تحضيري kau 23

-اول شيء ايش يعني كيرف اب؟🤔 ‎الكيرف اب يعني درجات زيادة لدفعة وماينحط للدفعة الا اذا كان في نسبة رسوب عالية في المادة.. 🔹اعطيكم مثال: مثلا طالب ماخذ ٥٥ يعطونه ٦٠ كيرف اب ولكن الطالب اللي ماخذ ٩٢ ممكن ما يزيد الا درجه فقط ، لها حسبه خاصه على حسب مستوى الدفعه و يحددها المنسق غالبا.. 💡ايش الفرق بين الكيرف اب والبونص؟ البونص يكون لجميع الطلبة بالتساوي وغالبا يكون زياده في عدد اسئلة الاختبارات او الواجبات وكذا مثلا الاختبار من ٢٠ الدكتور يحط ٢٢ سوال ويكون في درجتين بونص.. ‎الكيرف اب هي درجات لرفع مستوى الطلبة و تقليل الرسوب تكون لها حسبه خاصه بنسبه و تناسب بحيث طالب ياخذ كيرف اب غير الاخر حسب درجاته.. 💡متى يحصل الكيرف اب؟ نهاية كل ترم تراجع العمادة درجات الطلاب لكل مواد التحضيري بلا استتناء ، اذا لاحظت إنو عدد الناجحين في مادة نزل عن ٥٠٪ تسوي كيرف اب لكل الطلاب ، يعني ترفعهم كُلهم درجات مختلفة في مادة معينة ، ممكن تكون ٥ درجات بس او ١٠ او ١٢ حتى عادي ، حسب تقديرهم للحاجة بعد ما يدرسوا الموضوع و يطلعوا المتوسط الحسابي للدفعة - ‼️ السنه الماضية صار الكيرف اب في مادة الرياضيات و إحصاء و فيزياء طلاب. لكن الطالبات للأسف لا. #RANDA🐣

💡 تقسيم الدرجات والتقديرات في الجامعة ⬇️ ١٠٠ الى ٩٥ = A+ ٩٤ الى ٩٠ = A ٨٩ الى ٨٥ = B+ ٨٤ الى ٨٠ = B ٧٩ الى ٧٥ = C+ ٧٤ الى ٧٠ = C ٦٩ الى ٦٥ = D+ ٦٤ الى ٦٠ = D ⭕️ اذا نزلت تحت ٦٠ يعني رسوب.. #RANDA

. . . 💡

🔻وين القى درجه الميد في الاودس؟ ماتنزل درجات الميد في الاودس الا لمادة البرمجة فقط اما باقي المواد على حسب مثلا الطلاب تنزلهم المواد العلمية على الايميل والطالبات في البلاك بورد والانجليزي بينزل في الموقع الخاص بالمعهد.. 🔻لو ماحققت شروط كلية الحاسبات في مادة الرياضيات ما ادخل المفاضلة؟؟ للاسف لا ماتدخل المفاضلة الا في حال كان في استثناء بعدين وكان عدد اللي ماحققوا كثير ممكن ينزلوها لكن لازم تحققوا الشروط عشان تضمنوا المفاضلة قبل كل شيء.. 🔻لو ما انقبلت في كلية الحاسبات السليمانية اقدر اتسكن في كلية الحاسبات في فرع رابغ؟؟ ايوه طبعاً ،وقت التسكين تقدر ترتب اول حاجة فرع السليمانية ولو ماطلعلك النتيجة في السليمانية تقدر تطلب تحويل لرابغ 🔻كيف اعرف موادي وجدولي للترم الجاي علما اني خطة أ؟ صراحة للان في لخبطة في ناحية الخطط والمواد لكن بحاول اعرفلكم واقولكم ايش ترتيب الخطط… #RANDA🐣

📌 هذا ملف فيه نسب تسكين الدفعة السابقة دفعة 22 طبعاً النسب هذي مو ثابتة ابداً وكل سنة تتغير بشكل كبير وتعتمد على درجات الدفعة نفسها في حال كانت درجات الدفعة مرتفعة حترتفع نسب التسكين والعكس صحيح..✨

📍الاعتذار بالنسبة للطلبة اللي حابين يعتذروا عن الترم طبعاً هو مافي شيء رسمي زي كذا للتحضيري لانه الاعتذار متاح بس للمتخصصين والمتسكنين بالكليات لكن تقدروا ترفعوا طلب ومعاملة عن طريق موقع المعاملات الالكترونية ERS مع ذكر العذر للعمادةفي المعاملة وهم راح يدرسوا الطلب ويردوا عليكم اما بالقبول او الرفض.. 🖇 الاعتذار بشكل عام بيفتح من الاربعاء تاريخ ١٦-٣-١٤٤٤هـ والموافق ١٢-١٠-٢٠٢٢ م.. الى الخميس تاريخ ٩-٤-١٤٤٤هـ والموافق ٣-١١-٢٠٢٢ .. #RANDA🐣

🔵 الانجليزي لكل دكتوره لها اختبار واحد لليسينق والثاني رايتنق ولا اختبار واحد حقهم كلهم؟ تقسيم مادة الانجليزي حيكون كالاتي: ١٠ درجات - اختبارات دورية عن طريق البلاك بورد اسمها ( اختبارات التقدم) دي الاختبارات تكون اختيارية عن بعد عن الفوكاب و القرامر و في قنوات خاصة فيها الحلول ارسلتلكم هيا بالقناة ٢٠ درجة اختبار نصفي CBT برضو اختبار اختياري فيه ليسننق و قرامر و فوكاب وريدنق ١٥٪ اختبار نهائي رايتنق يطلب منكم تكتبوا مقالات عن مواضيع معينة وطبعا في مواضيع مقترحة لكل ليفل في. ١٥ ٪ اختبار نهائي محادثة او سبيكنق ونفس الشي حيطلبو منكم مواضيع تتكلم عنها ٤٠ ٪ اختبار محوسب CBT اختياري ليسسنق و ريدنق و فوكاب وقرامر 🔵 كيف اقدر اعرف اذا واجبي مقتبس او لا يعني فيه رابط للتحقق؟ او فيه طريقه من البلاك بورد ؟ ايوه في هذا رابط يوضح نسبة النسخ - مادة الانجليزي https://www.prepostseo.com/plagiarism-checker 🔵 هل في احد سوا اخلاء طرف -( انسحاب نهائي) بالغلط ورجعوه؟ ايوه في ناس انسحابهم كان بالغلط او انسحبوا وحابين يرجعوا فالرجوع يكون خلال ترم كامل بس تتواصلوا مع عمادة القبول والتسجيل.. #RANDA 🐣

✨ اذا كتبت تعهد وش يصير؟ اول مرة ماتحصل مشكلة عادي في حال تكرر اكثر من مرة ممكن يدخولكم مجلس تأديبي ويكبر الموضوع ف حاولوا تتجنبوا هالموضوع.. ✨ ايش معنى ايش الديلاين؟ يعني موعد اخر يوم تسليم لمشروع او واجب او برزنتيشن او اي موضوع.. ✨ العذر الطبي لازم يكون من مستشفى حكومي ولا مو شرط ؟ لا عادي مو لازم ✨ السلام عليكم اذا نسيت كلمه السر حقت البريد الجامعي وش اسوي؟ سوي استرجاع كلمة المرور من هذا الرابط: https://www.kau.edu.sa/reset_pass.aspx وراح توصلك رسالة على رقم الجوال المسجل في النظام وتسجل دخول عادي .. ✨ الحين اساله الميدتيرم تجي من السلايدات يعني لو اعتمدت عليها مذاكرتي راح اقدر احل الاختبار ؟ ولا لازم خصوصي؟ اسئلة الاختبار ماتجي من السلايدات بشكل مباشر لكن هي تجي من فهمك ولازم تشوفوا التمارين اللي في المساند والتمارين والاختبارات التجريبية في البلاكبورد والتجميعات حق المواد اللي سبق وارسلناها في القناة يعني ماتعتمدوا بس على السلايدات لانه ماينفع سلايدات لحال لازم تشوفوا اسئلة الاختبارات هي اللي تساعدكم انه تفهموا طريقة الاسئلة وتعرفوا في ايش يركزوا وبالتالي تعرفوا تحلوا اما هل لازم خصوصي لازم او لا هذا يرجع للشخص انا ما احب اتكلم عن الخصوصين لانه يرجع لكل شخص ويفرق من واحد لواحد وانتوا تقرروا هل تحتاجوا او لا … #RANDA🐣