Commitment | TA7 Waves Students

شباب ممكن تقروا الكلام اللي ف البوست عشان ناخد بالنا من الكلام ده و نقدر نفيد الناس خصوصاً ان الموضوع ده زاد و بنشوف السيناريوهات دي دايماً قدامنا

عن الموازنة ما بين الكلية والمعادلة 🩶

كنت سألت برضو من فترة عالموضوع دا هنا اول ما بدأت اذاكر للمعادلة وبعض الزملا قال على حاجة كويس هي نظام الساعتين يعني ساعتين الصبح وساعتين بالليل للمعادلة وانا ماشي ليا فترة كبير بالريتم دا بقلله احيانا قبل ايام الامتحانات ولما بيكون فيه اجازة او ما يكونش فيه ضغط في الكلية ولا حاجة بزود شوية عن الريتم دا في الأول والأخر والحمدلله يعني مرتب ال19 عالدفعة الترم اللي فات وكنت ماشي بمعدل ساعتين الصبح وساعتين بالليل فالمقصد يعني ان عادي ممكن توازن بين الكلية والمعادلة لو حابب بس اكيد هتيجي على حساب حاجات تانية زي نومك و وقتك الترفيهي والكلام دا يعني لكن بصراحة بشكل شخصي انا مكنتش حاطط هدف اني اجيب امتياز مثلا او اجيب معدل معين في الكلية هي بس جت من عند ربنا لكن الفكرة انك لو ظبطت وقتك هتعرف توازن عادي , وانصحك يعني تنظم يومك من قبل ما تنام يعني عشان تعرف تاني يوم ايه ال tasks اللي المفروض تخلصها فيه ناس بتحب تنظم يومها على برامج زي notion وكدا وفيه ناس بتحب تعملها على tables على ورقة وكدا شوف الطريقة اللي تناسبك عادي كله شغال دي حاجة بتساعدني جدا عموما اوازن بين الحاجات اللي بحب اعملها وحاول برضو كل فترة تعمل يوم off عن المذاكرة تماما زي تشحن فيه طاقتك وترجع تاني عشان ما يحصلكش burn out وتفصل خالص وركز على نقطة تنظيم يومك وتنظيم نومك يعني دول اهم نصيحتين فرقو معايا ومش شرط برضو اللي نفع معايا ينفع معاك بديك بس فكرة يمكن تساعدك وبالتوفيق يا اخويا ان شاء الله