خلود ناجي ❤️" القناة الأساسية "

" حاضر" فضلت واقفين ساكتين تاني ... - حلو الخاتم دا ، اشتريته منين ؟؟ " نعم ؟!انت اول مرة تشوف الخاتم دا " -اه " ابيه انت بتهزر ؟؟" - لا والله ...هو في حاجة ولا ايه ؟؟ " لا ...هطلع أنام بقي عشان غلط وقفتنا دي " - تمام ... اومال مين اللي كان بيبعتلي كل الهدايا دي ؟؟!!! " انت تاني بترن عليا ؟! بعد اذنك كدا غلط " - مسك انا عايز اتجوزك " نعم ؟!!!! انت مجنون ؟! انت فاهم بتقول ايه ؟؟" - انا والله هعملك كل حاجة عايزاها وهعوضك وجود احمد و.... " انت اللي كنت بتتبعت الهدايا صح ؟؟" - عشان كانت بتفرحك " انت مجنون...." قفلت معاه وكسرت الخط ....دا مجنون ، دي تبقي مصيبة لو احمد عرف.... يالهوي بجد - مال وشك مخطوف كدا ؟! " اه لا مفيش" - متأكدة ؟! " انا بس عايزة ارجع السكن غسان في ميعاد كورس يومين ورا بعض وهرجع تاني " - تمام ...هوصلك ", اه تمام " من سوء حظي اني عندي كورس بس الحمدلله أن البنات هيكونوا معايا في الكورس والسكن برضوا ، انا خايفة من عمي ايوب دا ونظراته المخيفة ...انا بجد غبية ازاي ملاحظتش نظراته وتحذيرات البنات ليا ، ليه محطتش حدود من الاول ، ليه اتجاهلت أوامر ربنا كدا ...ليه بجد ؟!!! - حمد لله على السلامه يا حبيبتي بصتله بقرف وسبته ومشيت...... والله لو احمد عرف مش بعيد يقتلك فيه ، بس المصيبة أنه هيقتلني قبله ...اخدت كل الهدايا وروحت رميتها في الذبالة ... يارب احميني من المريض النفسي دا ... علطول هو عند باب العمارة وكمان ملاحقنا ... وعاملي رعب ، انا مش بقدر انزل ولا اعمل حاجة ...ولا قادرة اقول لحد - مسك ...أنتِ كويسة ؟! " اه يا احمد ، بكرا باذن الله هرجع البيت " - صوتك متغير ، أنتِ مخبية عليا حاجة ؟؟ " لا بس نعسانة مش اكتر ، هو لما ارجع عايزة اتكلم معاك في اني عايزة انقل من الكلية واكون في الكلية جنبنا " - طيب يا مسك ، انا عارف اني في حاجة بس لما تيجي هنشوف الحوار دا انا حقيقي اعصابي باظت مش قادرة اتنفس حتي ، مش عارفة أنام ولا اتكلم ولا أعمل حاجة ، الشخص دا طلع مريب بجد ....انا هحاول أنام عشان بكرا هسافر باذن الله وارتاح من القرف دا كله - مسك ..... حبيبتي ، أنتِ كويسة ؟! " انت..... انت بتعمل ايه هنا ... اطلع برا " - مسك أنتِ عايزة تمشي ليه ؟! عيطت من الخوف " بالله سيبني وامشي .... ياماماااااااا" - متعيطيش..... انا عمري ما عملتلك حاجة وحشة صح ؟؟ " بعد اذنك اطلع برا ، انت ازاي دخلت اوضتي كدا ...." - اللي عايز حد بيعمل عشانه كتير ، عشان تعرفي انا بحبك قد ايه ...أنتِ بتحبيني ، انا هخليك تحبيني ؟؟ " انت مجنون أقسم بالله...انا كنت بعاملك انك عمي وبس و...... " اشششش اسكتي ، أنتِ بتحبيني ....أنتِ بس مش فاهمة مشاعرك ، كل دا عشان احمد ... انا مستعد اعمل عشانك كل حاجة ، حتي اقتله بس تكوني معايا " انت مجنون..... مجنون والله ...... - تعالي هنا .... " ابعد عني .... مسك ايدي بس نظراته اتغيرت.... دي اكتر لحظة كنت مرعوبة فيها ... معرفش ازاي عرفت اضربه وطلعت اجري ....الباب مكنش راضي يفتح وقتها صرخت بأعلى صوتي بس .... مفيش حد هيسمعني .... - مش هتعرفي تطلعي طلعت البلكونة ووقفت علي الحافة " هموت نفسي اقسم بالله....والله هموت نفسي " - طيب خلاص ....هفتح الباب .... " افتحه دلوقتي واقف بعيد " فتحه فعلا ووقف بعيد وقتها نزلت وطلعت اجري ناحية الباب بس هو مسكني من رجلي .... واتخبطت جامد في الأرض لدرجة اني دوخت ..... بس لازم اوصل للباب ... - شايفة اتجرحتي ازاي ؟؟ ليه مش بتسمعي كلامي .... "انا بكرهك ، انت مختل نفسيا" عضيته جامد وضربته وطلعت اجري وهو كان ورايا بس من حسن حظي كان الدور الاول فيه شقة مفتوحة دخلتها وقفلت الباب - أنتِ مين ؟! معرفش مين دول ، غير شاب قدامي وجنبه بنت ... الدم نزل علي عنيا " عايزة بس اكلمك حد بالله " كانوا مصدومين بس نفذولي اللي عايزاه .... عيطت " ابيه أحمد .... تعال بسرعة " معرفش حصل ايه تاني بس خوفي ورعبي كان أكبر مني استوعب حاجة تاني .... فارس: مريم ادخلي جيبلها لبس من عندك وتغطي شعرها ...آنسة مسك أنتِ كويسة ؟! وازاي تنزلي بشعرك واللبس دا ، وكمان ايه اللي حصل ؟! وليه جبينك بينزف جامد كدا ؟؟ آنسة مسك بكلمك مردتش عليا ولا رمشت حتي ، بتعيط بس...٥ ساعات ولقيت الباب بيخبط جامد وواحد لابس بنطلون ترينج وتيشرت واقف قدامي ...هما الاتنين مش حاسين بالبرد ولا ايه .... " ابيه أحمد !!!" - أنتِ كويسة ؟! حضنته وعيطت كتير....وهو برضوا مش فاهم حاجه ، بس اتعصب جامد -اهدي وقوليلي ايه اللي حصل ؟! فارس: احنا هنسيبكم لوحدكم - ايه اللي حصل ؟؟ وايه الجرح دا ؟! ما تتكلمي يا مسك " كنت نايمة ولقيته واقف قدامي في الاوضة وبيقول كلام غريب" - مين دا ؟؟ " اللي اسمه عمي ايوب دا .... بص هحكيلك كل حاجة" - سامعاك حكتله كل حاجة من اول مرة شوفته للفترة اللي بعدت فيها عن احمد اللي حصل النهاردة

لقيته بعتلي الرسالة دي ، الحقيقة أنا بدأت الاحظ أنه بيعتلي رسايل كتير واني شبه حبيبته الأولي وأنه متجوزش لحد دلوقتي عشان بيحبها وانا منبهرة بوفائه وحبه ليها ...وحقيقي هو شخص كويس بس انا متضايقة من اهتمامه الأوفر وطريقته دي ... انا هقعد اذاكر بقي عشان الفاينال واخيرا هنزل بعد ٢٠ يوم ....واخيرا هشوفه ... " عمو ايوب ، اه خلصت وباذن الله هسافر " - وليه تنزلي هي الإجازة كلها ١٥ يوم كلها قضيها هنا " نعم ؟!؟" - اصلي كدا هتشوفي احمد " وفيها ايه ؟؟ دا مهما كان برضوا ابن عمي " - انا بس خايف عليكِ ومش عايزاك تتعاملي معاه وأنتِ دلوقتي بقيتي مش محتاجاه في حياتك " دي حاجة تخصني انا ، وكمان أبيه أحمد هو أهم شخص في حياتك وهفضل لاخر يوم في حياتي محتاجاه " نبرة صوته اتغيرت' يعني ايه؟؟' " يعني بعد اذنك ...دي حياتي الشخصية وياريت متكلمنيش في وقت متأخر تاني زي دا ، بعد اذنك" انا عايزة اغير رقمي وأقطع علاقتي بالشخص دا بجد ، واخيرا رجعت البيت..... بس الغريب اني حمزة اللي جه اخدني وحتي لما رجعت هو مكنش موجود ... " ياماما وحشتيني خاااااالص ، خدي حضن كبير " - اخيرا رجعتي ... " طنط عفاف ، خدي بوسة وجوزيني ابنك " عفاف : وحشني لسانك الطويل أمينة : لما ييجي احمد هخليه يقصلها لسانها " نينييييي " من النعم المنسية في حياتنا هي اهلنا وصوتهم والحب اللي بناخده منهم ، انا بحب البيت ، بحب دفء البيت بوجودهم وصوتهم وضحكهم .... بحب جدا وجودهم ...... حمزة : وادي احمد وصل ، يلا نتغدا بقي مش عارفة ليه لما شوفته ضحكته واتوترت ، انا افتقدته بجد ، رغم أنه لابس لبس كلاسيك بس الشال علي كتفه وهو مفرود بيديه هيبة اكبر ، احمد حواليه هالة كبيرة بتجذبني .... هو انا بدل ما أنساه اتعلقت بيه ....انا مني لله.... هو مطنشني ليه ، طيب والله ما هكلمه ومخصماه احمد ' اتصدمت من أنها واقفة قدامي وبتضحك ، هي المفروض تيجي بكرا ، انا خلصت كل شغلي النهاردة عشان اسافر بكرا اجيبها ، كمان مجتش تسلم عليا ، ماشي يا مسك ، براحتك ' منة : مسك ، هات زين وكلي انتِ " انا اكلت وبعدين زين دا نن عيوني وروح قلبي " كريم : هو متعلق بيكِ برضوا ، المهم اخبارك ايه أنتِ ؟! " انا بخير الحمد لله ، انت الدنيا معاك تمام ؟! ومنة لسه مفترية برضوا ؟؟" منة : لسه لسانك طويل ، شايف يا أبيه أحمد طلعت لساني كالعادة وضحكت احمد : غلط كدا " هو انا كلمتك ؟؟" - اه ، بتغلطي في اختي " انا بهزر معاها ملكش دعوة انت " - لا ليا دي اختي... " انا هاخد زين وامشي احسن اولع في حد هنا " حمزة : واضح كدا اننا متخانقين " انا مش متخانقة مع حد " - ولا أنا هو بيرفعلي حاجبه ليه ، لا فوق كدا ياابن عمي والا والله هضربك أمينة: هاتوا المسلسل هييجي دلوقتي طبعا العيلة كلها اتجمعت عشان نسمع نفس المسلسل اللي مش بيتغير ... - بطلي تعضي الواد " انت مالك انا بلعب منه وهو بيضحك " - ابن اختي ... " يا طنط خلي ابنك يبطل يضايقني" - انا معلمتش حاجة أنتِ اللي بتعضي الواد الصغير " هو اشتكلك وبعدين كنت بعضك انت ؟؟" - وهو أنتِ تقدري ؟! " طيييييييب " عضيته جامد في كتفه الشمال بس هو مسكني من شعري " ياماماااااااا" عفاف : هو ايه اللي بيحصل دا ؟؟ طيب مسك ومعروف معندهاش عقل انما انت يا احمد يا ابني هي جننتك " هو مجنون لوحده بلاش تجيبها فيا " اتحرج وسابني ومشي ووقتها انا ضحكت بصوت عالي ، .....انا هتجوزه علي التلات الجاي بإذن الله ، ما هو كائن سكرة برضوا " الحمد لله على نعمة السما " قررت اني احمد ربنا كتير واكون ممتنة لكل حاجة في حياتي ورغم بساطة العادة دي الا أنها آثارها كبير جدا علي نفسي وقلبي ومريح .... الجو مناسب جدا لدندنة بعض الأناشيد ... أهواك..... يرتسم امامي محياك واسمع صوتك صداك منكرش أن الانشودة دي كانت رفيقة لما كنت بفتقده حقيقي ... - خلي الشال دا كتفك " ابيه " - عارف انك واقفة بتتاملي السما كالعادة وتدندني شي كالعادة.. اي هو بقي المرادي ابتسمت ' اهواك " بصلي بهدوء وسكت ... انا واحدة بشوف أن العيون اجمل مرسال بس اللي يفهمها بقي ... - كملي " يرتسم امامي محياك " - واسمع صوتك صداك .... ارتمي طوعا تحت خطاك... منك الروح منك هلاك كيف لي ألاّ أنادي مَن ألبسَ عُمري سوادِ؟ أهواكَ أهواكْ لا تهواني يكفي جفاكْ انشِلني مِن لهيبِ النّارِ هيّا ادنُ إنّي أراكْ انشِلني حُبُّكَ أعياني قُل لي لماذا أهواكْ انشِلني مِن لهيبِ النّارِ وارأف بِمَن تَرجّاكْ أهواكَ أنا أهواكَ دهراً أنا أهواكْ حينَ يصيرُ اللَّيلُ نَهارْ ويسودُ في الأفُقِ قِفارْ تَترامى أمامي الأفكارْ أنتَ أَمِ البَهجةَ أختارْ؟ ذهني صارَ في ذهانِ مِن فَرطِ الحُبِّ يُناجي " انت حافظاها كلها ...أبيه حقيقي نبرة صوتك قوية جدا وحلوة " -....... " ابيه ...انت معايا ؟؟" - مفيش داعي تهربي مني وتتجنبيني يا مسك وتفضلي ساكتة في وجودي

" ابيه ...هو كلامي معاك حرام صح ؟! ابيه انا متعلقة جدا بيك ... انا الأرق اللي عندي دا بسبب التفكير فيك ، مش عارفة انا بعمل ليه في نفسي كدا ، انت اصلا بتتعامل معايا عشان شايف اني مسؤوليتي واجب عليك ، اني أمانة من بابا ، اني هفضل في نظرك العيلة الصغيرة وانت أبيه وكبير العيلة ، عارف انا بقول انا متعلقة بيك عشان انت بتسمعني وتهتم بيا ولو حد غيرك عمل كدا برضوا هتعلق بيه ، عشان كدا انا قررت ابعد ، بس لما بعدت عنك اكتشفت اني محتاجلك اكتر ، اني واخدة علي نفسي عهد مش هكلمك ولا هحتاجلك بس كل ما اخاف بكلمك تلقائي ، أبيه انا حابة اكون لوحدي ، اعتمد علي نفسي ، انا يعتبر حياتي كلها عشتها معتمدة عليك ، عشان كدا مش عايز انزل تاني البيت ، ومش عايزة اتكلم معاك تاني ، مش عايزك تهتم بيا ولا تكلمني ، يا أبيه انت بتتقي ربنا في كل حاجة ، ليه مش بتتقي ربنا فيا ؟؟" - انا مش بتقي ربنا فيكِ ؟؟ دي أنتِ اكتر واحدة بتقي ربنا فيها عيطت اكتر" لا ...وجودك وكلامك دا اكتر حاجة غلط ، انت ابن عمي وبس أبيه أحمد ، انا مش هعرف ادخل راجل حياتي بسببك عشان بقارنه بيك ، مش هعرف اتقبل اهتمام من حد عشان انت اديتني كل الاهتمام والحب اللي محتاجهم ، انا دايما مبتسمة وبضحك عشان لما بزعل بكون عارفة انك موجود عشان تراضيني ، بس كدا كفاية بجد ، لازم نحط حدود ، حرام بجد ، ربنا مش هيسامحنا علي اللي بنعمله دا ، انت اخويا الكبير وبس وتعاملي معاك بحدود ، كمان لو عايز تعرف اخباري اعرفها من ماما أو طنط أو اي حد من البنات وبس " - استني....بلاش تقفلي " ...." - متنميش وأنتِ معيطة عشان هتقومي جسمك سخن وعندك الم في معدتك ، قومي اعملي كوباية شاي بلبن وانا هفضل معاكِ علي التليفون لآخر مرة ضحكت رغم عياطي" انت ليه عارفاني بالشكل دا يا أبيه ؟؟؟ ليه هتخليني اكرهك كدا ، انا قلبي وجعاني اوي بسببك " - انا بحميكِ مش اكتر ودا وعد اديته لابوكِ الله يرحمه " انا بكرهك من كل قلبي بجد " - مش مهم تحبيني ولا تكرهيني ... سمعت صوت شهقتها من كتر العياط وعارفة أنها مؤكد بتكون أيدها بتترجف دلوقتي ، انا مغلطتش ....هي لسه قدامها حياة طويلة ولازم تفهم أن نظرتها للحياة ضيقة اوي .... قفلت في وشي .... وفضلت انا سهران ، النهاردة القمر كامل ، لو هي بخير دلوقتي كانت هتتصل كعادتها بيا وتصور القمر وتحكيلي قد ايه بتحبه ، وتصور النجوم وتقولي علي اسمائهم ، وتشاور علي اكتر نجم ظاهر وتقولي أنه انا ، انا اكتر حد ظاهر وموجود في حياتها ، كالعادة كانت هتتخانق وتشتم وتقولي اني اكتر حد بتكرهه واني شخص متسلط ومتكبر ومغرور ، وبعدها كانت هتتصور صورة مع قمر وتقولي أنها احلي من القمر نفسه ولو اعترضت هتتعصب وتتخانق تاني .... هي طفلة صغيرة بجد في نظري ، انا مسؤول عنها ازاي تقول اني مش بتقي ربنا فيها ؟!!؟، بس انا هبعد عنها بس هتفضل برضوا قدام عنيا --------- - أنتِ كويسة ؟! عيطت " عمو ايوب ....انا اتخانقت مع ابيه أحمد ، وكمان مش قولتله مش عايزاه يكلمني تاني " - ودا مزعلك ؟؟ دي خطوة صح استغربت " يا عمو ايوب انت اكتر واحد حكتله عن أبيه ، متخيل ازاي هيمر يومي كدا من غيره " - انا موجود معاك ِ ...اقصد هدعمك لحد ما تقفي علي رجلك ، كمان كلامكم كان حرام ، شوفي الكتب الجديدة اللي نزلت ...شوفيها لحد ما اجبلك شاي عمو ايوب دا صاحب المكتبة ، هو شخص كويس وطيب وكمان بيديني كتب كتير وبقضي عنده وقت كتير وعنده معلومات كتير وبحب اسمعه ، حكيتله عن أبيه أحمد وهو نصحني ابعد عشان دا حرام وكمان هياثر عليا بعدين..... منكرش اول اسبوع من بعدي عن أبيه كان كله عياط وخنقة بس عمو ايوب كان بيساعدني اتخطي دا كله. ... بس برضوا انا مفتقدة أبيه أحمد اوي - انتِ كويسة ؟! " عمو ايوب يعني رنيت عليا متأخر ؟! " - قولت اطمن عليكِ " تسلم يا عمو ايوب شكرا ،بس يعد اذنك مينفعش ترن عليا في وقت زي دا " - تمام ازاي يرن عليا الساعة ٢, الفجر والله لاقول أبيه و..... ابيه مبقيش ينفع احكيله حاجة ولا هو بقي يكلمني ، معقولة مش فارقة معاه كدا ، والله لاعيط سارا : يا بنات في أوردر وصل ، ورود وشكولاتات كتير .... مها : مين المحظوظة فينا بقي ؟! غادة : دا جايب باسم مسك استغربت وفتحت البوكس ولقيت فيه حاجات كنت عاملاله شير فعلا ، ضحكت عشان محدش عندي من الشباب غير أبيه أحمد وشباب العيلة ، معقولة هو بيرضيني وكمان الخاتم دا حلو اوي .... كنت مبسوطة اوي ، ونزلت لعمو ايوب وانا مبسوطة وهو كمان كان مبسوط اني رجعت اضحك تاني " انا حقيقي مبسوطة اوي ومش هقلع الخاتم دا تاني " - حلو خالص " انا هطلع بقي اذاكر " مسك ايدي' خليكِ شوية اصلك وحشتيني ' اتصدمت وسحبت أيدي ومشيت هو عبيط دا ولا ايه ...انا لازم اقلل كلامي معاه - انا اسف مكنش قصدي

الوحش بقي اني بقيت اشتم كتير اوي واشوف الاختلاط عادي رغم اني في حدود برضوا ، والحلو بقي اني بدات اواظب علي السنن واروح الدار مع البنات واتعلم الطبخ....وسجلت في أكاديمية زاد والبناء المنهجي ، وقررت كل يوم ٥ دقايق بس ... للذكر ، عارفة أنهم قليلين بس خير الأعمال ادومها وإن قل .....واهم قرار اخدته اني أتجنب أبيه أحمد عشان أنا فعلا بحبه - اخبارك ايه في الامتحانات ؟! " كويسة " - مش هتنزلي إجازة ؟! " لا عندي ميد ترم مش هينفع " - بقيتي هادية ليه معايا ؟! بسمع صوت ضحكتك مع الكل " مش انت مش بتحب ضحكتي" - أنتِ زعلانة ؟! " لا ...بس انت معطلني عن المذاكرة" - سلام طيب قول اي حاجة ياللي منك لله ، طيب رن عليا ، ابعت رساله تاني وانا هرد كويس والله ، يسطا كلمني مرة تاني وهرد باحترام بقي...طيب علفكرة بقي مش هكلمه تاني وهبطل احبه لو عمل ايه - انزلي هو الناس بتصحي علي مسج او مكالمة فيها صباح الخير انا صحيت علي صوته ودا احلي صباح اصلا ، بس مبرر يكلمني بأسلوب الأمر دا " انت عايز ايه علي الصبح يا أبيه ؟ وانزل فين انا في السكن ، هرجع البيت بكرا " - انا تحت السكن جيت اخدك ضحكت " احلف " طلعت اجري وفتحت البلكونة لقيته واقف ....اي دا هو مبتسم ....ايه السكر دا ، هو وشه احمر كدا ليه.... هو اتحول ليه - ادخلي دلوقتي بقولك " بس .... اتعصب لدرجة سمعت صوته من تحت ' بقولك ادخلي ' مش عارفة انا بحبه ليه اصلا ؟بكرهه بجد - أنتِ هبلة ؟! ازاي تطلعي البلكونة كدا " انا معلمتش حاجة غلط" - هطلع اكسر راسك ، شوفي نفسك في المراية " دي بيجامة عادية وفيها ايه" - طيب اي دا هو سكت ليه ؟! لا دا انا كدا اخاف اكتر ، معلش نقاوح اكتر ونتخانق بلاش تسكت " ابيه والله ما بطلع بالبيجامة ، انا علطول بلبس الاسدال ، أبيه اسفة والله " - مش عايزة اسمع صوت ، وعقابك بقي مفيش فسحة ولا لبس جديد ولا اي حاجه من اللي كنت هعمله " طيب " - ولو عيطتي مش هتاثري فيا عيطت وماثرتش فيه فعلا ...جبله ... انا بكررررررهه - انتِ تعبانة ؟! " احنا مقربناش نوصل ليه ؟؟ نعسانة اوي " - نامي طيب " لا عايزة أنام في البيت " - طيب اتكلمي عشان النور يطير " شوفت الصورة دي ، انا هنا وانا واقفة بشرح لزمايلي ودي كمان في حديقة الكلية ودي وانا في المطعم ، تعرف في عمو عنده مكتبة كبيرة اوي اوي قريبة من السكن والجامعة ، بروح اقعد عنه كتير اوي اوي هو طيب جدا وبيديني كتب كتير" - بلاش تعملي كدا وتروحي تاني " بكون مع اصحابي مش لوحدي " - وانا قولت لا "هو كبير عنده ٤٢ سنة" - فين الكبير دا .....انا قولت لا يعني لا " قول براحتك انا مش هسمع الكلام " اتخانقت معاه في نص الطريق واصريت يرجعني السكن والغريب أنه سمع كلامي عشان عيطت ...معقولة بقي عياطي يأثر في البارد دا ، النهاردة البنات في المحاضرة كانوا بيتكلموا عن شيخ بينزل دورات دينية حلوة ، اسمه الشيخ اياد ، كمان بيتكلم عن المرأة في الإسلام ، بس لقيت محاضراته طويلة والحقيقة حسيت انها مملة ، بس الغريب أنها مطلعتش كدا ، شغلت اول محاضرة منهم وانا بعمل الاكل ، والحلو أنها مهمة جدا وشدتني .... - أنتِ اسمك ايه؟! نتفق اني بخاف من الناس الغريبة جدا ، ومش بعرف اتعامل معاهم ، بس المفروض اتعود علي زمايلي في الكلية بقي ...دي صبا ، اسمها حلو اوي زيها ، وهي شخص لطيف وجميل جدا - يعني صاحية؟؟ ضحكت لما لقيت رسالة منه ، اليوم كله بقرا الشات بينا ، اوقات كتير بتعصب منه عشان بيجبرني علي حاجات كتير ومش بيسمع رايي ، بس الحقيقة هو بيكون صح ، وكل حاجة أجبرني فيها كانت ما بين الحلال والحرام ، يعني انا كنت مصرة اني اكون بشعري هو أجبرني علي الحجاب ، وصلاة الفجر اجباري اقوم اصليها من صغري لحد ما بقيت عادة فيا ، واجمل شي اتعلمته منه اني احاسب نفسي كل يوم قبل النوم " اه صاحية عندي ارق" - لسه الموضوع دا عندك " اه مش بيختفي ليه ، انا نعسانة اوي يا أبيه " - طيب شغلي الرقية الشرعية جنبك ، وكمان نامي علي وضوء وقولي الاذكار " عملت كل دا يا أبيه " - طيب بتعيطي ليه دلوقتي ؟! " عشان نعسانة ومش عارفة أنام " - احكيلك حكاية ؟! " زي زمان ؟!" - اه زي زمان ... " ابيه يعني صاحي دلوقتي ؟!" - قاعد بقرأ كتاب " اسمه ايه ؟؟" - اسمه قصص الغيب بيتكلم عن قصص بتحصل في الجنة نفسه ، بين الله عز وجل وعباده " انا نفسي ادخل الجنة اوي يا أبيه ، ونفسي اشوف ربنا اوي " - ربنا يجمعنا في الجنة يارب مع الناس اللي بنحبها ... بس اهم حاجة نحافظ علي صلاة الفجر " ابيه " - نعم ....... -سكتي ليه ؟! هرن عليك رن عليا وفضلنا ساكتين ...

" ليه الواحد كبر اصلا " - عملتي مشكلة ايه جديدة " تعرفي عني كدا ؟؟" - ارغي بقولك " متكلمنيش بالاسلوب دا يا أبيه بعد اذنك والا هشتمك" - قولتي ايه ؟! " تأكل شيبسي ؟؟" مين قال اني جبانة ؟! ، هو عشان أنا بسمع الكلام يبقي جبان - نفسي مرة تسمعي الكلام " ماما بعد اذنك انا مش عايزة الكلية دي ، انا عايزة اسافر اسكندرية " - انا هقول لأحمد وهو هيتصرف معاكِ " قوليله مش هيعملي حاجة، ابيه احمد مش هيزعقلي " - انا مش عارفة مش بتخافي منه ازاي ياأم لسان طويل " نينييييي" طلعت لساني كالعادة وهي حدفتني بالشبشب ، هي ليه ماما بقي خلقها ضيق كدا.، الحقيقة احنا بيتنا بيت عايلة، ٣ عائلات مع بعض ، انا وماما واختي المتجوزة ابن عمي حمزة ، وابيه احمد الكبير وأخوه حمزة الصغير واصغر اخواته منة ودي متجوزة ابن عمتي بقي كريم ، وجدو وجدتي وعمتي وعمو ومراته و ام احمد ، بابا وعمي متوفيين عشان كدا كل حاجة مع أبيه أحمد ، هو أكبر مني بعشر سنين كاملين ، كتير اوي يعتبر هو اللي مربيني عشان كدا معروفة بأخلاقي الرفيعة ، بكدب عليكم انا لساني اطول مني ، أبيه أحمد كله بيخاف منه حتي ماما واخواته والكل عشان هو شديد اوي وكشري ودمه سم ، بس طيب حبه ، انا بقي مش بخاف منه عشان هو مش بيزعقلي ..... - سمعت انك عايزة تدرسي في جامعة في اسكندرية نفسها ... السفر بينا وبين اسكندرية ٦ ساعات ومعني كدا انك هتكوني متغربة وانا مش موافق " يا أبيه بقي " احمد ' بتدلع كالعادة وتعيط وتزعل وبعدها هتمنع اكل وتحبس نفسها في الاوضة ....وانا المفروض انفذ كلمتي انا ومهتمش بزعلها...هي اتعودت اني كل حاجة بتطلبها بنفذها بس المرادي لا ' " ياابيه والله انت ناقص تاخد ارقام الجيران ، ما صاحب الشقة والبنات كلهم اخدت ارقامهم ، اطمن بقي " - انا وافقت انك تدرسي في اسكندرية وشوفتلك سكن كويس بس اي حاجة تحصل بلغيني ، سامعة ؟! " حاضر" - انا هكون معاكِ بكرا اول يوم جامعة هوصلك وبعدها هرجع انا البلد عشان الشغل والدنيا بتاعتنا ضحكت " انت هتكون معايا اول يوم بجد" بصلي بهدوء ' متضحكيش وكشري ، تمشي في الجامعة مكشرة ، وبلاش الدلع بتاعك دا يظهر ' " حاضر" - بلاش تقولي حاضر بالطريقة دي ضحكت اكتر " أبيه ، هو انت غيران مثلا ؟!" - أنتِ عبيطة انا اخوكِ الكبير اتعصبت " طيب امشي يااخويا الكبير بقي ..انا هحب واحد في الجامعة واخليه يخطبني و....... والله بهزر ، ابيه والله بهزر بلاش بتبصلي كدا " - انا مش هقولك حاجة بس فكري بس تعمليها وهتشوفي هعمل ايه " حاضر" انا عرفت ليه الكل بيخاف منه ...دا هولاكو دا ....لقيته بعتلي رسالة واتس .... - صلي القيام قبل ما تنامي ، بلاش تقراي وتتعبي عنيك ، متخافيش من بكرا هكون معاكِ واليوم هيعدي طيب ما اتجوزه ونخلص من الحوار دا ، دا انا بقيت مغتربة بسببك ياللي منك لله...ننام دلوقتي وبكرا نصحي نتخانق معاه جامد " صباح الخير يا أبيه " - مش نايمة كويس صح ؟! " نعسانة اوي " - اركبي العربية ونامي لحد ما نوصل وتاني مرة لما اقول تنامي بدري يبقي الكلام يتسمع بحسه بابا في نفسه اوي ...والله لولا نعسانة لكنت فتحت راسك ... - هرجع انا بقي عايزة حاجة ؟! بس قبلها دا اكل وبسكوت بلاش شيبسي واكل من برا ، تخلصي وترجعي السكن هو قريب ١٠ دقائق مشي ...مش عايز اختلاط وهزار مع حد ...انا سايب راجل هنا ... راجل عارف حدوده كويس " حاضر " - في أي وقت تكلميني ولما تخلصي كلميني " حاضر" - في السكن برضوا تهتمي باكلك وصحتك " ما كفاية بقي يا أبيه صدعتني علي الصبح " - انا مش فاهم ايه اللي مصبرني علي لسانك الطويل دا رفعت حاجبي " بتحبني مثلا ؟!!!!" - انا قولت ايه علي بجاحتك دي ، يلا سلام ضحكت وهو مشي مكشر....هو بيخاف يضحك ليه ...يارب اتجوزه بقي .... - اخبار اول يوم ايه ؟! " ابيه .... انا خايفة من المكان دا " - ارن عليكِ ؟! " انت فاضي ولا في الشغل ؟!" - في الشغل بس ممكن نص ساعة واكلمك " هنتظرك طيب " منكرش اني عيطت شوية ليه بقي ، معرفش حسيت اني خايفة ، بعدت عن ماما واخواتي والناس اللي بحبهم ، جيت مكان جديد انا اللي اخترته بنفسي. ، قررت ادخل تجربة جديدة بس مش عارفة هكون قدها ولا لا ، قررت ابعد عن أبيه أحمد عشان اعرف حقيقة مشاعري أو اكون صريحة عشان عايزة اعتمد علي نفسي ، هنا كمان في كلية علوم في اختلاط ودا اجباري بسبب المشاريع مع بعض ، ودا اللي اكتشفته من اول شهر ... هنا حياة كبيرة أوسع من اوضتي والكتب بتاعتي ، انا واحدة حياتها كلها كانت تتمثل في اوضتها واهلها وحبها لنفسها والفساتين بتاعتها ودلالها علي اخواتها ومشاغبتها مع اولاد اختها وحبها لأبيه احمد اللي شايفني بنته أو حفيدته كمان .... ياريته شايفني أخته منه لله بحبه اوي .... بس كمان التغيير مطلوب وكلنا بنتغير ، وفي حاجات حلوة بنتعلمها وحاجات وحشة برضوا بنتعلمها ....

والله لاقول لامه عشان هو بيخوفني .... " خالتي خلي ابنك ملوش دعوة بيا " - حصل ايه ؟! " طلع فوق علي سطح العمارة يتخانق معايا " - انا اللي بعته اصلا " أنتِ خالة مش جدعة " كلهم بيتامروا علي كتكوت ضعيف الجناح زيي "دكتور كتكوت ايه اللي اتجوزه ... يا ماما دا ملامحه بيبي فيس وكتكوت في نفسه اكتر مني " عفاف: قولي لابوك الكلام دا " ياماما بقي " بقي انا اتجوز دكتور كتكوت دا ، هو اصلا انا مسمياه كتكوت عشان هو هادي اوي وملامحه هادية لما كان صغير بس دلوقتي بقي شرير اصلا وبيزعقلي ويخوفني .... بعيدا عن السر ، هو حمزة ايه سبب الاعتراض عليه ؟؟ ، شخص كويس ، شكله حلو ووسيم ، متربي مع اني اشك في الحوار دا ، بار بأمه علي حد علمي ، فاهم دينه ، بيتقي ربنا في شغله والأهم لو تعبت هكشف ببلاش ، بس هو دكتور عظام اصلا ، مش مهم هكشف ببلاش برضوا - والله العظيم هتقولي كتكوت تاني ، هفتح راسك " لو راجل اعملها " وقف ووقتها اتخضيت "بهزر والله ... بص انا بعتذر عشان كنت بتجاوز الحدود في الكلام مع حضرتك، وكمان مينفعش اتكلم بسلاسة كدا معاك ، حضرتك برضوا غريب عني ، فأنا حقيقي بعتذر" - انا متقدملك بسبب النقطة دي ... انك مش بتقاوحي في الغلط " يعني مش عشان جمالي زي مالروايات ماكدلي ؟؟" - هو مفيش عندكم مرايات في البيت ولا ايه ؟؟؟ ولما افتح رأسه دلوقتي هيحصل حاجة .... " الخطوبة ٨ شهور" - ٤ حلوين " يستا ٦ شهور ودا اخري " - خلاص اتفقنا ليه وافقت عليه ؟! عشان أنا عايزة واحدة تكون طاعته سهلة ومحببة لقلبي ، انا عايزة ادخل الجنة، واتمني طاعتي لاهلي وزوجي تكون سبب كبير في دا باذن الله ، دايما كنت بسال نفسي انا عايزة ايه من الدنيا .... النهاردة عرفت الإجابة ، انا عايزة استغل الدنيا عشان ادخل الجنة " تعرفي يا فوفا ، مؤكد عملتي ذنب كبير في حياتك عشان اكون انا مرات ابنك" - عندك حق " بس اصلا ابنك هيلاقي في رقتي وحلاوتي دي فين " - لا والله " انكري ونخسر بعض .. تعرفي انا وافقت علي ابنك ليه ؟! عشان هو قمر ، سكرة ، بسكوتة كدا ... كريم كراميل كدا " - ما تتلمي بقي " يا ستي دا كلها شهر ويكون جوزي الله " -هقوله علي كل حاجة " اي يا فوفا انا بهزر والله " - جبانة " عارفة ابنك دا لما اشوفه مش بيجي في بالي غير جملة قريتها قبل كدا .... قضيت عمري بأكمله ابني مسافات بيني وبين الجميع ، وعندما رأيته وددت أن ابني لي بيتاً بجوار قلبه واسكن فيه " حمزة : لا والله " انت بتعمل ايه....انا اقصد ابن الجيران " - نعم ؟؟ " بابا نادي عليا ....يلا سلام " الواد واخد عني فكرة اني خجولة وكدا ، ليه يتصدم فيا قبل الجواز ...كدا كدا كان هيعرف الحقيقة " تعرف يا حمزة انا اتجوزتك ليه ؟! " - والله لو قولتي عشان تكشفي ببلاش تاني لافتح راسك " هو دا سبب بس مش الوحيد" - طيب امشي من وشي " يستا متبقاش قفوش بقي ..." سندت راسي علي رجلي كالعادة - سامع يا اخرة صبري " هو الحقيقة اسباب كتير وكلها استغلالية ، يعني عندك مثلا اول حاجة ، رموشك طويلة اوي اوي وعيونك اللهم بارك حلو وشعرك طويل وبشرتك....استني كدا ... بشرتي انا انعم ، المهم يعني كدا انا ضمنت جينات ولادي " - ضحك ... وايه تاني ؟! " بار بوالدتك ، ودا حلو ، وكمان علاقتي بفوفا حلوة ، يعني مش هنعمل مشاكل كتير ودا منتهي الروقان" - حلو " تالت حاجة ، انك دكتور فأغلب اليوم مش موجود ، ودا سبب جامد اني استمتع بحياتي" - لا والله " بهزر يستا ...متجوزين في نفس عمارة اهلنا ودا حاجة قمر " - وماله " الوحيد اللي عنده طاقة ، كل يوم يعملي شعري كدا ويعملي مساج لشعري ، انت عارف شعري طول ازاي وبقي غزيز من كتر ما تحب تلعب فيه ، ودا اهم سبب علفكرة " - انا مش عارف انا بسمعك ليه اصلا " اخر سبب بقي " ضحك ' وشك احمر وسكتِ ليه ' " بص هقوله ، والله العظيم لو غلست عليا لاعضك " - تمام " بص ....هو قلبي بيحبك ، ودا قلبي مش انا " - لا والله ...طيب وبيحبني من امتي ... " بطل غلاسة " - بتتكسفي يا بطة " طيييييب " عضيته جامد ونزف دم كالعادة ، احسن يستاهل - والله لو مسكتك يا مسك لازعلك " خلاص حقك عليا ...تاخد حضن وتصالحني " - يا بت انت مستفزة ليه ؟! شايفة كتفي بقي ازاي من كتر العض " ماانت اللي مستفز وبارد ، خلاص هعملك حاجة حلوة .... اي دا الدنيا بتمطر " وقتها نزلت صورة ومعاها كابتشن ' "أنا اليوم أُشاهد المطر من شرفة منزل الشخص الذي كُنت أدعو به كُلما أمطرت السماء." ، عارفين انا فعلا اتعلقت بيه وحبيته وانا مخطوبة ليه ، ورغم اني بستفزه كتير. بس هو روحي اصلا ... المميز فيه فعلا أنه بيخاف ربنا ...ومش فارق معاه الدنيا كله .... حمزة هو شخص قلبي بيحبه ♥️ ينظر إلى بطريقة ... يجعلني أشعر بأن كل من سيحبني بعده....كاذب♥️ #صغيرتي #خلود_ناجي اتمني أنها تكون لطيفة وتعجبكم وهنتظر رأيكم ، واتمني تدعولي معاكم يا احباب🫂♥️

- ايه اللي حصل بقي ؟! " هقولك كل حاجة" هو معقول النار اللي كنت حاسة بيها دي هي عبارة عن كلام مكتوم بس " مش عارفة ليه يا ميار قالتلي كدا ، انا والله غلطت وعارفة ، بس ليه هي متحسش بيا ، انا غلطت بس انا مقدرتش اسيطر علي مشاعري ، واحد كويس وفيه صفات كتير حلو ، عارف ان مش مبرر للغلطة الكبيرة اللي عملتها ، بس انا اللي ضايقني حاجة واحدة ، أنها بتلوم خاتمة قرآن مش مسك ، حاسة أنها بتلوم كل واحدة خاتمة قرآن ، عارفة أن نفسي اي حد يفهم اننا والله بشر وبنغلط ، وكمان انا لما غلطت والله الندم بياكل قلبي ، والكل مش بيديك فرصة حتي تتوب ، فاهمة قصدي ..... " - اكتر واحدة فاهمة قصدك ، بس هل دا مبرر للكل اللي بتعمليه ؟! عارفة هي المفروض كانت نصحتك في الخفاء بينها وبينك ، كمان هي غلطت بس ممكن هي من خوفها عليكِ ، بس أنتِ غلطانة ، كلنا بنغلط المهم نصلح ، مش دا كلامك يا مسك ، مش دايما بتقولي أن الشاطر اللي يلحق يتوب ، والأهم من دا كله انك بتعبدي ربنا وترضيه يا مسك مش بترضي الناس .... يلا كدا فرفشي عشان الشيخة عفاف هتنفخك في الحفظ وننزل نشتري كام خمار جداد ونغير جو هي ايه الحياة غير صديق يكون عارفاك وفاهماك ويحميك من شر نفسك ، انا ممتنة وبحمد ربنا علي كل حاجة حلوة في حياتي - اخيرا شوفتك بتضحكي " ايه يا دكتور كتكوت انت ؟! اضحك ولا اكشر انت مالك ؟؟" - احم ...مقصدش حاجة " ولا تقصد يا دكتور" طلع ووشه احمر اوي ، ضحكت " دكتور حمزة .... شكرا انك كنت موجود في وقت محتاجاك فيه .." - العفو واخيرا رجعت الجامعة بضوابط صح .... نهيت كلامي مع الدكتور وبطلت احضر محاضراته اصلا ، وقطعت علاقتي مع ورد حتي لو هي صح ... بدأت اكون مع ميار ... - يلا سمعي سورة الانفال والنساء والأحزاب " الاحزاب ؟؟ يا شيخة والله صعبة " - بتقولي حاجة " بقول امري لله" طبعا خدت ضعيف في التسميع ، طيب والله يا ماما لما نرجع البيت ما هديك شكولاتة ، ضعيف عشان ٥ أخطاء تجويد بس ، الله يسامحك - كدا الحلقة انتهت بفضل الله ، حد عنده حاجة حابب يضيفها " اه عندي ....زي ما اتعودنا في كل حلقة بنخد حديث ونحفظه ، حابة اشارككم حديث غالي علي قلبي " ميار : واي هو ؟! " وَعَنْ عَبْدِاللَّهِ بْنِ عَمْرٍو رَضِيَ اللَّهُ عَنْهما قَالَ: قَالَ رَسُولُ اللَّهِ ﷺ: خَصْلَتَانِ لَا يُحْصِيهِمَا رَجُلٌ مُسْلِمٌ إلَّا دَخَلَ الْجَنَّةَ، وَهُمَا يَسِيرٌ، وَمَنْ يَعْمَلُ بِهِمَا قَلِيلٌ: يُسَبِّحُ اللَّهَ دُبُرَ كُلِّ صَلَاةٍ عَشْرًا، وَيُكَبِّرهُ عَشْرًا، وَيَحْمَدُهُ عَشْرًا، قَالَ: فَرَأَيْتُ رَسُولَ اللَّهِ ﷺ يَعْقِدُهَا بِيَدِهِ، فَتِلْكَ خَمْسُونَ وَمِئَةٌ بِاللِّسَانِ، وَأَلْفٌ وَخَمْسُمِئَةٍ فِي الْمِيزَانِ، وَإِذَا أَوَى إلَى فِرَاشِهِ سَبَّحَ وَحَمِدَ وَكَبَّرَ مِئَةَ مَرَّةٍ، فَتِلْكَ مِئَةٌ بِاللِّسَانِ، وَأَلْفٌ في الْمِيزَانِ روَاهُ الْخَمْسَةُ، وَصَحَّحَهُ التِّرْمِذِيُّ. حابة كمان اقول اننا نهون علي نفسنا لما نغلط ، لاني حقيقي مخالفة الهوي والنفس صعب جدا ، ولو كان أمرهم سهل وهين ، مكنتش الجنة هتكون المكافأة ، عشان كدا دايما بقول ، الشاطر اللي يلحق يتوب ، يلا كدا كل واحدة تديني ١٠ جنيه عفاف : نفسي تكملي كلامك وانت عاقلة للآخر " ياماما بقي ...اقصد يا شيخة انا بحب التفاهة وهي بتحبني الله ، خدي بوسة" اه انا بدأت احفظ حدودي كلها بس ما زالت التفاهة نقطة ضعفي ...وحقيقي الأمر شاق علي كتكوت زيي " يا حجة فوفا ، ابنك دكتور كتكوت فين؟!" - يابت هقطع لسانك دا ، دا انا ولادي كلهم اكبر منك " مش مبرر علي فكرة ...فين ابنك بقي ؟ ماما عايزاه يقيسلها الضغط " - ما هي اللي عندها بنت زيك يجيلها كل امراض الدنيا " شوفي ازاي أنتِ ظالمة يا فوفا ، دا بابا اللي جابلها الضغط ، أصله عايز يتجوز عليها " - يا مصيبتي ضحكت " بهزر معاكِ والله.... المرادي انا " - عملتي ايه يا اخرة صبري " رفضت العريس من غير ما ارجعلها ، وواحدة قابلتني قولتلها اني متجوزة اصلا " - منك لله ... يا بت حرام عليكِ اللي يتعمليه دا " وهو انا عملت ايه يا حجة .... المهم دكتور كتكوت لما ييجي خليه ينزل عند ماما ، وانا هروح الجامعة بقي ، صح ، جبتلك البونبوني اللي عايزاه.... يلا سلام ، ادعيلي يا فوفا انجح واتجوز علي التلات الجاي كدا " ضحكت ' اشمعنا التلات ؟؟' " اول يوم في الفاينال وكدا ' صراحة كدا انا عايزة ارتبط واتدلع زي الناس دي كلها حمزة :هو أنتِ اللي عاملة الصداع دا كله " وانت مالك ؟؟" اتعصب ' يعني ايه وانا مالي ، ساعة كاملة صوت خبط علي السطح ، كنت فاكر بنات العمارة الصغيرين بيلعبوا ، بس طلعت الأستاذة معاهم ، وبتلعبي نط الحبل كمان " برضوا وانت مالك ؟؟" - هزعلك ، وبعدين افرض حد شافك من الجيران ، وكمان طالعة بطرحة مش مغطية ربع شعرك حتي ، والله العظيم لو شوفتك طالعة كدا تاني لافتح راسك " لو راجل اعملها " - قولتي ايه ؟!

هو الدكتور محلو ليه النهاردة كدا ، وكمان حلو الطقم دا ، أمور اوي اقسم بالله ، يارب اتجوزه ... اي دا انا بقول ايه ، يارب سامحني يارب ... استغفر الله العظيم والله ما اقصد ، يارب أنا تعبت من كتر ما بعاقب نفسي ، كدا عقاب ٢٠ الف استغفار وحوقلة ، والله هعيط ، كتير اوي وحرام بس انا استاهل برضوا عشان احترم نفسي " دكتور عندي كذا سؤال مش عارفة اجاوبه " - بصي يا مسك انا مستعجل بس خدي رقمي من الجروب وكلميني " خلاص يا دكتور المحاضرة الجاية " - لا ابعتيلي رسالة دلوقتي " بس ..." - ابعتي يلا " تمام " بعتله رسالة فعلا وبالمرة بعت الاسئلة وقفلت نت و هو مشي علطول.... اليوم كان طويل ومتعب بس الغريب مكالمة الدكتور ...شرحلي كل حاجة واتكلمت معاه ساعة ونص كاملين مش عارفة ازاي اصلا ، بس الغريب أنه طلع دمه خفيف وسكرة اصلا - مليش دعوة ، انا عايزة تعمليلي كيكة مخصوص " عنيا حاضر" ----- - لو في حاجة مش فاهماها قوليلي وبلاش تقفي بعد المحاضرة " مش فاهمة ؟؟" - البنات كلهم بيسالوا في اخر محاضرة ، انتِ بقي ابعتيلي واتس " اشمعنا ؟؟" - انا عشان راحتك بس ، انما اعملي اللي عايزاه " حاضر" ------- - حلو الازرق عليكِ ابتسمت " بجد ؟؟" - بجد ------ سمر : مش ملاحظة انك ماسكة التليفون كتير يا مسك وتتكلمي وتضحكي كتير " متقلقيش عليا " سمر : كمان بقيتي مش زي الاول ورد: واضح انها مش هي لوحدها ... " قصدك ايه ؟!" ورد : قصدي أنتِ ودكتور عصام ، كله ملاحظ أنه مميزك عن الكل وأنتِ الوحيدة اللي بتروح عنده المكتب و تهزر وتضحك ، طيب احترمي خمارك دا يا ستنا الشيخة ، ولا شاطرة بس تدي حكم ومواعظ... حفظ القران وختمه يا شيخة لازمه ناس تعمل بيه الاول ، انما عايزة تحفظي بنات الدفعة القران وأنتِ في علاقة حرام مع الدكتور بتاعنا ...... اتخضيت من كلامها ، رغم أنها صح وكل كلامها صح بس كلامها وجعني اوي وخصوصا لما مسكت طرف الخمار وبصتلي بقرف وسابتني ومشيت.... سمر: مسك هي مكنش قصدها والله ، هي بس خايفة عليكِ ، بس أسلوبها كدا لاول مرة امشي اعيط في الطريق كدا ، عشان هي صح ، انا صعبانة عليا نفسي اني غلطت في حقها كدا ، بس هي وجعتني اوي بكلامها ، انا مش وحشة كدا اقسم بالله...... حمزة : مسك .... مش عارفة اصلا ازاي رجعت البيت ، دموعي بتنزل بطريقة غريبة ، وعندي صداع من العياط ... بس مش قادرة اشوف قدامي كويس ...سمعت صوت حد وانا طالعة السلم مركزتش هو مين ولا فرق معايا اشوفه حمزة : مسك أنتِ كويسة ؟! استغربت دموعها الكتيرة ، بس أغمي عليها مرة واحدة ، عقلي وقف وقتها ، رغم اني علطول بتعامل مع حالات اصعب من كدا ، بس دلوقتي اللي تعبانة دي أمرها يخصني.... شلتها وطلعت بيها شقتهم وامها اتخضت وخضتني اكتر .... عفاف : هو حصل ايه ؟! - مش عارف هي أغمي عليها علي السلم... هتكون كويسة متقلقيش اخيرا قدرت اسيطر علي اعصابي وعرفت ارجع لطبعي ، والحمد لله هي فاقت .... جمال : ايه اللي حصل ؟؟ " مش عايزة البسه" اتصدمت لما لقيتها بتصرخ وتقلع الخمار بتاعها وتعيط عفاف: أنتِ بتعملي ايه ؟؟ " انا بكره الخمار ومش هلبسه تاني ....انا مش هلبس حجاب اصلا ...مش هحفظ قران تاني .... انا.... مش عايزة الخمار دا انا بكرهههه " جمال بثبات : مسك....فوقي يا بابا ، احكيلي ايه اللي حصل ؟! عيطت اكتر " مش عايزة اللبس الوحش دا تاني .... مش عايزة احفظ قرآن تاني جمال : سيطري علي بنتك يا عفاف حمزة : دقيقة بس ياعمي ، مؤكد في حاجة حصلت معاها جمال : مهما حصل معاها مترميش الخمار كدا وتقلعه ، وايه اللي حصل يعني يخليها تقول كدا عفاف : سيبوها وانا هشوف مالها " مش عايزة حد ، مش عايزة اشوف حد منكم كلكم." حمزة : طيب انا هستاذن صوت صراخها وعياطها علي تاني وبرضوا بعدها اغمي عليها تاني .... الكل قلقه زاد عليها ومحدش فينا فاهم مالها ....المشكلة أنها منعت اكل يومين كاملين .... ومش عايزة تقابل حد وبرضوا بتتخانق وتعيط علطول ميار: خالتي هي مسك بتغيب ليه عن المسجد وحلقات القرآن ؟! انا قولت اجي اطمن عليها عفاف : مش عارفة مالها يا بنتي ، ٣ ايام متواصلين وهي بتعيط ومش عايزة تشوف حد ومش بتصلي ولا راضية تسمع صوت القران حتي ميار : هدخلها انا خلاص اتوقعت أن ماما هي اللي فتحت الباب بس كانت واحدة منتقبة ودا عصبني اكتر ، مكنتش عارفة مين عشان اغلب اصحابي منتقبات اصلا ، بس حدفتها بكذا حاجة موجودة علي التسريحة ، بس رغم كدا قربت مني ومسكن ايدي .. - اهدي انا ميار صحبتك " اطلعي برا " - قوليلي مالك يا روحي ؟! " مش طايقاك" - بس انا هفضل موجودة معاكِ " سيبوني بقي ، انا مش طيقاكم " - مسك .... أنتِ حبيبتنا يا مسك .. ايه اللي مزعلك كدا " وانت مالك ؟! بقولك اطلعي برا" اتوقعت أنها هتمشي ، فضلت ساكتة بس استغربت أنها حضتني وعرفت تسيطر علي عصبيتي ، ودا خلاني اعيط اكتر - هديتي ؟! ليه الدموع مش بتخلص ؟!!!!

بصتلها بهدوء وفضلت ساكتة بس حقيقي زعلت اوي من كلامها ، والله هعيط بس مش دلوقتي " ممكن ادخل يا دكتور ؟؟" - لا ... اتصدمت " نعم ؟؟" - دا مش وقت محاضرة ، وأنتِ ليك عندي وقتي في المحاضرة بس وتسألي في المحاضرة وبس يا استاذة منك لله ، هو انا كنت ناقصة احراج تاني ، عايزة اعيط بجد والله ، ماشي لما ارجع لماما ، بس هروح اشتري حاجة حلوة عشان أنا اشطر كتكوت - انا اسفة والله مكنش قصدي الشيبسي كمان وقع علي الارض ، منكم لله كلكم فرد فرد ، طيب والله لاعيط دلوقتي عفاف : مسك ، اخبارك ايه؟! " ماما انا عايزة ارجع البيت ، دي اخر سنة مش مهمة، انا مش طايقة المكان هنا " عفاف : بتعيطي ليه طيب ؟؟ " الشيبسي وقع في الأرض كله " عفاف : اشتري غيره " مش هلاقي الطعم اللي عايزاه ، كمان خلاص مش عايزة" -مين زعلك ؟؟ " وهو في حد يقدر، دا انا ازعل بلاد بحالها.... بصي عندي محاضرة اخلص واكلمك" والله يا جدعان انا كائن فرفوش ملوش في البهدلة دي كلها ، منها لله كلية علوم - أنتِ قصيتي شعرك ؟! " من غير ضرب هفهمك ....يالهوي ، يابابا حد يلحقني " - تعالي هنا يا زفتة " احلفي مش هتضربيني " - دا انا هوريكِ " ياماما دا شعري ، لما اقص شعرك يبقي تزعلي ، انت ام غريبة صحيح.....اااااه " ضربتني بكتاب وحرفيا حاسة راسي اتفتحت ، ربنا يسامحك أقسم بالله ياماما - صباح الخير استاذة مسك " صباح النور دكتور كتكوت اقصد دكتور حمزة " لو مطلعتش علي كل إنسان اسم ، يحصلي حاجة كدا - أنتِ نازلة الجامعة؟؟ " وانت مالك ؟؟" هو يستاهل عشان بيسأل عن حاجة متخصوش...اتكسف ونزل ، وانا نزلت الجامعة بتاعتي ورد : روحتي للدكتور امبارح ؟! " اه و... ورد : قولتيله أنك انتي اللي ضحكتي سمر وانك انتِ السبب " هو الحقيقة ...لا بس اتعصبت ' يعني كمان بقيتي تكدبي...انتِ قولتي هتكلميه ' " لا والله العظيم مش بكدب ، انا فعلا روحت هناك وكنت هقوله بس .... - انا مش عايزة اسمع، حقيقي نظرتي فيكِ اتغيرت سابنتي ومشيت ، والحقيقة اتضايقت منها اوي ، هي ليه بتحكم عليا دايما وتحاسبني وعلطول احكام بس اصلا عادي ربنا عالم نيتي واني شخص كويس.... - لو سمحتي .. " نعم يا دكتور" يارب ما يزعقلي ولا يحرجني تاني ، اصلا هو معروف في الجامعة كلها أنه شخص شديد اوي ومش بيتعامل مع بنات خالص خالص ، واي بنت تكلمه برا المحاضرات بتشيل السنة ، يارب خلصني من السنة دي وارتاح من وشهم - أنتِ كنتي عايزة تساليني عن حاجة ؟؟ " لا بس كنت عايزة اقول حضرتك أن صحبتي اللي طردتها المحاضرة اللي فاتت مكنتش بتتكلم ، كنت انا اللي بتكلم وانا بعتذر لحضرتك" - قولتيلي اسمك ايه ؟؟ شيلت السنة.... حسبي الله " اسمي مسك ..." - تمام يا مسك ، لو احتجتي حاجة قوليلي يا مسك ، وبعتذر عن اخر مرة ، وزميلتك مش هعملها حاجة متقلقيش بلغيها كدا ابتسمت " تمام ...بجد شكرا " كنت مبسوطة جدا أن سمر مش هيحصلها حاجة .... " والله زي ما بقولك كدا " سمر : غريبة أنه اعتذر اصلا " المهم انك مش هيحصلك حاجة " ورد : أنتِ فضلت واقفة ليه مع الدكتور علي جنب ؟! " كنت بقوله علي سمر و.... ورد : وليه كنتِ مبتسمة وبتتكلمي بمياعة كدا " انا ؟؟ والله دا صوتي الطبيعي اقسم بالله " ورد : والله يا اختي ؟؟؟؟ انا مش بحب حد يزعلني عشان مش بعرف اعيط غير في البيت ... بس هي بجد مزعلاني اوي ورد وبتقول كلام كتير عني وتضايقني ، انا مش هكلمها تاني واتجنبها حمزة : مساء الخير " انت بتعمل ايه علي سطح عمارتنا ؟؟" - دي عمارتنا برضوا ", انا هنزل بقي " - خلاص خليكِ و ..... سبته ومشيت ، الحدود معروفة والحرام والحلال معروفين بس احنا اوقات كتير بنستهبل زي دكتور حمزاوي كدا " ياماما رجلي ....يا حمزة " - في ايه ؟! عيطت " رجلي ...هموت مش قادرة " مسكته جامد وهو بيبصلي باستغراب - وقعتي ولا ايه اللي حصل ؟! " شد عضل ...رجلي ، حاسة اتشليت ، مش قادرة وبتوجعني " - خليكِ واقفة كدا طيب ومتدوسيش عليها فضلت واقفة وساندة علي كتفه ، الحمد لله حقيقي اننا مسلمين وربنا هيجزينا خير عن كل الم ووجع بنحس بيه ، انا مش قادرة فعلا اتحمل الم شد العضل بس اخيرا الحمد لله فك وهديت..... - كويسة دلوقتي ؟! " وانت مالك " اتصدم قلب أمه ...الحقيقة ماما عندها حق انا مش متربية بجد - مش عارف بجد اتعامل معاكِ ازاي ؟! " دكتور حمزة ، علفكرة والله انا بتعامل مع الناس كلها بذوق ، انما باجي عندك لساني بيطول والله " - ودي معناها انك مميز "لا مهزء " طيب والله انا كمان اتصدمت من ردي .... - انزلي يا استاذة مسك " تصبح على خير يا دكتور " خلاص بكرا هعتذرله بقي ، كفاية تأنيب ضمير ، عقاب ليا استغفار ٥٠٠٠ مرة ، ومفيش شكولاتة لمدة أسبوع عشان اشتم حد تاني " بنات عملت كيكة وجبتلكم دوقوا كدا وقولوا رأيكم " سمر: ايه الحاجات الحلوة دي ، بعد المحاضرة عشان الدكتور هيدخل " اشطا"

- يا تري كل واحد هنا عارف هدفه في الحياة ؟! وايه إنجازاته ؟! “ بعمل مكرونة بشاميل انما ايه اورجانيك “ هي الشيخة بتبصلي كدا ليه ؟؟ علفكرة بقي دا هدف عظيم هي بس اللي مش معترفة بانجازاتي القمر والله العظيم يا مسك ان ما بطلتي هزار في المسجد لاطردك نهائي “ ماما مش معني انك الشيخة بتاعتي والكل بيخاف منك ويسمع كلامك اني هعمل زيهم ، لا فوقي كدا انا بنتك الصغيرة ومش هسمع الكلام وههزر براحتي “ -وماله ، استحملي بقي نتيجة افعالك نتيجة افعالي هتكون سكر زيي باذن الله ، يالهوي حرمان اسبوع ، طيب والله العظيم لما اروح البيت بقي واقول لبابا بقي .... ياماما حرام والله عفاف : هتفضلي قاعدة زعلانة كدا كتير ؟ “ عشان ياماما انا اخدت حرمان من امتحان القران ودا هياثر جامد عليا ، بجد ياماما زعلانة اوي منك ، ولما ييجي بابا هقوله “ عفاف : ماانت اللي بتعاندي وتهزري كتير في المسجد وحذرتك كذا مرة “ ماانت بتكوني رحيمة مع الكل وبتعملي لفت نظر و لما بتسوء الامور بتدي انذار ، انما انا حرمان علطول “ جمال : ايه العياط دا كله ؟ “ بابا شوف مراتك دي ، ادتني حرمان ومش هدخل الامتحان ، مجهود السنة كله ضاع يابابا “ جمال : الحرمان دا كان نتيجة ايه ؟ عفاف : بتهزر كتير في المسجد وكمان مش بتقعد ساكتة والاهم بتروح هناك وتشاغب وتعمل تصرفات عيال ومش بتحفظ كويس “ بالله ياماما حضرتك كدابة ، اتقي الله انا بسمع احسن منك اصلا “ عفاف : يابت انتي مش متربية ليييه ؟؟؟؟ كمان ليه حضرتك يا محترمة ؟ “ ماانت ماما و لازم احترمك ، بس انا بسمع احسن منك جمال : طيب هنتعشي امتي بقي ؟ “ بابا لو سمحت دلوقتي احنا بنتناقش في موضوع مهم اوي ، وحضرتك لازم تجبلي حقي جمال : نهاية النقاش ، هتحترمي قرار معلمتك يا مسك عشان انتي غلطتي و تراجعي كويس وتدخلي الامتحان السنة الجاية “ بس يابابا …...... جمال : النقاش خلص يا مسك نظرة بابا اكدتلي ان النقاش خلص ، انا متضايقة اوي بجد من ماما عشان حقيقي ضيعت عليا سنة كاملة وكدا هدخل امتحان القران واتخرج مع دفعة السنة جاية ، ماما قلتلي ان كل واحد بيغلط لازم يتعاقب ، بس انا عارفة حاجة واحدة ان كل واحد عنده شخصيتين ، شخصيتك الحقيقة او التلقائية وشخصيتك الاجتماعية اللي انت بتتعامل بيها ، الفرق بين كل واحدة ان التلقائية هي اللي اتولدت بيها ، انك بتتعامل من غير قيود ولا تفكير ، يعني نفسك الحقيقة ، الحاجة اللي بتحب تعملها وترتاح لما تعملها ، يعني مثلا انا بحب الكلام الكتير والمقالب والنكش والضحك والهزار ، والطبخ واللبس القصير والرقص واني استفز الناس اللي بحبها ، انما الشخصية اللي بتعامل بيها غير كدا ، زي مثلا اني مش بتكلم نهائي ومش بهزر وهادية وعاقلة و ، و ملتزمة وحاطة حدود وبتقي ربنا في الناس ، والاهم اني مش بتعصب ولا بشتم نهائي “ طيب والله اني موصلش الاوردر في وقته ، لاطلع عليكم الجديد والقديم واضح اني بكدب ولا اوضح اكتر " محاضرات ايه اللي هتفضل مستمرة الساعة ٧ العشا يا كفرة " - مسك !!! دول الدكاترة بتوعنا يا مسك ومسلمين ، بلاش تقولي عنهم كفرة ، والأهم راقبي لسانك كويس "احيه يا أسما بجد دي كلمة عادية علفكرة" - يبقي لازم افكرك بقول الله تعالي " وما يلفظ من قول إلا لديه رقيب عتيد " ، وكمان بطلي كلمة احيه والشتايم دي " حاضر " في حاجة البشر غافلين عنها ، اننا طبيعي نغلط ، طبيعي جدا نعمل ذنوب ومعاصي ، بس المش طبيعي بقي اني اعتمدها في حياتي واستمر فيها ، يعني مثلا انا لساني طويل دي حقيقة أنكر مثلا ، بس لو شتمت في يوم ليا عقاب ، أو اغتبت حد ، برضوا ليا عقاب ، كل واحد في حاجة بيحبها اوي مثلا فلوس ، لبس ، اكل ، ولما بعمل غلط بحرم نفسي من الشي دا ، أو التزم بطاعة صعبة عليا ، يعني انا مثلا صعب عليا التزم بالقيام بس احب طاعة لقلبي هي قراءة القرآن.... ماما علمتني اني عادي اغلط بس اصلح غلطي علطول ، والشيخة علمتني ان ترك معصية افضل من عمل طاعة جديدة ، وعشان كدا كل شهر بشوف ايه المعاصي اللي بعملها وأبطل اعملها ، اقولكم سر ؟! انا بسمع اغاني كتير اوي بس مستحيل اقول دا ، عشان دا جهر بالمعصية ، ووقتها هاخد ذنوب اكتر ، وكمان انا بجاهد نفسي في النقطة دي ، وباذن الله يوما ما هبطل الاغاني " تسمحولي اكراش علي الدكتور الأمور دا ؟!" - ما تتلمي بقي " مش هيحصل حاجة لو كان الكراش بتاعي يعني؟" - والله اقول للدكتور عليكِ عصام : اطلعي برا يا استاذة صحبتي اتطردت واتهزقت وانا قعدت ساكتة.... ورد : مسك بطلي هزار في المحاضرة ، زميلتك اتطردت بسببك النهاردة ، وأنتِ السبب اصلا " والله كنت هروح للدكتور دلوقتي أقوله اني انا اللي كنت بتكلم و..... ورد : ميخصنيش ، أنتِ بس بتتعدي حدودك كتير الفترة دي ومش محترمة الخمار والجلباب اللي لابساه

" يبقي ايه ؟؟" - مش عارف حقيقي .... بس دقيقة أنتِ تعرفي حد غيري اصلا فوقي ياماما ، دا أنا لما سافرت قلبت الدنيا عياط....فوقي كدا ووافقي " لا والله ؟!" - والله انا راجل طيب اوس: وافقي عشان تبقي مرات اخويا ونعمل فيه مقالب براحتنا " انا موافقة مش عشان مشاعري ناحيتك تؤ تؤ ....عشان نفسي امسك خدودك واقولك كوتي كوتي حبيبي جوزي يا ناس " "وداء الشوق ليس له دواء سوي نظر العيون الي العيون ♥️" #صغيرتي #,خلود ناجي

حتي يلقاها_ هي دون سواها _ فيلقي أسلحته ويخلع درعه فتري جراحه... هي فقط.....من يأتمنها علي جراحه ' مهاب ' كنت بسمع ايهاب ومع كل حرف بيقوله ...حاسس مشاعري بتوضح اكتر ....لحد ما ظهرت قدامي.... حتي خطواتها المرادي غير ....رفعت عنياها وقابلت عنيا ....ضحكت كعادتها .... ضحكتها بتوسع اكتر وعينيها بتغمض اكتر .... ولاول مرة ....احس اني فعلا مطمن....أن خلاص ....بقيت امان ' بسنت " طلعت من اوضتي عشان اقدملهم الشاي بس لاحظت نظرات مهاب ....لاول مرة يرفع عنيه عليا ويركز كدا ....كمان بيضحك ....ضحكة حلوة ...واول مرة اشوفها .... ضحكته ظاهرة رغم وجود ايده علي دقنه..... ولأول مرة فعلا معرفش امنع نفسي ولا عيوني أنها تضحك....... " ايهاب ' بهمس ': ابوها وعمها والعيلة كلها موجودة وانت بتسبل للبنت..... احترم وجودنا حتي .... - ايه ؟؟ ضحك ' اتقدملها طيب بما انك تايه كدا ؟؟' - دعواتك والله بجد ، انا اصلا مسافر الاسبوع الجاي بعد ٣ ايام ، بس لسه خالتي وعمي هيكلموها في الموضوع دا ، ياريت توافق عشان اخدها ونستقر كلنا برا ومرات عمي معانا ايهاب: خير باذن الله -------- " مهاب الحقني " - في ايه وبتعيطي ليه؟؟ " هسقط ... معرفتش احل حرف ... نسيت كل حاجة " - طيب اهدي ....بصي انا جاي ، والموضوع بسيط ...خليكِ عندك اقسم بالله اوبشن أن اتصل بحد اشاركه قلقي دا ولا اروع ..... " يعني الكلام اللي سمعته صح؟" - كنت هقولك أقسم بالله " أمتي ؟؟ انتوا مسافرين بكرا ؟؟ مستوعب دا ؟!" - والله العظيم كنت نازل اقولك وكنت كمان هكلمك في موضوع تاني ولو كنت وافقتي كنت هاخدك معايا و ....... " انت زيك زي بابا مفيش فرق ....كل اللي يشغل بالكم الفلوس بس ....انا قولتلك وجود اوس مهم جدا في حياتي....ولما انت خلقت لنفسك مكان في حياتي قررت تمشي ، بس اقولك حاجة امشي انت وهو ومترجعوش تاني ومش عايزة اشوفكم وانا مش بطيق" ومشيوا ورجعت انا لحياتي.... هو الواحد كان عايش حياته ازاي من غيرهم؟! هو انا كان عندي حياة اصلا!!!!!! " تمام يا ماما متقلقيش" النهاردة اسوء يوم في حياتي ومكنتش عايزة اكون هنا ، النهاردة حفلة تخرجي .... اليوم اللي منتظراه وخططتله كتير اوي اوي ، النهاردة انا هنا بس لوحدي ، بابا سافر وكالعادة مش موجود ....ماما مش بتطلع برا البيت غير نادرا ومش هتقدر تيجي ....و .... هما مش موجودين سافروا ، ومحبتش اخلي حد ياخد مكانهم....في كتير كان ممكن أكلمه وهييجي بس ....انا مش هحس بوجودهم لو حد جه مكانهم ، هيفضل احساس اني لوحدي ملازمني ....انا بكرههم اوي عشان أنا دلوقتي واقفة لوحدي ....لوحدي وخايفة وتايهة .... الكل مع أهله وأصحابه بس انا لوحدي.... انا مش عارفة اعمل ايه .... غير اني قعدت اعيط بصوت عالي - احنا هنا.... بلاش عياط اوس : والله احنا هنا وكنا هنعملك مفاجأة عفاف:بسنت....بصيلي ....اتنفسي ....حاولي تتنفسي أغمي عليها ....مكنتش فاكر أنها هتكون زعلانة كدا وتعيط بالشكل دا ....انا واوس نزلنا من يومين عشانها وعشان نعملها مفاجأة بس ..... مكنتش فاكر الأمور هتسوء كدا " متعملش مفاجأت تاني" - اخيرا فوقتي ياأم لسان طويل " مش هرد عليك اصلا مش بكلمك" اوس : طيب وانا ؟؟ انا اوس حبيبك ، طيب والله العظيم انا فعلا كنت زعلان اوي عشان سفرنا بس هو قالي أنه هياخدك....... - اسكت يا حبيبي دلوقتي عفاف : والله انا كنت عايزة اكون معاكِ من اول اليوم بس هما قالوا كدا هتتفاجئ وتفرحي كدا " طبعا دا تفكير الراجل السبعيني دا ....متفكرش تاني بقي " - احم....حاضر رغم اني نكدت عليه وانبت ضميره بس حقيقي اليوم اتحول بوجودهم وبقي اجمل يوم في حياتي.... اتفسحنا كتير واتصورنا وجابلولي هدايا مميزة كتير ولاول مرة احس صدقا باني محبوبة بجد....أو اني في حد بيحبني..... دي الحياة طلعت لطيفة وجميلة بشكل ..... - ودي اخر فقرة بقي اوس: واجمد واحدة بقي .... عفاف: لو كانت أول واحدة كانت هتكون أفضل وليها فرحة " استنوا بس نعرف اي هي ؟؟" - بصي انا متوتر لوحدي مش ناقص الله يكرمك ضحكت " هو انا عملت ايه ؟؟" - بصي ، هو انا واخد الاذن والموافقة من الكبار اصلا بس قبلها عايز اقولك في حد قالي قبل كدا مش كل حاجة هتتمناها في حياتك هتاخدها ....بس في حاجة وجودها هو الحياة نفسها، وعشان كدا نحاول عشان الحاجة دي مرة واتنين ومليون كمان واحنا واثقين أن ربنا هيرزقنا الخير ....وعشان كدا انا بتقدملك للمرة التالتة وبقولك ....بكرا كتب كتابنا ، موافقة ؟؟ موافقة اننا نتجوز ....واوعدك اني هفضل مسؤول عندك...... واعرفي أن انا الشخص اللي بيحبك واتمني اكون الشخص اللي اتمنيتي في يوم تكوني معاه ....ولو لا ....يبقي ...

" مين دا .....انا بثق فيك اكتر من نفسي اصلا ...عالعموم انت صح مش هعمل كدا ...بس هعدي انك زعقتلي وعليت صوتك عليا عشان انت تعبان بس ،.... تمام ؟؟" ضحك ' تمام ...انزلي بقي ' " من الصبح وهو بيطردني علي أساس اني هاخد منابه.... ماشي لما تفوق بس " - سمعتك علي فكرة " افضل" الغريبة اني كنت نازلة اضحك ...ايه الضحكة دي بقي ؟!!!!!!! " ماما اخيرا جيتي ؟؟" - أنتِ كويسة ؟؟ ومالك خاسة كدا ؟؟ " مهاب اكل اكلي " اوس : لا طبعا...كدابة " انا هقطع علاقتي بيك يالا ..." عفاف : اومال فين مهاب؟! " ماما علفكرة صح مهاب تعبان " نسيت في لحظة اني بنتها وطلعت جري لفوق عشانه ...ولو انا مش هتتحرك خطوة اصلا ....دا ايه الظلم دا !!!!!؟؟؟؟ " كويس دلوقتي ؟؟؟" - اه الحمد لله " ايه سبب التعب بقي " - هو انا بسبب عدم النوم عندي مشاكل في معدتي والمسكن بتاعي كان خلص عشان كدا تعبت ", مشاكل في النوم ؟؟" - اه ...من ٤ سنين وانا متابع مع دكتور " يعني مش بتقدر تنام ؟؟" - لا نهائي....ولو نمت بيكون نوم متقطع " يابا ، دا انت نمت علي كتفي خليته هيتكسر ، معقولة انا علاجك والكلام دا زي المسلسلات والروايات ؟؟" - هو أنتِ مش بتفكري في الكلام " معاك انت ؟؟ لا الحقيقة" - بحس اوقات كتير اوس اعقل منك " علفكرة دي حقيقة اصلا .... المهم صح ... بلاش مسكنات كتير ولو احتجت تنام اطلع علي السطح كدا وراقب النجوم وهتنشغل معاه وهتعرف تنام ....كمان ممكن تتكلم عن اللي شاغلك ومطير النوم.....زي مثلا قلقك علي اخوك ... " - عارفة ...انا بخاف اني اخويا يتخدش حتي ...بخاف عليه اوي ، بخاف من اول مرة حد هيتريق عليه ... بخاف عليه من اول فشل ...أو خسارة....أو خذلان ...أو مرة هيحس أنه ضايع ولوحده.... بخاف عليه من كل شعور ممكن ياذيه ...عشان كدا بطمنه دايما اني موجود عشان اكون معاه وبس....انا مهمتي في الحياة بعد عبادة ربنا اني اكون بسنده ومعاه وبس .... دايما بقوله اني فعلا موجود ولو حس للحظة اني مشغول عنه ييجي يقولي....انا روحي في اخويا ...عارفة انا ليه سبته اول سنين هنا .... عشان يتعامل معاكم ويحس بالحنية والحب اللي مش هقدر اقدمهم ، هو أول سنين في حياته بيكون محتاج حب وحنان كتير يكمل بيهم باقي حياته ....حب صادق فعلا ، عشان كدا سبته ، بس بعدين هيكون معايا ، هعلمه ازاي يسند نفسه لوحده بس في نفس الوقت يكون عارف اني موجود معاه ...مش عايزاه يقف في يوم زيي كدا تايه وخايف ومش هيقدر يشتكي ولا عارف هيجري يشتكي لمين .... دا اللي شاغل بالي " انا فهمت انك ممكن تاخد في يوم اوس ...بالله لا ...عارف انا اوس دا انيسي في الدنيا فعلا ، هو كل حاجة ...انا بخاف اكون لوحدي وهو الشخص الوحيد اللي سامحة بوجوده.... انت عارف لو اخدته هزعل اوي ...كمان إن شاء الله قريب هتخرج ولازم الكل يكون معايا في حفلة تخرجي كفاية غياب بابا الدايم" - أنتِ مش عندك فاينال ؟؟ قومي يالا ذاكري ودي اخرة اللي يقعد مع راجل سبعيني معقد زيه يهون عليه ....... - ايه الدنيا ؟؟ مع الوقت حرفيا اتعودت عليه ، علي أني أكون مسؤولة من حد.، حد يعرف انا فين وبعمل ايه ومتابعني ، حد فعلا يفرق معاه وجوده ، والأهم بقي بيصحح غلطي.....وعارفة اني لو وقعت في مشكلة هو هيتصرف .... انا حاسة اني عايشة ...اني فعلا حاسة اني ليا قيمة بوجوده....مبسوطة أنه موجود..... هو اكتر واحد عنده استعداد يسمع ويحل مشاكلي ويتناقش معايا في اتفه الأمور ....حقيقي بحس لطف وجمال وحنية العالم كله موجودين عنده لوحده .... انا حاسة اني من كتر ماانا مبسوطة اني هطير من الفرحة.... " بكرا اخر يوم امتحان يا بشر وهتخرج اخيرا " عفاف :, عمك برا اطلعي اقعدي معاه وبما أن بابا نزل إجازة اسبوع ومسافر عيلة بابا كلها هنا موجودة وطبعا حبيبهم مهاب ....هو مش المفروض يكرهوه .... انا مش بحب حد يحب حد انا بحبه........ ايهاب: اهلا بالخريجة بتاعتنا " الدكتور بتاعنا ...اخبارك يا دكترة" اوس : شايف بتهزر معاه ازاي قدامك ، اكسر رأسها - لما الناس دي تمشي مش دلوقتي اوس : بسبوسة تعالي عايزاك " قولتلك مليون مرة بلاش اللقب دا " اوس : شعرك باين ... درايه كويس " تصدق فعلا ... تسلم يا كتكوت يا قمر انت " اوس: انا قولت لاخويا مفيش فايدة معاكِ هو مشي زعلان ليه ....الواد دا بقي نسخة كئيبة زي اخوه النكدي دا ...عيلة نكد خالد : وانت مش ناوي تستقر بقي يا مهاب ولا ايه ؟! - نسأل الله التساهيل والله ياعمي خالد: وانت يا ايهاب ؟! ايهاب:مفيش حد مناسب ليا ، انا واحد عايزة واحدة بوصف معين عفاف: واي هو بقي ؟! ايهاب: بصي انا هقولك يا مرات عمي وواثق انك هتشتميني بس مش مشكلة....هي جملة قريتها من زمان ، ولما اقابل واحدة تتطبق عليها الجملة دي هرتبط بيها عفاف : واي هي يا فالح ؟! - و يظل الرجل يخرج للدنيا بدرعه وسيفه ولا يهتز لمصائب الدنيا وضرباتها ...حتي يُظن أنه صخر ولا قلب له .....

ماما عشان شديدة بتمنع اي اكل من برا البيت والشيبسي والحاجات دي كلها بس بتسمح بيوم واحد كل شهر نجيب اللي عايزينه ....والحقيقة انا عايشة حياتي عشان اليوم الجميل دا ....بنشتري كمية اكل كبيرة وبيبسي واندومي الكوري وشيبسي كتيييير وبنجهز فيلم علي اللاب ونطلع علي السطح ونسهر اليوم دا .....يوم لكسر روتين الحياة مهاب : انتوا بتعملوا ايه في الوقت المتاخر دا ...وايه كمية الأكل دي ...كمان انتوا بتعيطوا ليه ؟! " اوف الراجل السبعيني جه " اوس : دا الاندومي حراق اوي اوي - طيب سيبه بلاش تأكله " وفين المتعة كدا ...جرب تأكله" - واني اضر نفسي دي متعة ازاي اتعصبت" اوس ابعد اخوك عن وشي بدل ماالعب في وشه xo " مهاب ' حقيقي لسانها عايز قصه ...الفكرة الاكل فعلا حراق اوي عليهم هما الاتنين بس قاعدين يضحكوا.... لاول مرة أقرر اسيبهم يستمتعوا بوقتهم ويضحكوا ... اوس كان مبسوط اوي وهي برضوا بتتنمر علي البطل والبطلة .... الحقيقة كنت مبسوط اني شايفهم مبسوطين ومش عارف ليه قررت اني اصورهم ... ... مهاب : الوقت اتاخر ، يلا علي النوم بقي " دا انا ربنا نجدني منك ...ربنا يعين اللي هتاخدك ... ابتلاء صعب اوي " مهاب : أنا دا ؟! " لا طبعا....انا اقصد اوس .... يلا يا أوس الوقت اتاخر يا بابا ...متنساش تشرب اللبن وتغسل اسنانك عشان تكون شطور ويرضي عنك الراجل السبعيني" هو مفكر لما يرفعلي حاجب هخاف ....لا دا انا بجحة وتنحة يا قلب امك...... لا بس الحقيقة أنا خوفت ، انا من رايي انزل أنام باحترامي أحسن " تصبحوا علي خير " نزلت نمت في الشقة بس حسيت بصوت حركة في الشقة اللي فوق ... وحد تعبان وبيرجع ....بس اوس نايم جوا ...ممكن مهاب ؟! ...بس هو ماكلش من التلوث اللي اشتريناه من برا ....طيب ارن عليه ...اصلا مش معايا رقمه ....خلاص انا مالي هو كبير كفاية يتعامل مع تعبه ..... مرت ساعة كاملة ولسه برضوا....انا هطلع اشوفه ... مع اني مش بطيقه بس برضوا دا حد تعبان حرام .... " مهاب...انت كويس؟" - اه اه ايه ...دا الواد وشه مخطوف اوي ومصفر ... " هو حصل ايه ؟؟ انت تعبان اوي طيب ؟؟" - لا كويس انزلي نامي أنتِ " يا بني انت مش قادر تقف اصلا ... تيجي نروح مستشفي ؟؟" - لا انا كويس " طيب مالك ؟؟" - معدتي بس " ولما هي معدتك تعباك بتشرب قهوة ازاي دلوقتي ....ارتاح وانا هشوف مسكن واعملك حاجة سخنة " مكنش قادر يتنفس اصلا ... بيشبه اخوه لما يتعب ، حقيقي لحظتها حسيت أن اوس اللي قدامي ... خايف وتعبان وتايه وضعيف..... " دا المسكن خده واشرب دا وهو سخن ...وهتكون كويس " - شكرا يا بسنت مشيت بس وقفت عند الباب ...حاسة بذنب اني اسيبه كدا " مهاب ..... انت كويس بجد ؟؟" مهاب 'اوقات كتير نبرة الصوت بتكون كفيلة أنها تغير حاجات كتيرة.... حاسس بالقلق في صوتها حتي نظراتها القلق فيهم حقيقي ....كمان حاسس بدفا صوتها ...خوفها بيفكرني بقلق امي ....." " مهاب " استغربت أنه سند رأسه علي الكرسي وثبت نظراته عليا ... ابتسم بهدوء وابتسامة واسعة ومريحة رغم التعب اللي واضح علي ملامحه .... - لا مش كويس ....خليكِ هنا والله دي اخر إجابة أتوقعها يا قلب اختك....ممكن نعيد السؤال....يا نهار ابيض الواد نام ولا مات....منكم لله كلكم انا عيل صغير اهتم بيه ازاي.....دا سخن اوي .... يامامااااااااااا حد يكلم حد يساعدنا " مهاب......" - عايز أنام بس بكرا الصبح لما ماما تيجي هقولها انك تعبت ومرضتش تاخد الدوا وتزعقلك ... يارب يكون كويس وهبطل اضايقه والله ..... حقيقي عايزة اعيط....هو ليه تعبان اوي كدا ... اوس : أنتِ بتعملي ايه هنا ؟! " اسكت دلوقتي ، اخوك كان بيموت امبارح وانت نايم ولا حاسس بحاجة " اوس بقلق: ليه حصل ايه ؟! " يا بني كويس بهزر معاك ...انت بس حبيت اقعد معاه. .ونهزر مع بعض ونمت من غير ما احس" مشكلة اوس هي نفس مشكلتي....اننا بنخاف اننا نصحي في يوم نكون لوحدنا .... اوس أهله ماتوا باقي بس اخوه ودا حياته بمعني اصح ....وانا اهلي موجودين بالاسم بس ... وعشان كدا انا فاهمة نظرة الخوف اللي في عنيه دلوقتي مهاب: في ايه ؟! يعني متجمعين " انت تقوم تلبس وتنزل المستشفي تكشف ، كنت سخن اوي امبارح ..." مهاب: وأنتِ عرفتي ازاي؟! " خمنت....هكون عرفت منين ...ماانا الليل كله معاك" - وانتِ تكون معايا الليل كله ليه؟! اقسم بالله لو الحركة دي اتكررت تاني يا بسنت لاكسر رقبتك....يالا انزلي " انت اللي قولتلي افضل معاك " - لو مين طلب منك ... وبعدين استخدمي عقلك شوية " انا معملتش حاجة غلط" - لا غلط ، وجودك الليل كله هنا معايا غلط ... حتي لو انا طلبت منك كدا .... انا برضوا انسان وممكن أصر علي حاجة وتكون غلط ...ومتثقيش فيا

اتجمعنا علي السفرة وحقيقي مش عايزة حاجة غير أن مهاب يمشي و اه انا باردة .... لما مش بكون متعودة علي حد بكون مش حابة وجوده....وانا معرفش عن مهاب غير اسمه حقيقي .... هو هادي كدا ليه ، حتي طريقة اكله هادية ... بالله لو شاف طريقتي في الاكل هيلبسني الطبق في وشي. ... ضحكت لمجرد اني اتخيلت اني حطيت وشه في طبق المكرونه ..... اوس: بتضحكي علي ايه ؟! انتبهت اني ضحكت بصوت عالي وأن مهاب قاعد قصادي بيبصلي باستغراب .... مني لله علي تفكيري ... " لا مفيش حاجة ... تسلم ايدك عن اذنكم ...انا هدخل اعمل الشاي " مهاب: هي كانت بتضحك على ايه ؟! - مؤكد كانت بتتنمر عليك في خيالها ...دي اكبر متنمرة دي علفكرة كنت لسه هتكلم بس سمعت صوت تكسير وصراخ في المطبخ ....دخلنا بسرعة وهي كانت واقفة حافية وازاز كتير علي الارض - أنتِ كويسة ؟؟ كنت مرعوبة أنه يدخل يتخانق معايا خصوصا أن اطباق وكوبايات كتير انكسرت.....بس اول حاجة قالها ' أنتِ كويسة ؟؟'....بالله لو ماما مكانه كانت فضحتني في المنطقة كلها اصلا - بسنت....انتِ حافية ليه ؟! خدي الشبشب بتاعي البسيه هو معقول مش هيتخانق معايا ولا يزعق ولا حتي يعمل حاجة .... وبعدين هو نظراته هادية كدا ليه ؟؟ - تعالي اطلعي وانا ههتم بكل حاجة " انا هنضفه.... - لا ... اطلعي أنتِ بس احسن تتعوري وانا ههتم بكل حاجة اوس : تعالي نقعد برا طلعت فعلا قعدت برا وهو لم كل الأزاز ورماه وعملنا شاي ومتكلمش في اي حاجة مهاب ' طول ما هي قاعدة بتبصيلي بنظرة غريبة ، كمان هي قلقانة ومتوترة كدا ليه !!! - هو أنتِ خايفة ليه ؟؟ أنتِ اتعورتي في الازاز؟؟ " لا انا كويسة ....بس مستغربة انك متخانقتش معايا ، عارف لو حد من عايلتي كان فتح راسي ...مش ببالغ والله" - ليه يعني ، الموضوع تافه ....بصي هقولك حاجة ، طول مالحاجة هتقدري تعوضيها أو تجيبلي بديل ليها يبقي متزعليش عليها ...ودي مجرد اطباق ، بكرا اشتري غيرهم ، المهم سلامتك عندي .... " بالله منطقك مريح ....وطريقة كلامك اصلا وتعاملك مع الأمور رايقة ....دا انت بتتعامل مع الارقام المفروض تكون مجنون" ضحك ' ليه يعني ....انا مدير حسابات وبنتعامل مع ارقام وفلوس كتيرة بس دا شغل عادي زي اي شغل....كمان انا خسرت اغلي ناس في حياتي .... فالدنيا كلها عندي ما تساوش حاجة اصلا ....مفيش عندي غير اوس وخالتي ربنا يباركلي فيهم اي دا وانا ؟!!!! هو انا مش مهمة عندك ...طيييييييب...ايوا مش بطيقك ومطلعة عينك بس مش مبرر برضوا - مالك ؟! " عايزة انزل أنام " - تمام تصحبي علي خير " فين اوس " - ليه ؟؟ ' هو هيبات معايا تحت" - لا طبعا " ايه ال لا طبعا دي ؟؟ اومال انا هبات لوحدي تحت ؟؟" - وأنتِ صغيرة؟!! " اه صغيرة " - بس انا مش شايف انك صغيرة ، يالا يابابا كدا انزلي شقتك ونامي " بالله بخاف أنام لوحدي " -شغلي قرآن " بطل غلاسة بقي نادي اوس ينزل معايا " - مش هناديه عيطت " والله العظيم هقول لماما عليك ... انا بخاف أنام لوحدي " - مش مشكلتي " طيب والله لاقول لماما " اوس: طيب ما أنزل معاها وهي هتنام في اوضة وانا في اوضة - لا يعني لا طيب والله يستاهل فتح راسه .... وبعدين أنام لوحدي في الشقة ازاي ....منه لله ....والله هرن علي ماما - حاضر يا ماما عشان خاطرك بس هوافق بس دا مش هيتكرر واخيرا اسمج خلق الله وافق اني اخوه ينزل معايا بعد عياط كتير ولولا رنيت علي ماما تكلمه...مش بطيقه " صباح الخير يا اوس بس " اه اوس بس ، عشان اللي زي مهاب دا لا ينفع معاه صباح ولا مسا ..... مهاب ' حاسس اني بتعامل مع عقل طفل عنده ٥ سنين حقيقي .... دخلت المطبخ وعملت الفطار وبتتجنب وجودي كالعادة ....' - أنتِ زعلانة مني ؟! " اه ومش طايقاك " - ليه يعني ؟؟" " عشان امبارح ضايقتني لحد ما عيطت " - بس أنتِ غلط ، وكمان في أمور الصح فيها اللي لازم يمشي حتي لو مين اعترض " انت ليه عنيد ؟؟" - مش عناد....بالعكس أنا أكتر حد مرن وسلس ممكن تتعاملي معاه بس في الدين لا ...الحرام حرام لو ايه ... وكمان لازم تعرفي أن اوس كبر و بقي راجل فعلا مش طفل صغير " بس بالنسبالي هيفضل طفل " - دي مشكلتك بقي ...بس انا مش هسمح بأمور غلط تحصل قدامي " أمور غلط ؟! انت بتفكر ازاي ؟؟ انت عبيط....اوس دا اخويا الصغير وحقيقي بعامله انه ابني اصلا " - بس هو مش ابنك ، هو ابن خالتك " زي اخويا " - بصي عندنا في ديننا المصطلحات بتاعتنا صريحة اوي ...لو انتوا الاتنين من نفس الاب أو نفس الام تبقوا اخوات ...لو راضعين مع بعض اخوات ....غير كدا فاكس....وحاجة كمان ...اوس يحللك مش محرم عليكِ ...صح ولا غلط ؟! " طيب امشي من وشي بدل ما افتح راسك " - انا قدامك اهو اعملي اللي عايزاه " يا مستفزززززز" سبته ومشيت التنح المستفز دا ....الفكرة أنه صح ...يالله. ..... ----- اوس : يالله واخيرا صمدنا شهر كامل.... انا بنتظر اليوم بفارغ الصبر " وانا اكتر منك ، يلا نطلع علي السطح بسرعة "

- مهاب هيرجع ويقعد معايا فترة أطول " اصلا مش بطيق اخوك " - ليه بقي ؟! وبعدين أنتِ ليه رفضتي اخويا ، انتِ تطولي اصلا " نعم يااخويا ، لا يا حبيب انا .... - الف واحد يتمناك.... نفس الاسطوانه " ولا .... امشي من وشي وانت رخم زي اخوك " - هزعلك ...كله الا اخويا " طيب روح لاخوك بقي خليه ينفعك " - وماله ...هو انا ليا غير اخويا الواد دا قليل اصل ....تربيتي فعلا ، الحقيقة أنا بشوف أوس ، اخويا الصغير وابني وبحبه اوي ...وهو واخد كتير من اخوه ، نفس الشكل والملامح وحبهم للأرقام والهدوء بس برضوا عنيد ولسانه طويل ومشاغب زيي ...ربنا يحميه مش ممل زي اخوه عفاف : حمد لله على السلامه يا قلب امك ماما عملت وليمة لاستقباله كالعادة .... وهو بيقول لماما ياماما برضوا ، هي ماما حنينه اوي عليه وهو برضوا حنين وطيب....بس برضوا مش بحبه " ياماما بقي ...انا بالله عايزة أنام " - اطلعي اقعدي مع مهاب وانا مالي بيه طيب ، هو واحد هيقعد مع خالته... وبعدين ما يطلع يقعد في شقته فوق ... .. - اخبارك ايه ؟؟ " كويسة الحمد لله ، واخبار حضرتك ؟؟" - في نعمة الحمد لله ودي بس المحادثة بينا ، مسكت التليفون العب فيه وهو كان بيتكلم مع اخوه وبعدها طلعوا الشقة بتاعتهم ، ماما مش بتسمح أنهم ياكلوا فوق ، لازم ينزلوا يفطروا وياكلوا معانا ... بابا فين من دا كله ؟؟ بابا عايش برا مصر ومش عايز يرجع ويستقر هناك ومرتاح وحقيقي انا مش عارفة هو بيفكر ازاي ، هو مرتاح جدا جدا ماديا ومش محتاج فلوس تاني ليه مصر يتغرب....انا كبرت وانا معرفش شكل بابا ...انا ممكن اعد عدد المرات اللي شوفت فيها بابا اصلا .... مفيش بينا حوار حتي ....انا اوقات كتير بنسي أنه موجود اصلا وهو محاولش حتي يهتم بالعلاقة بينا ... " ياماما أنتِ بتهزري صح ... بالله بقي " - دول ٣ ايام بس " ياماما بقي ...طيب هاجي معاكِ " - يا بسنت انا رايحة احضر عزا جوز عمتك ، مش فسحة ، وبعدين عمتك محتاجني جنبها وابوك طلب اروح اقعد معاها واعمل الواجب " ما ينزل من السفر ويروح هو " - بسسنت " يوه بقي " انا رغم كل خلافي مع ماما بس مش بعرف اقعد في مكان من غيرها مهاب : أنتِ كويسة ؟! " اه " الحقيقة مكنتش عايزة اشوفه حتي ...هو اصلا نزل عشان يطمن عليا بعد ما وصل ماما ....بالله هنام في الشقة لوحدي ازاي اوس : أنتِ نايمة يعني ؟!أنتِ بتعيطي ؟! " عشان مش عايزة اقعد لوحدي" اوس: ماانا موجود اهو ...تعالي اقعدي فوق عندنا " لا مش عايزة اشوف اخوك " اوس : انا هكون موجود برضوا معاكِ ، ويا ستي هو هيكون في اوضته " طيب انا هلبس إسدال وهرن عليك تنزل عشان نطلع مع بعض " - ماشي والله ما في حد حبيبي قد اوس اصلا ..... - يعني اتاخرت ؟! اوس : أصلها كانت في الاوضة نايمة ، بس هي هتطلع بعد شوية - دقيقة ...انت بتدخل اوضتها ؟؟ " وفيها ايه ؟! احنا في أي مكان مع بعض " - طيب بص ، نتكلم مع بعض شوية ودا كلام بينا احنا بس .... انت دلوقتي خلاص كبرت وعندك ١٣ سنة وبقيت راجل ...فلازم نعرف أمور ديننا كويس في التعامل مع اي واحدة غريبة عنك .... بسنت بنت خالتك مش اختك ، انا متفهم أنها هي اللي ربتك يعتبر وأنها علطول قدام عينك والعلاقة بينكم قوية اوي. ...وانك شايفها اختك بس....في الدين بتاعنا هي غريبة عنك وينفع في يوم تتجوزها " بس انا مش هتجوزها عشان انت بتحبها " ضحكت ' مين قالك كدا ؟؟ وبعدين يا سيدي نرجع لموضوعنا..... يبقي من النهاردة ممنوع تدخل اوضة نوم اي بنت ...وخصوصا بسنت ...لازم بسنت تطلع قدامك بنفس اللبس اللي بتطلع بيه قدامي....لازم تفهم انك كبرت ...تمام ؟؟ " بس .... - انا عارف اني بطلب منك حاجات كتير وفاهم دا ....انا مش بطلب منك تقطع علاقتك بيها ...بس نحترم خصوصيتها و ديننا برضوا.... وكمان برضوا يكون عندك علم ...انا هسيبك تتعامل معاها وتهزر براحتك بس بعدين هخلي الكلام بينكم بحدود....انا اي حاجة هتهاون فيها بس الا أمور دينك ... انا عايز راجل يكون عارف الحلال من الحرام ويتقي ربنا .... ويكون قوي عشان يسند نفسه .... انت هتخالف هواك ورغبتك ...ودا صعب علي طفل في سنك بس مع الوقت هتكون مجبر علي كدا .... فاهمني يا أوس ؟؟' " فاهم ...بس ممكن اكلمها براحتي ، انا مش هدخل اوضتها تاني بس تفضل صحبتي ونتكلم براحتنا....طيب عندي حل ...اتجوزها وكدا بقيت هي مرات اخويا واختي واكلمها براحتي" - لا والله ؟؟ " صدقني دا افضل حل ... .. هي بسنت بترن هنزل اجيبها واجي " دقايق وكانت موجودة ... لسه زي ما هي بس طبعا كبرت بس عنادها هو هو ...ولسه عايزة تكسير رأسها برضوا ... كانت بتتكلم مع اوس بس ...ومفكرتش حتي تكلمني ... - الاكل يا أوس .... " هو اخوك عامل ايه اكل ؟؟" اوس : مكرونة بالصلصه وجنبها كبدة " اوه اكلتي المفضله بس مش هعرف اكل قدام اخوك ...ما تخليه يمشي" اوس : نعم ؟؟؟؟؟ " اششش هتفضحنا " - هو في حاجة ولا ايه ؟؟ ابتسمت" لا مفيش "

" ياماما جواز ايه ، انا لسه في ثانوية ، أنتِ بتهزري صح ؟؟" - دا كتب كتاب مش جواز وبعد كام سنة اتجوزوا براحتكم " لا طبعا مش موافقة" اتعصبت ' يعني ايه مش موافقة' " يعني مش موافقة ياماما ، وبعدين مهاب طول عمره اخويا وبس " - من صغرك وأنتِ عارفة انك لمهاب ، ودي أمنية خالتك الله يرحمها " لا والله ....ماما دا كان هزار ، انا مش هتجوز في السن دا وكمان مش هتجوز مهاب " - طيب اسمعيها مني كلمة ، لو مش هتوافقي علي كتب الكتاب مفيش تعليم " دا ازاي بقي إن شاء الله" - زي ما سمعتِ كدا يا قلب امك " علفكرة الجواز مش بالاجبار " - والله كلنا اتجوزنا كدا ، زمان الواحدة أهلها كانوا بس يقولوا الحاجة تتنفذ علطول من غير نقاش ومناهدة " بس دا غلط اصلا " بكره الاستغلال ....وماما مش بتتقبل كلمة لا أو الرفض نهائي ودا سبب الخلافات بينا .... ماما شايفة اني واحدة مش متربية وهي عندها حق اوقات مش هنكر يعني ، بس برضوا في فرق بين بر الوالدين وبين السلبية ، اهلي ملهمش الحق في إجباري في أي شي سواء تعليم أو جواز أو اي شي حتي الكل ، قال شيخ الإسلام ابن تيمية: ليس للأبوين إلزام الولد بنكاح من لا يريد، فلا يكون عاقاً كأكل ما لا يريد، أي أكله. انتهى....فإذا كان يلزمه طاعتهما في أكل ما لا يريد وهو مرارة ساعة، فكيف بمرارة سنوات من علم لا يحبه ولا يرغب فيه .... وانا عشان عنيدة اصريت علي قراري برضوا ومش هتجوز ، وبعدين مهاب ابن خالتي وبس ، هو اصلا علاقتي بيه مش موجودة ومعرفش عنه حاجة غير انهم عايشين في محافظة تانية ولسه ناقلين من شهر بعد وفاة خالتي ، ازاي بقي اتجوزه ....ايه الهم دا بقي !!!!! - ممكن ادخل؟ طبعا الاخ مهاب داخل يقنعني ، اقسم بالله لافتح دماغه ...الصبر بس - هو انا حابب اتكلم معاكِ ....بكرا كتب كتابنا وانا عارف طبيعة خالتي وعارف أنها ممكن تكون اجبرتك ، بس انا جاي اقولك حاجة واحدة بس ....لو مش موافقة هلغي الموضوع كله.... " بجد ؟؟" - اه ...هلغي الموضوع كله ، انا عارف ان خالتي غصب عنها خايفة عليكِ لانك بنت وحيدة ، بس انا وعد مني ليكِ هكون مسؤول عنك حتي لو رفضت الجواز مني ....وهفضل مسؤول عنك لحد ما اسلمك بنفسي لشخص كويس وتكوني موافقة عليه ويقدرك " يعني ..... - يعني سواء وافقتي عليا أو رفضتي انا هكون مسؤول عنك مهما حصل اترددت كتير اوافق ولا لا .... بكرا لو وافقت هكون مراته وهو هيسافر برا مصر يكون حياته .... وبعد سنين لما يرجع هنتجوز ...بس انا مش مرتاحة ...مهاب كويس اوي بس بجد مش مرتاحة .... - بسنت ... " انا ...... انا مش موافقة" ------------ " منها لله الكلية علي القرف اللي انا فيه دلوقتي " - في ايه علي الصبح ؟؟ " اعيط يا ماما يعني ، الناس كلها مبسوطة بالاجازة بتاعتها الا انا قاعدة ادخل كورسات وقرف" - متنسيش أن علمك دا احتسبيه بنية إزالة الجهل عن نفسك ونفع غيرك من المسلمين و استغلال وقتك وعبادة لله.....وكدا شوفي أنتِ كسبانة قد ايه؟؟ " ياماما عايزة أنام براحتي بجد ....برضوا منها لله كلية تربية " - تصدقي فرحانة فيكِ ، لو كنتِ وافقتي كان زمانك متجوزة من ٥ سنين ، مهاب مفهوش غلطة " هو انا كل ما اعمل حاجة تحكيلي نفس الحوار ، ياماما مش هنقفل الموضوع دا " -لا " طيب اروح انام بقي " مش بطيق الكلية ولا التعليم ولا الناس ولا نفسي حتي. .... ولا مهاب ابن خالتي ... - يعني اتاخرتي؟! " اوس... بالله طلع عيني وهموت وانام " اوس اخو مهاب الصغير الفرق بينهم كبير ، اوس عنده ١٣ سنة ، لما مهاب سافر سابه معانا عشان يتربي وسطينا ، كمان مهاب باباه متوفي من صغره ، وعشان كدا ماما أصرت ان اوس هي اللي هتربيه .... مهاب روحه في اخوه بيحبه بشكل غريب وبينزل عشانه كل سنة مرتين وكمان بيكلمه يوميا .... رغم أن فرق السن بينهم ١٤ سنة بس بحسهم أصحاب اوي ...ربنا يبارك فيهم ... رغم كدا بقي لسه مفيش علاقة ولا كلام بيني وبين مهاب ، هو لسه عند وعده فعلا ولو احتجت حاجة هو بيهتم بيها ، لسه فاكرة أنه اتقبل رفضي بنظرة هادية وابتسامة بسيطة وهو اللي خلي ماما تهدأ وتتقبل رفضي رغم أنها كانت هتولع فيا اصلا ..... هو كمان متحمل المسؤولية وبيكلم ماما كل يوم وبيحبها اوي وهي برضوا الحقيقة اكتر مني .... أما انا بحب اوس.... أوس دا هدية ربنا ليا اقسم بالله ، اخويا وصحبي وكل حاجة حلوة في حياتي ... -عندي ليك خبر بمليون جنيه " ايه ؟! لقيت طعم الشيبسي اللي بندور عليه ؟!" - لا " ماما وافقت نشتري اسكيت؟!" - برضوا لا " ماما عملت مكرونة بشاميل أو ورق عنب ؟؟" - هي عملت كدا فعلا بس مش دا برضوا " يابا ما تقول متصدعنيش "