سَرمد .

إن الأعمال بالخواتيم، فاجتهدوا فما هي إلا أيام معدودة وساعات محدودة، ويذهب التعب والنصب، ويبقى الأجر إن شاء الله ‏اللهم اختم لنا بالعفو والغفران، ولا تجعله أخر عهدنا برمضان، اللهم اجعلنا ممن لا خوف عليهم ولا هم يحزنون -الصلاة على النبي صلى الله عليه وسلم🤍🍃

‏"لا تخاف من التغلّي خاف من قل إتصالي ‏النهاية مثل ماهي والفرص ماهي سعيدة"

"أنتَ الذي آمنت روعاتي واخترت طُرقاتي، ووهبتني ما ‏طلبت، وحفظتني مما رهبت، وأغدقت عليّ بِالنِعم غيثاً ‏لا ينفذ ، فَلك الحمدُ حتى ترضى"🤍..

‏" إنسان أنا عمري مراحل وإنتي أعذب مرحله ‏فيها العذاب استعذبه واقول رابح لو خسرت "

قلب ما حَن لوصالي ماني بحاجة حنينه أشهد إنه ما يعزر بالرفيّع — إلا هوانه

‏لي صاحبٍ بيني وبينه مسافات ‏لكنّه أقرب من رموشي .. لعيني

‏إنّ شفت شيٍ عليه الناس ملتمّه ‏لو ودّي اجيه طبعي عنه يمنعني ‏لي شيمةٍ ما تحوم الاّ على القمة ‏أرفع لها راسي العالي .. و ترفعني

اللهم اجعل هذا الغيث غيثًا لقلوبٍ كُسرت اللهم ادعية مستجابة وذنوب تغفر وحاجات تقضى اللهم بهذا المطر أسقِ قبور من باتوا تحت التُّراب وبلّل عطشَ روحهم .

‏ ‏اللهّم اجعل هذا الشهر فاتحة خير لنا، ‏وبداية اجمل الأقدار، وحقق لنا مانتمنى، ‏وبلغنا رمضان كل سنة لا فاقدين ولامفقودين ❤️

‏"تهادت مثل نفحات الخزامى والنفل والشيح وراحت كنها ذكرى الربيع.. اللي يطرّونه"

" صحيح المدح، لو يقدر يقوم بـ نفسه و يختار غدا عبّاد شمسٍ .. لا لمح زولك توجّه لك " 🤍

جعل يفداك عمرٍ كان قبل مواصلك منعاف ‏وضحكٍ ما عرفته غير انا يمناي بشمالك .

وشلون تمضي رحلة اقداري بجرحٍ مستعار ‏وانا سهرت ايّام عمري في سواد عيونها ‏من يقتنع بالليل ؟ دام الليل يمحوه النهار ‏وكفوفها من قبل اوادعها عجزت اخونها ‏ليت المرايا تتّكي .. ماهي بقد الانكسار ‏ليت الزوايا تشتكي وتعاتبك من دونها ‏البارحه كانت معي ، كانت معي والوقت دار ‏خلّتني اكتبها واخاف ان البشر يقرونها ‏ورّوني الضحكه على وجه اليتامى والصغّار ‏يمكن احس بقيمة ظروفي وطيب ظنونها

كيف ما تسرق من الأيام لذَّه .. و أنت تشبه ‏كل مطلع فجر يقفاه السهر عقب إنتظاره ‏تسري الأحلام .. من عين الصبر للبال غربه ‏مثل مايسري بياض الشوق للحب وسماره ‏وأنت لا من ضاع عبق الصدق من بين الأحبه ‏كنت أصدقهم حبيب يعيش حُبه بإعتذاره !

مانيب ماخذ كل شور ولا بسامع كل راي ‏المجد للي مايحسب حساب عاقبة الأمور ‏قل للسنين اللي تراهني على كسرة عصاي ‏ضربت الارض الين ثوّرت الغبار من الصدور ‏انا على ماتشتهي نفسي و وين ألقى هواي ‏محدٍ يحرك وجهة شراعي على السبع البحور ‏اليا رضيت اطيّر الحاجه واوصلها سماي ‏واليا زعلت اخلي الحاجه دبورٍ في دبور

طال المدى والنفس سبارة أغوار ‏ واقف ؛ ولو طوّل وقوفي لحالي ‏الأرض ما ملّت قسى ظل الأشجار ‏ عشان يزعلها القسى من ظلالي ‏ بْـ قلب جوفه هشّ و بضلع صبّار ‏ تغافلتني .. اللي مضت من ليالي ‏ تخللت نفسي من الذنب الأضرار ‏ اللي تشوف أضرارها من خلالي !

هزوا بجذع السحاب إن مات جذع النخيل ‏ لعل بعد الجفاف تطيح لي - مايّته ‏اثر البنادم على هفوات نفسه دليل ‏لا صار بعد الوسيلة - تنجهل غايّته ‏شلون ابلقى بعد مسرى الليالي حصيل ‏ والليل ثلثه ضياع بـ عين سرايّته . . ‏مسلسل العمر هذا بالرتابة طويل ‏من فيكم الواعي اللي يحرق نهايّته ؟

لآخر رمق متماسك الحبل الوثيق ‏إلين صارت معظم أحلامي ورق ‏كل الكلام اللي أقوله - ما يليق ‏دام السكوت اللي أشيله ما فَرَق ‏الأرض ملّت جهد ماعادت تطيق ‏و الناس تندا الناس ما تندا عَرَق ‏مْن البحر دايم ينجّون - الغريق ‏المشكلة باللي على الأرض وغَرَق