचालिसा शाळांमधून कंपल्सरी करा. उलटी दिशा पकडलीय आपण आणि लोक होयबा झाले आहेत. एक हिंदी भाषेतील चालिसा मराठी शाळांमधून कंपल्सरी करा असं म्हणणारा माणूस मराठी भाषेतील तुकोबाची गाथा, नामदेवाचे अभंग, जनाबाईचे अभंग वा एका मराठी माणसाने लिहिलेले संविधान कंपल्सरी करा. असंही म्हणू शकला असता. पण भाषेवरही प्रेम नाही आणि प्रदेशावरही प्रेम नाही. उत्तरेतील हिंदी/ब्रजभाषेतील काव्य कंपल्सरी विद्यार्थ्यांना शिकवा असं म्हणाले ते. यावर काय बोलणार आपण? अफू अशीच असते. तुकोबा म्हणतात की, "बोलाचिच कढी बोलाचाच भात।जेवोनिया तृप्त कोण झाला॥" कुठल्या काळात आहोत आपण? जरा विचार करा. आणि कुठे चाललो आहोत आपण? मध्ययुगाच्याही पलीकडे, काळ्याकुट्ट अंधाराकडे.

इराण किती पद्धतशीरपणे युद्धात उतरला आहे. तेल, गॅस यांच्या त्यांच्या मक्तेदारीनंतर किंवा अमेरिकेचे मध्यपूर्वेतील सैन्यतळ उद्ध्वस्त केल्यानंतर आता इराणने अमेरिका आणि इस्राईल यांच्या डेटा सेंटरकडे आपला मोर्चा वळवलेला आहे. यावरून लक्षात येते. गुगल, अमेझाॅन या कंपन्यांना उडवण्याचा इशारा इराणने दिला आहे. या कंपन्यांच्या एक किलोमीटरच्या परिसरातील नागरिकांना सतर्क राहण्याची विनंती त्यांनी आधीच केली होती. इराणने त्यांच्या मुख्यालयातून एक आदेशही जारी केला होता की, गुगल, मायक्रोसाॅफ्ट,एनविडिया,अमेझाॅन या कंपन्या आमचं अधिकृत लक्ष्य असतील. युद्ध लढताना तुमच्याकडे काहीतरी युद्धनिती असायला हवी आहे. ती निती इराणकडे आहे. इराणने आजच बहारीनमधील अमेझाॅनच्या डेटा सेंटरवर ड्रोन हल्ला केला आहे. यावरून काय ते समजा. या डेटा सेंटरचा वापर करून अमेरिका, इस्राईल हे इराणच्या न्युक्लिअर ठिकाणांना लक्ष्य करत आहे. मग इराणही आता वरील कंपन्यांची सेंटर्स उद््ध्वस्त करणार आहे. AI तंत्रज्ञानाधारित कंपन्या आता अस्वस्थ आहेत.त्यांना मध्यपूर्वेतील आपली, मध्य आशियामधील सगळी केंद्रे सोडायची आहेत. किंवा ते तशा विचारात आहेत. दक्षिण आशिया म्हणजे त्यातील अफगाणिस्तान, बांगलादेश, भूतान, भारत, मालदीव, नेपाळ, पाकिस्तान आणि श्रीलंका या देशांपैकी भारत हाच महत्त्वाचा देश त्यांना वाटतो आहे. परंतु भारताचे पंतप्रधान नरेंद्र मोदी यांनी इराणचा शत्रू असलेल्या अमेरिका आणि इस्राईल या देशांशी आधीच एपस्टीन फाईल्स किंवा तसेच अदानी-अंबानी यांच्या भांडवली हितांसाठी अमेरिका आणि इस्राईलसोबत जी गळामिठी घेतली, ती आपल्या सर्वांसमोर आहेच. यामुळे रशिया तसेच इराणसारखे अत्यंत जुने मित्र आपण गमावून बसलो आहोत. मग या गुंतवणूकदारांसाठी उरतात ते मध्य आशियातील देश. परंतु हे बहुतांश देश आधीच्या सोविएत रशियाचाच भाग आहेत. यामुळे इथेही गुंतवणूकदार उत्सुक नाहीत.मग आग्नेय (South East Asia) आशियातील देश उरतो. तो म्हणजे सिंगापूर. त्यानंतर मलेशिया. सिंगापूर हा जपानखालोखालचा व्यापारी दृष्टीने महत्त्वाचा देश आहे. माहीत नाही पुढे काय आहे ते. पण कालचीच ओरॅकल नावाच्या कंपनीची बातमी तुमच्या वाचनात असेलही की,या कंपनीने एकाच वेळी तब्बल ३० हजार कर्मचाऱ्यांना कामावरून काढून टाकले आहे. यामध्ये तब्बल १२ हजार आयटी, एआय प्रोफेशनल्स आहेत. यावरून काय ते समजा. संकटातही संधी असते. असं म्हणतात. पण आपण ती देखील गमावून बसलो आहोत. दुसरा आणखी एक धोका आता हा आहे की, हुथींनी (येमेन)आता या युद्धात उडी घेतलीय. बाब-अल-बंदेब चा जलमार्ग त्यांनी रोखला तर अमेरिका वगळून जगाच्या इंधनाची नाकाडंच बंद होतील. हा जलमार्ग तांबड्या समुद्राला एडनचे आखात तसेच पुढे हिंदी महासागराला जोडते. हा जलमार्ग आशिया आणि युरोपला जोडणारा प्रमुख सागरी मार्ग आहे. हा जलमार्ग तांबड्या समुद्राला सुएझ कालव्यांद्वारे भूमध्य समुद्राशीही जोडतो. आता इथे आणखी औत्सुक्याची बाब आहे ती म्हणजे. याच समुद्राखालून आशिया-आफ्रिका आणि युरोप यांना इंटरनेटच्या कनेक्टिविटीद्वारे जोडणाऱ्या महत्त्वाच्या केबल्सचे जाळेही आहे. या केबल्स अमेरिका वगळून जागतिक इंटरनेटची बहुतांश वाहतूक करतात. वरील तीनही खंडांतील प्रमुख देशांचं इंटरनेट याच केबल्सवर अवलंबून आहे. आपल्याकडील टाटा, रिलायन्स या आणि इतर ज्या मोबाईल फोनच्या सेवा देणाऱ्या कंपन्या आहेत,त्या याच मार्गाचा वापर करतात. जर हुथींनी इथे काही हस्तक्षेप केलाच तर किती आणि काय काय गोष्टी ठप्प होतील. याचा विचार करा. कारण, हुथी हे इराणचे अगदी कट्टर समर्थक आहेत. युद्ध कसं लढलं जाऊ शकतं. याची ही केवळ झलक आहे. कारण इराणने आता अमेरिकन डेटा कंपन्यांची सेंटर्स लक्ष्य करायला सुरुवात केली आहे. आपल्याकडील माध्यमे अजूनही एका पक्षाच्या आणि त्या पक्षाच्या नेतृत्वाच्या प्रेमात मशगूल आहेत. त्यांना तशीही जाग येणार नाहीच म्हणा. कारण, ते आधीच शरण गेलेले गुलाम आहेत. मालकाचे पाय जीव जाईस्तोवर ते चेपणं सोडणार नाहीत. पण मग तुमचा इतिहास हा असाच लिहिला जाईल. अख्खं जग तुम्हाला लाचार म्हणूनच पाहतंय. अमेरिकेत एकाच वेळी तब्बल ३२०० ठिकाणचे किमान एक कोटी लोक ट्रम्पच्या विरोधात रस्त्यावर उतरले होते. यात राॅबर्ट डी निरो, मेरिल स्ट्रिप सारखे प्रतिभावंत हाॅलिवूड अभिनेते,अभिनेत्रींचाही सहभाग होता. भारतात असं काही घडेल. कलाकार लोक लोकांच्या आंदोलनात सहभाग घेतील. या भ्रमातून बाहेर या. आपण ज्यांना पडद्यावर हिरो म्हणून पाहतो. नटव्या अभिनेत्रींना पाहतो. त्यांच्याकडे अजिबातही पाठीचा कणा नाहीये. ते सगळे गुलाम आहेत. शरणार्थी आहेत. ते अजिबातही स्वतंत्र नाहीत. अपवाद क्वचित आहेत. त्यांचा आपण आदर करूयात.

✅ UPCOMING EXAMS 2026: TENTATIVE CALENDAR RBI Assistant Pre – 11 April IDBI JAM – 12 April RBI Assistant Mains – 7 June Either FCI / LIC Pre – 20/21 June FCI / LIC Mains – 9 Aug SBI PO Pre – 1/2 Aug SBI PO Mains – 12 Sep SBI Clerk Pre – 27 Sep SBI Clerk Mains – 7 Nov IBPS PO Pre – 22/23 Aug IBPS PO Mains – 4 Oct IBPS Clerk Pre – 10/11 Oct IBPS Clerk Mains – 27 Dec RRB PO Pre – 21/22 Nov RRB PO Mains – 20 Dec RRB Clerk Pre – 6/12/13 Dec RRB Clerk Mains – 30 Jan, 2027

♦️IBPS Removed Candidates 20 candidates removed by IBPS for bad credit history / low CIBIL Score

📣SBI CLERK 2025-26 Exam Data from RTI • Total Applications Received: 9,00,771 • Candidates Appeared in Prelims: 6,43,828 (Appeared in Prelims = 71.48%) • Candidates Qualified for Mains: 1,20,006 (Prelims Selection Ratio = 18.64%) • Candidates Appeared in Mains: 1,14,052 🌀 SBI CLERK 2025-26 SUCCESS RATE 1.023%

♦️ALP 2026 Short  Notice Out 🔥🔥🔥 ➡️ Vacancy : 11127 🥁 Form : 15 May to 14 June 2026 🔥 Age Limit ( as on 1 July 2026): 18 – 30 Years

✅RRB NTPC 2025 Tentative Exam Dates 16,17,18,19,22,23,24,25 & 27 March Total Shifts - 27

✅IDBI Bank Recruitment 2026 Short Notice Out... Detailed notification soon 🌀Assistant Manager (Grade A) – 200 Posts 🌀Junior Assistant Manager (Grade O) – 1100 Posts Online Registration from March 8th to March 19th 2026