خلود ناجي ❤️" القناة الأساسية "

حمزة ' اكتر واحدة مجنونة في حياتي وبتعمل مشاكل وتتخانق معايا ....بس هي اكتر واحدة حنينة وانا محتاجاها في حياتي ....عرفت دا لما غمضت عنيا وشوفتها في منامي وهي بتتخانق معايا عشان اصحي وبعدها بتضحك .....وقتها اتمنيت فعلا تفضل موجودة قدامي ووقتها قررت اني هختارها تكمل معايا في حياتي .... اتعصبت" حمزة عندي سؤال قدام بدر وادم اهو " ابتسمت ' خير ؟!' "ليه ولا مرة حضنك بيضمني ؟؟" ادم : والله احنا ربيناها كويس ...مراتك قلة ادبها دي اجتهاد شخصي ضحكت ' عايزة ايه يعني دلوقتي ؟؟" ضحكت " ولا حاجة..... انت اصلا بالنسبالي ولا حاجة.....مجرد جوزي بس " _ وانت بالنسبالي كل حاجة ....يا مسك ‏"ولهُ في القلبِ مالا يجوزُ لغيرهِ وفي النبضِ نبضٌ على سواه محرّمُ!"♥️ #صغيرتي #خلود ناجي ♥️ بعد اذنكم بقي اراء حلوة عشان أنا عايزة كدا 🤭♥️

_ أنتِ عارفة انا منتظرة قد ايه عشان حمزة يكون الحاكم.... ياريتني قتلتلك وقتها وانت طفلة " انت مفكرة اني هعيط وهخاف منك ....أنتِ اللي خايفة مني ... ووجودي هنا مخوفكم كلكم ، وعارفين اني لو قربت من حمزة كل دا هينتهي وهنرجع انا وهو .... انتِ اكتر واحدة عارفة وجودي هيأثر عليكم ازاي " اتوترت ' انتِ مجرد بت ضعيفة هتقعد تعيط كعادتها ' " يبقي متعرفيش مين انا ... " هنية ' لما البنت دي اتولدت اتأمرنا بقتلها ومحدش فينا كان عارف ليه ....بس دلوقتي عرفت ، الهالة اللي حواليها دي ، والقوة و الثبات اللي بتتكلم بيه دا مخيف.... نظراتها وقوتها حتي مشيتها وهي بتتحرك بتقول انها فعلا قادرة ترجع حمزة ...حمزة لازم يكون الحاكم ....متبقي بس ٥ دقايق والطقوس هتكتمل والكاهن هو متابع وبيقول التراتيل ....كل حاجة كانت ماشية تمام بس الكاهن خاف لما هي بدأت تقرأ قرآن..... بدأت تقرأ آية الكرسي .... ووقتها كان لازم ننهي حياتها والا كل السنين دي وتعبي هيكون راح هدر ' اتخضيت لما ملامح هنية تحولت جامد وبدأت تتكلم وتقول حاجات غريبة ووقتها كانت في حاجات كتير حواليا .....حسيت اني في أيدينا حواليا بتخنقني .... وايد تانية بتحاول تسحبني لورا " حمزة " وقتها عرفت أن السحر دا والأرواح قوة كبير مش سهلة، لمستهم علي جسمي خلتني أضعف واحس بالبرد بس لازم حمزة يفوق .... قربت منه اكتر والمرادي لمست أيده وهو فتح عينيه وخوفت منه اكتر ..... " حمزة ..... بالله فوق ، انت بتعمل كدا ليه ، لازم نرجع مع بعض ، انت مينفعش تفضل هنا ، دا عالم كله وحش ومؤذي واخرته وحشة اوي .....حمزة احنا عباد لله ....هدفنا بس عبادة الله ....حمزة .... انا ... مقدرتش اكمل كلامي لما حسيت بلمسة هنية وايدها علي راسي ووقتها قالت حاجة معينة..... ومش فاكرة اي حاجة بعدها..... هنية : لازم اموتك....... حمزة ' فتحت عنيا بس هنية ماسكة ايد بنت وبتجرها من عالارض .....ليه بتقرب ناحية النار ...... مين البنت دي ..... .... " حمزة " انتبهت لصوت البنت .... الصوت دا مش غريب عليا .... ليه بتبكي البنت دي ....وايه الدم والجروح اللي علي جسمها دي كلها وقتها وقفت والكاهن وهنية اتعصبوا جامد ....انا عارف اني المفروض اكمل الطقوس بس في حاجة مانعاني انا حاسس اني في شي بيجمعني بالبنت دي ... قربت منها اكتر وانا قلبي بيهدأ كل مااقرب ....وجوايا سؤال واحد ، ليه قلبي وجعاني لبكاؤها دا .؟؟!!؟..... مين البنت دي ؟؟ هنية بشر : يعني ايييه حمزة كسر المثلت ..... ليه فاق دلوقتي ......معني كدا هنتظر ٢٠ سنة تاني ....... انا هقتلها هي السبب في كل حاجة.... البنت وقفت وجريت ناحيتي مرة واحدة رغم أنها مش قادرة تقف ....بس بتنادي علي اسمي وبتبكي ..... وهنية واقفة وراها وبس بتقول شي معين انا عارفاه....هي عايزة تقتلها ليه ؟؟؟؟ ليه كل الأرواح دي عايزة تقتل البنت دي .... ليه البنت دي حواليها هالة كبيرة اوي كدا ....ليه بتجري ناحيتي انتي وبتبكي كدا ؟!!!!! " حمزززة .... لازم نرجع مع بعض " رغم اني مش عارف مين هي بس متحملتش أن هنية تأذيها ....وعكست تأثير اللعنة علي هنية.....هنية ماتت قدامي بس مفرقش معايا غير ..... مين البنت دي ؟؟ " يلا نمشي ، عمو رشاد منتظرنا " مسكت ايدي جامد وسندت عليا وقالت كدا ودموعها نزلت وبعدها أغمي عليها بس قبلها قالت جملة واحدة ..... " انا واثق أنك حمزة اللي انا عرفته.....دي عيونك ونظرتك اللي اتعودت عليها .... مستر حمزة اللي انا بس اعرفه " -------- " والله العظيم لو شوفته هفتح رأسه" فايزة: يا بنتي كفاية خناق دا بكرا كتب كتابكم ارحميني بقي عفاف: دول من قبل ما يتجوزوا وبيتخانقوا كدا مش عارفة بجد هيكملوا ازاي " البيه شرف .... انا مش هتجوزك " _ تمام ماشي " ومش عايزاك" _ وماله...هو أنتِ عايزة الورد لونه ايه ؟! " احمر.....بس برضوا مش هتجوزك " _ وماله يا ستي ولا أنا عايز اتجوزك " طبعا ... البيه قعد ٨ شهور مش فاكراني جاله فقدان ذاكرة.... " _ هو أنتِ كل خناقة تقولي نفس الجملة....ماانا نسيت كل حاجة ...يا ستي انا كنت مسحور مش مطنشك " ولو برضوا تتذكرني..... بقولك ايه انا مش طايقاك " _ طيب قوليلي قبلها اختار اي لون للبليزر ..... " ازرق قولتلك .... حلو عليك " مسك ' الحياة غريبة اوي وتخوف بس لطف الله دايما حوالينا ....الحمد لله اننا عباد لله .... انا دماغي اوقات كتير. مش بتستوعب اللي مرينا ليه .... بس الحمد لله ان لطف الله كان دايما محيط بينا....حمزة قعد ٨ شهور وانا اخدت فترة عشان اتعالج بس الحمد لله بقيت بخير .... مش عارفة بجد ازاي بكرا هكون مرات حمزة ...انا طلعت بحبه بجد..... وطلعت انا الشخص المناسب يا جدعان "

ووقتها انا طمنته انك فعلا قادرة تقفي في وشهم لأنك بتعرفي الله وقلبك صافي فعلا .... وانك محصنة بالله ودايما بتذكري الله وأنك مش ضعيفة....بس من وقت ما دخلتي بيت هنية والهالة اللي كانت حواليك ونورها بدأ يقل ويختفي ..... الحصن اللي كان بيحميكِ بدأ يضعف ووقتها عرفت انك مؤكد بطلتي تصلي الفجر ...هي كانت اقوي حصن ليكِ .... والاذكار كمان كانت الحصن التاني ....انما الذنوب دي كانت بتضعفك ودا كان تأثير هنية عليكِ ..... حمزة كان خايف عليكِ عشان كدا كان دايما جنبك وكان عايز يطلعك من البيت دا بكل طاقته بس هنية مكنتش هتوافق ....هنية عايزة حمزة يرجع .... وحمزة لو رجع ليهم تاني خلاص كدا حمزة بقي الساحر والحاكم ووقتها مش هيعرف هو نفسه يسيطر علي الشر اللي جواه ...... لما سيطروا عليكِ عشان تاذي نفسك وقتها عملوا نفس الشي اللي عملوه مع اخوه قبل كدا بس المرادي كان تهديد .... وهو استجاب ليهم ...معرفش هو فين ، بس انا واثق أن حمزة قرر يرجع عشان هما هدوده بكل أهله...... وهنية صبرها نفذ ...خصوصا أن بكرا ليلة التتويج ...بكرا لازم حمزة يكون الحاكم....عشان القمر بكرا هيكون كامل.... عارفة ليه بقولك دا كله ؟؟ معرفتش ارد ، بس كنت ساكتة ومنتظرة يكمل.... عقلي مش متقبل كل الكلام دا .... ومين حمزة اللي بيتكلم عنه دا.!!! _ قولتلك كل دا عشان تعرفي انك وحدك اللي تقدري تساعدي حمزة بس ..... " بس ؟؟" _ لو قررتي تعمل دا اعرفي انك مستحيل ترجعي تاني .... هما مش هيسيبوكِ تساعدي حمزة ....وحمزة نفسه مش هيوافق أنك اصلا تقربي من العالم دا " طيب .... حمزة هيحصل معاه ايه ؟!" _ خلاص ... مش هيكون فيه حمزة تاني ... يعني ايه الكلام دا ؟! ، بجد يعني ايه مش هيكون موجود تاني _ انا هرجع لبيتي وانا كدا وصلتك الرسالة وأنتِ قراري ، بس انا مش بضغط عليك ، انا ابني استودعته عند ربنا خلاص وواثق أن ربنا مش هيوجعني وهينجيه من الطريق دا ومن كل الشر دا ....انما أنتِ يا بنتي مش مجبرة خالص انك تعملي اي حاجة ..... سابني ومشي .... وفضلت قاعدة لوحدي ، كنت دايما بسمع جملة أن الدنيا ضاقت عليا ومش قادر اتنفس....بس اول مرة احس اني فعلا مش قادرة اتنفس ، ولا حتي اعيط ، قررت ارجع عند ماما فايزة ....هي الوحيدة اللي هلاقي عندها حل لكل دا ....هي الوحيدة اللي هتفهم خوفي ... _ نايمة ولا ؟! " صاحية يا ماما فايزة" _ قررتي ايه ؟! " انا عايزة حمزة يكون بخير " _ بس .... " عارفة هتقولي ايه ، بس عارفة يا ماما فايزة انا فعلا قلبي بيوجعني لفكرة اني حمزة مش هشوفه تاني ....وعارفة دا جو تضحيات وشجاعة بس انا عايزة حمزة ... وواثقة أن طول ما ربنا معانا ، مفيش اي حاجة هتاذينا .... وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ ، وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ ، ........ وبعدين اصلا دي في الاول والاخر دنيا.... شي زائل يا ماما فايزة ..... " _ انا معاكِ مهما كان قرارك ، وربنا هينصركم ....بس أنتِ دلوقتي هتعملي ايه ؟! " هروح لعمو رشاد ...... هو اللي عارف مكان حمزة ، لو ربنا أراد وبقيت بخير هرجع اعيش معاك هنا ....انتِ اهلي يا ماما فايزة ....انا راحتي هنا بينكم --------- رشاد: دا المكان ....اذكري الله دايما ، خليكِ واثقة ايمانك بالله هو بس اللي هينجيكِ .... انا هنتظركم انتوا الاتنين دخلت المكان .... والحقيقة دا مكان يخوف اوي ، بارد جدا وزي الكهف ، قلبي مش مرتاح ، مع كل خطوة وانا رعبي بيزيد ، في حشرات كتير وحاجات كتير حواليا ، اصوات غريبة ومخيفة..... انا عايزة ارجع هنية بصدمة : بتعملي ايه هنا ؟! " انا عايزة حمزة " ضحكت ' ببساطة كدا ' عيطت من الخوف " هو فين حمزة ؟؟" ' قدامك اهو ' اتخضيت اوي لما شوفته .... مين دا وليه في حاجات كتير وعلامات علي جسمه ....قربت منه بس حسيت بحاجة بتمسكني جامد _ أنتِ حفيدتي ورغم كدا طاقتك غريبة اوي ، طاقتك مش شبهي ، بس مش همنعك انك تحضري تتويج حمزة الحاكم ، وبعدها ممكن نقدمك قربان للحاكم .... ", انا مش عايزة غير حمزة .... " اول حاجة بلاش اركز في عنيهم ، والأهم اكون واثقة اني انا اقوي منهم ....هما بيتغذوا علي ضعفي وخوفي .... _ نظرات الخوف دي مسلية اوي اوي " انا مش خايفة منك " _ متأكدة ؟! اتخضيت وصرخت من الخوف لما لقيت افاعي وخفافيش كتير حواليا ... كنت سامعة صوتها وهي بتضحك ، هو ليه حمزة قاعد مغمض عنيه .... انا عارفة وواثقة أن خوفي هو هيخليني طعم ليهم .... انا مش هستسلم نهائي ،..... عمي قالي اني لازم حمزة يفوق.....ولازم اقرا قرآن جنبه بصوت عالي ....

الجزء الاخير 💚 بدر : كويسة دلوقتي ؟! " اه الحمد لله" لحد دلوقتي مش فاكرة ازاي جرحت ايدي بالشكل دا وليه تعبانة كدا ، محدش حكالي حاجة الكل ساكت وخايف ، مفيش غير حاجة واحدة بس فاكرها وهي ملامح حمزة وليه كنت قريبة منه كدا ...... " هي فين تيتة هنية ؟!" جمال : ليه ؟! " مش عارفة ، انا حلمت بيها ....مش فاكرة حلمت بايه بس هي اخر حاجة فاكرة اني شوفتها وقتها قالتلي حاجة في ودني ومش فاكرة ايه اللي حصل بعدها" الكل بص لبعض وسكتوا....بس بعدها الكل طلع برا الأوضة ، ودخل شخص كبير في السن اول مرة اشوفه .... قرب مني وقعد قصادي _ أنتِ متعرفيش انا مين ....بس انا اكتر واحد عارفاك ...انا ابو حمزة ، وانا الشخص اللي كان عارف طريقك وبيحميك السنين اللي فاتت دي كلها ....انا اللي خليت كمال يوديك ميتم ويقنع امك أنها تهربك بدل ما تموتك " تموتني ؟؟" _ الاول لازم تعرفي حاجات كتير ....جدتك هنية ابوها كان اكتر واحد معروف بشره وأنه ساحر ، ولما ابويا اتولد وقتها كان برضوا ساحر بس بعد ما اتجوز وخلفني انا واخويا صفوت وقرر يسبب الطريق دا ...واحنا اتربينا علي كتاب الله وبموت جدنا فكرنا خلاص مفيش خطر تاني علي عايلتنا ، بس جدتك هنية قررت انها مش هتسكت خصوصا أن وقتها بولادة حمزة عرفنا أنه هو الساحر اللي منتظرينه .... حمزة كان عنده طاقة غريبة محيطة بيه وعنده قدرة أنه يخلي الكل يطيعه ويسمع كلامه ... نظرات عنيه كانت بتقدر تقنع اللي قدامه ، ووقتها اللي عرفت دا جدتك هنية وعرفت أنه الشخص اللي هيقدر يرجع رهبة السحرة ....ومن وقتها وبدأت مشاكل كبيرة في القرية .... هنية واهلك كانوا عايزين يرجعوا للسحر واحنا قررنا اننا مش هنرجعله دا السبب الحقيقي انما الظاهر عبارة عن مشاكل في الأرض والسلطة.... محدش يعرف أن جدتك هنية ساحرة دلوقتي غيري انا وابوك وحمزة وأنتِ بس . .. محدش يعرف حاجة تاني .... رغم أن حمزة كان طفل صغير بس عرفنا أن قوته وشره هيكونوا اقوي من جده ووقتها دورنا كتير علي حلول عشان نمنع السحرة ياخدوه مننا....مكنش فيه غير حل واحد وهو أنتِ..... قالوا وقتها أني من نفس دم العايلة هتتولد بنت ....نفس الشر اللي ملئ قلب حمزة هيكون في بنت هتعرف تخلصه من كل الحقد والشر دا .... ووقتها كانوا سؤالي حمزة مجرد طفل ليه قلبه يكون فيه شر ....بس لما بدا يكبر عرفنا أن السحر متمكن فيه وأنه بينتقم بس مش بيسامح حد ... وعشان كدا انا كنت منتظر ولادتك وهنية عرفت انك نجاة حمزة من العالم دا ....فهي قالت كلام غريب وانك هتكون سبب الدم بين العايلتين تاني وخدعت الكل عشان لما تتولدي هي هتقتلك بنفسها .... بس عفاف وقتها قررت تهربك ودا فشل كل مخططات هنية ....بس كان مريحها اني حمزة ميعرفش طريقك ولا اي حد غيرها وكمان حمزة كان خلاص اتمكن من كل انواع السحر والكل عارف أنه الساحر المنتظر وأنه هو الحاكم بتاعهم .... وفعلا خلاص حمزة انا وأمه وعمه كانوا واثقين اننا خسرناه خلاص وانا قعدت ١٠ سنين معرفش عنه حاجة بس ..... حمزة رجع تاني البيت ، وقتها قرر أنه هيبعد عن العالم دا ، والكل فرح بس انا كنت واثق أنهم مش هيسكتوا وكون أن حمزة يتخلي عنهم دا مش سهل ...وهما هيرجعوا حمزة بكل الطرق ، وفعلا طلع كلامي حصل .... سحروا ابني الكبير وخلوه قتل نفسه قدام حمزة ....موت نفسه قدامنا كلنا..... ام حمزة دخلت في صدمة وبعدها اتوفت .... حمزة وقتها ساب البيت ومكنتش عارف اعمل ايه ، بس ربنا كبير وعادل وانا دخلت الحرب دي معاهم وانا كلي يقين في الله أن ربنا هيبعد ابني عن الطريق دا وهينصره عليهم .... والحمد لله رغم كل اللي حصل وأحوال البيت اللي اتدهورت بموت اخويا ....بس حمزة وقف علي رجله من تاني لوحده .... كان واقف في وش الكل .... انا عارف أنه قعد سنة مش بينام عشان الأرواح كانت حواليه ....كان بيصرخ من الألم اوقات بس وقتها هو قالي ....اني انا قررت اني هتوب لله ، أنه عبد لله ومش هيعصي الله ويخسر دينه واخرته بسببهم ....وانا فرحت اني ربنا اخيرا استجاب دعاي ...بس هنية مكنتش ساكتة ...هنية ساحرة قوية ...مفيش حد بيعرف يسيطر علي حمزة بس هي بالتعاويذ اللي بتقوله قادرة تتعبه جامد .... وقتها انا كنت خايف عليه ....وقررت انك لازم تدخل حياة ابني ... وخليته يعيش في الدار عندك ...حمزة قالي أنه عارف ينام كويس وأنه قلبه مرتاح ....وأنه بفضل الله مرتاح وحاسس بصفاء قلبه .... وانا وقتها اتاكدت انك فعلا نجاة حمزة من العالم دا ....بس خوفت عليكِ ....عشان لو أنتِ نجاة حمزة فمعناها أنهم هيحاولوا يتخلصوا منك بكل الطرق ، بس تعرفي حاجة ....أنتِ جواك نور غريب وطاقة غريبة بتحميكِ ....حمزة قالي أنه بوجودك دايما هو مرتاح ....أن صوتك قادر يشد انتباه مهما كان سرحان أو حتي نايم.... أنتِ الوحيدة اللي بتعرفي ترجعي حمزة من التوهان اللي هو فيه....... وحمزة عرف كل حاجة لما اهلك خطفوك من الدار وقتها هو عرف كل حاجة ...... وعرف كمان أنهم هيبداوا يستغلوكِ عشان يضغطوا عليه ....

" أنتِ فاكرة اني بتهدد.... تفتكري واحد زيي هيخاف منكم ، لو ناسية انا مين احب افكرك يا هنية.... واللي بتاخدي منه الأوامر دلوقتي ، اسمي كفيل يخوفه ويخليه يعرف حدوده " _ كلنا عارفين انت مين .... بس واضح انك انت اللي نسيت....ليه اتخليت عن دا كله لمجرد حاجات تافهة ..... انت ملكت كل حاجة ...كل حاجة " دا قراري وبعدين انتوا نسيتوا أن ربنا موجود وكل دا حرام و.... _ تاني نفس الكلام " تاني وتالت ومليون كمان ..... انا مش هرجع يا هنية" _ يبقي هننفذ بقي ....ومترجعش تندم وتبكي لما تلاقيها ميتة قدام عينيك زي اخوك كدا " مش هتقدروا تلمسوا منها شعرة.....انا مستعدة اهد عالمكم دا كله وانت عارفة كويس انا مين واقدر اعمل ايه...... والأهم من دا كله .... لو فكرتي تسحري مسك تاني او تقولي اي تعويذة وقتها هتزعلي جامد..... أنتِ عارفة اني .... زعلي وحش وأنتِ جربتيه قبل كدا " _ هتندم جامد يا حمزة .... مش عايز ارجع .....انا لازم ابعد ....انا مش عارف اتحكم في نفسي ....انا قلبي قدرت اصفي كل الحقد والسواد دا بصعوبة ....ومسك دلوقتي ورقة رابحة بين أيديهم ... انا خايف ارجع ولو رجعت ليهم تاني يبقي خلاص ....دي النهاية هنية ' نظرة عينيك والحقد اللي كان جواهم دول هما المفتاح يا حمزة .... مسك هي اللي هتخليك ترجع لينا تاني ....وانا مش هسيب الفرصة دي تضيع مني .... انت حمزة ....اقوي واحد فينا ....انت شيطان بجد ياحمزة ومستحيل اسمح انك تنسي الحقيقة دي .... _-------- " ماما فايزة اخبارك ايه وحشتيني....عايزة احكيلك حاجات كتيرة اوي ....انا بس بقيت اكلمك ساعتين بس في اليوم ....تعرفي امبارح أغمي عليا" _ ليه ايه اللي حصل ؟! أنتِ تعبانة اجيلك طيب ؟! " لا كويسة بس مش عارفة حصل ايه ....بس تعرفي من امبارح وحاسة بسخونة رهيبة ...تعرفي العلامة اللي في ضهري اللي علي شكل مثلت دي من امبارح وهي بتوجعني اوي وحاسة أنها بتطلع سخونة....مش عارفة انام بسببها " _ ادخلي خدي دش وشوفي مرهم وانا هخلص اللي معايا وهكلمك حمزة : زي ما اتوقعت صح ؟! _ انت عرفت منين انها بتشتكي من ضهرها " انا امبارح كنت موجود لما أغمي عليها عشان كدا رنيت عليكِ تتاكدي أنها بخير " _ بس برضوا عرفت منين بالعلامة اللي في ضهرها وأنها دلوقتي بتوجعها وخصوصا انها في نص ضهرها " ....هو .... معايا مكالمة ضروري ارد عليها بعد اذنك " لو عرفت اني اصلا شوفتها العلامة دي احتمال تحصل مشكلة كبيرة ....بس دلوقتي لازم اعمل اي حاجة عشان وجعها دا يخف....مؤكد هنية هتعمل حاجة تستفزني بيها وأنها تخليني اروح ازورها النهاردة مؤكد لسبب معين.... هنية : انا بس قولت اعتذرلك عن امبارح " هنية.... ايه السبب الحقيقي لوجودي هنا " هنية : انا قولت اكسب مودتك مش عايزة نتخانق علي حاجة تافهة ... " هنية.... هعمل نفسي مصدق.... العلبة دي فيها سائل اديه لمسك تحطله علي العلامة اللي في ضهرها" _ تمام هدوء هنية مش مريح .... وقلبي بيقولي في حاجة غريبة ....بس مسك نزلت وأكلنا مع بعض وكانت كويسة....كل حاجة كويسة...... بس ..... سما برعب : مسك أنتِ بتعملي ايه ؟؟ عفاف : مسك سيبي السكينة حمزة كنت واقف مصدوم ، نظرات عنيها بتقول انها مسحورة دلوقتي ....معقول هنية هتنفذ تهديدها .... لا مش هتحمل حد بحبه يموت قدام عنيا تاني بسببهم ..... بدر : مسك فوقي .....هاتي السكينة جرحت بدر ودا معناه أنهم سيطروا عليها .... هنية بتبصلي وثابتة معناها خلاص ....هي قررت انهم ينفذوا .... _ مسك ....بصيلي ... مسك سمي الله ..... مسك فوقي ... نظرت عيناها رجعت طبيعية وبكت .....صوتها كان ضعيف وبيترجف ، حتي جسمها كان بيترجف " حمزة " _نعم .... دموعها نزلت " انا خايفة اوي ..... هما قالوا لازم اعمل كدا" مفهمتش تعمل ايه ....... عفاف ' بصراخ ': مسك ..... بنتي بتموت .... اتصرف يا جمال بدر ' بخوف ': ابعد عنها يا حمزة .... مسك ... حمزة سيبها بقولك .... اخدوها من بين ايديا ومشيوا ... لحد دلوقتي مش عارف اصلا حصل ايه غير ان دمها علي لبسي دلوقتي .. ونظرات عينيها وهي بتعيط قبل ما تغمضهم هنية بهمس : قولتلك لازم ترجع والا هتندم لتاني مرة علي موت شخص بتحبه .... محدش فينا اتمني أنها تتاذي بس انت اللي اضطريتنا اننا نعمل كدا ..... يا ... حفيدي الغالي #صغيرتي #خلود ناجي #رايكم بسرعة ... وتوقعاتكم صح ولا 🌚♥️

نظراته كانت تخوف تجاه الكل ...هو مين دا اللي واقف قدامي فين حمزة اللطيف؟؟ ليه بجد يخوف كدا ....وقتها بس بصلي واتحولت نظراته وبقيت هادية عن الاول .... غمض عينيه وصوت أنفاسه كانت مسموعة ...فتح عينيه بهدوء وبصلي نظرة أخيرة ومشي.... وانا حقيقي مش فاهمة حاجة ..... "بدر....انت كويس ؟!" _ متقلقيش هكون كويس.... بدر مشي وطلع لفوق....هو إزاي الكل اتعامل مع الموضوع أنه عادي....هو اصلا ازاي بدر يسمح لحمزة أنه يعمل كدا ....مين حمزة دا اصلا ؟!.... رشاد: حمزة ....انت بجد رجعت ؟! انت كنت في بيت كمال ؟! الكلام دا صح ؟! " ايوا رجعت" رشاد : هي ظهرت صح ؟! ........ رشاد : ساكت ليه ؟! ... انت عارف كويس أن لو رجعت للطريق دا تاني هتخسر نفسك والكل " عارف " رشاد : مفيش غيري انا وانت بس اللي باقيين يا حمزة ...معرفش انت ناوي تعمل ايه ، بس بلاش تقف في وش هنية تاني وتعمل اللي هي عايزاه ، هي عمتي بس ابويا حذرنا منها من زمان وخصوصا وقت ولادتك انت .... " عارف بس انت برضوا عارف الباقي " رشاد بعصبية : معرفش غير انك شيطان وبس يا حمزة سكت وسمعت كل كلامه .... هو صح ....انا لو رجعت هخسر نفسي بس هكسب كتير اوي واهمهم هي ....هتكون هي مكسبي .....بس هخسر نفسي وديني وقتها يا مسك ..... لو نقطة دم نزلت منك يا مسك وقتها مش هرحم هنية ....مش هسمح تنفذ اللي هي عايزاه.....انا تعبت عشان الاقيك واحميك من نفسي والكل ..... انا حمزة يا مسك .....انا اللي قتلت اخويا.... انا ..... هلاكك يا مسك .... ------- هنية بمكر : تعالي هنا يا مسك ؟؟ مرتاحة معانا مر ٥ شهور و هنا الي حد ما ارتحت....كمان هنا الكل بيحبني ومبسوطة.... بس حياتي اتغيرت....بقي عندي كل حاجة واتغيرت ... مش عارفة للاحسن ولا الاسوء ...بس .... انا افتقدت حمزة اوي ....بس قررت خلاص اني هبطل احبه ....اني الشخص اللي مش هياخد خطوة اتجاهي يبقي مش هبكي عليه ولا انتظره ......بس الحقيقة اني ببكي من كل قلبي كل ليلة وانا بطلب من ربنا يراضي قلبي.... بتمني بجد ربنا يراضي قلبي بلساني بس في الحقيقة قلبي بيتمناه هو ويراضي قلبي بيه هو .... الانسان ضعيف اوي اوي....الحمد لله اننا عباد لله .... الواحد بضعفه دا ازاي كان ممكن يعيش بدون الله .... الحمدلله علي نعمة الاسلام ...... عفاف : مبسوطة ؟! " جدا جدا ...." سما : اول مرة تحضري فرح هنا ؟! " اه الحقيقة" حمزة : السلام عليكم جمال : وعليكم السلام يا حمزة....اقعد اللي عرفته بعدين أن حمزة دا من عايلتي برضوا بس برضوا عدونا .... عارفين الغريب ايه ، أن عايلتي وعايلة حمزة كانوا اكبر أعداء بس هما من نفس الدم اصلا ..... جدتي هنية هي كبيرة عايلتنا ... وحمزة جده عوني الله يرحمه كان اخو جدتي .....يعني الاتنين عايلة واحدة ....ورغم دا كله كان بينهم عداوة كبيرة ، الحمد لله انها انتهت ، قالولي كان صفوت دا شديد اوي بس مات من المرض ....انما اللي ورث الشدة وكل حاجة هو حمزة ...هو الوريث الوحيد دلوقتي ....كان عنده اخ بس مات قال ....حمزة دا غير حمزة اللي اعرفه....دا واحد القسوة والشدة والكره مرسومة علي ملامحه دايما ....انما حمزة التاني لطيف وحنين وجميل ..... لاحظت أنه بيبصلي ....اتوترت وخصوصا لما جدتي بصتلي وابتسمت ..... هنية: اعرفك يا مسك علي حمزة.... يعتبر ابن عمك.... لحد دلوقتي ابن عمك بس .... حمزة ببرود : هي تعرفني من قبلك هنية باستهزاء : مفيش حد هنا يعرفك غير يا ....حفيدي بدر : مسك ...تعالي معايا اجبلك حاجة حلوة ضحكت " بجد....يلا " بدر : سما وزيد تعالوا معايا بدر طلع لطيف ، هو مجنون ومش طايق نفسه اغلب الوقت بس قلب ابيض وحنين ..... استاذنت من ماما بس اتخبطت جامد في رجلي واتشنكلت وبالغلط وقعت.... بس حمزة مسكني ... _ كويسة ؟! " اه " حسيت بنظرات عينيها بتتغير.... كمان ليه جسمها بيسخن اوي كدا ..... ايدي كانت علي ضهرها بس .... معني كدا أني في تعويذة بتتقال دلوقتي و...... _ مسك .... أغمي عليها بين ايديا .... عنيا جت علي هنية ومن ضحكتها عرفت هي عملت كدا وليه...... واضح اني هنية اخدت القرار خلاص ومش هتتراجع فيه ..... بدر: مسك .... حمزة حصل ايه ؟! سما هات مية بس فتحت عنيا واستغربت حصل ايه ...كان بدر جنبي هو ومراته .... هما خايفين ليه كدا " هو فيه ايه ؟؟ انا كويسة مالكم ؟؟" عفاف : حاسة بتعب طيب ؟! " لا والله كويسة " بدر : انا شايف اننا نرجع البيت عشان ترتاح " تمام " حمزة : عايزة ايه يا هنية ؟؟ _ مش انا اللي عايزة ... وبعدين انت عارف كويس هما عايزين ايه " مش هرجع .... " _ يبقي هننفذ اللي عايزينه

" أنتِ جيتي تاخديني صح ؟! ماما فايزة وحشتيني اوي اوي ، والله بجد انا بحبك ، مش عايزة اهلي ولا عايزة حاجة ، أنتِ هتاخديني صح معاك ؟!" _ أنتِ هتكبري امتي وتبطلي عياط كدا ؟! " معرفش ....هتاخديني معاك صح ؟! انا والله بطلت شقاوة وبقيت هادية اساليهم حتي ....كمان مش بعمل حاجة غلط ، ياماما فايزة خليني اروح معاك انا مش عايزة اكون هنا " _ مينفعش دول اهلك ... انا بس جيت اشوفك عشان اطمن عليكِ عيطت اكتر " يعني هفضل هنا ؟؟" _ ماانا كل شهر هشوفك وهكلمك كل يوم " لا برضوا عايزة اجي معاك ....أنتِ عارفة اني اوقات كتير مش بعرف انام غير علي رجلك ، وأنتِ عارفة اني بتعب كتير وأنتِ بس اللي بتعرفي تهتمي بيا ..... وكمان انا .... انا عايزة اكون معاكِ بس " _ كدا غلط.....دول اهلك ...ولازم نحترم مشاعر اهلنا ونديهم فرصة لمشاعرهم و حبهم ... مش دا كلامك دايما يا مسك ... ادم : طيب ايه هتفضلي تعيطي كتير ؟! لسه ملاحظة ادم ....حضنته وعيطت تاني برضوا ....عشان أنا بحب العياط اكتر من حياتي .... قعدنا كتير مع بعض وطول الوقت في حضن ادم ودا اللي كان مضايق بدر رغم أنه عارف أنه اخويا..... اتكلموا معايا كتير وغيروا مودي وهزرت كتير وضحكت.... ،" علي فكرة أنا ساكتة عشان عاملة نفسي محترمة بس انما والله اجيبك من شعرك " ادم : مين دي اللي محترمة يا بت... " بتقولي انا يا بت؟! طيب والله ما هسيبك " عضيته في كتفه جامد لدرجة أني وجعته جامد يا حبيبي ..... " بجد وجعتك ؟! احلف ؟!" ادم : بلاش بصة البراءة دي ، أنتِ كلتي كتفي .... " بالله اسفة.... حقك عليا متزعلش.... اديك حضن ونتصالح ؟!" بدر ' حسيت اني مسك دي بنتي مش اختي رغم اني اول مرة اشوفها بس احساس اني الشخص مسؤول عن حد وخايف عليه من الهوا دا ملازمني ، كمان طلع حمزة اللي بتنادي عليه هو نفسه حمزة اللي نعرفه بس ازاي دا !!!....هي يومين كاملين بتعيط هنا ومش بتكلم حد وانا مش عارف اعمل ايه ، امي ومراتي حاولوا معاها وهي لسه بتعيط ...واخيرا قررت تنزل ... فرحت منكرش ...بس برضوا فضلت ساكتة....اول مرة شوفتها بتضحك لما الشخص الغريب دا كان بيكلمها ...بيقولوا اخوها في الرضاعة ....بس هي اختي انا بس وانا وحدي اللي مسؤول عنها ...وكمان ليه هي بتحبه كدا وليهم مش عايزة تكون معانا ، احنا موفرين ليها كل حاجة ....ليه عايزة تكون معاهم .... مسك من تصرفاتها عيلة صغيرة جدا ...ومتعلقة بيهم .....بس ايه علاقتها بحمزة ؟! هو مرفعش عنيه من عليها من اول ما جه ...وهي بتتخبي منه ليه ... دي حتي مش بتكلمه وبتتجنبه ....يا تري ايه اللي جمع بين اختي وواحد زي حمزة .... وحمزة كان يعرف انها اختي؟!! ..... " تعرفي يا ماما فايزة اتعلمت رقصة القطة اللي كنا بنعملها زمان انا وأحمد وادم وملك .... شوفي " حمزة " حسيتها وقتها اندمجت معاهم جامد لدرجة أنها نسيت كل حاجة ... بدأت تعمل حركات غريبة وتضحك وآدم كمان وقف جنبها وكانوا بيغنوا مع بعض ....كانوا بيضحكوا جامد ....وهي كانت مبسوطة وعنيها بتضحك .... رغم اني عمري ما كنت هسمح بتصرفات الاطفال دي وكنت هتخانق معاها بس النهاردة انا موافق علي اي حاجة ممكن تخليها تضحك كدا ....كان واضح انها عيطت كتير هنا.... لسه بتتخبي مني وتتجاهلني لدرجة أنها كانت متخبية في حضن أستاذة فايزة ومش بترفع عينيها ناحيتي ....بس مش مهم ....اوقات كتير بيكفي انك شايف الشخص قدامك أنه بخير ومبسوط .... انا مسؤول عنك يا مسك ووعد مش هسيبك ..... ضحك " بجد ادم انت لسه حافظاها ....حقيقي انا بحبك " ادم ' وانا حقيقي بحبك يا مسك وخايف عليك..... انا حاسس أنهم خدوا مني روحي مش اختي بس .... الدنيا ضاقت بيا لما حسيت اني مش هشوفك تاني .... انتِ رفيقتي من صغرنا ومتعود دايما انا اللي اغيب ولما ارجع بلاقيكِ منتظراني ....بس اول مرة احس انك اتاخدتي مني واني لو رجعت مش هلاقيك.... انا بس عشان تكوني مبسوطة وتضحكي مستعد حقيقي اعمل اي حاجة حتي لو تافهة وغبية في نظر الكل ....أنتِ اختي واللي باقية ليا .... انا مش هسيبك ووعد هفضل دايما موجود عشانك ومش هخليك تحسي انك لوحدك ....عشانك بس يا مسك " " بجد هتيجوا كل شهر ؟!وهتكلموني كل يوم ؟!' _ بجد ...بلاش عياط بقي .... مدام عفاف شكرا بجد ليك عفاف بابتسامة : علي ايه بس ...دي اقل حاجة اقدر اقدمها عشانك.... وحقيقي هتبسط لما اشوفك.. ادم وماما فايزة مشيوا ومعاهم حمزة اللي مش عارفة بتخبي منه ليه كدا ....بس لاحظت أنه وقف ورجع وقف قدام بدر وابتسم ببرود _ في حساب لازم اصفيه قبل ما امشي وقتها الكل استغرب بس اتصدمنا لما ضرب بدر جامد علي رأسه لدرجة أنه نزف دم ....زي ما حصل مع ماما فايزة .... _ انتوا اكتر ناس عارفين اني بحب اصفي حساباتي اول بأول.....ولا ايه يا جدتي هنية ؟!!..... مسك هنا .....وانا هفضل هنا في القرية.... اعتقد رسالتي وصلت يا .....جدتي

الجزء التاني 🤎 _ اخيرا صحيتي ... أنتِ كويسة ؟! انت مين ؟! عايزين مني ايه ؟؟ عفاف : اهدي ...متقلقيش احنا اهلك " اهلي انا ؟؟" عفاف : ايوا اهلك ... كمان شايفة الشبه بينك وبين اخوكِ بدر ، احنا اهلك يا مسك " انا مش عايزة حد فيكم، عايزة ارجع عند ماما فايزة ، انا مش عايزة ناس رموني وانا صغيرة" عفاف' ببكاء ' : طيب ممكن تسمعيني ، مين قالك كدا ، أنتِ اتخطفتي مننا ، اتخطفتي وأنتِ صغيرة وطول السنين دي كلها بندور عليكِ ، عارفة انك مش مصدقاني بس تفتكري ليه احنا نعمل كدا ، ليه نسيبك تتربي زي الأيتام ، احنا طول عمرنا بندور عليكِ ، انا معنديش غيرك أنتِ وبدر ، انا شعري ابيض من حزني عليكِ ، انا كل لحظة عشتها وانا بدعي ربنا انك تكوني عايشة وبخير ... انا عمري ما عرفت أنام وقلبي مطمن ، حياتي كلها خوف وكوابيس ، أنتِ مش عارفة يعني ايه ام بنتها تتخطف منها ومتعرفش عنها اي حاجة .... كل دا بسبب السلطة هنا ، ابوك واهلك ناس معروفة هنا وأصحاب اراضي ومناصب وهنا في خلافات بينهم وبين عايلة تانية ، البلد مقسومة نصين ، اللي بيكره عايلتنا بيكون في صفهم واللي بيكرههم بيكون معانا و في صفنا ، ومن ٢٠ سنة حصل خلاف ومشكلة كبيرة اوي ووقتها صفوت قرر يقهر قلب ابوك ويخلي حد يخطفك .... ودا اللي حصل يا بنتي " وايه اللي يأكد اني فعلا بنتك ؟؟" عفاف : قلبي بيقولي كدا ، كمان الراجل اللي خطفك هو اللي قالنا الحقيقة خصوصا بعد ما صفوت دا مات والخلافات بين العايلات انتهت .... " لازم اتاكد انكم اهلي ....انا مش هصدق اي حاجة قولتيها " عفاف : تمام هنتاكد متقلقيش ....نامي أنتِ وارتاحي ، انا عارفة أن اللي مريتي بيه صعب بس انا هفضل معاك وهنعدي الأزمة دي مع بعض ....واهم حاجة تعرفيها اننا اهلك وبنحبك وكنا منتظرينك بفارغ الصبر هو العقل ليه اوقات بيبطل يشتغل ؟؟ ليه انا مش فاهمة حاجة دلوقتي ؟! ليه مش حاسة بالوقت ولا بأي حاجة حواليا ؟!، انا مش عارفة حاجة ولا فاهمة حاجة أنا بس عايزة ماما فايزة وارجع الدار ، يارب أنا اسفة اني طلبت اعرف اهلي الحقيقين واعيش معاهم ، يارب انا مش عارفة انا عايزة ايه ، انا عرفت اهلي وهما ناس كويسة اوي وواضح أنهم فعلا بيحبوني بس ....انا قلبي وجعاني وخايفة اوي ....يارب .... ساعدني زي كل مرة ، يارب اختارلي الصالح يارب ، يارب راضي قلبي ....يارب عيوني تعبتني من كتر البكا....انا بجد قلبي وعيوني دلوقتي بيوجعوني كتير .... سما : انا فاهمة اللي بتمري بيه ، بس والله هنا الكل بيحبك ....انا سما مرات بدر....ودا ابني زيد ... تعالي انزلي معايا اديلك يومين قاعدة لوحدك وبس بتبكي .... " مش عايزة " زيد: تيجي تلعبي معايا معرفش ليه بصتله وسكتت.... كان طفل عنده ٦ سنين او اصغر اعتقد بس لطيف....مسك ايدي ونزلنا تحت .... ووقتها الكل استغرب وجودي تحت..... ووقتها لاول مرة اشوف واحدة كبيرة اوي في السن .... بيقولوا أنها جدتي هنية ..... هنية: تعالي في حضني احبك مفهمتش قصدها بس قربت منها وهي حضنتني جامد وطلع معني احبك ابوسك .... وقتها معرفش ليه بكيت....انا مفتقدة حضن ماما فايزة اوي ومش برتاح غير معاها عفاف ' بفرحة ': انا مش مصدقة انك نزلتي تتغدي معانا ...تعالي اقعدي جنبي وانا هأكلك بايدي انا ليه متضايقة من نفسي ؟! انا عارفة أنها بتكون امي بس بجد مش عارفة اتعايش مع الوضع دا .... بس قررت احاول اتاقلم....انا واثقة في ربنا أن كل حاجة هتكون بخير.... احيانا كتير الصبر علي الأمور هو بس الحل ..... قعدت جنبها وهي كانت بتأكلني وتتكلم وهي مبسوطة ، الكل كان باين انهم مبسوطين حتي لو اللي اسمه بدر أو بابا مش بيحاولوا يظهروا دا ...... سما : اقعدي براحتك مفيش حد غريب متقلقيش....فكي الحجاب دا معرفتش ارد حتي وهي شالت الحجاب خالص .... حسيت وقتها اني عملت حاجة حرام واتضايقت ..... " بالله مش مرتاحة كدا .... انا بكون مرتاحة وانا لابساه " بدر : المهم راحتك بس دي كانت اول مرة اللي اسمه بدر يكلمني فيه .... عثمان : في عربية برا وفيها....... كان الحارس بيتكلم وقطع كلامنا دخول حمزة بهدوء وثقة غريبة ....الكل اتخض من وجوده حتي بدر بدر : حمزة ....انت بتعمل ايه هنا ؟؟ مردش علي حد فينا..... هو بس دخل البيت كأنه ملكه....مهتمش بكلام حد .... حسيت اني ارتحت شوية لما شوفته ....اني قلبي ارتاح شوية .... كنت ببصله ومش عارفة انا خايفة ولا مطمنة ....مبسوطة ولا عايزة ابكي من كل قلبي ....اتجاهله ولا اجري عليه واخليه ياخدني معاه .... قطع تفكيري احب صوت لقلبي ....واحن صوت....ماما فايزة... _ مسك ..... وقتها رغم الدموع اللي غرقت وشي دي بس كنت مبسوطة وبضحك من كل قلبي ....جريت عليها وحضنتها جامد ....

زعلانة بجد وقلبي وجعاني .....يارب راضي قلبي....معرفش هو خير ولا شر بس راضي قلبي يارب ....خليني راضية دايما يارب ومبسوطة يارب ....يارب وجع قلبي ودموعي وصبري علي فراقه دول هحتسب أجرهم عندك يارب ....لو خير اجمعني بيه ، لو شر........ولو شر..... يارب لو هو شر ليا راضي قلبي وأرزقني الخير يارب " رنا: استاذ حمزة ماشي " اقفلي النور عايزة أنام" مش بحب اني أودع حد ..... عشان بيكون عندي امل اني هقابله حتي .... وحمزة بالذات قلبي مش مستعد يودعه ..... حمزة ' الواحد طلع موهوم .... بنت صغيرة خلتني اعمل كدا وبتتحكم فيا كدا ....بنت صغيرة بس .... مش عارف فعلا انتِ ايه يا مسك ؟! مرت ايام كتير بيقولوا بس ١٥ يوم بس مش عارفة ليه حسيت انهم سنين ...حمزة كان بييجي في الأوقات اللي نايمة فيها يخلص شغله ويمشي....وبكدا بقينا نتجنب بعض ..... بس في يوم في حاجة غريبة حصلت في ٥ عربيات كانوا قدام الدار بس ولا واحدة فيهم ملك لحمزة .... كانوا ناس غريبة والكل كان خايف ....بعدها ماما فايزة كانت عايزاني ..... فايزة: وانا قولت لا ....محدش هياخدها بدر : دي اختي وهاخدها حتي لو بالدم " ماما فايزة في ايه ؟؟" عفاف : ماما ؟!..... كنت واقفة خايفة ومستغربة من كل الناس دي وشكلهم يخوف ومعاهم اسحلة وخصوصا اللي اتكلم دا ....وفي ست معاهم كبيرة .... وراجل برضوا كبير زيها جمال : جهزوا العربيات ويلا ....اللي جايين عشانه هناخده معانا ومحدش يقدر يمنعنا بدر : يلا يا رجالة فايزة بصراخ: لا محدش هياخدها دي بنتي انا ...... بدر: دي اختي وبنتنا احنا ....يلا مسك ايدي جامد .....وقتها خوفت وعيطت " سيبني بقولك ...ياماما فايزة.....سيبني ....ماما فايزة خليه يسيبني " وقتها الشخص دا شالني وكمان ضربوا ماما فايزة علي رأسها واغمي عليها " ماما فااااااايزة....... يامامااااا..... حد يساعدني ....طنط حنان .... يا حمزززززة " بدر: اكتموا صوتها دا هتفضحنا " حمززززززززة " جمال: مين حمزة دا ؟!!!! بدر : مش مهم مين ؟! بنتك مصيرها مكتوب.... ولازم يتنفذ ------- حمزة 'بغضب ' : انا وحدي عارف ازاي ارجع مسك ....ولو اضطريت احارب مصيرك نفسه ...هحاربه يا مسك .... #صغيرتي #خلود ناجي # رايكم يا حلوين ♥️🌚

مر اسبوع كامل وانا مسمعتش صوتها حتي ....مش عارف هي اختفت فين .... حاسس الجو بقي كئيب اوي ...حتي لما شوفتها متكلمتش معايا وكلامها بقي بحدود اوي ...حتي اوقات بحس انها مش عايزة ترد عليا ....هو انا زعلتها في ايه طيب ؟! هنا: مسك قال اننا المفروض نكبر ومنحبش حد " مين اللي فهمك الكلام دا " هنا: عمو حمزة " فكك منه دا تعبان في دماغه" _ نعم ؟!!!!!! بصتله ببرود " والله دي وجهة نظري وانا حرة فيها وبعدين مسمعتش قبل كدا قول ابن القيم إذ انتَ لم تعشق ولم تدري ما الهوى فَقُمْ واعتلف تبنًا فأنت حمارُ! سابتني ومشيت وانا لاول اضحك كدا فعلا من قلبي .... حتي وهي زعلانة ومش طايقني بحب ردودها..... بس هي فعلا واضح انها زعلانة وواخدة جنب من كل حاجة -- --------- فايزة: مسك المشاغبة فين ؟؟ " موجودة اهو " فايزة: لا ...انا عايزة التانية اللي كنت بتعب من كتر مشاكلها ومقالبها سندت راسي علي رجلها كالعادة وهي طبطت عليا وبدأت تمشي أيدها علي شعري زي ما كانت بتعمل زمان _ رجعتي تسكتي زي الاول وبطلتي مشاغبة ليه ؟! مالك يا روحي " انا كويسة ياماما فايزة " _ بس عنيكِ فيها دموع كتيرة ، مالك يا مسك ؟! احكيلي يابابا حصل ايه ؟! " ياريتني فضلت خايفة ، ياريتني ما اتطمنت ولا قررت ادي فرصة" دموعها نزلت وخبت نفسها في حضني وبس .... _ كفاية عياط ، قوليلي مالك ؟! " عايزة أنام " _قومي كدا .... دموعك بتنزل كتير كدا ليه ؟! مالك ؟؟ مفيش نوم وأنتِ بتعيطي كدا ؟! " عايزة بس أنام" اتعصبت' مفيش نوم ...قولي مالك ؟!' " قلبي وجعاني اوي اوي يا ماما فايزة ، قلبي بجد وجعاني اوي ، ممكن بس تخليكِ جنبي النهاردة ، انا عايزة أنام " فايزة ' عيطت كتير بس انا عارفة أنها مش هنتكلم بس انا واثقة أن سبب دموعها دي حمزة حتي آدم قالي كدا ، وهي وحدها اللي ممكن تقولنا السبب ، حتي حمزة نفسه مش عارف ولا فاهم سبب سكوتها دا وانا واثقة في أخلاقه أنه مستحيل يكون اتعرضلها أو ضايقها في حاجة انا مش هسكت وهتكلم معاه " ------- _ استاذ حمزة فاضي " اتفضلي يا أستاذة فايزة ....في مشكلة مع الاولاد ولا ايه ؟؟" _ لا ...انا بس عايزة اقولك حاجة ، انت من ساعة ما جيت والدار فعلا في احسن حال ...الكل مبسوط والاولاد مرتاحين وكمان عملت حاجة كتير في الدار وليك فضل كبير علي الدار ، كمان انت زي ابني ، من ساعة ما جيت واخلاقك معروفة وانك فعلا شخص كويس ومحترم ومن عايلة محترمة فعلا .... ومحدش يقدر يقول غير كدا وعمرك ما اتعصبت ولا غلطت في حد أو حتي بصيت لحد بنظرة وحشو أو تكبر ....بس ... _ هو حصل مني حاجة ضايقتكم هنا ؟! " لا ....بس انا هكون صريحة وعايزة أسألك سؤال من غير ما تفهمني غلط او اني بسئ ليك..... في حاجة بينك وبين بنتي مسك ؟! اتكلمت معاها أو اتخانقت معاها ؟! زعلتها في حاجة ؟؟ _ مسك ؟! والله ابدا ....هي قالتلك أنها زعلانة مني ....انا معنديش مشكلة اعتذرلها " لا مقالتش حاجة ولا هتقول ...انا بس حبيت اسألك " _ لا حقيقي ...انا مفيش بيني وبين مسك حتي كلام ....بس لو وجودي مآثر عليها بالسلب كدا انا مستعد امشي " لا انا مقصدش دا " _ ولا يهمك يا استاذة فايزة....انا فاهمة خوفك عليها ودا حقك بس والله ...انا عمري ما بصتلها بنظرة غلط ...انا الدار بكل اللي فيه أمانة قدام أمانة قدام ربنا هتحاسب عليها ..... ابتسمت " وانا واثقة في دا.... تصبح على خير " معقولة سبب سكوتها وزعلها وجودي ؟؟.......معقولة فعلا تكون متضايقة كدا.... هو فعلا كدا !!، هي بتضحك مع الكل بس اول ما تشوفني ضحكتها تختفي ، حتي كلامها معايا ....هي فعلا كل حاجة تدل أنها مش حابة وجودي.... حنان: عرفتوا اللي حصل ....حمزة هيسيب الدار وقرر يعيش برا بس هيتابع ويشرف علي الدار من بعيد " افضل برضوا ...حتي نعرف ناخد راحتنا " حمزة " انا طلع كلامي صح ، هي فعلا وجودي مضايقها كدا ..... بكرا هنقل ... حسيت اني مخنوق قررت اطلع برا بس شوفتها كالعادة ....كانت المرادي مش بتضحك ولا بترقص كعادتها ....كانت بتعيط....حسيت كل حاجة زعلانة معاها.... شعرها مش بيطير ... الهوا والسما ....كل حاجة كئيبة حواليها ...حتي صوت اوراق الشجر كان هادي..... حسيت كل حاجة حواليها بتشاركها حزنها .... دموعها اللي بتنزل دي بتقول انها فعلا زعلانة ....سبتها ونزلت عشان فعلا حاسس اني اتخنقت اكتر ..... خلاص بكرا همشي وهي هترجع زي الاول " يارب أنا مش عارفة ولا فاهمة اي حاجة ....طيب اعمل ايه ، انا حتي مش عارفة اتمسك بيه ولا اعمل ايه ، بس بجد قلبي وجعاني اوي ....انا مش عايزاه يمشي بجد ....انا كنت بتجاهله عشان اعود نفسي أنه شخص غريب واتعود عليه غيابه....بس هو لو مشي مش هشوفه تاني خلاص .....انا زعلانة اوي يا ربنا ....

كانت فعلا جميلة جدا ....شكلها وهي بتلف بالفستان الاصفر و الحجاب الابيض اللي علي شعرها ....وضحكتها كانوا لوحة مرسومة .... لوحة مهما ركزت فيها عمري ما همل من تفاصيلها .... اتمنيت عمري كله يكون في اللحظة دي بس ..... معرفش ازاي اصلا قررت انزل اقف قدامها واشوفها اكتر ادم : مسك ....لفي حجابك كويس وقتها هي اتخبت في ضهره وهو وقف في وشي .... ليه اتضايقت طيب ؟! _ الصوت عالي ... وانا عندي شغل عايز اركز ادم : تمام ....يلا يا مسك فضلت واقف وهما طلعوا بس هي وقفت معاه ومرة واحدة باسته في خده " تصدق درجة الروج مش بتطلع وثابتة ، باين الصرف " _ عشان تعرفي بس دول هيجننوني الاتنين دول ؟! ايه قلة الاحترام دا بجد ....ازاي يعملوا كدا ويعني ايه بتشوف الروج ثابت علي خده ولا لا ....اي دا بجد ؟!!!!! فايزة: تعالي هنا دقيقة يا مسك أنتِ وملك ماما فايزة هتقرأ المعوذتين كالعادة ....الواحد مبسوط أن صديقة طفولته مبسوطة واخيرا هتتجوز اكتر شخص بحبه.....هو الإنسان لما يتجوز اللي بيحبه بيكون حاسس بايه وقتها ؟!!! _ مبروك يا دكتور احمد ... الف مبروك أستاذة ملك ... مبروك أستاذة فايزة ربنا يتمملهم علي خير يارب وانا شفافة يعني ؟؟ مفيش عقبالنا حتي السنة الجاية ....بس ايش هااقمر يا جدع ، انا عايزة اتجوزه مش عشان بحبه لا....عشان بس اضمن جينات حلوة لأولادي...... آدم : ايه رايكم ؟؟ الكل ركز مع الشخص غريب الأطوار وخصوصا هي ... نظراتها ليه بتكون فعلا بتحبه.... قرب منها اول واحدة وهي ظبطتله شعره واتصوروا مع بعض .... حتي قعد جنبها وطول ما هو بيتكلم مع حد هي مركزة معاه .... هما بجد اخوات ؟!!!!! فايزة: هو بيغيب عنها بالسنين عشان كدا بتفضل تبصله كتير وتكون قريبة منه .... _عادي " كوتي كوتي ياناس" كانت ماسكة خدوده وبتغنيله والكل بيضحك حتي اخوه.... بعدها الكل كان بيرقص ... الكل كان مبسوط وفرحان لفرحة العروسين .... ادم: هو الشخص دا علطول ساكت كدا ومش بيضحك ولا يتفاعل مع حد " اه للاسف ...دا عنده ريأكشن واحد بس وهو البرود ...." ادم : وأنتِ مركزة معاه ليه؟! " مين دي اللي مركزة ..... لا طبعا، انا اقدر اركز علي حد غيرك يا دومي" ادم : انا هروح اقعد معاه عشان عيب يفضل قاعد لوحده كدا " ماما فايزة كانت قاعدة معاه " روحنا قعدنا معاه وبرضوا فضل ساكت ..... فايزة : وانت يا استاذ مش ناوي تتجوز اللي اصغر منك اتجوز ادم : لا يا ستي ، انا اصلا مش عارف ازاي يتجوز وهو صغير كدا " عشان بيحب ملك وخاف أنها تتجوز حد غيره " ادم: ولو برضوا _ الواحد لما بيكون عايزة واحدة مهما كان قدامه بيصر أنه يتجوزها ، مش هيفرق معاه عمره ولا أنه مش جاهز ولا اي حاجة ، الراجل مش بيضيع سنين عمره في التلميح ....الراجل بيتقدم علطول آدم: ممكن يكون خايف يترفض _ وفيها ايه ؟! هو في الاول والاخر هو الراجل وهو اللي لازم ياخد الخطوة الأولي ... هو راجل يعني مفيش حاجة تهزه سواء خوف أو رفض .... يتقدم ويكون صريح وافقوا عليه يبقي خير ، اترفض يشوف هيعمل ايه بقي ، بس عالاقل طريقه بقي واضح .... الوضوح اهم سمة في الراجل ....مش بحب جو التلميحات ادم : يعني انت لو حبيت واحدة هتتقدملها _ انا بس لو حسيت أن اللي قدامي مناسبة ليا....دبلتي هتكون في أيدها علطول ....مش هلمح واضيع وقتي ....انا راجل واضح وصريح..... طول الوقت بفكر في كلامه .... معني كدا اني مش مناسبة ليه اصلا وعمره ما فكر كدا وانا اللي طول الوقت بحاول بكل الطرق اكون معاه ....حسيت اني زعلانة اوي ، حتي آدم لاحظ كدا بس فضلت ساكتة ، كنت عايزة اسيب المكان كله واروح اعيط، طيب انا مش مناسبة في ايه ؟! اعمل ايه عشان اكون مناسبة واكون معاه....ايه اللي بقوله دا ...فين مسك اللي مش بيهمها حد ...مسك اللي بتحب نفسها اكتر حاجه في الكون..... مسك زعلانة اوي دلوقتي حقيقي .... حمزة " معرفش ليه سرحت مرة واحدة ونظرة عينيها اتغيرت وكان باين انها زعلانة اوي .... حسيتها هتعيط ....حتي آدم حاول معاها والكل وهي فضلت ساكتة ونظرتها ليا فيها لوم وعتاب....هو انا عملت ايه ؟!! ----- " يعني كدا انت ماشي خلاص ؟؟" _ لازم ارجع عشان عندي شغل وكمان خلاص احمد وملك اتجوزوا .... عيطت " هشوفك تاني امتي ؟؟" _ بتعيطي ليه طيب ؟؟ أنتِ عارفة اني مسافر....بس ماانا بكلمك كل يوم حضنته وعيطت كتير" انا عايزاك جنبي علطول " _ انا علطول جنبك ومعاك ...وهنتظرك تيجي تحكيلي ايه حكايتك أنتِ وهو ، وليه زعلانة كدا " انا مش عايزاك تمشي بجد " فايزة: امشي ياادم عشان هي كل شوية عياطها بيزيد حمزة ' كنت مستغرب عياطها الكتير دا ....هي عيطت كتير اوي حتي أستاذة فايزة فضلت معاها بس هي لما شافتني جاي ناحيتها اتخبت في حضن أستاذة فايزة ....هي بتتخبي مني ليه الفترة دي ؟!"

_ محتاجة حاجة ؟! " ها .... _ في حاجة ؟؟ أنتِ واقفة ليه كدا ؟؟ " اه ....ماما فايزة قالتلي اجيب دا لحضرتك " _ تمام شكرا .... في حاجة تاني طيب ؟! " ها ؟!!" هي بتسرح ليه كتير الفترة دي ؟! وبعدين نظرة عنيها متغيرة ليه؟! متعود اشوفها متضايقة أو متعصبة انما دلوقتي ....مش فاهم هدوء نظراتها دي _ أنتِ محتاجة مني حاجة تاني طيب ؟! " لا ....سلام " هو انا بقيت مجنونة ومش متربية كمان ، ياماما فااااااايزة الحقيني واقفة متنحة في ملامحه ، سبحان الله ملامحه حلوة اوي ....يارب اتجوزه ، مني لله .... " واخيرا .... بكرا حنة ملك وأحمد ، احنا في ناس في الدار مش ايتام ، يعني احمد وادم اخوات مامتهم طنط غادة ، وهي امي برضوا اللي رضعتني .... عشان كدا انا اختهم، طنط غادة اخت ماما فايزة هما الاتنين عندهم عيلة بس ماما فايزة اتطلقت من زمان ومش بتخلف ، وطنط غادة جوزها مات واحمد لسه مولود ومن وقتها وهي عاشت في الدار واتوفت من ٥ سنين، احمد دكتور وادم مهندس وكل واحد مستقر في حياته برا ومرتاحين ....مبسوطة اني اخيرا ملك وأحمد هيتجوزا ... ... فايزة : هتفضلي مكشرة كدا " عشان الفستان مش حلو عليا ... ولو حصل ايه مش هتضحك وهفضل زعلانة" فايزة: متأكدة ؟؟ آدم : دبدوبة ام لسان طويل فين " ااااااادم " ايه احساس الإنسان لما يلاقي روحه ويقابل حبيبه وونيس حياته .... آدم دا ونيس حياتي ، ربنا من عليا ورزقني بيه مكافأة وتعويض عن كل الوحش في حياتي ..... ادم هو كل الحلو في حياتي ..... معرفش بيحصل ايه لما اشوفه ، بس برجع طفلة عندها ٥ سنين بس ....رغم أنه بس اكبر مني ب٦ سنين بس هو بالنسبالي الاب في حياتي والاخ والصديق والرفيق ..... " وحشتني كتير اوي اوي ....انا بطلت اشوفك من اكتر من سنة ، بجد اشتقتلك كتير اوي " حمزة ' كنت واقف مصدوم من كلامها وازاي هي جريت كدا وحضنته وفضلت متعلقة في حضنه لدلوقتي.... وكمان هو مبسوط اوي التاني ... وازاي الكل شايف المنظر دا ومحدش اتكلم .... ازاي يسمحوا بالتلامس دا بينهم....دا بيبوسها ...دا عبيط دا ولا ايه ؟!!!!! _ اخوها ....ادم بيكون اخوها في الرضاعة حمزة : بس هو واضح أنه أكبر منها _ هي رضعت مع احمد اخوه....وكدا الاتنين اخواتها.... بالمناسبة هو ابن اختي الله يرحمها " تمام " سبتهم وطلعت اوضتي اخلص شغلي انا هنا من ٧ شهور بس اول مرة اشوفها بتضحك ومبسوطة كدا ....كمان الشخص دا واضح قريب منها لدرجة أنه يحضنها كدا ..... هما بيعملوا ايه دول .... _ انا شايف أن اللون دا حلو عليكِ " لا الاحمر احلي ،وكمان انا قولتلك عايزة روج بينك " _ بس انا عجبني دا ....كمان ايه رايك في السلسلة دي " سكرة زيك يا كتكوت انت .... تعال معايا المطبخ هعملك كيكة بالبرتقال انت بتحبها ...هعملك كمان عصير ليمون مع نعناع ....بجد انت وحشتني اوي .... هات حضن كبير اوي " حضنته تاني وبعدها مشيوا مش عارف فين ....هو بيشيلها ليه ، هي رجلها انكسرت يعني ماتمشي علي رجلها وهي مبسوطة ليه وبتلعب في شعره ليه.....ايه العلاقة المقرفة دي .... _ أستاذ حمزة الغدا اتفضل " شكرا...هو مش فيه حلويات النهاردة " _ هي بس مسك اللي بتعمل حلويات وكل ما آدم هنا مسك بتكون بتعمل حلويات بس لآدم ... " واضح بتحبه اوي " _ هما قريبين اوي من بعض روحهم في بعض ، كل واحد فيهم بيكون شخصية جد وانطوائية مع الناس بس مع بعض بيقلبوا عيال صغيرة ، " اه " هي انشغلت اوي معاه لدرجة أنها مش شايفة غيره ....وهو علطول معاه ... لقيتهم في الليل قاعدين في الجنينة وهو بيضفرلها شعرها...سبتهم وطلعت _ ايه رايك ؟! في واحدة كورية كانت بتعملها واتعلمتها مخصوص عشانك " يا خواتي سكر ...يارب اتجوز واحد شبهك" _ انا نسخة واحدة بس يا ماما .... " ولما اعضك دلوقتي ...." _ لا بلاش عض ...شوفتي طلبتلك ايه ، أوردر غالي اوي دا علفكرة مكلفني ٣ شهور شغل .... " ايه دا كحل بني ، انت عارف اني بحب بس الاسود " _ عينيك بني وواسعة وهيكون البني احلي.... تعالي نجربه كدا " عارفة لو بهدلت عنيا هزعلك " _ بقيتِ شريرة اوي ...اثبتي بقي " عايزة اشوف شكلي" _ استني احطلك الروج دا .... كدا خلصنا ....بنتنا رجعت لأصلها....... اميرة متوجة ناقص بس تاج .... وليه ناقص تاج .... كدا تمام ....ايه رايك ؟! " تجنن .... تحفة. ...انت اللي هتعمل ميكب فرحي بعد كدا " حمزة " كان صوت ضحكتها بيرن في المكان كله ودا ضايقني مش بحب كدا دا غلط.... بس هي كانت واقفة قدامه وهو ماسك مراية...... هو كان فعلا بيحطلها ميكب!! ....هو ازاي قريب كدا!!! ... وبعدين في راجل يعمل التصرفات دي ؟؟ ، من شوية كان بيعملها شعرها دلوقتي بقيت بتاع ميكب... راجل اوي ادم دا ..... هو بيعمل دا ، ليه بيحط الحجاب علي شعرها معقول شافني .... لما رفع المرايا وقتها شوفت انعكاس مسك فيها ....... بيقولوا أن بتيجي لحظة الواحد بيتخطف ومش بيقدر ياخد نفسه .... حسيت اني مش قادر اخد نفسي وقتها ...اني اتخطفت فعلا ....

فايزة: لا تلاقيك غلطان _ لا ، هو كان وقت الفجر ، وكان حد باين كدا بنت صغيرة فايزة بتوعد: اوعدك هعرف مين هي وهتصرف معاها ....يلا يا مسك خلصي شغلك منك لله ، دا انا هتربي من اول وجديد بسببك دلوقتي حمزة " ضحكت علي ملامحها وهي بتبصلي بضيق ، وكمان واضح انها خايفة من أستاذة فايزة اوي .... اتمني بس متكررش الشي دا تاني " ----- فايزة : تعالي هنا " ماانتِ هتضربيني ....بعدين هو راجل فتان ليه ؟! ومال أهله هو ؟؟" _ ايه طول لسانك دا ؟! عيب كدا وبعدين دا غلط ، هو دلوقتي المسؤول عن امان الكل وحمايتهم ، وهو راجل في حاله وكويس وفعلا يهمه مصلحة الكل هنا وبيخاف علي الكل وعمره ما قرب حتي من الدور التاني بتاع البنات ....ولا فكر يتدخل في أمورهم ، أتعودي تحترمي الأكبر منك " انا مش هحترمه ، مش بحبه" _ تحبيه أو تكرهيه دا شئ يخصك ، المهم تحترميه ، وانا بتكلم جد ، حمزة لو اشتكي منك بسبب اسلوبك وقتها بجد هزعلك "طيب " انا بجد مش بحبه ، عشان هنا الكل بقي يحبه رغم اني بس مر شهر علي وجوده ،منكرش أنه محاولش يقرب من البنات ،انا اكبر واحدة هنا انا و ملك وملك هتتجوز قريب ، وباقي البنات اقل من ١٢ سنة والاولاد أعمارهم كدا برضوا ، هنا عدد الأطفال حوالي ٥٠ وفي ناس كبيرة في السن حوالي ١٢ ، دول يعتبر هما المسؤولين عننا ، هنا احنا عالم بعيد عن العالم الخارجي ، الدار هنا كبيرة اوي ، هنا الدار ٤ ادوار ، الدور فيه ١٤ اوضة ، الدور الاول الخاص بالشغل والمسؤولين وفيه اوض المشرفين ، التاني بتاع البنات الصغيرين ، التالت بتاع الشباب الصغيرين والرابع دا مختلط ..... حنان : لمي شعرك يا مسك وانت بتعملي الاكل " ماانا بعمل الاكل وأيدي مشغولة دلوقتي" فايزة: انا قولت كام مرة شعرك دا تغطيه في المطبخ ، " بقيتي عصبية اوي يا فوفا" _ هفضالك اصبري عليا مش عارفة بقيت تتعصب ليه دي ، الحقيقة أنا بحب المطبخ والطبخ واي شي خاصة بكوني بنت ، بحب جدا اصحي بدري واعمل شاي ، بحب نفسي واهتم بنفسي وبشرتي ، بحب الميكب ، بحب الضحك والهزار ، بحب اعمل حلويات واهتم بالناس اللي بحبهم ، بحب اسمعهم واحضنهم، بحب دايما اكون مبتسمة والجانب المريح والدافئ في حياتهم .....بس بحب المقالب برضوا _ هو ..... فايزة بخجل: معلش والله ، احنا دايما اكلنا نضيف، مش عارفة إزاي في شعر في الاكل _ انا متفهم دا ، بس بعد اذنكم اللي تعمل الاكل يكون شعرها متغطي كله ....تسلم ايديكم علي الاكل فايزة: مسسسسسسك ---- ملك : دا انتِ هتتنفخي النهاردة ، استاذ حمزة لقي شعرك في الاكل وميس فايزة بتدور عليكِ " احلفي ؟! يالهوي.... يارب ساعدني وهبطل شقاوة ، يارب ساعدني... دي المرادي هتضربني بجد " طلعت اجري وهي شافتني بس ..... " رجلي.....ياماما فااااااايزة رجلي " اتخضت ' طيب اقعدي .... عيطت " المسمار دخل فيها ....في دم كتير " من طفولتي وانا بخاف من الدم ، عشان وقع قدامي قبل كدا حد ونزف كتير ، ومن وقتها وانا بخاف منه حمزة : غمضي عنيكِ " لا " _ اسمعي كلامي وغمضي عنيكِ ، أستاذة فايزة امسكيها كويس عشان هشيل المسمار من رجلها عيطت اكتر " لا مش عايزة " _ استاذة فايزة بعد اذنك مسكتني جامد وهو بكل غباء شال المسمار ولا كأنه كان في جسمي والحقيقة عضيته في كتفه جامد ، والله العظيم لما افوقله لاوريه .... الصبر بس _ الدكتورة موجودة صح هنا ؟! نادوها عشان تعقم الجرح... فايزة: تمام من المميزات اللي عملها حمزة أنه خلي في دكتورة دايمة هنا وكمان بيحاول يشوف حل عشان الاولاد دول يتعلموا برا في مدارس خاصة ، وبيعمل حاجات كتير حلوة بس والله لما افوقله لاجيبه من شعره " علفكرة انت حيوان " _نعم ؟! أنتِ بتكلميني انا ؟! " اه عشان وجعتني جامد. وبكرهك" _ مش برد علي عيال صغيرة ثم انك غلطتي اعتذري ، كمان عضتيني في كتفي جامد " مش هعتذر " _ قولتي ايه ؟؟ قرب كذا خطوة ونظراته اتغيرت " انا اسفة " _ طول ما عملتي غلط تعتذري ثم انك كبيرة دلوقتي كل كلمة هتتحاسبي عليها ، و تحبيني أو تكرهييني مش هتزوديني حاجة ، أنتِ ولا حاجة عندي سابني ومشي الحيوان دا ....انا ولا حاجة ، طييييب ، هنشوف ، هييجي يوم وهكون انا كل حاجة بالنسبالك حنان : اخيرا بقيتِ كويسة ، وحشتني لماضتك " بقيتي اقدر امشي براحتي دلوقتي الحمد لله ، تعرفي الحمد لله علي كل الم وبلاء بنتعرض ليه والله يا خالتي ، انا مبسوطة انتِ اتعورت كدا ، عارفة الالم اللي حسيت بيه وقتها احتسبته تكفير وغفران ذنوب و اني اعرف قيمة النعمة اللي انا فيها دلوقتي ، الحمد لله يارب ....المهم عاملين ايه اكل عشاني ؟! انا قولتلكم ايه اكتر حاجة بحبها ..... الاكل وملامح أحدهم اقسم بالله....وضح وانا بندمه واكرهه حبيته وانا معرفش.....رغم أنه معايا قليل ذوق بس برضوا لطيف ومراعي وبيحب يشيل مسؤولية اللي قدامه ويقدر تعب اللي قدامه وكمان لطيف وكتكوت وعنيه حلوة و..... مني لله يارب سامحني

من النعيم المؤجل في الدنيا هي اللحظة دي ، اني قاعدة في وسط ورد كتير والسما فوقي والقمر ساطع ، ومع أكتر حد بحبه وبحكي كل اللي عايزاه وكمان حد بيأكلني بايده ....يالله باركلي في النعمة دي واحفظها يارب ....... الدنيا لحظة حلوة مع ناس بنحبهم ، نحكي معاهم كل اللي في بالنا من غير ما نفكر ، نضحك من قلبنا ونعيط كمان ... نكون شفافين ومفهومين.... تفتكروا هحتاج ايه تاني من الدنيا ؟! حمزة " كنت واقف وشايفهم من اوضتي وهي قاعدة بتتكلم وميس فايزة بتأكلها ، رغم أنها كانت متعاقبة من شوية .... بحسدها علي ضحكتها دي وعنيها اللي بتلمع .... يالله ، ازاي رغم كل النعم اللي عندي لسه بتمني اللي عند غيري ، يارب اعفو عني وباركلي في كل اللي عندي ..... انا جيت هنا عشان وفاة اخويا الكبير أثرت علي البيت كله ، مر سنة كاملة علي وفاته بس لسه مش عارف اتخطاه ...الكل فاكر اني مش فارق معايا حاجة بس ... انا حاسس اني قلبي بيتعصر كل ما افتقده وأتذكر إنه مش موجود ....انا جيت هنا عشان فعلا محتاج افهم نفسي وابدا من اول وجديد .... _ ايه الصوت دا !!!! صليت الفجر بس حسيت بحركة وصوت بابا بيتفتح ، معقولة في حد دخل الدار.... طلعت بسرعة ولقيت حد ماشي بهدوء ومتغطي بشال طويل .... بس الشخص دا ليه طالع الدور الاخير وكل حاجة في الدور الاول والتاني .....طلعت وراه ، ولقيته طلع السطح ...معقولة سرق حاجة او شخص اتهجم علي حد ....انا مش هسيبه و..... طلعت بنت.... بنت صغيرة ، شعرها طويل وقصيرة ، بس هي بتعمل ايه هنا وليه صاحية دلوقتي.... طيب اتكلم معاها ولا بلاش ، لا بلاش عشان حرام اول حاجة اني اشوف شعرها وكمان هي ممكن تتحرج مني ، طيب معقولة بتقابل حد أو بتعمل حاجة غلط ؟!، طيب ليه فعلا تطلع في وقت متأخر كدا ....مين البنت دي ، عايز اشوف وشها. ..... مسك ' ميس فايزة لو عرفت اني طلعت بعد الفجر السطح هتولع فيا ، مش عارفة هي ليه بتمنعني بس انا بحب وقت الفجر جدا وبحب الهوا وبحب اني احس زي الطير حرة تماما....عشان كدا بطلع الوقت دا واسيب شعري ، نعترف أن الحجاب فعلا بيقيد حريتنا والحمد لله علي نعمة دايمة الاجر ، الحجاب ليه هيبة كبيرة وبيمنع الشخص من ذنوب كبير بفضل الله ، بس عشان كدا انا بطلع في الوقت دا من غير الحجاب.... بحب احساس اني لوحدي واني اقدر اعمل اللي عايزاه بدون ما اعصي ربنا برضوا ..... حد جرب قبل كدا ان الهوا هو اللي يحرك شعرك ويلعب معاه ، أو أن الواحد يرقص ويتحرك علي نسمات الهوا ..... يالله....الدنيا دي فيها لحظات من جمالها بحسها من الجنة حمزة " لحظات والبنت دي شوفت وشها بس خصل شعرها كانت علي وشها ومكنش ظاهر....هي البت دي مجنونة ، دي بترقص ؟! دي مجنونة دي ، يالله دا فعلا في حاجة في دماغها. ... وقفت علي أطراف رجلها وكانت بتلف والهوا بيلعب مع شعرها .... كانت مبسوطة وبتضحك .... وملامح وشها وضحت دي دلوقتي ، هي نفسها المشاغبة .....ليه بضحك انا دلوقتي ؟! ياالله .... استغفر الله العظيم علي الذنب دا ، دي مش حليلتي ليه انا واقف بتفنن اني اركز في ملامحها ، يارب الناس بتستغفر دلوقتي وانا بعمل ذنب كبير .... نزلت ودخلت اوضتي والصبح هنكد عليها ------ هدي : يلا سمعي يا استاذة " علفكرة انا حافظة بس نسيت اراجع يا شيخة ، خليكِ طيبة واديني عشر دقايق اراجع" _ لا " يا شيخة طيب ٨ دقايق " _ لا " بالله طيب ٥ بس " _ لا برضوا " طيب نص ساعة " _ نعم ؟!!!!! معاكِ ٤ دقايق بس وتيجي تسمعي سورة النور من غير ولا غلطة " حاضر " عشان اعرف اتمرقع كويس تاني انا مني لله ، تعرفوا اني بحب سورة النور اوي ، وعندنا لما البنات بتبدا تكبر ، شيخة هدي بتخليهم يحفظوا سورة النور وتشرح اياتها وتفسيرها كمان وتوضحنا امور ديننا ، وكمان بتقعد كل حلقة تتكلم عن صحابية معينة ، بالله هي الحياة برا زي الدار كدا ، في حد دايما بيحمينا ولا الحياة برا شكلها ازاي ؟! .... _ إعادة " يا شيخة ربنا يسامحك دا غلطة واحدة" _ طيب ايه رايك انا كنت ناوية اعديهالك بس عشان لسانك الطويل دا هتسمعيها تاني وكمان معاها اول ٦ اجزاء من فوق والله دا ظلم علفكرة..... _ بت يا مسك بلاش نظرتك دي ، عارفة لو بتدعي عليا في سرك هعمل فيكِ ايه " مش بدعي بس هعمل كيكة ومش هديكِ منها حتة " ضحكت وطردتني عشان تراجع مع باقي البنات .... نزلت الدور الاول عند ميس فايزة عشان اشوف ايه المطلوب مني النهاردة بس .... _ اتفضلي " انا عايزة ميس فايزة" _ بتشوف الحسابات تحت ، اقعدي هنا انتظريها قعدت وهو كان بيخلص شغله.... طيب انا عايزة امشي عشان مليت .... اخيرا ماما فايزة جت فايزة: يعني أنتِ هنا ؟! " عشان اشوف المهام اللي عليا " فايزة: ساعدي ام عامر في الطبخ ، وبعدها روحي اوضة هنا وميار وذاكري معاهم " تمام " حمزة : أستاذة فايزة ، في حد امبارح لمحت ظله علي السطح يا نهار ابيض !!! هي ماما فايزة بتبصلي كدا ليه ؟!! يارب ما يكون شافني

" عشان هنا في بنات كتير يا ماما فايزة واولاد صغيرين خايفة الشخص دا يكون قاسي عليهم ويكون زي اللي قبله بيفكر بس ازاي يلموا فلوس وتبرعات ويتاجروا بينا ....هنا في بنات صغيرة وبتكبر ومحتاجة رعاية واهتمام وخايفة الشخص اللي جاي دي يكون نيته وحشة اتجاه حد فينا .... انا بجد خايفة" _ انا موجودة وهفضل موجودة متقلقيش .... وبلاش عياط ...مسك ....أنتِ دلوقتي مش طفلة صغيرة....أنتِ تقدري تقفي في وش اي حد وتواجهيه " انا نفسها مسك يا ماما فايزة اللي بتخاف من الضلمة والكلاب والناس كلهم....انا نفسها مسك الطفلة الصغيرة اللي مهما عمرها زاد هي مش بتكبر ومس بتعرف تواجه حاجة بس بتقعد تعيط " _ بس لسانك طويل ضحكت " اه .... بس المدير دا هطلع عليه القديم والجديد " _ عارفة لو عملتي مقالب فيه هعمل فيكِ ايه ....ثم شعرك بتفرديه ليه ؟! انا مش قولت مليون مرة بلاش تفرديه ....طيب عقابا ليكِ هتنضفي المكتب كله "يامس فايزة.... ماما فايزة.....يا فوفا بقي حرام...." _ انا قولتي اللي عندي ولو المكتب بكرا مكنش نضيف مفيش فطار ولا غدا " ربنا علي الظالم " _ بتقولي حاجة ؟؟ " بقولك ربنا يقويك يا فوفا يا قمر انتِ " يارب يكون اللي جاي ايام حلوة ....يارب انا معنديش غيرك ، انا لوحدي بس معرفش اعمل حاجة غير اني اتكلم معاك يا ربنا واقولك كل اللي حاجة ، يارب الحمد لله اني يتيمة ومعنديش أهل عشان احس بالوحدة واتونس بس بقربك....الحمد لله اني يتيمة شبه سيدنا محمد ....يارب أخلاقي تكون حلوة وترضيكِ يارب وسيدنا محمد يكون فخور اني واحدة من أمته ....يارب اكون عبدة صالحة ...يارب انظر ليا نظرة رضا ودخلني الجنة ، وأرزقني رجل حنين لطيف احبه واعرف اتكلم واضحك معاه وميكونش بيضايقني أو يحب يخليني اعيط أو مشاعره باردة وقاسي. ....يارب أنا نفسي الايام اللي جاية تكون حلوة ....يارب تكون ايام حلوة ....دلوقتي اشطر كتكوت صلي القيام وقال الاذكار بتاعته وينام عشان الفجر بقي ....وبكرا نشوف حوار المدير الجديد دا .... _ السلام عليكم ورحمه الله وبركاته " دا المدير الجديد ؟! احيه بجد ؟! فايزة ' باحراج ': ايه اللي بتقوليه دا ؟! معلش يا استاذ حمزة حقك عليا بنت صغيرة.... تعالي معايا " والله الكلمة دي طلعت غصب عني " _ انا حذرتك مليون مرة منها ... وعقابا ليك هتقعدي في الأوضة لوحدك وكمان لو سمعت الكلمة دي اتكررت مش هيكون في اكل ولا شرب ولا لعب أو لبس جديد " دي مجرد كلمة ....ليه دا كله ؟؟" _ عشان الكلمة دي غلط وحرام وبعدها لسانك هيتعود علي الشتايم والمسلم المؤمن لسانه مش باذئ ولا بتاع شتايم .... المسلم لسانه دايم ذاكر لله وحامد لله ....وأنتِ عايزة تتربي من اول جديد " بس المدير الجديد حلو اوي يا فوفا .... كتكوت اوي " _ والله لما اخلص الشغل هجيلك اتحبست للمرة المليون ، بس العيال الصغيرة كانوا قاعدين قدام اوضتي وبيحكولي تفاصيل يومهم وكمان بيحكولي عن المدير الجديد ....بس هو طلع صغير اوي وكمان بيغض بصره، معقولة يكون محترم ؟! لا طبعا ، مستحيل انا اثق في الأشكال دي .... ريم: بس تعرفي اسمه حمزة وشخص كويس وجابلنا لبس واكل وحاجات كتير حلوة وكمان لعب مع زياد وأيمن وخالد وكرم وجمال وهاني وكل الاولاد .... وكمان لعب معانا شوية " بجد ...؟! دا واضح انه مش سهل وشرير اوي ...بقولكم ايه انا جعانة اوي ....حد يتحايل علي ميس فايزة تسامحني ومش هكرر الغلط دا تاني " ملك : لا عشان تستاهلي " لما اطلعلك هجيبك من شعرك يا بتاعة احمد أنتِ ، شوفي مين اللي هتفصلك فستان كتب الكتاب " ملك : مسوكة حبيبتي ...انتِ سكر حياتي " لا والله ...دا أنتِ عيلة مش سالكة ، يا عيال جعانة اوي بالله ، ياماما فااااااايزة جعااااانة " ريم : في حد جاي احنا هنرجع مكاننا عشان منتعاقبش سابوني وطلعوا يجروا ، انا اللي بقف معاهم دايما ومش بسيبهم يتعاقبوا لوحدهم عشان بكون متعاقبة معاهم اصلا " يا ماما فايزة جعااااانة و...... سكت لما لقيت المدير الجديد واقف قدامي لوحده _ ليه الباب مش بيفتح ؟! " عشان مقفول بالمفتاح " _ ليه ؟! "ميس فايزة قفلته " _ ليه برضوا ؟! بصتله بقرف " عشان متعاقبة " _ اه ...طيب سابني ومشي عادي ....طيب انا جعانة دلوقتي والله ....منك لله.... _ تعالي يلا عشان تأكلي ، حقك عليا نسيت اجبلك الغدا " اتاخرتي اوي المرادي ، فكرتك نسيتي " _ وانا اقدر انساكِ ، تعالي وهأكلك بايدي " بالله ؟! طيب ونقعد في الحديقة الخلفية " _ يلا " بالمناسبة صح ، عاملة ايه اكل يا فوفا ؟!" _ ورق عنب وفراخ وملوخية وفي بانيه ومكرونة و.... " طبعا كل دا عشان المدير الجديد، اهو استفدنا منه بحاجة ، بس صغير اوي يا فوفا ،دا هيعرف يهتم بحاجة دا " _عارفو لو لسانك الطويل دا يتلم هتبقي سكرة "انا اصلا سكرة من غير حاجة "

" انا .... زعلانة اوي اني مصيري اكون بنت " --------- كمال : اهربي ببنتك بسرعة يا بنتي والا هيقتلوكم _ اروح فين يا عمي ؟! اروح فين ؟! كمال : اركبي القطر اللي جاي دا ، المهم تهربي ، بنتك ولادتها هتجيب الخراب للبلد كلها _ انا مش هقدر اقتل بنتي يا عمي كمال : بنتك لازم تموت ....بنتك من قبل ما تتولد والكل عارف ان ولادتها هتكون شؤم علينا ، جدتها حلمت وتفسير الحلم أن بنتك هتكون سبب المصايب والدم من تاني.... يوم ولادة بنتك بس ... مات جدها ، صدقيني هما عندهم حق ، البنت دي لازم تموت " طيب وابني الكبير بدر اسيبه لمين ؟! مش هقدر اختار بين اولادي ؟؟" كمال: انا مجرد سواق عند عايلة جوزك يا بنتي بس ...اقدر اديها لحد يريبها....بس تنسيها " هتكون بخير ؟!" كمال : هتكون بخير بس ..... من النهاردة هي مش بنتك خلاص ...ولا هتسألي عنها ...بنتك من النهاردة تعتبر ماتت " موافقة" عفاف ' اليوم دا مر عليه ٢٠ سنة بالظبط ، لسه فاكرة كل حاجة كأنها لسه بتحصل قدامي ، بنتي اللي حتي معرفش اسمها ايه ولا لحقت اديها اسم ...انا قررت اتخلي عنها عشان تعيش ، انا مش وحشة ولا قاسية بس انا حياتي هنا واهلي وجوزي هنا وابني هنا مش هقدر اتخلي عن دا كله ....كمان بنتي دي محكوم عليها بالموت من قبل ما تيجي ، انا حتي صدقت الرؤيا أنها هتكون سبب رجوع الدم تاني بين كبار العائلات هنا .....انا معرفش اللي عملته صح ولا غلط بس ....بس هي هتكون بخير بعيد عن هنا ....يا تري هي دلوقتي اخبارها ايه ؟! عايشة ازاي؟! مبسوطة ولا لا ؟! بتنام كويس وتاكل كويس ؟!في حد بيهتم بيها ولا لا .....يا تري اسمها ايه ؟! _ مسسسسسسك ، والله لاعاقبك " معلمة بالله اخر مرة ، بالله مش هتتكرر تاني " _اقفي مكانك احسنلك " لا هتضربيني ، انا معملتش حاجة غلط ، هو الراجل كان قليل الذوق وانا بس عضيته في أيده " _ الراجل دا بيكون ممول مهم للدار ، وبعدين أنتِ عيلة صغيرة عشان تعضي اللي قدامك ، " عندك حق ، المفروض كنت خربشته وعورته جامد ، وبعدين انا مستحقش العقاب هو كان بيتنمر علي طفل عندنا فأنا رديت عليه وشتمته " _ انا هعاقبك عشان نشوف اخر التصرفات دي مسكتني من ودني جامد ودخلتني الأوضة كالعادة ، انا بتعاقب علي طول بسبب اني شقية ولساني طويل بس اصلا مش مهم ، انا مش بزعل من ميس فايزة هي شريرة بس بحبها ، ...انا معرفش اي حاجة عن نفسي غير اسمي مسك وبس ، كبرت في الدار هنا ، الكل هنا ايتام ، في ناس كتير حاولت تتباني بس مكنتش برتاح وكنت برجع الدار تاني ، حياتنا هنا مش حلوة ومش وحشة ، انا كبرت ومقتنعة بشي واحد الإنسان لو مقرر يستمتع بحياته مهما كانت عنده مشاكل هيعمل كدا فعلا ، وانا قررت اركز علي الجانب الحلو ، اني عندي أصحاب كتير في الدار، اني مسلمة ، اني عندي ميس فايزة ودي زي ماما رغم أنها بتعاقبني كل يوم ....واني أشطر كتكوت في كل حاجة ....واني عندي قلب حلو وابيض ، دايما ميس فايزة تقولي كدا ...... تعرفوا اقولكم سر ...انا بزعل اني مش عارفة انا مين ؟! متخيل يعني ايه عايش حياتك وانت مش عارف اصلك ايه ؟! طيب اهلي دول مين ؟! طيب ليه سابوني ، الحقيقة قررت مش هعيط....كل حاجة بتحصل في حياتنا ربنا مقدر دا .... وربنا رحيم بينا ...وعشان كدا ايا كان اللي هيحصل في حياتي انا قررت ارضي بيه حتي لو كان صعب .... _ الاكل ياأم لسان طويل " ميس فايزة ، اعمليلي شعري ضفيرة جديدة" _ انا مش عارفة مش بقدر اقسي عليك ليه ؟! وكمان بتحمل كل دلعك دا ضحكت" عشان بتحبيني.. تنكري ؟! " _ لا يا آخرة صبري " خدي بوسة وحضن عشان أنا كمان بحبك ..... قوليلي بقي مالك زعلانة ؟؟" _ مين قالك اني زعلانة ؟؟ " عشان اول مرة متتخانقيش معايا اني معملتش مساج لفروة شعري واني شعري اليوم كله مفرود ودا معناه اني في حاجة شاغلة بالك " _ الدار هتتباع لواحد اسمه رشاد هو راجل كبير في السن... هو اللي هيكون مسؤول عن كل حاجة خوفت واتخضيت " يعني راجل هيكون هنا ؟! راجل هيكون مسؤول عننا " قربت مني ومسكتني جامد ' لو الكل خاف أنتِ لا يا مسك ... أنتِ لازم تنسي اللي حصل زمان ، انسي ' " انسى ؟!لا مش هنسي وانتِ اكتر واحدة عارفة فاطمة اتجوزت الشخص دا عشان بس هو .... انا قلبي وجعاني اوي ، رغم اني مر ٧ سنين كاملين بس من وقت ما انا شفته بيتهجم عليها وانا بخاف من اني اكون في مكان فيه راجل، بخاف من نظراتهم ، من قربهم ، وكل مااكبر وانا بكرههم اكتر خصوصا اني معرفش ليه انا اترميت هنا .... ميس فايزة أنتِ عارفة كل حاجة حصلت معايا ، ليه دلوقتي ييجي راجل يدير المكان هنا ؟! ليه وافقتي ياماما فايزة ؟! _ بتعيطي ليه طيب ؟!

كنت حابة اقول حاجة لو امكن يعني 🌚♥️ لازم نعمل خطة لرمضان ونشوف احنا ناويين نعمل ايه بس قبلها في كذا سؤال مهم 1- ايه الشي الجديد والمختلف اللي قررت تعمله رمضان دا ؟! 2- قررت تتدبر وتتعايش مع اي سورة من القرآن ، اختار سورة معينة وحاول تفهم وتتدبر اياتها ، انا شايفة سورة واحدة كفاية عشان اقدر اعيش باياته واتعامل بيها 3- ايه سلسلة قررت تتابعها ؟! قررت تتابع السلسلة دي في أي موضوع بالظبط ، تدبر قران - السير - في الحياة العامة - في الأخلاق نفسها ، في سلسلة كمان عن المسلمين الجدد الشيخ فهد الكندري ، حلوة ولطيفة وصغيرة يدوبك الحلقة 20 دقيقة بس وبحبها جدا الحقيقة ♥️ 4- اجمل شي بقي تشتغل عليه انك تتجنب المعاصي ، ودا في نظري من أصعب واجمل الحاجات اللي بقاوم وانفذها ، يعني نحاول علي قدر نقدر نلتزم الشهر دا وننوي النية كاملة لرضا الله ، واهم حاجة نجدد النية في الصيام والعبادات ♥️ 5- لو بقيت شخص شطور وكتكوت كدا وقدرت تقاوم نفسك وتتجنب المعاصي ، لا بأس اننا بقي نشتغل علي زيادة الطاعات ، فأنت بقي اختار طاعة معينة محببة لقلبك واعملها ، زي الصدقة ، الذكر ، مساعدة الغير ، اطعام ، اي شي تعمله خلي نيتك خالصة لله 6- احنا بشر وفي رمضان بنتعصب كتير اوي ، فايه رأيك نجرب نكظم الغيظ ونعفو عن الناس بأخطائهم وزلاتهم ...ابتغاء رضا الله تعالي .... الموضوع صعب عارفة بس نحاول برضوا 7- اخر حاجة بقي ، لو قدرت تقرأ عن الصحابة أو الرسل أو الجنة ، لو بس 5 صفحات هيفيدك الموضوع جدا ، وكل الكتب نزلتها في قناة التليجرام واخيرا متنسوش تدعوا لحبيبكم ابو الخوخ 🤭♥️ ادعولي بجد أن ربنا يعفو عني ويرزقني الفردوس الاعلي انا واهلي ويباركلي في كل اللي في حياتي ♥️

محتاجة رايكم جامد وياريت تكتبهولي لو امكن في الكومنتات 🤭💚

- ليه مقولتيش من اول مرة ؟؟ " عشان في البيت هترموا اللوم عليا واني السبب في كدا واني انا اللي غلط " - أنتِ غلطتي فعلا بس مش لدرجة أننا كنا هنيجي عليك ونسيبه ...تعالي معايا خوفت " فين ؟!" - انا معنديش واحدة تشيل اسمي وتخاف....أنتِ تقفي قدامه وتجيبي حقك بدراعك وانا هكون واقف .... بس لازم تجيبي حقك بنفسك يا مسك ، وهتفضلي هنا في جامعة اسكندرية ومش هتهربي منه ...أنتِ تواجهيه وتخليه هو اللي يخاف " لا ....مش هقدر ...انا ... - مسك ....يلا مسك ايدي ونزل معايا .... ايوب: معقولة جايباها بنفسك - هو دا عم ايوب...أنتِ غلطانة يا مسوكة كنتِ تناديه جدو ايوب.... كنت مصدومة أنه عنده قدرة يضحك في موقف زي دا - حظك بقي أن كل حاجة حصلت مع مسك كانت متصورة عشان السلسلة دي فيها كاميرا ، يعني تتقدم للشرطة وانت عارف هيحصل فيك ايه ايوب: وهتضحي بسمعتها - مالها بقي ؟! البنت بمية راجل واخدت حقها واحنا الواحدة عندنا متخافش من ... واحد زيك كدا ، وبعدين متقلقش هتجوزه وبكدا هتكون انت واقف في وشي انا .... بس قبلها لازم اعملك درس ازاي تحاول تقرب من واحدة اصلا ..... احمد وفارس ضربوه جامد والناس اتلمت....بس ما اخدناش بالنا من ايوب وهو مسك السكينة وبيجرح احمد في كتفه أيوب: هقتلك ...هقتلك عشان لا انت تطولها ولا انا ..... فارس : دا مريض نفسي بجد ....دا لازم يمشي من المكان دا " ابيه أحمد في دم ...." - فارس دخلها جوا دلوقتي " لا مش همشي....انا ... - بقولك ادخلي جوا " لا مش هدخل " فارس: بعد اذنك تعالي معايا كان رجال كتيرة وصراخ والبوليس جه وأحمد مش عايز حد يعرف اي حاجة ، بس هو عاكس بنت كانت ماشية واحمد وفارس دفعوا عنها ومحاولة قتل احمد كانت في صالح القضية ، بس الغريب بقي اني في ناس كتيرة شهدت ضدت ايوب لانه طلع شخص مش كويس اصلا .... وبكدا بفضل الله تعالى اتحبس ....هو اه حكم الحبس مجاش بسرعة بس اخيرا اتحبس .... اتعلمت اني مفيش حاجة اسمها راجل كبير وصغير ، في حاجة اسمها حدود ربنا لازم احترامها واراعي الحدود دي مهما حصل ، واني كل كلام ربنا لازم انفذه حتي لو عقلي مقدرش يستوعب الحكمة منه ....احنا في الاول والاخر عباد الله....ولو استوعبنا الحقيقة دي كنا هنرتاح جدا - بتعملي ايه يا اخرة صبري ؟؟ " بص امشي من وشي يااحمد " - بقيت احمد دلوقتي بعد ما طلعت عنيا بكلمة يا أبيه " انا اتجوزتك اصلا عشان صعبت عليا وانت كبرت ومحدش اتجوزك " - تصدقي انتِ عايزة تتربي من اول وجديد ، وانا حددت ميعاد كتب الكتاب الشهر الجاي عشان اربيكِ من اول وجديد طلعت لساني " نينييييي" - يا مستفزة "مش عاجبك طلقني" - انا منتظر اتجوزك الاول وبعدها نشوف الحوار دا وبالاخير اتجوزته ... وطلع كل الاهتمام دا كان فعلا حب مش مسؤولية ...منه لله بكاني سنين بس والله بطلعهم علي عنيه دلوقتي .... بس الحقيقة أنا محظوظة أن احمد بقي رفيقي في الدرب الطويل..... "أعرف أن الناس يأتون ويذهبون ؛ ولكن هل يمكنك أن تكون الشخص الذي يبقي للابد ؟!!!!♥️" #صغيرتي #خلود ناجي #رايكم 💚