МАЙА СОНУННАРА

🌿Бүгүн ыам ыйын 31 күнүгэр Майа сэлиэнньэтин түөлбэлэрэ 21 араас отонноох, сибэккилээх мастары, талахтары Комсомольскай болуоссакка олортулар🌿🌲🌳🌿. Ол курдук боярышник, акация, дикая роза, рябина, ива, бузина, малина, моонньоҕон, дөлүһүөн, хатыҥ мастары. Майабыт өссө киэркэйэ турдун, олордуллубут мастар ылсан силигилии үүнэллэрин туһугар бука бары харыстыаҕыҥ🙌🏻 Түөлбэни кытта үлэҕэ сүрүннүүр исписэлиис Жанна Тумусова

Бүгүн "Ураһалаах" алааска Майа сэлиэнньэтин тэрилтэлэрэ, биирдиилээн дьон тахсан көхтөөх субуотунньук ыытылынна. Самаан сайыны уруйдаан, үрүҥ тунах ыһыах ыһыллар ытык сири ыраастаатылар, бөҕүн хомуйдулар👍 Уопсай үлэҕэ кыттыбыт дьоммутугар махталбытын биллэрэбит✊ @mayasonun

«Сааскы түбүктэр» атыы-эргиэн дьаарбаҥката сонуннук ыытылынна 🍅🪴 Үлэнэн дьолломмут үтүө дьоммутугар анаммыт «Сааскы түбүктэр» диэн ааттаах оҕуруот аһын, сибэкки араас арассаадатын, отонноох мастар үнүгэстэрин атыылыыр дьаарбаҥка Майа сэлиэнньэтигэр «Кыталык» уопсастыбаннай киин иннигэр бэрт тэрээһиннээхтик, сонуннук ыытылынна. Бу эрэ күн атыы-эргиэн, уопут атастаһыыта, маастар кылаастар буолуллар. 🍒🪱 Биолог үөрэхтээх биллэр оҕуруотчут Мичийэ Аргунова (Майа) помидору үүннэрии албастарын кэпсээтэ. Отонноох мастары көрүү-харайыы туһунан Анна Харитонова (Төҥүлү) маастар кылааһын иһиттибит. Саха сирин уопсастыбанньык эколога, улууска “Алаас ыала” түмсүүнү төрүттэспит оҕуруотчут Матрена Павлова (Төхтүр) тэлгэһэ экологиятын, хара буору бэйэ оҥостууну, үүнээйи буорун уоҕурдуу ньыматын үллэһиннэ. Сиһилии 👈 @gazetaerkeii @ulusmedia