635
Subscribers
No data24 hours
No data7 days
No data30 days
Posts Archive
635
首個BNO 參軍講座終於完滿結束啦，感謝英國港僑協會邀請，同埋前版主抽空出席，令與會者對於參軍有更多認識。
由於而家手持BNO參軍嘅體系已經慢慢成形，我哋嚟緊會主力搞訓練營俾未能參軍嘅港人接受一定嘅訓練，同埋推廣青少年Cadet 計劃，為培養未來嘅港人officer出一分力！
另外，啱啱完seminar 之後前版主先見到chat room 仲有好多問題未答，所以佢決定喺16:30開多半個鐘live 答問題：
https://teams.live.com/meet/9441790213258
635
英軍香港協會
係呀，英軍首個香港人協會上線啦，作為前殖民地，我哋到而家先有第一個協會，真係遲咗好多
協會暫時都係對軍隊內部為主，呢個活動只限現役軍人及家屬參與（入wellington barrack 需要軍營），但亦計劃緊好多對外嘅活動。
利申：本channel admin 並非該協會幹事。
635
由港僑協會同埋我哋合辦嘅首個BNO visa 參軍網上講座將會喺1月21日下晝1到2點舉行！講者會係我哋谷嘅初代owner ，亦係第一個用BNO visa 嚟英國之後成功參軍嘅香港人。對軍旅生活有興趣嘅朋友又點可以錯過？
內容包括：
- 英軍結構 (海陸空、全/兼職)
- 軍中福利
- 入職要求 (國籍、年齡、居英年期、體能等) /
- 熱門職位 (如：網絡工程師)
- 問答環節 / Q&A session
⚠️報名方法 / Registration :
https://forms.gle/oRrjAxZkBMNRDwXT8
635
Repost from Hongkongers in Britain 英國港僑協會 Channel 🇬🇧
🇬🇧英軍要人！BNO如何參軍網上講座📣
How to join the UK Armed Forces with BNO visa seminar
嚟左英國，想為國家效力，身穿皇家軍服嘅機會唔再係夢想！但持 BNO visa 嘅香港人到底應該如何入伍呢？咁大家要聽吓說書人阿域佢參軍嘅經歷同埋軍中規矩，一齊為夢想奮鬥！
活動詳情 :
日期 : 21/1/2023 (星期六 / Saturday)
時間 : 13:00-14:00
內容 :
- 英軍結構 (海陸空、全/兼職)
- 軍中福利
- 入職要求 (國籍、年齡、居英年期、體能等) /
- 熱門職位 (如：網絡工程師)
- 問答環節 / Q&A session
⚠️報名連結將於 1月8日上午10 時正在港僑及 Britons in Hong Kong 的 Facebook，Instagram， Telegram 頻道同步公佈。
#英國港僑協會 #移英港人 #MissionPerm #移英港人家園計劃 #移民英國 #BNO #網上講座
#英軍 #UKArmedForces #BNO參軍 #香港人參軍 #港人參軍 #英國參軍 #BNOvisa #入職 #Career #RoyalNavy #BritishArmy #RoyalAirForce #Britonshk #Britonsinhongkong #BHK
635
新年快樂！新一年最新消息，我哋已經quit 咗TG嘅創辦人最近接受咗《如水》邀稿，寫咗篇長文。
《如水》係由一眾香港海外文化人創辦，包括《立場》嘅前員工，為喺海外保存同繼續發展香港文化努力，希望大家可以訂閱支持佢哋！（同埋佢哋啲文堅係高質）
訂閱連結：
https://flowhongkong.net/product/vol-8/?fbclid=IwAR2reKBURA0U86cGz8d4rOK_i4-5rl31xN9KVHwwka41bjcmC7uO93gU41s
635
Merry Christmas to all!
前幾日我哋幾個admin 趁聖誕假，一齊落咗喺倫敦Waterloo 嘅軍人俱樂部Union Jack Club 飲嘢吹水。
BNO visa 正式推出接近兩年，由當初第一代owner 完全係毫無先例摸住石頭過河，到而家可以聚到一台香港人喺英軍嘅俱樂部，用廣東話暢談軍旅生活，成件事都真係幾唔真實。
BNO英國參軍Channel 喺度祝世界各地香港人有一個開心嘅聖誕節，亦希望下年BNO visa 聖誕聚會多人到要包場！
635
英國女性可以合法用「防狼器」自衛但男性唔可以？
近排聽到有人講，喺英國女性可以合法使用防狼器但男人用會犯法，但事實完全唔係咁。
根據英國武器管制法例Act 1968 -the act of purchasing, acquiring or possessing any item that discharges any form of harmful gas, liquid or something else is illegal.
「防狼器」只係一個籠統講法，喺市面時常見到兩種防狼噴霧：胡椒噴霧同UV Marker。其中胡椒噴霧係有攻擊力，所以無論男女使用甚至管有都係犯法。至於UV marker 係無攻擊力，佢只會射出一種唔易洗走嘅紫外線色素，方便警察拉人，所以係合法使用。
至於成日聽到人話拎3吋以下摺刀出街係合法，呢個講法都係一半半。法例上如果拎把刀出街合唔合法係睇你拎嚟做乜，如果係工作需要（例如工程）就合法，但「自衛」並唔係一個合法理由，如果你不幸遇襲用刀還擊，一樣係犯法㗎。
筆者自己推介嘅係右下角嘅personal alarm。只要一拉保險制，就會發出如同汽車防盜一樣咁嘅巨響，雖然無攻擊力，但絕對可以嚇一嚇兇徒同吸引其他人注意。
最後順帶一提，尼泊爾Gurkhas 係可以合法擁有佢哋把「Gurkha刀」Kukri 。
635
Repost from 港人外國參軍資訊
首次有BNO visa 入到敏感職位 + 新basic training 訓練課程
首先恭喜基仔！佢係首位持BNO Visa 參軍並成功入到HR Specialist 嘅香港人。呢個職位因為要接觸大量軍事人員嘅個人資料，需要通過比較嚴格嘅背景審查：Security Clearance （SC）先入到。之前有幾位香港人都試過報呢個位但過唔到SC，基仔由上年已經開始報名，足足搞咗一年終於入到，亦都開咗BNO Visa 港人擔任軍方敏感職位嘅先例，可喜可賀！
嚟緊一月尾基仔就會入營接受軍訓，冬季入營，對於普遍香港人嚟講絕對係一大挑戰，喺度祝願佢一切順利，參軍谷亦都會提供一切物資及經驗上嘅幫助。
講起軍訓，基仔收到嘅課程大綱顯示，佢將會接受嘅係11星期嘅新課程軍訓，比以往嘅14星期足足縮短咗3個星期！（筆者表示妒忌！）。如果大家想參軍但又怕軍訓太長太辛苦，相信而家會係一個好機會啦。
有關更多參軍討論，歡迎加入《BNO英國參軍討論》谷:
https://t.me/+M5JX-dVzPjI0ZGI0
635
首次有BNO visa 入到敏感職位 + 新basic training 訓練課程
首先恭喜基仔！佢係首位持BNO Visa 參軍並成功入到HR Specialist 嘅港人。呢個職位因為要接機大量軍事人員嘅個人資料，需要通過比較嚴格嘅背景審查：Security Clearance （SC）先入到。之前有幾位香港人都試過報呢個位但過唔到SC，基仔由上年已經開始報名，足足搞咗一年終於入到，亦都開咗BNO Visa 港人擔任軍方敏感職位嘅先例，可喜可賀！
嚟緊一月尾基仔就會入營接受軍訓，冬季入營，對於普遍香港人嚟講絕對係一大挑戰，喺度祝願佢一切順利，參軍谷亦都會提供一切物資及經驗上嘅幫助。
講起軍訓，基仔收到嘅課程大綱顯示，佢將會接受嘅係11星期嘅新課程軍訓，比以往嘅14星期足足縮短咗3個星期！（筆者表示妒忌！）。如果大家想參軍但又怕軍訓太長太辛苦，相信而家會係一個好機會啦。
有關更多參軍討論，歡迎加入《BNO英國參軍討論》谷（谷Link 在description）。
635
我pass out 啦！！！
琴日英國軍事訓練學校Pirbright 嘅pass off parade 入面，有一位香港人畢業，佢就係我哋其中一位admin！經過咗艱苦嘅訓練，終於可以著起呢件咁型仔嘅No.2 dress，昂首闊步踏上演練場。佢將會加入Royal Logistic Corps，並喺兩個星期後進入phase 2訓練。
越嚟越多香港人成功參軍，真係令人非常鼓舞。如果你都想參軍挑戰自己同保家衛國，唔好猶豫啦，今日起就報名同開始操體能啦！
有關鼓名及其他參軍問題可以奇入我哋討論區傾吓。
635
港人英軍拎獎章
前排我哋其中一位admin Deploy 咗出國兩個月，上星期終於安全回國。今日佢拎到Colonel coin 作為嘉獎。
我哋鼓勵在英港人參軍，其中一個原因就係想証明俾英國人睇，我哋一樣可以保家衛國、貢獻國家。
如果大家對參軍有興趣，可以訂閱我哋channel 同埋加入討論區。無論正規軍定後備我哋都有現役軍人解答大家問題。
635
11月11日Remembrance Day與香港人
嚟緊11月11日星期五就係一年一度嘅Remembrance Day和平紀念日，喺當日同埋13號星期日，英國各地都會有好多紀念活動。
Remembrance Day 係紀念一戰同二戰為國捐軀士兵嘅節日。可能香港人會覺得呢啲英靈好遙遠，但實際上同我哋非常有關係。日軍侵華時期，大量英軍為咗守護香港而犧牲。時至今日，香港仍然會有一班二戰老兵喺11月11日出嚟紀念呢班勇士。
相信大家呢個星期都有留意由超市到火車站都有好多虞美人花義賣。呢啲義賣收益會捐俾Royal British Legion，一個官方支持退役軍人嘅慈善組織。雖然英國政府對為國受傷軍人嘅資助都唔少，但PTSD、心理上嘅痛苦係需要更多支持去療傷。希望大家有閒錢都可以去買朵花佩戴，既可以表示對老兵嘅支持，亦可以真正幫到佢哋生活。
小知識：由於一次大戰嘅官方終戰時間係11月11日11點，所以佩戴虞美人花時塊葉都要指向11點方向。
635
Guy Fawkes Day: 英國的「煙花節」
相信喺英國嘅大家今晚都會聽到周圍都放煙花，好多人都知今日係所謂煙花節，咁實際上嘅起源又係點嚟呢？
喺17世紀，英國國家係新教，而天主教徒備受壓抑。喺1605年11月5日，天主教徒Guy Fawkes 試圖用炸藥炸毁議會同炸死國王占士一世，但喺實行之前就被捕。英國人為咗慶祝國王安全，就將畫咗Guy Fawkes 形象嘅稻草人遊街示眾。然後喺夜晚將佢掉入篝火。所以11月5日又叫Bonfire Night。
後來呢個節日演變成西方版打小人，對不受歡迎嘅人整成稻草人燒咗佢，亦都會放煙花慶祝。
而喺電影「V煞」V for Vendetta 入面，主角戴嘅面具正正係Guy Hawkes嘅形象。從此之後，Guy Hawkes反而慢慢變成一個反極權嘅抗爭形象。
大家放煙花慶祝嗰時，記得要注意安全同法規。英國法例規定，大家只可以喺自己嘅後花園放煙花，而由晚上11點到朝早7點之間係唔俾放嘅，除非係特別節日，例如今日Bonfire night，就可以放到半夜12點。
希望大家玩得開心。
635
澄清：BNO 不能直接考英國情報機構
今日有唔少中文媒體都報導英國情報機構取消咗限制，連BNO都可以報。其實呢個係典型華文媒體以訛傳訛嘅例子。睇番佢哋引述嘅衛報原文甚至係軍情五處官網，只係話報名者嘅父母唔再需要係BC，但佢本人都要係要要通過最嚴格嘅Developed Vetting先可以考入。而DV最少係要喺英國本土住夠10年先可以過到。而筆者亦都即時向情報科同事詢問，亦都得到同樣答案。
MI5 通告：
https://www.mi5.gov.uk/news/parental-nationality-requirement-removed-for-applicants-to-mi5
635
《緊急聲明》
剛剛見到有篇長文喺各大谷share緊，內容疑似牽涉本參軍谷。想喺度澄清幾點：
1. 參軍谷只係一班現役軍人同有志參軍港人嘅討論區，我哋唔屬於黃圈、社運圈，甚至根本唔係一個正式組織。我哋無收過一p，亦都冇同任何組織有聯系。對於組織之間嘅是非，我哋亦無意牽涉其中。
2. 參軍谷主題係操練同埋幫人參軍。隨住成日參軍人數增加，我哋未來一年會喺英國三大城市（曼城，伯明翰，倫敦）搞更多操練活動，歡迎香港人加入。至於你哋學到嘅嘢點用，就係你哋嘅自由。但我哋並唔打算同任何政治組織合作搞活動。
最後希望大家見字操嘢，富國強兵。亦希望被打手足早日康復。
635
BNO英國參軍討論區-九月曼城跑會活動
成日「想」開始操體能又唔知點開始？有冇諗過一班香港人一齊操？我哋BNO參軍討論區開始會搞一系列嘅群操活動，頭炮就係曼城跑會啦。我哋到時會有教練帶跑，3k/5k/7k/10k任君選擇，除咗會指導基本配速、呼吸同跑姿，大家仲可以互相鼓勵，增加訓練動力。
時間：9月28日（星期三）黃昏18:30
跑完可以去飲嘢交流
地點：The Wharf, 6 Slate Wharf, Manchester M15 4ST
Manchester Road Runner Club
報名方法：基本上到時到候自己出現就得，但如果想預早講定會出現，可以PM活動負責人 @grabsks 又或者加入我哋討論區。
