سَرمد .

‏يا ذرى من جاك عاني وللعدو نارٍ وويل ‏الله اللي عز شانك ماهي منّة من أحد 🇸🇦

كيف ما تسرق من الأيام لذّه و أنت تشبه ‏كل مطلع فجر يقفاه السهر عقب إنتظاره

‏وشلون ادور من وراهم على أرباح ‏والحمد لله حالتي .. مستقره ‏ان جيت اجي مزاح وأروح مزاح ‏ودربٍ يجيب الضيق ماني بمره ‏ماعاد باقي من العمر كثر ماراح ‏واللي قنع مافيه شي ٍ يغره ‏خلك بعيد تعيش راضي ومرتاح ‏بعض العرب قربه لنفسك مضره !

تمشي بين صفحات الوجيه البيض ولا السود ‏وتسامي لين ما يبقى بحسادك ولا ذرة 🖤

لاتسرق الوقت وتقول الوعد بكره ‏ولاتاخذ البال وتخلي لي افكاره ‏لي قلب ملّه وفاه وضاق من صبره ‏ان كنت جاهل ظروفه قدّر اعذاره

تنتابني لهفةٍ تنقص . . و ترجع ، تزيد ‏سحابةٍ .. كل ، ما طال المدى خلتها ‏طبيعة النفس عن منوالها .. ما تحيد ‏لو إنّي اقدر . . على ( التبديل ) بدّلتها ‏كم لي وانا آجاهد الدنيا وأهلها وحيد ‏ما فيه حملة تقص الظهر .. ما شلتها ‏يا راعي الصدة .. اللي ما سبقها وعيد ‏متخيلٍ . . ( كل شيّ ) ، و مـا تخيّلتها ‏لا تحسب إن الرسايل عالقه فـ البريد ‏أنا كتبت ( الرسايل ) بس ما ارسلتها ‏من خوف لايضرب الوقت بيدٍ من حديد ‏أمهلت روحٍ . . تبي شوفتك ، و أهملتها ‏ولعيونك اللي يضيع ابها الكلام المفيد ‏أسهرت عينٍ طواها الشوق ، وأشغلتها

‏الطبايع .. ترسـم  حـدود العلاقة ‏لا تقول القلب .. ما للقلب سلطة ‏واحدٍ ينسى الغلط لجل الصداقة ‏واحدٍ ينسى الصداقة لجل غلطة

‏عاد لك في جرهد القلب وعموق الصميم حاجةٍ ماهيب تنسى .. ولا هي بـ تالفه .

ماني قسى ، ولا مثل باقي النساء انا الأكيد ، ماني مثل : عل وعسى .

صعب إنّنا نرسي على مرسى إذا ! ‏حنّا أستمرينا .. على هذا الفتور ‏ ‏لكن كذا خلّك .. وأنا ببقى كذا .. ‏ومصيرنا نكبر على هذا الشعور

ماتت ورا ظاهر شعوري ، خوافيه ‏ياللي عليك ظنوني المستمرّة ‏هذا العتاب اللي تجيبه ، و اودّيه ‏ضيقة صدر ، مافيه احد ما تمرّه ‏جعله فداك اللي بقلبي تسوّيه ‏عمر الضياع اشوى ، ولا الموت حرّه ‏ دربٍ معك ، كلّه جروح ومشاريه ‏اهوَن من دروبي بعَدْك الف مرّه

وصل الكلام .. آخر حدود الميانة ‏واللي تعثر قام واللي .. قسى حنّ ‏مافيه احد ، يستاهل انّك عشانه ‏تعيش راجي فضل وتموت ممتنّ ‏ودّك ترجّع ، ( كلّ شيّ ) بـ مكانه ‏ بسّ المسير لوين والخطوة لمنّ ‏لا خانك اللي كنت خوفه وأمانه ‏بـ يخونك التعبير ويخونك الظنّ

‏غديت أودّع المقفي ولا أحب أسمع التبرير ‏أشوف إن التفاصيل الكثيرة ما لها داعي ..

"أسافر من محطات الخيال لـ وقفة التفكير ‏واغني باللحون إللي صداها يطرب أسماعي ‏جناحي ذكرياتي والسما فكرة وأحب أطيّر ‏كرهت الواقع إللي يحبس افكاري في قاعي ‏جفيت الليلة إللي تشغل الخاطر عن التعبير ‏وسكنت الليلة إللي في دجاها يظهر إبداعي ‏قريت الصفحة إللي كان في روحي لها تأثير ‏لقيت سطورها ماحرّكت قلبي من اضلاعي ‏كثر ما كنت أخاف المفارق صرت أشوفه خير ‏مثل ما كنت أخاف من البحر قبل اطلق شراعي ‏غديت أودّع المقفي ولا أحب أسمع التبرير ‏أشوف إن التفاصيل الكثيرة ما لها داعي ‏فـ أنا يا اللي تظن إني بدونك ما أحسن التدبير ‏هجرتك وأشتعل نور الحياة و زانت اوضاعي ‏فلا شكراً على وقتك ولا اعذرني على التقصير ‏أنا من يوم فارقتك تلاشت معظم أوجاعي"

لا جلا همٍ من الصدر ، عندي له بديل ‏الحياه تزل فيني وأنا أعدل لها ‏من ليال البرد محتاج لي سبحٍ طويل ‏فالفياض اللي رفيف السحاب يعلّها ‏يقطع الله شلّةٍ ما يحفظون الجميل ‏ويقلع الله شجْرةٍ ما يظلل ظلّها ‏شايلٍ لي حمل فوقه ماعاد أقدر أشيل ‏لو يزيد إبره .. تطيح الحموله كلها ..

“أنا ما عاد تغريني الوجيه ووجهك البرّاق! ملاذي لا قوى حيل الزمان وشانت أخلاقه يحبّك قلب في درب المحبة ساهي ومنساق يشوف بخافقك عالمه وبضحكتك إشراقه كتب حتى نزف كل الشُعور وملّته الأوراق وكنّه مافصح مرّة عن اللي داخل أعماقه ! "

مطرةٍ فاضت على الدنيا شذاها ‏كنّي اللي قبلها مانيب عايش ‏روحي اللي مدري مني من خذاها ‏ردّها طقّ المطر على الدرايش❤️

رفعت راسي للسما وعرضت وجهي للرذاذ ربي كما أسقيت سطح الأرض .. بلّ أرواحنا