يومي إيجابي

لـ طلبة الثانوية العامة .. عارف إنك زهقت خلاص وجبت أخرك من المذاكرة، بس خلاص فاضل علي الحلو تكة، فاضل على فرحتك بجبر الله ليك تكة. متيأسش متخليش الإحباط يدخل جوا قلبك، خلي يقينك بالله أكبر من كل الظروف، واعرف إن ربنا مش هيضيع مجهودك وهتاخد نصيبك جبر إن شاء الله. ممكن تحل وحش فـ الامتحان وربنا يجبر بخاطرك فـ النتيجة وتجيب أعلى المجاميع دا بس علشان أنت اجتهدت، يلا نستعين بالله ونذاكر ومنيأسش، والثانوية العامة مش نهاية العالم 🐣💚. بالـتـوفـيـق 💚💚")). ل بسمة سليم #يومي_إيجابي

لو بتستفاد من القناة يا ريت متبخلش على غيرك أنه يستفاد وشير لينك القناة على صفحتك أو جروب تعرفه أو أي مكان. ولكن قولهم أنت بتستفاد أيه علشان اللي ينضم جديد يكون عارف هو داخل ليه، وشكراً لكم. اللينك https://t.me/positive11y

"ذاكرة السمكة" معظمنا بيلقب نفسه باللقب دا نظرًا لنسيانه السريع في أبسط الأشياء، وكالعادة نفس قعدتي مع أصدقائي في نفس المكان بس بلعبة مختلفة قومت وقفت بحماس وأنا بقترح وبقول تعالوا نضحك شوية ونقول مواقف بيدل على "ذاكرة السمكة" كالعادة دايما ألعابي مختلفة وغريبة بس فجأة كلهم بيفهموا لما أنا ببدأ بحكايتي 🔹 كنت مرة في امتحان وكنت مذاكرة كويس اوووي وكان امتحان جامد ولذيذ وبحل بكل استمتاع وفجأة قابلني سؤال اروحله يمين يجي شمال واروحله شمال والعكس وحقيقي كنت هعيط انا عارفة السؤال بس اجابتة استحالة تيجي في دماغي، قعدت أفكر كتير فجأة جاتلي فكرة وقعدت استغفر كتير واصلي على النبي أكتر وأدعي لحد مجه في دماغي السؤال وحقيقي حمدت ربنا واستفدت حاجتين •أن التوفيق من ربنا. •ومضغطش على نفسي وأقابل الموضوع ببساطة. خلصت كلامي ولقتهم مركزين وعنيهم بتلمع بحب، فجأة قولتلهم يلا دوركم. 🔸مرة كنت بدور على تليفوني وهو في ايدي. نظرنا كلنا لصديقنا خفيف الظل وضحكنا وبدأنا نكمل 🔹مرة ماما بعتتني اجيب حاجة من السوبر الماركت وحقيقي نسيت ومكنش معايا الفون اضطريت ارجع تاني وحقيقي اليوم كله كان تهزيق. 🔸مرة نسيت باسورد الفون وكنت زي الديك من كتر الصياح بجد، وعملت سوفت وكل حاجه اتمسحت وحقيقي الباسوورد مصر كلها بتعرفه علشان منساش ♦️نرجع لموضوعنا وخلينا متأكدة أن النسيان دا شيء طبيعي لأن كلنا بننسي، أكيد محدش فاكر طفولته بالظبط، بعض المواقف اللي بتفضل ثابتة والباقي مش فاكر، بس النسيان بيختلف بدرجاته على حسب الأشخاص... وحسب تكيفهم والعوامل اللي بتتوقف عليها الذاكرة معظمنا عارف إن الذاكرة 3 أنواع 🔷ذاكرة حسية: وبتكون من (0.1 من الثانية: 4ثواني) زي التذوق، البصر، الشم، اللمس. 🔷قصيرة المدي: وبتكون بين عدد قليل من الثوان لعدد قليل من الدقائق. 🔷طويلة المدي: ودا بتكون لفترة طويلة وتنتمي للماضي السيكولوجي وممكن استرجاعها بعد فترة زمنية طويلة. 📢أسباب النسيان...؟ 1/التفكير السلبي أنا ك ياسمين لو مقتنعة إني هنسي شيء فطبيعي أنسي، وأنا بذاكر يكون عندي يقين إني مش هنسي شيء، فتفكيرك بيأثر عليك. 2/ عدم ممارس النشاط البدني. لأنه ممارسته بتزيد من تدفق الدم في الجسم وبالتالي بيحافظ على قوة ذاكرتك. وأقل شيء إنك تمشي لمدة 10 دقائق خلال اليوم. 3/ التوتر والضغط بلاش تضغط نفسك في حفظ كم من المعلومات وأنت تحت ضغط. 4/ تغيير طريقة السؤال إنك بتحفظ المعلومة بشكل معين ولو جه السؤال في الامتحان بشكل آخر مش بتعرف تحله، وأنت بتذاكر ذاكر بذكاء. 5/عدم التنظيم بتحفظ وخلاص من غير أي ترتيب المعلومة ولا تخطيط فبتكون معلومة قصيرة المدي عدة دقائق وهتتنسي. 6/الازدحام العقلي إنك تكون قاعد في الاوضة والتلفزيون شغال مش هتذاكر بشكل سليم، أو فاتح فونك، أو في توتر، لازم تكون قاعد هاديء في مكان مناسب للمذاكرة من غير أي ضوضاء علشان تكون مذاكرة سليمة. 7/تشابه المعلومات لما تقابلني معلومة كنت واخد شبهها قبل كده برجع للمعلومة الاولى واقارن بينهم، إنما لو كسلت وخلاص هتختلط المعلومات وبالتالي مش هكون واثق من اجابتي مش قادر أتذكر بشكل سليم. 8/نقص الانتباه واللي بتكون غالبا بسبب إنك مش متحمس للمذاكرة، فبتذاكر من غير متبتكر طرق جديدة للمذاكرة والحفظ. 9/ نقص النوم بيكون عقلك مش واخد راحته فبالتالي مش مركز ومش منتبه. 10/نظام غذائك غير صحي واللي بيضعف ذاكرتك. بمناسبة أن الفاينل قرب قولنا يا ترى أي هيا نصايحك لعدم النسيان في المذاكرة؟ #ياسمين_عرفة"ودق". #يومي_إيجابي.

انتهينا النهارده الحمد لله

يلا بينا نبدأ الكامب الثاني من الآن للساعة 12 هتذاكر أيه دلوقتي؟

أنت طبيب نفسك..😊 🔸️لسه تايه ومش عارف تعمل أيه. 🔸️كل يوم بتقول هبدأ بكرة ومش بتبدأ. 🔸️أقنعت نفسك إنك مش قادر تكمل. كل دي يا صديقي مجرد مبررات لنفسك علشان متكملش، وكل مشكلة وليها حل ولكن أنت واقف مكانك وكمان مش بتبحث أو حتى تقاوم. علشان تتخلص من عادة سيئة عندك، أو سلوك سيء لازم يكون عندك روح المُقاومة والتحرك متفضلش واقف مكانك ومنتظر الحل 🔸️نايم على السرير وعايز تذاكر. 🙃 🔸️ماسك التليفون ومكسل عن المذاكرة.🙃 كل واحد فينا عارف نفسه كويس ويقدر يتعامل معاها، ولكن هو أنت بتهرب لشيء تاني علشان تقنع نفسك إنك مكمل، ومع معرفتك لنفسك هتعرف حل المشاكل اللي بتواجهك وهتتغلب عليها. باختصار المُزارع لما الزرع يُصاب بمرض مش بيفضل يتفرج عليه ويقف مكانه أول حاجة بيعملها بيشوف أيه هو المرض وأيه اسبابه علشان يتجنبها وبعدين يجبله علاج. قوم شوف أيه أصل مشكلتك وعالجها بنفسك أنت طبيب نفسك. 🤗 #نصائح_عبدالله #يومي_إيجابي

انتهت فترة الكامب الأول إن شاء الله في كامب من النهارده من الساعة ٨ للساعة ١٢

الكامب الأول من الآن إلى الساعة 5 مساءً شايك وكتبك ويلا بينا نبدأ هتذاكر أيه النهارده؟