DevGuide

دردرشة سريعة عن أنواع السيرفرات 💯 . . أغلبنا أول ما بيسمع كلمة Server بييجي في باله جهاز كبير في غرفة مكيفة، شغال 24 ساعة ومليان لمبات بتنور... بس الحقيقة السيرفر مش لازم يكون جهاز ضخم… ممكن يكون مجرد Software أو Virtual Machine بيقدّم خدمة معينة. الـ Server ببساطة هو جهاز (أو برنامج) بيستقبل Requests من أجهزة تانية اسمها Clients، وبيرد عليهم بـ Responses. زي ما الـ Browser بيبعت طلب لموقع معين، والسيرفر بيرد عليه بالصفحة المطلوبة. لكن السيرفرات مش كلها زي بعض… كل نوع له وظيفة مختلفة حسب الـ Use Case بتاعته... ——— 📌 الـ Web Server ده الأشهر، وهو اللي بيستقبل الـ HTTP Requests من المستخدم، وبيرد عليهم بـ HTML, CSS, JavaScript files، أو حتى JSON لو عندك API. أشهر الأمثلة: - Apache - Nginx - Microsoft IIS باختصار: أي حاجة لها علاقة بعرض مواقع أو APIs… الـ Web Server هو اللي وراها. ——— 📌 الـ Database Server السيرفر اللي شايل كل الداتا اللي التطبيق محتاجها. سواء عندك Web App أو Mobile App، أكيد فيه Data بتتحفظ وتتعرض وقت الطلب… أشهر الأمثلة: - MySQL Server - PostgreSQL Server - MongoDB Server - Microsoft SQL Server الـ App بيبعت Query والسيرفر ينفذها ويرجعلك الـ Result. ——— 📌 الـ File Server دوره إدارة وتخزين الملفات ومشاركتها بين الأجهزة. زي إنك ترفع صور أو ملفات PDF أو Videos والناس التانية تقدر توصلها. بيوفر Access Control وPermissions، علشان تضمن إن كل مستخدم له صلاحيات معينة. الأمثلة: Google Drive, Dropbox, أو أي internal file system في الشركات. ——— 📌 الـ Mail Server ده مسؤول عن إرسال واستقبال الإيميلات. لو جربت تبعت إيميل من Gmail أو من دومين شركتك، فالموضوع ماشي من خلال Mail Servers. أنواع البروتوكولات اللي بيستخدمها: - الـ SMTP (للإرسال) - الـ IMAP / POP3 (للاستقبال) الأمثلة: - Microsoft Exchange Server - Postfix - Exim ——— 📌 الـ Application Server السيرفر اللي بيشغّل الـ Business Logic بتاعة التطبيق. يعني مش بيخزن بيانات زي Database Server، ولا بيقدّم HTML زي Web Server، لكنه بينفّذ الكود خلف الكواليس. لو عندك React Frontend مثلًا و Node.js Backend، فالـ Node Server هو Application Server. أمثلة تانية: - Tomcat - Express.js - Django - .NET Core ——— 📌 الـ DNS Server ده السيرفر اللي بيحوّل أسماء الدومينات (زي google.com) إلى IP Addresses. أشهرهم: - Cloudflare DNS - Google DNS (8.8.8.8) - OpenDNS من غير DNS Server، كان زمانك بتدخل IP كامل عشان تفتح موقع جوجل أو لينكدإن ——— 📌 الـ Proxy Server السيرفر الوسيط بينك وبين الإنترنت. لما تبعت Request، هو اللي يستقبلها ويقرر يبعتهالك ولا لا، أو يعدلها أو يخبي الـ IP الحقيقي بتاعك. مفيد جدًا في الـ Security والـ Caching. أنواعه: - Forward Proxy - Reverse Proxy ——— 📌 الـ FTP Server بيستخدم بروتوكول اسمه File Transfer Protocol لنقل الملفات بين جهازك والسيرفر. قديم شوية لكنه لسه مستخدم في بعض الشركات. تقدر تستخدمه لرفع أو تحميل ملفات بسهولة. أمثلة: - vsftpd - FileZilla Server ——— 📌 الـ Virtual / Cloud Servers الجيل الجديد من السيرفرات… بدل ما تشتري أجهزة غالية، بتأجر Resources على Cloud Provider زي AWS, Azure, أو Google Cloud. الجميل في الموضوع إنك بتقدر تعمل Scaling بسهولة جدًا. يعني لو الترافيك زاد، تزود الـ CPU أو الـ RAM وأنت مرتاح. أنواع السيرفرات دي ممكن تكون Web أو Database أو أي نوع من اللي فوق، بس بتشتغل في بيئة Cloud بدل الـ On-premise. ——— وفقكم الله لكل خير 🌿

Debugging Tips in Next.js 💯

Types of keys in SQL 💯

دردشة سريعة عن وظيفة Site Reliability Engineer ⚡️ . . زمان (قبل ما يظهر مصطلح SRE)، لما أي شركة كانت تبني سيستم كبير – مثلًا web app أو service فيها ملايين الـ Users – كان فيه دايمًا فصل واضح بين فريقين: 1- الـ Developers: الناس اللي بتكتب الكود وتضيف Features جديدة. 2- الـ Operations / SysAdmins: الناس اللي مسؤولة عن تشغيل السيستم، الـ monitering، الـ servers، الـ uptime، إلخ. والفريقين دول كانوا في حرب مستمرة دايمًا، الـ Developer عايز يـ release features بسرعة ويريح دماغه، والـ Ops عايز السيستم يفضل ثابت، علشان كده بيكره أي تغييرات مفاجئة. وطبعًا ده هيأثر على البيزنس بشكل عام وعلى طبيعة الشغل في الشركة وهنا تدخلت جوجل وعملت وظيفة جديدة اسمها Site Reliability Engineer ——— 📌 يعني إيه SRE؟ ببساطة، الـ Site Reliability Engineering هو طريقة لتطبيق مبادئ الـ Software Engineering على مشاكل الـ Operations. يعني بدل ما تعتمد على manual work، نخلي كل حاجة automated، measured، ومبنية على data واقعية. الـ SRE Engineer بيكون في النص بين الـ Developers والـ Ops. هو مهندس فاهم المنظومة كلها من أول الكود لحد الـ production. ——— ⚙️ شغل الـ SRE مقسم لحاجتين أساسيتين: 1- الـ Reliability: يتأكد إن السيستم شغال بثبات، مفيش downtime، وكل حاجة monitored. 2- الـ Velocity: يتأكد إن الـ teams تقدر تـ deploy بسرعة وآمان بدون ما النظام يبوظ. ——— 💡 بعض المفاهيم الأساسية في عالم الـ SRE: 1. SLI / SLO / SLA - الـ SLI (Service Level Indicator): مقياس لأداء السيستم، زي مثلًا latency أو availability. - الـ SLO (Service Level Objective): الهدف اللي عايزين نحافظ عليه، زي إن الـ uptime يكون 99.9%. - الـ SLA (Service Level Agreement): الاتفاق اللي الشركة بتديه للعملاء، ولو كسرته ممكن يحصل penalties. الـ SRE بيتابع الـ SLI عشان يتأكد إننا داخل الـ SLO، ولو قربنا نكسره بيوقف أي تغييرات لحد ما الدنيا تستقر. —— 2. Error Budget بدل ما تمنع التغيير تمامًا، خلي فيه ميزانية للأخطاء عن فريق الـ Development. مثلًا، لو الـ SLO بتاعك 99.9%، يبقى عندك 0.1% downtime مسموح بيه. لو لسه الميزانية دي موجودة: ممكن تـ deploy features. لو خلصت: توقف كل حاجة لحد ما النظام يستقر. —— 3. Monitoring & Alerting الـ SRE بيبني أنظمة monitoring ذكية تـ detect المشاكل قبل ما المستخدم يحس بيها. وبيعمل alerts مبنية على الـ SLO مش على noise. يعني مش كل Warning تبقى Alert. —— 4. Incident Management لما الدنيا تقع، الـ SRE بيقود عملية الـ incident response ويحدد المشكلة، ويصلحها، وبعدها يعمل حاجة اسمها Postmortem — تحليل بعد المشكلة عشان يتفادى تكرارها. —— 5. Automation كل حاجة ممكن يتعملها automation: - deployment - scaling - recovery - testing - monitoring ——— 💯 المهارات اللي لازم تكون عند أي SRE محترم: - فهم عميق للـ Linux systems - خبرة في Cloud platforms (AWS / GCP / Azure) - معرفة قوية بـ Networking و Load Balancing - أدوات زي Prometheus, Grafana, Kubernetes, Terraform, Jenkins - مهارات في Scripting (Python / Bash / Go) - وأهم حاجة: problem-solving و communication skills ممتازة. ——— وفقكم الله لكل خير 🌿

SQL Full Course for Beginners (30 Hours) – From Zero to Hero

https://youtu.be/SSKVgrwhzus

دردشة سريعة عن الـ Distributed Systems 🔻 ——— 📌 يعني إيه Distributed Systems؟ ببساطة، الـ Distributed Systems هي نظام بيتكون من مجموعة أجهزة كمبيوتر (أو سيرفرات) شغالة مع بعض كأنهم جهاز واحد. الهدف الأساسي إننا نوزع الشغل (processing) أو تخزين البيانات (storage) على أكتر من جهاز عشان نحقق حاجات زي: 📍 الـ Scalability: لو النظام محتاج يشتغل مع عدد مستخدمين أكبر أو بيانات أكتر، نقدر نزود أجهزة جديدة بسهولة بدل ما نضغط على جهاز واحد. 📍 الـ Fault Tolerance: لو جهاز وقع أو حصلت مشكلة في مكان معين، النظام يكمل شغله عادي بدون توقف. 📍 الـ Performance: توزيع الحمل على أكتر من جهاز بيخلي العمليات أسرع وأكثر كفاءة. ——— إزاي الأنظمة دي بتشتغل؟ 🤔 الفكرة الأساسية في أي Distributed System هي وجود أجهزة بتتواصل مع بعضها (Networking). الأجهزة دي بتبعت لبعض رسائل (Messages) عن طريق الشبكة عشان تنجز المهام. خليني أشرحلك 3 مكونات أساسية: ⚙️ الـ Nodes (العُقد): دي الأجهزة نفسها اللي بتشيل الداتا أو بتعمل عمليات معينة. كل جهاز بنسميه "Node". ⚙️ الـ Communication: العقد دي لازم تتواصل مع بعض باستخدام بروتوكولات زي HTTP أو gRPC. ⚙️ الـ Consensus (التوافق): لما أكتر من جهاز يشتغلوا مع بعض، لازم يتفقوا على حالة معينة، خصوصًا لو أكتر من جهاز بيعدل على نفس الداتا. ——— 🛠 أمثلة حقيقية على الـ Distributed Systems 📍 الـ Google Search: عملية البحث بتتوزع على آلاف السيرفرات عشان تلاقي الإجابة في جزء من الثانية. 📍 منصة Facebook: لما تفتح صفحتك، البيانات بتجيلك من أكتر من سيرفر، وكل سيرفر مسؤول عن جزء معين زي المنشورات أو الصور، عشان التحميل يكون أسرع. 📍 الـ Blockchain: كل الأجهزة (Nodes) اللي في الشبكة بتشتغل مع بعض عشان تحقق التوافق (Consensus) على المعاملات. ——— ⚠️ التحديات في الـ Distributed Systems مع إن الفكرة عبقرية، لكن فيها شوية تحديات مهم تخلي بالك منها: - الـ Latency (زمن الاستجابة): التواصل بين الأجهزة بيحتاج وقت، وده ممكن يأثر على سرعة النظام. - الـ Data Consistency (توافق البيانات): لما أكتر من جهاز يشتغلوا على نفس الداتا، لازم نضمن إنهم ما يدخلوا في تعارض (Conflict). - الـ Fault Tolerance: إزاي نضمن إن النظام يفضل شغال حتى لو حصلت أعطال في بعض الأجهزة. ——— وفقكم الله لكل خير 🌿

Useful CSS Properties You Should Know 💯

🚀 C# Mastery Learning Path

A comprehensive guide to mastering C#, .NET, and related technologies from beginner to advanced level. https://github.com/Metigator

Harvard's "Advanced Algorithms"

📽 Videos: https://youtube.com/playlist?list=PL2SOU6wwxB0uP4rJgf5ayhHWgw7akUWSf 📷 Notes: https://people.seas.harvard.edu/~cs224/fall14/lec.html

دردشة سريعة عن الـ RFC 💡 . . في أوقات كتير بيكون عندك فكرة حلوة — ممكن تكون تحسين في الأداء، refactor، أو feature جديدة — بس أول ما تحاول تشرحها للتيم، الحوار بيبقى عشوائي، والناس بتفهم نص الفكرة أو ترفضها قبل ما تستوعبها أصلًا... علشان كده التيمات في الشركات الكبيرة والمتوسطة بتستخدم حاجة اسمها RFC – Request For Comments، ودي ببساطة طريقة منظمة بتخليك تشرح فكرتك بالتفصيل، وتخلي الكل يشارك رأيه قبل التنفيذ. ——— 📌 يعني إيه RFC؟ الـ RFC عبارة عن مستند مكتوب بيشرح فيه صاحب الفكرة كل حاجة عن الـ feature أو التغيير اللي عايز يعمله: من الـ context، والـ problem اللي بيحاول يحلها، لحد الـ proposed solution، والـ alternatives، والـ trade-offs. الهدف إنك تشارك التفكير بتاعك مع التيم علشان الكل يقدر يناقش الفكرة من وجهات نظر مختلفة — هندسية، product، أو حتى business. ——— 🎯 ليه مهم نكتب RFC؟ فيه 3 أسباب رئيسية بتخلي الـ RFCs مهمة جدًا في أي تيم: 1- بتمنع القرارات الفردية العشوائية: بدل ما أي حد يغيّر في الـ codebase أو الـ system architecture بمزاجه، الـ RFC بتخلي القرار جماعي ومدروس. 2- بتوثّق القرارات التقنية: بعد 6 شهور لما حد يسأل “ليه اخترنا نستخدم Redis هنا؟”، تقدر ترجع لـ RFC وتشوف reasoning واضح بدل ما تعتمد على الذاكرة. 3- بتحسّن التعاون بين الفرق: الـ frontend، backend، DevOps... الكل بيبقى عارف الاتجاه العام للـ system وبيشارك في القرار. ——— إزاي تكتب RFC محترم؟ 🤔 الـ structure مش ثابت، بس فيه فورمات متعارف عليه وبيخلي الـ RFC واضح ومنطقي. 📍 الـ Title + Summary ابدأ بعنوان بسيط وواضح يشرح هدف الـ RFC. مثلًا:

RFC: Introduce caching layer for product API

وبعدها اعمل Summary صغير بيشرح في جملة أو اتنين الفكرة العامة:

We propose adding a Redis-based caching layer to reduce response time for frequently accessed endpoints.

📍 الـ Context / Background احكي باختصار الـ situation الحالي وليه محتاجين التغيير. مثلًا:

Currently, our product endpoints are hitting the database directly, leading to high latency during peak hours.

الفكرة إنك تدي القارئ صورة كاملة عن المشكلة قبل ما يدخل في الحل. 📍 الـ Problem Statement وضح المشكلة الأساسية اللي بتحاول تحلها بالأرقام لو أمكن. مثلًا:

Average response time increased from 300ms to 900ms under load.

دي بتخلي الـ RFC منطقي ومبني على data. 📍 الـ Proposed Solution اشرح الـ approach اللي ناوي تستخدمه، ليه اخترته، وإزاي هيشتغل. مثلًا:

We'll use Redis to cache product data for 5 minutes. The cache will be invalidated on product update events.

ممكن كمان تضيف diagram بسيط أو pseudo code لو محتاج توضح flow معين. 📍 الـ Alternatives Considered بيوضح إنك مش اخترت الحل عشوائي. مثلًا:

Considered using in-memory cache, but it doesn’t scale horizontally. Redis fits better for distributed systems.

📍 الـ Trade-offs قول بصراحة إيه العيوب اللي ممكن تحصل.

Cache invalidation adds complexity and increases operational overhead.

📍 الـ Impact / Risks قول إيه اللي ممكن يتأثر في الـ system.

Adding caching could lead to stale data if invalidation fails.

📍 الـ Open Questions ممكن تسيب في الآخر شوية أسئلة مفتوحة علشان التيم يناقشها:

Should we cache all products or only top 100 requested ones?

📍 الـ Next Steps اختصر إيه اللي هيحصل بعد الموافقة.

If approved, implementation will start in sprint 25, and metrics will be collected after deployment.

——— 💡 نصائح مهمة وأنت بتكتب RFC: - خليك واضح وبسيط، بلاش مصطلحات تقيلة من غير داعي. - استخدم bullet points علشان الناس تقرأ بسهولة. - لو فيه diagrams أو code snippets، ضيفهم علشان تسهل الفهم. - خليك مرن في النقاش... الهدف مش إن فكرتك تتنفذ، الهدف إن نختار أفضل حل. ——— مش مهم تكتب RFC مثالية من أول مرة، المهم إنك تبدأ، ومع الوقت هتتعلم إزاي توصل فكرتك بأوضح وأقوى طريقة ممكنة 🔥 ——— وفقكم الله لكل خير 🌿

Master Async Iterators ✅

Make your JavaScript apps faster and smarter with async iterators. Stream data efficiently, handle errors gracefully, and keep performance top-notch

Debugging Tips in Next.js 💯

دردشة سريعة عن الـ OAuth 2.0 💡 . . تخيل إنك داخل تسجّل في تطبيق جديد علشان تتابع كورسات، ولما جيت تسجّل، التطبيق قالك: "تقدر تسجّل بحساب Google أو GitHub بدل ما تعمل أكونت جديد" ضغطت على زرار "Continue with Google"، وGoogle طلبت منك تختار الإيميل وتوافق على شوية صلاحيات. بعدها التطبيق فتح واشتغل وكأنك عملت sign up فعلًا... إيه اللي حصل هنا؟ 🤔 اللي حصل بالضبط هو إن Google استخدمت حاجة اسمها OAuth 2.0. ———

📌 يعني إيه OAuth 2.0؟

ببساطة، الـ OAuth 2.0 هو بروتوكول authorization (مش authentication)، بيخلّي التطبيقات تقدر تاخد إذن من المستخدم عشان تدخل على جزء من معلوماته في service تانية (زي Google, Facebook, GitHub) من غير ما يعرفوا الباسورد بتاعتك. يعني التطبيق اللي بتستخدمه مش بيشوف الباسورد بتاعتك، بس بياخد توكن مؤقت يقدر يستخدمه يدخل على الـ APIs اللي أنت وافقت عليها. وده بيخلي العملية آمنة، وبيحافظ على الخصوصية بتاعتك. ———

📌 إزاي الـ OAuth 2.0 بيشتغل؟

تعال نمشي خطوة بخطوة في الـ flow المشهور بتاع Authorization Code Grant Flow، واللي بيستخدم في web apps 1- الـ User Requests Login التطبيق (Client) يقولك: "سجّل بحساب Google مثلًا"، والمستخدم يضغط على الزرار، ويتم توجيهه على authorization server (زي Google). 2- الـ User Grants Permission جوجل يطلب منك تسجّل دخول وتوافق على الـ permissions اللي التطبيق طالبها (زي الإيميل، الاسم، إلخ). 3- الـ Authorization Code لو وافقت، Google هيبعت authorization code للتطبيق (أو تحديدًا للـ redirect URL اللي التطبيق حدده قبل كده). 4- الـ Token Exchange التطبيق ياخد الـ authorization code ده ويبعت request لـ token endpoint علشان يبدله بـ access token (وساعات كمان refresh token). 5- الـ Access Protected APIs بمجرد ما التطبيق ياخد الـ access token، يقدر يستخدمه يطلب بيانات من Google APIs، بس في حدود الـ scope اللي وافقت عليه. ———

إزاي بيأمن الـ APIs؟ 🔐

لو عندك API وعايز تأمنها، ممكن تستخدم OAuth 2.0 بحيث: - أي Client مش هيقدر يوصل لـ API غير لما يقدّم Access Token صالح. - الـ Backend بتاعك يقدر يتحقّق من التوكن (مثلًا JWT أو عن طريق introspection endpoint). - تقدر تتحكّم في الصلاحيات عن طريق الـ scope (يعني مثلًا توكن معين يقدر يقرأ بس، وتوكن تاني يقدر يكتب ويعدّل). - تقدر تسحب صلاحيات التوكن في أي وقت (Revoke). بالتالي، OAuth 2.0 بيأمّن الـ APIs عن طريق إنه: ✅ بيقلل الاعتماد على كلمات المرور ✅ بيسمح بالـ delegation (تطبيق ياخد إذن من مستخدم يوصل لحاجة مش بتاعته) ✅ بيخلي الـ tokens مؤقتة، وممكن تتحكم في صلاحياتها ومدّتها ———

📌 أنواع الـGrant Types المشهورة:

- الـ Authorization Code (with PKCE): للموبايل والويب. - الـ Client Credentials: للـ machine-to-machine apps. - الـ Password (deprecated): كان بيستخدم لما المستخدم يكتب الـ username والباسورد في نفس التطبيق (غير آمن). - الـ Implicit (deprecated): زمان كان بيتستخدم للـ SPA apps لكنه غير موصى به. ——— لو كنت بتستخدم OAuth 2.0 في موبايل أو SPA app، لازم تستخدم حاجة اسمها PKCE (Proof Key for Code Exchange) علشان تمنع الـ authorization code من إنه يتسرق. ——— وفقكم الله لكل خير 🌿

🔰 JavaScript DOM Selection and Manipulation

لو شايف إن محتوى القناة مفيد، ممكن تساعدنا نكبر ونوصل لناس أكتر بمجرد مشاركة رابط القناة. 🙌 📌 رابط القناة: https://t.me/the_developer_guide

🔐 الفرق بين Hashing و Encryption و Salting و Pepper . . الأربع مصطلحات قريبين من بعض في إن كلهم ليهم علاقة بتأمين الـ data. بس الحقيقة إن كل واحد فيهم ليه هدف مختلف تمامًا وطريقة استخدام مختلفة، ولو خلطت بينهم أو استعملت حاجة مكان التانية هتعمل مشكلة كبيرة في السيستم بتاعك. تخيل معايا إنك بتعمل منصة فيها مستخدمين بيسجلوا بالإيميل والباسورد. طبيعي إنك لازم تخزن الباسورد بشكل آمن، صح؟ هنا بقى السؤال: - هل أخزن الباسورد زي ما هو plain text؟ - طب هل أعمله Encryption؟ - ولا Hashing كفاية؟ - طب إيه لازمة الـ Salt؟ وإيه الفرق بينها وبين الـ Pepper؟ ———

🟢 الـ Hashing

الـ Hashing هو إنك بتحول الـ data (زي الباسورد) لسلسلة من الأرقام والحروف ملهاش معنى. الميزة الأساسية: ده one-way، يعني تقدر تحول الباسورد لـ hash، لكن مستحيل ترجع من الـ hash للباسورد. 📌 الهدف: تستخدمه عشان تتحقق من البيانات، مش عشان تسترجعها. مثال: المستخدم يدخل الباسورد، وأنت تعمله hash بنفس الـ algorithm وتقارن مع اللي مخزنه. ❌ المشكلة: لو اتنين مستخدمين عندهم نفس الباسورد، الـ hash بتاعهم هيبقى نفس النتيجة. وده بيخلي الموضوع عرضة لهجمات زي الـ Rainbow Tables. ———

🔵 الـ Encryption

الـ Encryption مختلف تمامًا. هنا بتعمل عملية reversible (يعني ينفع ترجع للبيانات الأصلية). تخزن الـ data مشفرة، وتقدر تفكها بالـ key. 📌 الهدف: حماية البيانات اللي لازم تسترجعها زي الرسائل، الملفات، بيانات الكريدت كارد… إلخ. مثال: تشفير رسالة في واتساب، المستقبل يقدر يفكها بالـ key والرسالة الأصلية ترجع. ❌ المشكلة: لو الـ key اتسرب، كل حاجة مكشوفة. ———

🟡 الـ Salting

الـ Salt هو string عشوائي بتضيفه للباسورد قبل ما تعمله hash. ليه؟ عشان تمنع الهجمات اللي بتعتمد على إن نفس الباسورد عنده نفس الـ hash. 📌 الهدف: تعمل كل hash مختلف حتى لو كلمات السر متشابهة. مثال: - مستخدم1 = "123456" + SaltA → hash1 - مستخدم2 = "123456" + SaltB → hash2 رغم إن الباسورد هو نفسه، لكن الـ hash مختلف. ———

🔴 الـ Pepper

الـ Pepper شبه الـ Salt لكن في نقطة مختلفة: بيكون secret value بتضيفه للباسورد قبل الـ hashing. بعكس الـ Salt اللي ممكن يتخزن مع الـ hash، الـ Pepper مش بيتخزن في الداتابيز، بيتخزن في config آمن أو environment variable. 📌 الهدف: تضيف طبقة حماية إضافية ضد أي حد يسرق الداتابيز. حتى لو معاه الـ hashes + salts، لسه ناقصه الـ pepper. ——— كلمات السر لازم تتحفظ بالـ Hashing + Salt + Pepper، مش بالـ Encryption. الـ Encryption مكانه في البيانات اللي لازم تسترجعها زي الرسائل أو الملفات. ——— وفقكم الله لكل خير 🌿

مجموعة مقالات ممتازة تخص Node.js 💯 . .

Part 1: Visualizing the Node.js Event Loop

https://www.builder.io/blog/visual-guide-to-nodejs-event-loop

Part 2: Visualizing nextTick and Promise Queues in Node.js

https://www.builder.io/blog/NodeJS-visualizing-nextTick-and-promise-queues

Part 3: Visualizing Timer Queue in Node.js

https://www.builder.io/blog/visualizing-nodejs-timer-queue

Part 4: Visualizing the I/O Queue in the Node.js Event Loop

https://www.builder.io/blog/visualizing-nodejs-io-queue

Part 5: Visualizing I/O Polling in the Node.js Event Loop

https://www.builder.io/blog/visualizing-nodejs-io-polling

Part 6: Visualizing the Check Queue in the Node.js Event Loop

https://www.builder.io/blog/visualizing-nodejs-check-queue

Part 7: Visualizing the Close Queue in the Node.js Event Loop

https://www.builder.io/blog/visualizing-nodejs-close-queue

فيديو مهم جدًا 💯

Documentation Best Practices | شركات كتير بتهمله رغم أهميته

- يعني إيه Documentation وليه مهمة جدًا. - أنواع الـ Documentation المختلفة: README, Code Comments, API Docs, Architecture Docs, RFCs, OPDOCs. - إزاي تكتب Docs فعّالة وسهلة تتفهم. - الأخطاء الشائعة اللي بتبوّظ أي Documentation. ——— https://youtu.be/D92MZJboOxs

دردشة سريعة عن الـ WebRTC ⚡️ . . لو رجعنا كده بالذاكرة شوية لأول مرة جربت تعمل مكالمة فيديو أونلاين، أكيد كنت منبهر إنك شايف الشخص قدامك بالصوت والصورة في نفس الوقت. يمكن ما سألتش نفسك وقتها: إيه اللي بيحصل خلف الكواليس عشان التجربة دي تبان سهلة بالشكل ده؟ تخيّل إنك بتكلّم حد في دولة تانية… إزاي الصوت يطلع من عندك، يعدي على شبكة الإنترنت بكل تعقيداتها، يوصل له في أقل من ثانية، ومن غير ما يبقى فيه delay واضح؟ وإزاي الفيديو بيتبعت frame وراء التاني كأنه بث مباشر، رغم إن في النص فيه firewalls و NATs وراوترات، وكابلات بحرية بطول آلاف الكيلومترات؟ وهنا يظهر دور الـ WebRTC... ——— 🔗 LinkedIn: https://www.linkedin.com/posts/mentoor-io_mentoor-softwaredevelopment-softwaredeveloper-activity-7377714952352112640-Cs_- 🔗 Facebook: https://www.facebook.com/share/p/1DUxGMUET3 🔗 Qabilah: https://qabilah.com/posts/استكشف-سر-الـ-webrtc-كيف-تتواصل-في-الوقت-الحقيقي-بدون-تأخير~m8y4l4HD_0I ——— وفقكم الله لكل خير 🌿

من أهم المفاهيم اللي لازم تتعلمها في React 💯 . . بفضل الله، تم نشر أول مقال على مدونة JavaScript in Plain English على منصة Medium 🚀 . .

Mastering React Context API: Best Practices, Patterns, and Pitfalls 💯

The React Context API is a powerful feature for managing global state across a component tree, eliminating the need for prop drilling. Introduced in React 16.3, it’s beneficial for sharing data such as themes, authentication status, or user preferences. ——— Read Full Article 👇 https://medium.com/javascript-in-plain-english/mastering-react-context-api-best-practices-patterns-and-pitfalls-655e3410cae5