Yashil burchak

Афанасий Кирхернинг 1675 йилдаги харитаси "Глобал тошқиндан кейинги дунёнинг географик харитаси" Харитада Орол ва Каспий денгизлари битта сув ҳавзаси этиб ифодаланган. Бу Орол ва Каспий орасида узвий боғлиқлик мавжду деган фаразларга мос келади. *Афанасий Кирхер (1601-1680)– турли соҳаларда (математика, лингвистика, физика, диншунослик, табиий фанлар) фаолият олиб борган немис олими. @yashil_burchak

Ернинг гравитацион аномалиялар харитаси тузилди Гравитацион аномалия - бу Ернинг тортишиш майдони қийматларининг маълум бир ҳудуд учун кутилган нормал қийматлардан оғиши. У тортишиш тезлашуви бирликларида (масалан, м/с²) ўлчанади ва Ер массасининг ўртача тақсимотига асосланган ҳолда ўлчанган тортишиш тезлашуви ва маълум бир нуқтада кутилиши мумкин бўлган тезланиш ўртасидаги фарқни ифодалайди. Гравитация аномалиялари геодезияда геоид тортишиш моделини яратишда муҳим рол ўйнайди, шунингдек, геоэкология соҳасида ер ости процессларни яхшироқ ўрганиш учун қўлланилади. @yashil_burchak

Европада 15 июл иқлим инқирози қурбонларини хотирлаш кунини этиб https://climate.ec.europa.eu/news-your-voice/news/eu-day-victims-global-climate-crisis-2023-07-13_en#:~:text=Today%2C%20Executive%20Vice%2DPresident%20for,of%20the%20Global%20Climate%20Crisis. Тегишли декларация Европарламент, Еврокомиссия ва ЕИ Кенгаши вакиллари томонидан имзоланган. Бу кун Европада ва бутун дунёда қурбонларни хотирлаш ва одамлар табиий офатларнинг олдини олиш ва иқлим офатларига яхшироқ тайёргарлик кўриш ва уларга жавоб бериш учун ҳозир амалга ошириши мумкин бўлган аниқ ҳаракатлар ҳақида хабардорликни оширишга бағишланади.

Ўзбекистон Республикаси Олий Мажлиси Қонунчилик палатаси ва Сенатининг қўшма мажлисида Ўзбекистон Республикаси сайланган Президенти Шавкат Мирзиёев тантанали қасамёд қилиб, ўз лавозимига киришди. "Экология ва атроф-муҳитни асраш, сув тақчиллигининг олдини олиш бундан буён ҳам биз учун долзарб вазифа бўлиб қолади. Биз, ҳеч шубҳасиз, экологик мувозанат, мусаффо ҳаво, тоза сув, безавол табиат тарафдоримиз. Бу масала биз учун бошқаларга қараганда ниҳоятда долзарб ва муҳимдир. Нега деганда, биз дунёдаги энг катта экологик офат – Орол фожиасини бевосита ўз бошидан кечираётган халқмиз. Шунинг учун ҳозирги вақтда республикамизда бебаҳо эко-тизимни сақлаш ва мустаҳкамлашга қаратилган кенг кўламли дастурлар, жумладан, “Яшил макон” умуммиллий лойиҳаси амалга оширилмоқда. Биз келгусида бу ишларни янада жадал давом эттирамиз. Янги қуриладиган саноат корхоналари лойиҳаларида бу масала бўйича қаттиқ назорат ўрнатилади. Оролбўйи минтақасидаги экологик вазиятни яхшилаш учун ҳам барча зарур чора-тадбирларни кўрамиз. Айни пайтда биз фақат деҳқончилик билан кун кўрадиган мамлакат бўлиб қолмаслигимиз керак. Биз атроф-муҳитга зарар етказмаган ҳолда, ишлаб чиқариш индустрияси кучли даражада ривожланган давлатга айланишимиз зарур" - деди Президент.

Пойтахт "иссиқлик оролидаги" ҳарорат фақлари. Телеграмдаги урбанайзер канали муаллифи эндиликда "иссиқлик ороли" таърифига тўлиқ мос тушувчи Тошкент шаҳрининг турли қисмларида сирт юзалари ҳароратлари фарқи харитасини жойлаштирибди. Харитада тўқ яшил ранглар энг кам қиздириладиган маконлар бўлса, қизғиш ранглар қуёшдан энг кўп иссиқлик ютадиган масканлар ҳисобланади. Пойтахтнинг яшил рангли ҳудудлари шаҳарнинг энг салқин ҳудудлари бўлиб, бу салқинликни баланд дарахтзордан иборат зич яшиллилик келтириб чиқарган. Қизил жойлар эса, дарахтлар кесилган (ёки дарахт экилмаган) зич қурилишлар барпо этилган ҳудудларга тўғри келган. Айтмоқчи, тўқ яшил ва тўқ қизил рангли ҳудудлардаги сирт юзаларини қуёш нақд 15 даражалик фарқ билан қиздирар экан. Табиийки, бунда ҳаво ҳароратидаги фарқлар ҳам бир биридан шунга яқин фарқлар бмлан чиқади. @uzb_meteo

Японияда 2005 йилнинг ёзидан бошлаб кондиционердан фойдаланишни чеклаш орқали электр энергияси истеъмолини камайтиришга ёрдам бериш учун Cool Biz кампанияси иш бошлаган. Офислардаги ҳаво ҳарорати 28 °C белгиланиб, даставвал Япония ҳукумати ходимларнинг белгиланган ҳароратда ишлаши учун либерал ёзги кийиниш услубини жорий этиш орқали амалга оширилди. Келгусида ушбу кийиниш услуби хусусий секторга хам тарқалди. Кампаниянинг бошида протокол услубга ўрганган кўпчилик бу ғояга қарши чиқиб, уз кийиниш услубини ўзгартиришмаган, шунда Япония Бош вазири Коидзуми ўз чиқишларини костюм ва бўйинбоғсиз ўтказишни бошлаган ва шу орқали Cool Biz ни ташвиқот қилган. Дастлаб скептицизм ва баъзи қаршиликларга дуч келган Cool Biz Япониянинг энг муваффақиятли экологик ташаббусларидан бирига айланди. Кампаниянинг биринчи йилининг ўзидаёқ 460 000 тонна, 2010 йилда 1 690 000 тонна, 2012 йилда 2 200 000 тоннадан ортиқ CО2 ташламаларининг олди олинган. Шунингдек Cool Biz Фукусима фожесидан кейин юзага келган тақчилликда ишчиларни комфорт шароитларда ишини давом эттиришга ёрдам берган. Ўзбекистонда юзага келаётган электр тақчиллиги даврида, шунга ўхшаган кампанияларни жорий этилиши айни мудао, бунда электр сарфини ва экологияга салбий таъсирни камайтириш, ҳамда ишчиларни комфорт шароитларда фаолият юритиши таъминланади. @yashil_burchak

Интернет жуда катта ҳажмдаги маълумотларни генерация қилади, уларнинг аксарияти рақамли чиқиндилар. Ушбу маълумотларни маълумотларни қайта ишлаш ва сақлаш атроф-муҳитга салбий таъсир кўрсатади. Интерент ва уни қўллаб-қувватловчи тизимларнинг умумий углерод изи глобал иссиқхона газлари ташламаларининг 3,7% ни ташкил қилади ва бу кўрсаткич доимий равишда ўсиб боради. Рақамли чиқиндиларнини ва унинг салбий таъсирини камайтириш учун: - Барча тармоқларда бир хил постларни жойлаштириш ўрнига, битта такрмоқдаги аккаунтингизни ривожлантиришга эътибор қаратинг. - Углерод изингизни камайтириш учун қурилмангизда файлларнинг кераксиз нусхаларини яратишдан сақланинг. - Табрикномаларни фақат муҳим саналарда юборинг, кераксиз хабарлар сонини чекланг. - Хабарларини юборишдан олдин CО2 эмиссиянгиз ҳақида ўйлаб кўринг ва юзма-юз мулоқотни ёки булутли хотирага файлларни юклашни афзал кўринг. Шунингдек, электрон қурилмаларингизда рақамли чиқинди тўпланишига йўл қўймаслик ва қурилма хотирасида жой бўшатиш учун файлларни сақлашни саралаш ва тартибга солиш, кераксиз фотосуратлар ва иловаларни ўчириш, юклаб олинган файллар папкасини тозалаш, вақтинчалик файлларни ўчириш ва мессенжерларда контентни автоматик юклаб олишни ўчириш тавсия этилади. @yashil_burchak

Abituriyentlar shoshiling!!! Iqlim o‘zgarish xavflarini yumshatish, suv tanqisligi, qurg‘oqchilikni oldini olish va  ekologik xavflarini kamaytirish sohasida yetuk mutaxassis bo‘lish istagida bo‘lsangiz, marxamat.👇🏼 2023-2024 o‘quv yillari uchun abituriyentlardan xujjatlarni qabul qilish davom etmoqda!!! O‘zbekiston Milliy universiteti (kunduzgi va sirtqi taʼlim shakli): ➖Meteorologiya va iqlimshunoslik yo‘nalishi; ➖Gidrologiya yo‘nalishi; ➖Gidrometeorologiya yo‘nalishi. Shuningdek Rossiya Davlat Gidrometeorologiya universiteti (Sankt-Peterburg, Rossiya) bilan xamkorlikda “3+2” qo‘shma taʼlim dasturi (sirtqi taʼlim shakli): ➖Meteorologiya va iqlimshunoslik yo‘nalishiga hujjat toshirib talaba bo'lish imkoniyatiga ega bo'lishadi. Murojaat uchun qabul bo’limi: +998939305153 https://t.me/nuu_uz @uzb_meteo

Пилеус деб номланган ноёб ва гўзал табиат ҳодисаси. Муайян шароитларда совуқ, нам ҳавонинг конденсацияси натижасида ҳосил бўлган булут, камалакдаги ёмғир томчилари каби ёруғликни синдира бошлайди. @yashil_burchak

Пойтахтнинг қоқ марказида 19 гектарли яшил фитомассадан иборат пойтахтнинг кичик яшил ўпкаларидан бири Ипакчилик илмий тадқиқот институти Андижонга кўчирилиши мумкин экан. Газета.ўзга кўра, маҳаллий аҳоли ва бир гуруҳ фаоллар ҳозирда пойтахтда 18 минга яқин дарахтдан иборат яшил масканнинг бошқа жойга кўчирилишидан хавотирда. Илмий тадқиқот инситути директори фикрига кўра, ўтмишда мазкур институт майдони қарийиб 100 гектар майдонни эгаллаган. Ҳудудда жуда кўп дарахт тутлар бўлган. Аҳоли кўпайиши ортидан институт майдони тенг 5 баробарга қисқартирилиб, дарахт массаси йўқ қилинган ва ўрнида қурилиш объектлари бунёд этилган. Пойтахт учун ёзда кислород етишмовчилигисиз бедор ва кам уйқулар, ҳарорат кўтарилиб кетиши, ер ости сувини балансда ушланиши, чанг массаларини юқорига кўтарилиш хавфини камайтириш учун институт майдонидаги яшил масса умуман ўзгартирилмаслиги, тегилмаслигини талаб қиламиз. Бу ерни кўзлаганлар ким бўлишидан қатъий назар пойтахт периферияси саноат зоналаридан жой қидирсин! @uzb_meteo