PSLF/TNLA News
Open in Telegram
Official Telegram channel of PSLF/TNLA News Agency. Latest news and updates from Ta'ang region. https://www.taangland.org/
Show more📈 Analytical overview of Telegram channel PSLF/TNLA News
Channel PSLF/TNLA News (@pslftnlanews) in the Burmese language segment is an active participant. Currently, the community unites 20 744 subscribers, ranking 11 143 in the News & Media category and 6 814 in the Myanmar region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 20 744 subscribers.
According to the latest data from 08 September, 2026, the channel demonstrates stable activity. Although there has been a change in the number of participants by -521 over the last 30 days and by -9 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 5.79%. Within the first 24 hours after publication, content typically collects 2.84% reactions from the total number of subscribers.
- Post reach: On average, each post receives 1 201 views. Within the first day, a publication typically gains 590 views.
- Reactions and interaction: The audience actively supports content: the average number of reactions per post is 8.
📝 Description and content policy
The author describes the resource as a platform for expressing subjective opinions:
“Official Telegram channel of PSLF/TNLA News Agency.
Latest news and updates from Ta'ang region.
https://www.taangland.org/”
Thanks to the high frequency of updates (latest data received on 09 September, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the News & Media category.
20 744
Subscribers
-924 hours
-957 days
-52130 days
Posts Archive
20 744
တအာင်းစာအဖွဲ့-TLA မှ တအာင်းစာပေ မျိုးဆက်လက်ဆင့်ကမ်းရေးအတွက် (၅) နှစ်အတွင်း လူဦးရေ (၁၀,၂၀၀) ဦးကျော်ကို သင်ကြားပေးနိုင်ခဲ့
နမ့်ခမ်း၊ စက်တင်ဘာ ၈ ရက်
တအာင်းပြည်သတင်း
တအာင်းစာအဖွဲ့ (Ta’ang Literature Association-TLA) သည် တအာင်းစာပေ ဖွံ့ဖြိုးတိုးတက်ရေး၊ ထိန်းသိမ်းစောင့်ရှောက်ရေးနှင့် ပြန့်ပွားရေးလုပ်ငန်းများကို အစဉ်တစိုက် ဆောင်ရွက်လျက်ရှိရာ ၂၀၂၀ ခုနှစ်မှ ၂၀၂၅ ခုနှစ်အတွင်း ကျေးရွာပေါင်း (၁၈၂) ရွာရှိ လူဦးရေ (၁၀,၂၀၀) ဦးကျော်အား တအာင်းစာ သင်ကြားပို့ချပေးနိုင်ခဲ့ပြီး မိခင်ဘာသာစကား အမွေအနှစ်ကို မျိုးဆက်သစ်များထံ လက်ဆင့်ကမ်းနိုင်ရေးအတွက် အရေးပါသည့် အခန်းကဏ္ဍများ လုပ်ဆောင်နိုင်ခဲ့သည်။
အဆိုပါအဖွဲ့သည် တအာင်းရုံးသုံးအခြေခံစာကို ဒေသအနှံ့ ကျယ်ကျယ်ပြန့်ပြန့် အသုံးပြုနိုင်စေရန်နှင့် တအာင်းစာပေ အမြစ်တွယ်ခိုင်မာလာစေရန် ရည်ရွယ်၍ နမ့်ဆန်၊ နမ္မတူ၊ မန်တုံ၊ နမ့်ခမ်း၊ ကွတ်ခိုင်၊ ကျောက်မဲ၊ လားရှိုး၊ မူဆယ်၊ မိုးကုတ်နှင့် မိုးမိတ်မြို့နယ်များရှိ ကျေးရွာပေါင်း (၁၈၂) ရွာသို့ သွားရောက်ကာ တအာင်းရုံးသုံးစာ အခြေခံသင်တန်းများကို ဖွင့်လှစ်သင်ကြားပေးခဲ့သည်။
ထို့အပြင် ၂၀၂၆ ခုနှစ် သြဂုတ်လအထိ တအာင်းပြည်အတွင်းရှိ ကျေးရွာ (၂၄) ရွာမှ လူဦးရေ (၈၇၈) ဦး တအာင်းစာ သင်ယူအောင်မြင်ပြီးမြောက်ခဲ့ကာ မိခင်ဘာသာစကား ထိန်းသိမ်းမြှင့်တင်ရေးနှင့် တအာင်းစာပေ ပြန့်ပွားရေးလုပ်ငန်းများတွင် ထင်ရှားသော တိုးတက်မှုများ ရရှိခဲ့ပါသည်။
၎င်း တအာင်းစာသင်ကြားရေးကာလအတွင်း သင်ယူမှုတွင် ထူးချွန်ပြောင်မြောက်သည့် သင်တန်းသူ/သားများအား ဂုဏ်ပြုဆုများ ချီးမြှင့်ပေးခဲ့ပြီး သင်တန်းကို အောင်မြင်စွာ ပြီးမြောက်ခဲ့သူများအား သင်တန်းဆင်းလက်မှတ်များ ပေးအပ်ချီးမြှင့်ကာ ၎င်းတို့၏ ကြိုးစားအားထုတ်မှုနှင့် အောင်မြင်မှုများကို အသိအမှတ်ပြု ဂုဏ်ပြုပေးခဲ့သည်။
လက်ရှိတွင် တအာင်းပြည်ပညာရေးကောင်စီ-TLECမှ ဖွင့်လှစ်သော စာသင်ကျောင်းများ၌ တအာင်းဆရာ/မများက G-1 မှ G-6 အထိ မိခင်ဘာသာစကား သင်ကြားပေးနိုင်ပြီးဖြစ်၍ G-12 အထိ တိုးချဲ့သင်ကြားနိုင်ရေး ဆက်လက်ကြိုးပမ်းလျက်ရှိသည်။ ထို့အပြင် တအာင်းစာပေ ပြန့်ပွားဖွံ့ဖြိုးရေးအတွက် အွန်လိုင်းပလက်ဖောင်းများမှတစ်ဆင့်လည်း စဉ်ဆက်မပြတ် သင်ကြားပို့ချပေးလျက်ရှိသည်။
တအာင်းစာပေ ဖွံ့ဖြိုးတိုးတက်ရေးနှင့် မိခင်ဘာသာစကား အမွေအနှစ် ထိန်းသိမ်းမြှင့်တင်နိုင်ရေးအတွက် TLEC ကျောင်းဆရာ/မများအား TOT (Training of Trainers) သင်တန်း အပတ်စဉ် (၆) အထိ စဉ်ဆက်မပြတ် ဖွင့်လှစ်သင်ကြားပေးခဲ့ပြီးဖြစ်သည်။ ယင်းနောက် တအာင်းစာကို အနာဂတ်မျိုးဆက်သစ် လူငယ်များထံ ပိုမိုကျယ်ပြန့်စွာ လက်ဆင့်ကမ်းနိုင်ရေးအတွက် ဆရာကျင့်ဝတ်စာအုပ်၊ Grammar စာအုပ်၊ ကဗျာစာအုပ်၊ ဆောင်းပါးစာအုပ်၊ ဝေါဟာရစာအုပ်၊ မဂ္ဂဇင်းနှင့် ပုံပြင်စာအုပ်များကိုလည်း ထုတ်ဝေဖြန့်ချိလျက်ရှိကာ တအာင်းစာပေ ရှင်သန်ဖွံ့ဖြိုးရေးကို အားသွန်ခွန်စိုက် အကောင်အထည်ဖော်လျက်ရှိသည်။
ထို့အပြင် နည်းပညာခေတ်၏ လိုအပ်ချက်များနှင့်အညီ ကွန်ပျူတာနှင့် မိုဘိုင်းဖုန်းအသုံးပြုသူများအား တအာင်းစာကို အချိန်မရွေး၊ နေရာမရွေး အလွယ်တကူ လေ့လာသင်ယူ ရေးသားနိုင်စေရန် Ta’ang Dictionary App ကို မိတ်ဆက်အသုံးပြုစေပြီး ၎င်း၏ အသုံးဝင်ပုံများကို လူငယ်မျိုးဆက်များထံ ကျယ်ကျယ်ပြန့်ပြန့် အသိပညာပေး ဖြန့်ဝေလျက်ရှိပါသည်။
#PSLF/TNLA
#သတင်းနှင့်ပြန်ကြားရေးဌာန
20 744
တအာင်းပြည်တွင် အရည်အချင်းပြည့်မီသော Software Engineer များ ပေါ်ထွက်လာစေရန် လက်ဖက်မြေနည်းပညာသင်တန်းကျောင်း (TLIT) အတွက် သင်တန်းသား စတင်ခေါ်ယူနေ
နမ့်ဆန်၊ စက်တင်ဘာ ၆ ရက်
တအာင်းပြည်သတင်း
တအာင်းပြည်တွင် အရည်အချင်းပြည့်ဝသော Software Engineer များ မွေးထုတ်ပေးရန်နှင့် ဒေသတွင်း နည်းပညာဖွံ့ဖြိုးတိုးတက်စေရန် ရည်ရွယ်၍ Tea Land Information Technology School (TLIT) အတွက် သင်တန်းသားများ စတင်ခေါ်ယူနေကြောင်း ICT Center-Ta’ang Land မှ စက်တင်ဘာလ (၄) ရက်နေ့၌ ထုတ်ပြန်ကြေညာခဲ့ပါသည်။
အဆိုပါသင်တန်းကျောင်းသည် Programming နှင့် Software Development ကို အခြေခံမှစတင်၍ လုပ်ငန်းခွင်ဝင်နိုင်သည့်အဆင့်ထိ သင်ကြားပေးသော ကျောင်းဖြစ်ပါသည်။ ထို့ပြင် သီအိုရီကိုသာ သင်ကြားပေးခြင်းမဟုတ်ဘဲ Real-World Project များဖြင့် လက်တွေ့ လေ့လာသင်ကြားပေးသည့်အတွက် သင့်တန်းပြီးဆုံးသည်နှင့် IT လုပ်ငန်းခွင်သို့ ယုံကြည်စိတ်ချစွာ ဝင်ရောက်လုပ်ကိုင်နိုင်မည်ဖြစ်ပါသည်။
သင်တန်းကာလသည် (၁၆) လ ကြာမြင့်မည်ဖြစ်ပြီး သင်ကြားပေးမည့် အဓိကဘာသာရပ်များ (၆) ခုဖြစ်သည့် Web Development, Mobile Development, Database Management, Server Administration, Software Engineering, Cyber Security Fundamentals စသည့်ဘာသာရပ်များဖြစ်သည်။
လျှောက်ထားသူများအတွက်အနေဖြင့် စနစ်ဟောင်း တက္ကသိုလ်ဝင်တန်း (သို့မဟုတ်) စနစ်သစ် Grade-12 အောင်မြင်ထားသူဖြစ်ပြီး အကျင့်စာရိတ္တကောင်းမွန်၍ ကျန်းမာရေးလည်း ကောင်းမွန်သူ ဖြစ်ရမည်။ ထို့နောက် IT နည်းပညာကို အမှန်တကယ် စိတ်ပါဝင်စားပြီး ကျောင်းမှ ထုတ်ပြန်ထားသော စည်းကမ်းများကို လိုက်နာနိုင်သူ ဖြစ်ရမည်ကြောင်း ဖော်ပြထားပါသည်။
သင်တန်းတတ်ရောက်သူများသည် စားသောက်စရိတ်အဖြစ် တစ်လလျှင် (၁၀၀,၀၀၀) ကျပ် ပေးသွင်းရမည်ဖြစ်ပြီး ကျန်သင်ကြားရေးစရိတ်များကို TLIT ကျောင်းမှ တာဝန်ယူ ဆောင်ရွက်ပေးသွားမည်ဖြစ်သည်။ အဆိုပါသင်တန်းကျောင်းကို သင်တန်းသား/သူ (၁၅) ဦးသာ ခေါ်ယူသွားမည်ဖြစ်ပြီး သင်တန်းပြီးဆုံးပါက တအာင်းပြည်အစိုးရ လုပ်ငန်းဌာနများတွင် အနည်းဆုံး (၂) နှစ် တာဝန်ထမ်းဆောင်ရမည်ဖြစ်ပါသည်။
အဆိုပါလျှောက်လွှာများကို စက်တင်ဘာလ (၂၅)ရက်နေ့တွင် နောက်ဆုံးထားပေးပို့ရမည်ဖြစ်ပြီး စက်တင်ဘာလ (၂၆) ရက်နေ့မှ အောက်တိုဘာလ (၃) ရက်နေ့အထိ လူတွေ့စစ်ဆေးမေးမြန်းသွားမည်။ ယင်းလျှောက်လွှာများကို အသေးစိတ် သိရှိလိုပါက ICT Center - Ta'ang Land Facebook Page (သို့မဟုတ်) အီးမေးလ် taangict@gmail.com၊ Telegram Username @ictcenter2027 မှတစ်ဆင့် ဆက်သွယ်မေးမြန်းနိုင်ကြောင်းအသိပေးအပ်ပါသည်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#သတင်းနှင့်ပြန်ကြားရေးဌာန
20 744
နမ္မတူနှင့် မန်တုံမြို့နယ်တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါး သုံးစွဲသူ အမျိုးသမီးတစ်ဦးအပါအဝင် (၁၁) ဦး ဖမ်းဆီးရမိ
နမ့်ဆန်၊ စက်တင်ဘာ ၆ ရက်
တအာင်းပြည်သတင်း
တအာင်းပြည်၊ နမ္မတူနှင့် မန်တုံမြို့နယ်တွင် သြဂုတ်လတစ်လအတွင်း တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးတိုက်ဖျက်ရေးလုပ်ငန်းဆောင်ရွက်နေစဥ် မူးယစ်ဆေးဝါးသုံးစွဲသူ အမျိုးသမီးတစ်ဦးအပါအဝင် (၁၁) ဦး ဖမ်းဆီးရမိခဲ့ပါသည်။
နမ္မတူမြို့နယ်တွင် ပြီးခဲ့သည့် သြဂုတ်လ (၉) ရက်နေ့၌ မြို့နယ်ရဲ့တပ်ဖွဲ့မှ မူးယစ်ဆေးဝါးတိုက်ဖျက်ရေးလုပ်ငန်းဆောင်ရွက်နေစဥ် မူးယစ်ဆေးဝါးသုံးစွဲသူ အသက် (၃၈) နှစ်အရွယ် ဦးဆိုထွေး သော်လည်းကောင်း၊ သြဂုတ်လ (၁၅) ရက်နေ့တွင် အသက် (၅၂) နှစ်အရွယ် ဦးရန်ကင်ကြယ် သော်လည်းကောင်း ၎င်းတို့ထံမှ စိတ်ကြွဆေးပြားအနည်းငယ်နှင့် ဆက်စပ်သည့်ပစ္စည်းများကို သိမ်းဆည်းရမိခဲ့ပါသည်။
ထို့နောက် သြဂုတ်လ (၂၃) ရက်နေ့လည်း မူးယစ်ဆေးဝါးသုံးစွဲသူ အသက် (၆၃) နှစ်အရွယ် ဦးလုံကော၊ အသက် (၂၈) နှစ်အရွယ် ဦးစိုင်းခမ်းအောင်၊ အသက် (၃၈) နှစ်အရွယ် ဦးအလိုင်၊ အသက် (၃၄) နှစ်အရွယ် ဦးညီချစ်၊ အသက် (၄၁) နှစ်အရွယ် ဦးဘိုဘိုတို့ကို ဖမ်းဆီးရမိခဲ့ပါသည်။ ၎င်းအပြင် သြဂုတ်လ (၃၀) ရက်နေ့၌ အသက် (၃၆) နှစ်အရွယ် ဒေါ်သီအောင်ကို ထပ်မံဖမ်းဆီးရမိခဲ့သည်။
အလားတူ မန်တုံမြို့နယ်၊ လွယ်မွန်းကျေးရွာအတွင်း မူးယစ်ဆေးဝါးသုံးစွဲသူနေကြောင်း သတင်းရရှိသဖြင့် မြို့နယ်ရဲတပ်ဖွဲ့မှ ပြီးခဲ့သည့် သြဂုတ်လ (၃၀) ရက်နေ့၌ သွားရောက်စစ်ဆေးခဲ့ရာမှ အသက် (၃၀) နှစ်အရွယ် ဦးနိုင်ဆီ၊ အသက် (၃၆) နှစ်အရွယ် ဦးယိုင်ဘောင်နှင့် အသက် (၅၀) နှစ်အရွယ် ဦးနိုင်ထွန်းတို့ကို မူးယစ်ဆေးဝါးသုံးစွဲထားသည့် ဆက်စပ်ပစ္စည်းများနှင့်အူ ဖမ်းဆီးရမိခဲ့သည်။
အဆိုပါ မူးယစ်ဆေးဝါးသုံးစွဲသူများကို PSLF/TNLA ၏ တအာင်းပြည် မြို့နယ်ရဲတပ်ဖွဲ့မှ ဖမ်းဆီးထိန်းသိမ်းထားခဲ့ပြီး မူးယစ်ဆေးဝါးဥပဒေနှင့်အညီ ဆက်လက်အရေးယူဆောင်ရွက်သွားဖြစ်၍ အကျင့်စာရိတ္တလည်း ပြုပြင်ပေးသွားမည်ဖြစ်ပါသည်။
ပလောင်ပြည်နယ်လွတ်မြောက်ရေးတပ်ဦး PSLF/TNLA အနေဖြင့် မူးယစ်ဆေးဝါးတိုက်ဖျက်ရေးလုပ်ငန်းကို လုပ်ငန်းစဉ်တစ်ရပ်အဖြစ် အလေးထားဆောင်ရွက်လျက်ရှိပါသည်။ ထို့ပြင် မူးယစ်ဆေးဝါးအသုံးပြုမှုနှင့် ရောင်းဝယ်ဖြန့်ဖြူးမှုများ ပပျောက်စေရန်၊ လူငယ်များ၏ အနာဂတ်ကို ကာကွယ်ထိန်းသိမ်းနိုင်ရန်နှင့် တရားဥပဒေစိုးမိုးရေး၊ လူမှုဘဝလုံခြုံတည်ငြိမ်ရေးတို့ကို မြှင့်တင်နိုင်ရန် ဆက်လက်အကောင်အထည်ဖော် ဆောင်ရွက်လျက်ရှိပါသည်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#သတင်းနှင့်ပြန်ကြားရေးဌာန
20 744
တအာင်းပြည်တွင် သြဂုတ်လအတွင်း တအာင်းပြည်ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၄) ဦး၊ သုံးစွဲသူ (၄) ဦးနှင့် လက်ဝယ်ထားရှိသူ (၃) ဦးဖမ်းဆီးနိုင်ခဲ့
နမ့်ဆန်၊ စက်တင်ဘာ ၄ ရက်
တအာင်းပြည်သတင်း
တအာင်းပြည်၊ မိုင်းဝီး၊ နမ္မတူ၊ နမ့်ခမ်း၊ မိုင်းငေါ့မြို့နယ်တွင် သြဂုတ်လတစ်လအတွင်း တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးတိုက်ဖျက်ရေးလုပ်ငန်းဆောင်ရွက်နေစဉ် မူးယစ်ဆေးဝါးရောင်းဝယ်သူ (၄) ဦး၊ သုံးစွဲသူ (၄) ဦးနှင့် လက်ဝယ်ထားရှိသူ (၃) ဦးဖမ်းဆီးအရေးယူနိုင်ခဲ့ပါသည်။
မိုင်းဝီးမြို့နယ်တွင် သြဂုတ်လ (၂) ရက်နေ့၌ မူးယစ်ဆေးဝါးသုံးစွဲမှု သတင်းရရှိသဖြင့် မြို့နယ်ရဲတပ်ဖွဲ့မှ သွားရောက်စစ်ဆေးမှုပြုလုပ်ရာ မူးယစ်ဆေးဝါးသုံးစွဲသူ အမျိုးသား (၁) ဦးထံ စိတ်ကြွဆေး (၂၀) ပြားနှင့်အတူ သိမ်းဆည်းရမိခဲ့သည်။
ထို့ပြင် သြဂုတ်လ (၁၇) ရက်နေ့လည်း ဟင်ဟောင်းကျေးရွာ၌ ရှောင်တခင်ဝင်ရောက်စစ်ဆေးရာ မူးယစ်ဆေးဝါးလက်ဝယ်ထားရှိသူ အသက် (၆၀) နှစ်အရွယ် ဒေါ်အီဒဲထံ ယာမ (၃.၇) ဂရမ်သော်လည်းကောင်း၊ နမ့်စန်းကျေးရွာတွင် မူးယစ်ဆေးဝါးသုံးစွဲမှုနှင့် လက်ဝယ်ထားရှိသူ အသက် (၃၀) နှစ်အရွယ် ဦးနိုင်အန်နှင့် အသက် (၃၃) နှစ်အရွယ် ဦးအိုက်ညော်ထံ ဘိန်းဖြူ (၀.၅) ဂရမ်၊ ယာမ (၂.၀) ဂရမ်သော်လည်းကောင်း၊ မူးယစ်ဆေးဝါးသုံးစွဲသူ အသက် (၅၅) နှစ်အရွယ် ဦးညီအေးနှင့် အသက် (၄၅) နှစ်အရွယ် ဦးအိုက်ဝင်းသော်လည်းကောင်း ထပ်မံဖမ်းဆီးရမိခဲ့သည်။
နမ္မတူမြို့နယ်၊ မိုင်းရင်ကျေးရွာတွင် သြဂုတ်လ (၇) ရက်နေ့၌ မြို့နယ်ရဲတပ်ဖွဲ့နှင့် မူးယစ်အထူးတပ်ဖွဲ့မှ ရှောင်တခင်ဝင်ရောက်စစ်ဆေးရာ မူးယစ်ဆေးဝါး၊ တရားမဝင်လက်နက်နှင့် ဖောက်ခွဲရေးပစ္စည်းများ လက်ဝယ်ထားရှိသူ အသက် (၃၇)နှစ်အရွယ် ကိုကျော်ခိုင်(ခ)အားတီထံ ယာမစိတ်ကြွဆေးပြား (၃၇၀) ပြား၊ ဘိန်းမည်းထည့်ထားသည့် အဖြူရောင်ကော်ဗူး (၁) ဗူး၊ ဘိန်းဆီခဲထည့်ထားသည့် အဖြူရောင်ကော်ဗူး (၁) ဗူး၊ ဘိန်းအရည်ဟု ယူဆရသော အဖြူရောင်ကော်ဗူး (၂) ဗူး၊ တရားမဝင်လက်နက်ပစ္စည်းများ၊ ဖောက်ခွဲရေးပစ္စည်းများနှင့်အတူ ဖမ်းဆီးရမိခဲ့ပါသည်။
ယင်းနောက် သြဂုတ်လ (၁၀) ရက်နေ့လည်း ရပ်ကွက် (၃) အတွင်း မူးယစ်ဆေးဝါးရောင်းဝယ်မှုရှိကြောင့်သတင်းရရှိသဖြင့် သွားရောက်စစ်ဆေးရာ အသက် (၅၇) နှစ်အရွယ် ဦးမောင်မောင်လွင်ထံ ယာမထုတ်သေး (၃၀) ထုပ်နှင့် ဘိန်းဖြူထည့်ထားသည့်ဆပ်ပြာဘူး (၃၁) ဗူးတို့ကို သိမ်းဆည်းရမိခဲ့သည်။
အလားတူ နမ့်ခမ်းမြို့နယ်၊ ကုန်းဆာကျေးရွာတွင် ပြီးခဲ့သည့် သြဂုတ်လ (၂၃) ရက်နေ့၌ မူးယစ်ဆေးဝါးရောင်းဝယ်နေသည်ဟု သတင်းရရှိသဖြင့် မြို့နယ်ရဲတပ်ဖွဲ့မှ သွားရောက်စစ်ဆေးရာ အသက် (၅၉) နှစ်အရွယ် ဒေါ်မော်ခင်ထံ ယာမဆေး (၁၂၄၇)ပြား ၊ ဘိန်းမည်း (၃၁၆.၁)ဂရမ်၊ ခါးခူရွက် (၅) အိတ်၊ ဖုန်း (၂)လုံး စသည့်ပစ္စည်းများနှင့်အတူ သိမ်းဆည်းရမိခဲ့ပါသည်။
မိုင်းငေါ့မြို့နယ်လည်း သြဂုတ်လ (၂၅) ရက်နေ့၌ ကွန်ကောက်ကျေးရွာတွင် မြို့နယ်ရဲတပ်ဖွဲ့နှင့် မူးယစ်အထူးတပ်ဖွဲ့မှ ရှောင်တခင်စစ်ဆေးနေချိန် မူးယစ်ဆေးဝါးရောင်းဝယ်သူ အသက် (၃၁) နှစ်အရွယ် ဦးအောင်မိုးထံ ယာမဆေးပြား (၁၉၃) ပြား၊ ဘိန်းဖြူထည့်ထားသည့် ပိုက်ချောင်း (၁) ဝက်၊ ဘိန်းမည်း (၁၀) ဂရမ်၊ ဖုန်း (၂) လုံးနှင့် ကျပ်ငွေ (၁၆) သိန်းကျော်သော်လည်းကောင်း၊ မူးယစ်ဆေးဝါးသုံးစွဲသူ အသက် (၂၉) နှစ်အရွယ် ဦးအိုက်အေးထံ ခါခူးအနည်းငယ်နှင့် ဆက်စပ်ပစ္စည်းများကို ဖမ်းဆီရမိခဲ့သည်။
အဆိုပါ ဖမ်းဆီးရမိထားသည့် မူးယစ်ဆေးဝါးရောင်းဝယ်သူများကို ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ မူးယစ်ဆေးဝါးတိုက်ဖျက်ရေးဥပဒေနှင့်အညီ ဆက်လက်အရေးယူဆောင်ရွက်သွားမည်ဖြစ်ပြီး သုံးစွဲသူများကို မူးယစ်ဆေးဝါးတိုက်ဖျက်ရေးဥပဒေနှင့်အညီ အကျင့်စာရိတ္တပြန်လည်ပြုပြင်ရေးနှင့် အသိပညာပေးအစီအစဉ်များကို ဆက်လက်ဆောင်ရွက်သွားမည်ဖြစ်သည်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#သတင်းနှင့်ပြန်ကြားရေးဌာန
20 744
တအာင်းဥပဒေအထောက်အကူပြုအဖွဲ့- TLAF မှ အခြေခံဥပဒေ ဆိုင်ရာအသိပညာပေးသင်တန်းအတွက် စိတ်ဝင်းစားသောလူငယ်များ စတင်ခေါ်ယူနေ
နမ့်ဆန်၊ စက်တင်ဘာ ၄ ရက်
တအာင်းပြည်သတင်း
တအာင်းပြည်အတွင်း ဥပဒေအကာကွယ်များအားရယူပြီး ငြိမ်းချမ်းသောလူ့အဖွဲ့အစည်းပေါ်ပေါက် လာစေရန်နှင့် ဥပဒေဆိုင်ရာပြဿနာများအား ကူညီလမ်းညွှန်တတ်စေရန်ရည်ရွယ်၍ အခြေခံဥပဒေ ဆိုင်ရာအသိပညာပေးသင်တန်းအတွက် တက်ရောက်ရန် စိတ်ဝင်စားသော ဒေသခံလူငယ်များကို တအာင်းဥပဒေအထောက်အကူပြုအဖွဲ့-TLAF မှ စတင်ခေါ်ယူနေကြောင်း စက်တင်ဘာလ (၃) ရက်နေ့၌ ထုတ်ပြန်ခဲ့ပါသည်။
လျှောက်လိုသူများအနေဖြင့် အသက် (၁၆) နှစ်နှင့် (၃၅) နှစ်ကြားရှိရမည်ဖြစ်ပြီး ပညာအရည်အချင်းအနေဖြင့် အနည်းဆုံး အထက်တန်းအဆင့်တတ်ရောက်ဖူးသူဖြစ်ရပါမည်။ ထို့ပြင် သတ်မှတ်ထားသောစည်းကမ်းချက်များကို လိုက်နာနိုင်သူ၊ လူအများနှင့်လိုက်လျောညီထွေစွာ နေထိုင်နိုင်သူဖြစ်ပြီး သင်တန်းသား/သူ (၃၅)ဦးသာ ခေါ်ယူသွားမည်ဖြစ်ပါသည်။
ဤသင်တန်းအတွင်း ဘာသာရပ် (၁၄) ခုဖြစ်သည့် Trust Building၊ Human Rights၊ Legal Knowledge၊ Constitution၊ Women and Law၊ Rule of Law၊ Child Rights and the Child Rights Law၊ Criminal Law၊ Minority Rights၊ Federal၊ Democracy၊ Special Law၊ Basic Concepts of International Law၊ Other Subjects စသည့်ဘာသာရပ်များကို သင်ကြားသွားမည်ဖြစ်ပြီး သင်တန်းကာလအားဖြင့် (၃) လသာ ကြာမြင့်သွားမည်ဖြစ်သည်။ ၎င်းသင်တန်းတတ်ရောက်ရွေးချယ်ခံရသူများအနေဖြင့် စက်တင်ဘာ (၁၆) ရက်နေ့နှင့် (၁၇) ရက်နေ့တွင် အကြောင်းကြားပေးမည်ဖြစ်၍ သင်တန်းကို အခမဲ့တတ်ရောက်သွားနိုင်ကြောင့် ထုတ်ပြန်ချက်တွင် ဖော်ပြထားပါသည်။
အဆိုပါ လျှောက်လွှာများကို စက်တင်ဘာ (၁၃)ရက်နေ့တွင် နောက်ဆုံးထားပေးပို့ရမည်ဖြစ်သည်။ ထို့ပြင် သင်တန်းအသေးစိတ်အချက်အလက်များကို သိရှိလိုပါက အီးမေးလ် - tlafoffice@gmail.com၊ Facebook Page- Taang Legal Aid Foundation (သို့မဟုတ်) ဖုန်း - ၀၉-၆၉၆ ၆၁၈ ၀၉၃၊ ၀၉-၆၈၆ ၂၈၃ ၄၈၄ မှတစ်ဆင့် ဆက်သွယ်မေးမြန်းနိုင်ပါသည်။
၎င်းသင်တန်းဖွင့်လှစ်ရခြင်းသည် အခြေခံအခွင့်အရေးများကို သိရှိနားလည်စေရန်၊ ဥပဒေဆိုင်ရာသိဖွယ်များကို သိရှိလာစေရန်၊ ဥပဒေအကာအကွယ်များကိုရယူပြီး ငြိမ်းချမ်းသော အဖွဲ့အစည်းတစ်ရပ် ပေါ်ပေါက်လာစေရန်၊ မိမိနေထိုင်ရာရပ်ရွာဝန်းကျင်တွင် ပေါ်ပေါက်လာသောဥပဒေဆိုင်ရာပြသနာများကို ကူညီလမ်းညွှန်တတ်စေရန်၊ Paralegal အဆင့် တတ်လှမ်းနိုင်စေရန်စသည့် အချက်အလက်များကို ရရှိသွားစေရန် ရည်ရွယ်၍ ဖွင့်လှစ်ပေးခြင်းဖြစ်သည်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#သတင်းနှင့်ပြန်ကြားရေးဌာန
20 744
လက်ဖက်မြေနိုင်ငံရေးသိပ္ပံကျောင်း အပတ်စဉ် (၄) ကို တက်ရောက်ခွင့်ရရှိသူ (၃၆) ဦး အမည်စာရင်းထုတ်ပြန်
နမ့်ဆန်၊ စက်တင်ဘာ ၄ ရက်
တအာင်းပြည်သတင်း
တအာင်းပြည်အတွင်း ဖက်ဒရယ်ဒီမိုကရေစီစနစ် တည်ဆောက်ရေးနှင့် အနာဂတ် လူငယ်ခေါင်းဆောင်များ မွေးထုတ်ပေးနိုင်ရေး ရည်ရွယ်ချက်ဖြင့် လက်ဖက်မြေပညာရေးဖောင်ဒေးရှင်း (Tea Land Education Foundation - TLEF) မှ ဖွင့်လှစ်မည့် လက်ဖက်မြေနိုင်ငံရေးသိပ္ပံကျောင်း-TLSPS အပတ်စဉ် (၄) ကို တက်ရောက်ခွင့်ရရှိသည့် သင်တန်းသား/သူ စုစုပေါင်း (၃၆) ဦး၏ အမည်စာရင်းကို စက်တင်ဘာလ (၃) ရက်နေ့၌ TLSPS မှ ထုတ်ပြန်ကြေညာခဲ့သည်။
အဆိုပါ သင်တန်းအတွက် ဝင်ခွင့်လျှောက်လွှာများကို ပြီးခဲ့သည့် ဩဂုတ်လ (၁၅) ရက်နေ့အထိ လက်ခံခဲ့ခြင်းဖြစ်ပြီး သတ်မှတ်အရည်အချင်းနှင့် ကိုက်ညီသည့် အသက် (၁၈) နှစ်မှ (၃၀) နှစ်အတွင်းရှိ လူငယ် (၃၆) ဦးကို စိစစ်ရွေးချယ်ခဲ့ခြင်းဖြစ်သည်။
လက်ဖက်မြေ နိုင်ငံရေးသိပ္ပံကျောင်း-TLSPS အပတ်စဉ် (၄) ကို တက်ရောက်ခွင့်ရရှိထားသည့် သင်တန်းသား/သူများအနေဖြင့် ၂၀၂၆ ခုနှစ်၊ စက်တင်ဘာလ (၇) ရက်နေ့၌ နောက်ဆုံးထား၍ ကျောင်းသို့ ရောက်ရှိရမည်ဖြစ်ပါသည်။
ကျောင်းဝင်ခွင့်ရရှိထားသူများအနေဖြင့် သင်တန်းနှင့်ပတ်သက်သည့် အသေးစိတ်အချက်အလက်များ၊ သတင်းပို့ရောက်ရှိရေးဆိုင်ရာကိစ္စရပ်များကို သိရှိလိုပါက ၀၉-၂၆၄၆၀၇၅၃၆၊ ၀၉-၈၉၃၁၃၈၄၉၆ နှင့် ၀၉-၈၈၃၂၈၉၇၇၈ ကို တိုက်ရိုက်ဆက်သွယ်၍ စုံစမ်းမေးမြန်းနိုင်ပါသည်။
ထို့အပြင် တာဝန်ရှိသူများမှ ယခုအကြိမ် ရွေးချယ်မခံရသူများအား စိတ်ဓာတ်မကျကြရန်နှင့် အနာဂါတ်တွင် အခွင့်အလမ်းသစ်များ ဆက်လက်ရှိနေမည်ဖြစ်ကြောင်း အားပေးပြောကြားခဲ့ပြီး လျှောက်ထားသူအားလုံး၏ စိတ်ဝင်စားမှုနှင့် ပါဝင်ကြိုးပမ်းမှုများကို ကျေးဇူးတင်တန်ဖိုးထားကြောင်း ပြောကြားခဲ့သည်
အဆိုပါ လက်ဖက်မြေ နိုင်ငံရေးသိပ္ပံကျောင်းသည် သင်တန်းကာလ (၂) နှစ်ကြာမြင့်မည်ဖြစ်ပြီး Semester (၂) ခုဖြင့် အဆင့်လိုက် သင်ကြားပို့ချပေးသွားမည်ဖြစ်သည်။ ပထမနှစ်တွင် အခြေခံစွမ်းရည်မြှင့်တင်ရေးဆိုင်ရာ ဘာသာရပ်များကို သင်ကြားပေးမည်ဖြစ်ကာ ဒုတိယနှစ်တွင် နိုင်ငံရေးနှင့် မူဝါဒရေးရာ ဘာသာရပ်များကို ပြည်တွင်း၊ ပြည်ပ ကျွမ်းကျင်ပညာရှင်များနှင့် ချိတ်ဆက်၍ သင်ကြားပို့ချပေးသွားမည်ဖြစ်သည်။ ထို့အပြင် သင်တန်းကို အောင်မြင်စွာ ပြီးမြောက်သူများအား နိုင်ငံရေးသိပ္ပံဒီပလိုမာဘွဲ့ ချီးမြှင့်ပေးအပ်သွားမည်ဖြစ်သည်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#သတငးနှင့်ပြန်ကြားရေးဌာန
20 744
BEAM Education Foundation နှင့် တအာင်းပြည်ပညာရေးကောင်စီ-TLEC မှ ပူးပေါင်း၍ (၁၅) လတာ GED သင်တန်းအပတ်စဥ် (၁) လျှောက်လွှာစတင်ခေါ်ယူနေကြောင်း အသိပေးအပ်
နမ့်ဆန်၊ စက်တင်ဘာ ၄ ရက်
တအာင်းပြည်သတင်း
တအာင်းပြည်အတွင်းရှိကျောင်းများတွင် Grade-12 အောင်မြင်ပြီးမြောက်ထားသူများနှင့် အဆင့်မြင့်ပညာရေးသို့ ဆက်လက်တက်ရောက်ရန် အခက်အခဲရှိသည့် ကျောင်းသူ/သားများအား နိုင်ငံတကာအသိအမှတ်ပြုသည့် အဆင့်မြင့်ပညာရေးလက်လှမ်းမှီစေရန် ရည်ရွယ်၍ BEAM Education Foundation နှင့် TLEC မှ ပူးပေါင်းကာ (၁၅) လတာ GED သင်တန်းအပတ်စဥ် (၁) ကို စက်တင်ဘာလ (၂) ရက်နေ့မှစတင်၍ စတင်ခေါ်ယူနေကြောင်း TLEC မှ ထုတ်ပြန်ကြေညာခဲ့ပါသည်။
လျှောက်ထားသူများအနေဖြင့် အသက် (၁၈) နှစ်နှင့် (၃၅) နှစ်ကြားရှိရမည်ဖြစ်ပြီး တအာင်းဒေသတွင် နေထိုင်သူများဖြစ်ရမည်။ အင်္ဂလိပ်စာအဆင့်အနေဖြင့် Upper Intermediate အဆင့်ရှိရန်လိုအပ်ပြီး TLEC ၏ အရည်အချင်းစစ်စာမေးပွဲကို အောင်မြင်ပြီးမြောက်ထားသူများဖြစ်ရမည်ဖြစ်သည်။ ထို့ပြင် TLEC ၏ စီမံခန့်ခွဲမှုအောက်တွင် သင်ယူလေ့လာနိုင်သူဖြစ်ပြီး GED အောင်မြင်ပြီးမြောက်ပါက အဆင့်မြင်ပညာရေး (သို့မဟုတ်) အလုပ်အကိုင်အခွင့်အလမ်းများကို ဆက်လက်တက်ရောက် သင်ကြားလိုသောသူများ ဖြစ်ရမည်ဖြစ်သည်။
သင်တန်းကာလသည် (၁၅) လတာကြာမြင့်ကာ လစဥ် စားသောက်စရိတ် (၁) သိန်းခွဲပေးသွင်းရမည် ဖြစ်ပြီး ဘဏ္ဍာရေးအခက်အခဲရှိပါက အကြောင်းအရင်းတင်ပြ၍ ပညာသင်ဆု (Scholarship) လျှောက်ထားနိုင်မည်ဖြစ်သည်။ ထို့ပြင် သတ်မှတ်ထားသည့်စည်းမျဥ်းများကို လိုက်နာပြီး အရည်အချင်း စစ်ဆေးသတ်မှတ်ခြင်း (Placement Test) အောင်မြင်သူများကို TLEC မှ ပညာရေးထောက်ပံ့ကြေးအဖြစ် စာမေးပွဲကြေး (Exam Fee) ထိုင်းငွေ ဘတ် (၁၀၀၀) ကူညီထောက်ပံ့ပေးမည်ဖြစ်သည်။
သင်ကြားရေးကာလတွင် အဓိက ဘာသာရပ် (၄) ခုဖြစ်သည့် English၊ Mathematics၊ Social Studies နှင့် Science တို့ကို သင်ကြားပေးမည်ဖြစ်သည်။ သင်ယူမှုပုံစံသည် BEAM Education Foundation မှ Online စနစ်ဖြင့် တိုက်ရိုက်ပို့ချပေးမည်ဖြစ်ပြီး TLEC မှ စာသင်ခန်းအတွင်း နည်းပညာပိုင်းဆိုင်ရာကူညီပေးခြင်းနှင့် ပြန်လည်ဆွေးနွေးပေးခြင်းများကို တာဝန်ယူဆောင်ရွက်ပေးသွားမည်ဖြစ်သည်။
သင်တန်းအောင်မြင်ပြီးမြောက်သူများအနေဖြင့် ထိုင်းနိုင်ငံ ချင်းမိုင်တက္ကသိုလ်လူမှုသိပ္ပံဌာနမှ ချီးမြှင့်သော သင်တန်းပြီးမြောက်ကြောင်းလက်မှတ်ရရှိမည်ဖြစ်ပြီး ၎င်း၏ မိတ်ဆက်နိုင်ငံခြားတက္ကသိုလ်များသို့ ပညာဆက်လက်တက်ရောက်သင်ယူနိုင်မည်ဖြစ်သည်။
အဆိုပါလျှောက်လွှာများကို အောက်တိုဘာလ (၂) ရက်နေ့နောက်ဆုံးထားပေးပို့ရမည်ဖြစ်ပြီး Google Form (https://forms.gle/rMLRetsoAhSduH3b8) (သို့မဟုတ်) QR Code Scan ဖတ်၍ လျှောက်ထားနိုင်ပါသည်။ ထို့ပြင် သင်တန်းအသေးစိတ်အချက်အလက်များကို သိရှိလိုပါက ဖုန်း ၀၉ ၂၆၂၆၁၄၇၈၆/ ၀၉ ၂၅၅၉၂၉၉၁၁ သို့မဟုတ် Email (tsm@taanglandeducationcouncil.org) မှတစ်ဆင့် ဆက်သွယ်စုံစမ်းနိုင်ကြောင်း ထပ်မံအသိပေးအပ်ပါသည်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#သတင်းနှင့်ပြန်ကြားရေးဌာန
