港人外國參軍資訊

英軍軍訓記1 - 天佑女王 大家好我係E仔，唔經唔覺入咗軍訓已經兩星期。本來以為自己做慣地勤都叫捱得吓，但原來入到軍訓先知咩叫真正嘅辛苦。 Week 1話就話admin week 都係上課室堂多，但原來已經好chur。由燙衫、執床、對長官稱呼、行路全部都要一絲不苟，每朝5點Chur 到夜晚都仲要準備第二日嘅room inspection，有少少俾人pick up已經要受罰。到week 2正式開始有體能同埋操槍，壓力更加之大。你要好短時間學識好多嘢，記好多term，仲要pass到啲試。 兩個禮拜未到，我個corner 嘅四張床位已經得番我一個，有啲犯事俾人back troop，有啲自己放棄，有啲過唔到體驗。其實我自己都好辛苦，但咁難先入到嚟，冇理由而家先放棄。 咁多日入面暫時最深刻係宣誓效忠英女王嘅儀式。‘I will as in duty bound honestly and faithfully defend Her Majesty’ 對於我哋香港人嚟講真係特別感觸。如果唔係有英國，我應該都喺香港繼續冇將來嘅生活，所以而家有機會，我真係會好好咁守護呢個國家。 好彩之前有參軍谷谷主教路，買咗好多個list冇但又非常有用嘅物資入去，佢仲私人贊助咗啲裝備俾我。我嗰時都喺度諗駛唔駛額外帶咁多嘢，但一入到去就發覺，樣樣佢講要帶嘅嘢都超有用，而家我簡直好似打機開外掛咁。加埋我係summer intake 唔駛好似佢咁野外捱凍，希望可以順順利利準時pass out啦。

【慎入】 彩彈WAR GAME團 📅邊日: 9月24號 (禮拜六) ⏰時間: 下晝1點至4點 📍喺邊: 1 Aveley Rd, Upminster RM14 2TN 💰幾錢: £15 / £10 (只限正在等候政治庇護及已獲授予難民或人道保護身份嘅朋友仔) 🪖裝備: 彩彈100粒, 半自動彩彈槍、迷彩作戰服、Fullface頭盔、護目鏡。 ⚠️ 須知: 遊戲總共有3場對戰, 每場2個回合。根據經驗, 100粒只係捱到1場對戰。現場可以自由購買彩彈, 每100粒£11.99。 🛠點報名？填好張form 👉🏻 https://forms.gle/UihNqiRfJGTgdgpZ7 ，之後按成員嘅回覆指示入數留位。 👥名額？50, 先到先得 (PS: 呢個活動只接受7歲以上嘅朋友仔報名) ❓如有任何問題歡迎pm我哋: https://t.me/paintball_hka

健身入門4 - leg day 香港有位好掙扎嘅健身教練出名唔重視操腳，結果啲徒弟個個頭重腳輕。好多人健身都最憎leg day，但其實操腳非常重要，一嚟人體最大嘅肌肉就係大腿嘅四頭肌，二嚟腳肌肉對支撐人體至關重要，三嚟對男士嚟講操腳會刺激人體產生增肌合成荷爾蒙，仲有，skip leg day嘅身型實在太過滑稽。所以大家唔好唔操腳呀。 同之前一樣，全新手頭兩個cycle會建議大家先操機。 Leg press 8RM x 3 Hip Adductor + Hip Abductor 12RM x 3superset Leg Curl + Leg Extension 8RM x 3superset Calf Press on Leg Press machine 15RM x 3 *Superset 即係兩個動作一次過做中間唔停，因為 Hip Ad 同Ab、Leg Curl 同Extension 分別係練大腿嘅內外側同前後側，所以可以一對咁練。 Calf press 係喺leg press machine 上面趷高對腳掌練小腿肌。 至此，健身入門嘅一星期流程已經介紹完畢。呢個流程可以重複兩到四次，如果堅持一個月，應該已經可以見到明顯效果。 更多訓練及參軍討論，請加入： https://t.me/+M5JX-dVzPjI0ZGI0

恭喜！又有一位香港人成功考入army全職軍人，今日版主去咗同佢講解嚟緊14個星期軍訓要點，同埋留低一啲必需物資俾佢。 由BNO 英國參軍 @bnojoinukforce 成立以嚟，由報名開始跟進到軍訓，已經幫咗3位香港人考入regular army，包括Royal Army Medical Corps 嘅Medic，Royal Logistic Corps 嘅Driver，連Royal Armoured Corps嘅 Tank Crewman 都有！嚟緊亦都有幾個去緊考體能，今年有望達到雙位數。 更多參軍及訓練討論，請加入： https://t.me/+M5JX-dVzPjI0ZGI0

健身入門3 - Pull Day 嚟到星期三，會係一週訓練計劃入門嘅Pull Day，包括大肌肉：背肌同後腰肌，細肌肉：二頭肌同後膊。其中操背同後膊可以大大改善寒背同圓肩問題，令你更加腰板挺直；二頭肌亦都係大隻嘅指標之一「老鼠仔」，後腰更加可以強化男人某啲功能😏 同上次push day 一樣，新手week 1-2 我哋會推介做machine。大家聽得多嘅deadlift 因為太易整親腰所以我哋暫時會用back extension Machine 代替。 Lat Pull down 8RM x 3 Iso-Lateral Row 8RM x 3 Back Extension 8RM x 3 Reverse Fly 12RM x 3 Preacher Curl 12-15RM x 3 華人喺外國人嘅Stereotype 都係斯斯縮縮膽小怕事，所以唔少不良份子都會揀華人欺凌甚至行劫。希望香港人由今日開始操背，挺起胸膛做人，改變呢個刻板印象！ 更多訓練及參軍討論，請加入： https://t.me/+M5JX-dVzPjI0ZGI0

《BNO 參軍國籍問題 part 2》 估唔到咁簡單嘅問題都要開part 2，只係因為有無聊人亂咁放流料，話參軍報國籍British 係false claim，搞到幾位版主係咁收PM追問。 如果大家對自己國籍有任何懷疑，唔該拎起你張BRP，翻到背面睇吓Nationality 。冇錯，係GBN(Great Britain national) 而唔係BNO。我哋相對於British citizen (BC)係少咗citizenship，但同其他英聯邦國籍人士一樣，係絕對有參軍權！咁多年嚟，用BNO嚟英國參軍嘅香港至少有三位數字，只係自從有BNO visa 開始，參軍比以前更加方便，因為整個參軍過程都喺英國進行。 自從BNO英國參軍討論谷成立以嚟，已經幫咗5個香港人考入全職英軍，隨住香港人陸續住夠18個月合乎英軍要求，希望今年內BNO visa 參軍數可以達到雙位數。我哋唔敢講係咩成績，但至於話到俾有志參軍嘅香港人聽，英國參軍呢條路係work嘅。 更多參軍及訓練討論，請加入： https://t.me/+M5JX-dVzPjI0ZGI0

健身入門2 - Push Day 上次介紹完Push Pull Leg 嘅Overview，今日星期一，正式講吓Push Day 操啲咩。 Push Day係唔少男人嘅至愛，因為操胸肌、三頭同前膊都好快見到成效。 我哋推薦新手首先由Machine 開始操而非Cable/Free weight，因為Machine嘅活動軌跡係固定嘅，可以減少做錯動作嘅機會，就算你唔夠力fail都唔會俾啲鐵責親。 新手Push Day programme: ISO-Lateral Chest Press 8RM x 3 Incline Press 8RM x 3 Shoulder press 12-15RM x 3 Lateral shoulder raise 12-15RM x 3 Tricep extension 12-15RM x 3 每組之間休息約90秒 RM 係指做幾多吓會力盡嘅重量 因為胸肌係大組肌肉，所以可以做重啲但少吓數，令佢哋大得快啲，相反膊同三頭係細肌肉，比教適合低重量但多吓數。 正所謂止戈為武，胸膊係最快令你睇起嚟大隻嘅肌肉，而三頭更加係出拳嘅主要肌肉，好好操嘅佢地，就足可以自保。 更多參軍及訓練討論，請加入：https://t.me/+M5JX-dVzPjI0ZGI0

《BNO擴權與參軍》 有香港保皇黨女士聲稱，上個月英國通過嘅BNO擴權（容許97後BNO二代不經父母獨立申請BNO visa）係違反《中英聯合聲明》，但事實係咪咁？ 當然唔係。英國政府係承諾咗唔會再派新嘅BNO護照，但新嘅擴權只係容許BNO二代申請dependent visa，佢哋同其他移民visa一樣，仍然係中國籍，拎特區護照，冇得投票同埋參軍，直至5+1之後拎到BC。 同樣道理，點解英國政府要搞BNO visa而唔係直接將BNO變BC，就同樣唔想違反喺《中英聯合聲明》入面唔俾BNO有居英權嘅承諾。BNO visa 本質上仍然只係一個移民/工作/學生簽証，同其他簽証嘅權益同限制幾乎完全一樣，唯一分別係BNO本身就係英國「國民」，BNO visa 可以投票、做公務員、參軍，係源於本護照，而唔係上面個visa。 英國停止tier 1 投資移民，斷咗一堆某國人嘅移民夢，只能乖乖做韮菜。眼見另一班後生仔可以逃出生天，自然會心理不平衡。 更多參軍及訓練資訊，請加入： https://t.me/+M5JX-dVzPjI0ZGI0

操肌要飲蛋白粉大家可能聽得多，有啲人話佢傷身，有啲又話佢冇用，咁其實所謂嘅大隻奶粉係咩嚟？ 做gym用蛋白粉有好多種，可以分為whey protein(乳清蛋白)，diet whey同mass gainer 其中diet whey 只係減少咗卡路里嘅whey protein幫助收身，mass gainer 就相反加大卡路里幫人上磅數。 咩叫乳清蛋白？顧名思義係由牛奶分離出嚟嘅蛋白質，因為易俾人體吸收，對住健身人士嚟講係非常方便嘅代餐（1 serve嘅whey protein 大約等如6隻蛋) 亦因如此，如果話乳清蛋白對身體有害，亦即係話牛奶對身體有害？有常識都諗到咁嘅講話係唔合理。 至於點解有人會話「蛋白粉」對身體有害？第一係因為「量」，任何食品食過量都係對身體有害，就算飲太多水都會中水毒，如果你拎蛋白粉當水飲，當然唔可以。正常嚟講一日1至2 serve 已經好足夠增肌需要。其次係因為某啲健身人士除咗食純蛋白之外仲會加一堆creatine 甚至類固醇，呢啲當然對身體唔好。 英軍對士兵嘅蛋白粉攝入有嚴格控制，需要跟隨informed sport 嘅list （https://sport.wetestyoutrust.com） 如果食咗list 以外嘅粉係有機會過唔到驗尿而被革職。 換句話嚟講，喺呢個list 入面嘅蛋白粉係安全服用。 大家對健身同訓練有興趣歡迎加入英國參軍谷一齊討論： https://t.me/+M5JX-dVzPjI0ZGI0

健身入門 - Push Pull Leg split 新手入到健身房，見到琳瑯滿目嘅健身器材，少不免會眼花撩亂，無從下手，最後走咗去跑步機。 結果有啲人好好咁利用到「新手紅利期」，半年甚至三個月已經明顯見到成效，而有啲人操咗成年都冇咩分別。 人體主要肌肉群有胸、背、膊、二頭、三頭、四頭、小腿同埋core/腹。好少會一日操哂全身，通常都會分開唔同組合。而其中最一種最有效同熱門嘅分法就係「Push Pull Leg」。 Push 即係所有推嘅動作，包括chest press, tricep press，shoulder press等，訓練肌肉為胸、三頭肌，前膊。 Pull 包括 Lateral Pull, deadlift, bicep curl，shoulder roll等等，訓練肌肉為背、二頭、後膊 Leg 包括 Squat ，calf raise等等，訓練大腿小腿肌肉。 有關push pull 同leg day嘅詳細介紹我哋會之後分別出post講。 由於每一組肌肉操完之後都需要至少72小時回復，而新手需要更多時間，所以我哋推介嘅一星期訓練會係咁： 星期一：Push 星期二：Cardio/Core 星期三：Pull 星期四：Cardio/Core 星期五：Leg 星期六日：Rest 英國嘅健身房又平又靚，平均24小時gym月費都只係20鎊左右，真係唔做gym都對唔住自己。 更多訓練及參軍討論，請加入： https://t.me/+M5JX-dVzPjI0ZGI0

參軍資訊 - 居英日子要求 好多人inbox 我哋都話喺報名申請參軍嗰時都係居英時數嗰度卡關。有關residency requirement，有啲人話唔駛，有啲人話1年，有啲人話5年，有啲人話要拎咗ILR先，咁究竟事實係點？ 其實一圖睇哂，正確答案係18個月。一直以嚟講嘅5年要求亦喺圖中最後一行字寫明已經唔適用。 所有BNO人都係出生時已經係雙國籍，所以屬於圖中’Dual National since birth’ 咁點解有啲人一到埗就入到，又有啲人話要ILR呢？ 原來當中有一條係咁嘅： 40.003. Special Enlistment Waiver. Pers Pol (A) has the authority to apply a waiver to all the recruitment eligibility criteria contained within AGAI 401. This waiver applies to both Regular Army and Army Reserve, and to both rejoins (for soldiers) and re-instatement (for officers). AF B203, which should only be used in exceptional circumstances, is a mechanism to ensure the Army is able to recruit exceptional candidates or those with specialist or highly sought after skills. 即係話如果佢個role 係好缺嘅話，而又有高層擔保，係可以waive 咗18個月呢個要求。例如上年成功參軍嗰位樂手，就係因為試音拎咗滿分而令高層幫佢waive 咗。而由今年開始陸續有港人成功參軍，就係因為慢慢已經有人住夠年半。 但上述所講只適用於regular 全職軍人。至於後備軍反而要求報名者要有ILR，所以想part time 做軍人可能就要等多3-4年啦。 本文只適用於陸軍，至於海軍同空軍分別需要5年同3年。 更多參軍討論，請加入 「BNO 英國參軍討論」： https://t.me/+M5JX-dVzPjI0ZGI0

係，你冇睇錯，我哋今次想講嘅係做運動前唔應該拉筋。 由細到大，無論父母定體育老師都會叫我哋做運動之前要拉筋熱身，可以令關節活動幅度大啲冇咁易傷。但其實呢個講法已經相當過時，當今運動科學已經証實，拉筋喺短時間內會令你啲筋嘅強度減弱，所以喺劇烈運動之前拉筋，唔單止唔可以預防受傷，反而會令你更加易傷。 運動之前應該點熱身？正確答案係「動態伸展」。例如慢跑、橫移跳動、活動身體各關節等，目的係提升心率同埋啟動肌肉，準備跟住落嚟嘅正式運用。 咁幾時拉筋？ 相反，喺運動之後，拉筋就係一個非常之好嘅冷卻活動。因為喺運動之後，筋骨嘅溫度非常高，呢個時候非常適合拉筋，唔單止比平時拉筋更加有效，更加可以真正咁減少運動後嘅肌肉疼痛。 2022年請記得，熱身做動態伸展，冷卻先拉筋。 更多訓練及參軍討論，請加入 https://t.me/+sRkoF-U8lOkwYWNk

御林軍真係冇亞裔人士？ 近日英國熱浪，一張警察餵站崗御林軍飲水嘅相「熱」爆社交媒體，連某19才子都驚執輸講埋一份，然後自然照例要抽水，聲稱未見過御林軍有亞裔人士。 但事實究竟係點？ 英國嘅御林軍，實際上係由喺倫敦嘅五隊步兵（擲彈兵、冷泉、愛爾蘭、威爾斯、蘇格蘭衛隊）以及皇家騎兵嘅統稱，佢哋唔單止作為國家儀仗隊，更加要上前線作戰，戰力喺英軍嚟講係頭幾位。 講到咁勁，有冇亞洲人喺入面？ 其實喺2013年，已經有一位香港人成功加入御林軍樂隊，後來更成為首席。如今連騎兵樂隊都有香港人。 當然，有人會話樂隊都唔係作戰部隊唔計。但其實咁多年嚟都有唔少本土以及英聯邦華裔人士曾經喺各衛隊服役，包括馬來西亞同星加波人。再者，由2019年開始英女皇直屬嘅尼泊爾啹㗎部隊亦都開始擔任御林軍職務，守護白金漢宮。 相比起英國本土人，亞洲人雖然唔耐寒，但更耐熱。英國20幾度時，已經會有士兵操到中暑，但對於受慣香港濕熱嘅香港人嚟講就只係平常嘅一日。 所以，19才子聲稱未見過御林軍有亞裔人士，其實只係佢見識少。

《分段衝刺練習1》 英國熱浪暫時降溫，大家係時候去跑番轉！今次英國參軍谷為大家帶嚟入門級嘅interval run 訓練。 Interval run 比起傳統練長跑，已經被証實可以更有效咁鍛鍊心肺。interval run需要嘅時間比較少，但提升心率比較快，但相對嚟講會比較辛苦。 需要場地：標準運動場為佳，因為易計算距離。如果搵唔到運動場，用有電話/智能手錶嘅GPS功能計算距離亦可。 需要裝備：建議戴可以計算心率嘅智能手錶。 速度：最快速度，提升心率到最高心率（max heart rate)嘅90% 最高心率 = 220-你嘅年紀。例如你今年25歲，你最高心率就係195，而90%心率就係175 可先做動態熱身，然後直接開始爆。每一set之間可休息2分鐘。 Set 1: 800米 Set 2: 600米 Set 3: 400米 Set 4: 400米 Set 5: 600米 Set 6: 800米 然後可用一次400米慢跑做cool down。 整個練習連休息同cool down 大約需時半個鐘左右，一啲都唔長！ 天時暑熱，記得多飲水！ BNO 參軍討論：https://t.me/+M5JX-dVzPjI0ZGI0

【⚠️唔好影ARC卡俾人⚠️】 我哋近來收到服務使用者及多個機構反映有組織或「人道支援」群組收集尋求庇護者嘅庇護註冊卡（ARC）副本先提供服務或者援助。另一方面又將收集到嘅求助資料發放比其他有意捐獻人士。而有啲組織提供嘅「律師轉介」，實情係將求助個案轉介比冇執業資格嘅不明人士。我哋⚠️絕不建議所有人士遵照建議Send自己嘅個人資料比不明人士/未註冊組織⚠️ 我哋完全唔理解相關支援嘅TG Channel點解要收集庇護註冊卡（ARC）呢一類咁重要嘅個人資料。希望大家有需要幫嘅時候都要時刻警醒保護自己，生活有困難嘅時候可以先聯絡同政府合作或者註冊咗嘅慈善機構。 因字數限制，請瀏覽連結以獲得提供生活支援發放/法律服務/住宿嘅部份機構資訊：https://www.hkaid.org.uk/post/【-唔好影arc卡俾人-】/ 港援時刻檢討內部資料安全指引，任何服務使用者係使用服務/接受資助嘅時候都唔需要提供任何身份證明文件同埋真確全名。個案記錄會以匿名方式輸入，有關記錄亦都會嚴格遵照英國數據保護法案（UK GDPR）妥善儲存。有關我哋嘅資料保護聲明請瀏覽：https://www.hkaid.org.uk/_files/ugd/c0ee11_34883e4d688b46a6b563034d24790a71.pdf 如果你懷疑資料被不當使用或洩漏，我哋會受到監管，你可以經以下方式投訴： Information Commissioner's Office Wycliffe House Water Lane WILMSLOW SK9 5AF Email: enquiries@ico.gsi.gov.uk You can also call their helpline (Monday-Friday 09:00-17:00): 01625 545 745

《核心肌肉入門訓練1》 好嬲好嬲！721話劇搞唔成，要操肌洩憤！今日BNO英國參軍@bnojoinforce 為大家帶嚟核心肌肉入門訓練，只要核心肌力夠勁，無論做重訓定練心肺都可以事半功倍，配合飲食同日子有功，啲六舊腹肌同人魚線都會慢慢出哂嚟！ 呢個Core Trg 一共有八個動作，每兩個動作一組，每一個動作30秒，每組做兩次，組與組中間有兩分鐘休息。 需要裝備：秒錶一隻，如有瑜伽蓆更佳。 Set 1: Plank + Crunch x2 2 min rest Set 2: Up Plank + Bicycle Crunch x 2 2 min rest Set 3: Side Plank (left + right) x 2 2 min rest Set 4: Leg Raise + Superman x 2 DONE! 請見字操嘢！

《增肌營養學1》 好多人以為練大隻就要日日淨係食雞胸同蛋白，其實呢個係收水用嘅餐單，如果你日日係咁食，我保證你會越食越瘦兼營養不良。 增肌其實係好簡單嘅數學， 只要你食嘅卡路里Cal多過你所需要嘅，你就自然會增重，反之亦然。 而正常人燒能源嘅次序係碳水=>蛋白質 =>脂肪，所以你食唔夠碳水 ，就算食幾多肉都好難增肌。 但人體增磅都會睇邊個部位需要， 如你冇操開，同埋食得多垃圾，有多餘卡路里啲能量就會變成脂肪。 但如果你有操開，就會有肌肉微撕裂，咁身體吸收到多餘能量就會優先修補肌肉，即係增肌，食肉有蛋白質就主要係你修補肌肉嘅「元件」。 即使同為碳水，除非你正進行高強度訓練需要即時能量補充，否則我哋都應該儘量避免單/雙糖（如白糖、黑糖、黃糖）係靠多糖（米飯、意份、薯仔等）。 當然，如果你本身已經過重，就需要減少能量吸收。

BNO visa 能在英國參軍，但其實未成年的dependent一樣可以接受軍事訓練-「學員部隊」Cadet Force。 Cadet force 的對象是12-18歲青少年。參加cadet force，除了令子女學習紀律、生存技能，更能磨練他們的心智，以及幫助BNO新移民子女融入英國文化。在cadet 中得到的資歷能幫助子女升學、工作、甚至日後參軍。 Cadet force提供現代化、安全的挑戰和模擬訓練，當中把括五大軍團： • Sea Cadet Corps • Volunteer Cadet Corps • Combined Cadet Force • Army Cadet Force • Air Training Corps 其中sea, army 同air分別對應英軍的海、陸、空三軍訓練。volunteer 主要是給現役軍人的孩子參加，而combined 更會和全國各學校合作。 詳情及報名方法： Sea cadet: https://www.sea-cadets.org Army cadet: https://armycadets.com Air training corps: https://www.raf.mod.uk/aircadets/ Combined cadet: https://combinedcadetforce.org.uk 希望各位為子女移民英國的BNO家長可以考慮一下Cadet force，無論未來是否參軍，cadet訓練對子女來說絕對是終身受用。

《起身操嘢啦》 仲搞話劇？操嘢最實際！ 英軍日程無論邊個兵種，星期三下午都會編為 Sports afternoon，下晝放低工作去運動。所以今日 @bnojoinforce 英國參軍谷都推出basic level Strength and Conditioning set！ 呢個係basic 中嘅basic嘅circuit，亦無要求任何裝備，大家只要有手有腳都可以操到。 一組一共有八個動作，每個動作中間停10秒，每組中間有兩分鐘休息，第一組每個動作35秒，第二組25秒，第三四組20秒但係superset中間冇得停。 動作1: 掌上壓 動作2: full sit-up 動作3: squat 動作4: lunges 動作5: bench dip 動作6: plank 動作7: burpee’s 動作8: 10米來回衝刺 動用肌肉：胸，膊，三頭，四頭，腹，核心，心肺 因為係入門級level 1而且只需要一隻錶，絕對適合新手！