மக்தபாஹ் அஸ்ஸுன்னாஹ் வஸ்ஸலஃபிய்யாஹ்

வணக்க வழிபாடுகளில் அடிப்படை விதியானது தடையாகும் பழக்கவழக்கங்களில் அடிப்படை விதியானது அனுமதியாகும் - அல்இமாம் இப்னு தைமிய்யாஹ் ரஹிமஹுல்லாஹ் மார்க்கத்துடைய அடிப்படைகளை ஆராய்வதன் மூலம் நாம் அறிகிறோம்: அல்லாஹ் கடமையாக்கிய அல்லது அவன் விரும்பக்கூடிய வணக்க வழிபாடுகள், அவற்றைக் கொண்டான கட்டளையென்பது ஷரீ'அஹ்வைக் கொண்டே தவிர வேறதன் மூலமும் நிலைபெறாது. ஆனால் பழக்கவழக்கங்களைப் பொறுத்தவரையில், அது மக்கள் தங்களுடைய உலக காரியங்களில் தேவைப்படுபனவற்றில் பழக்கப்பட்டவையாகும். அதில் அடிப்படை விதி என்பது தடையின்மை ஆகும். அவற்றில் அல்லாஹ் - ஸுப்ஹானஹூ வத'ஆலா - தடை செய்தவற்றைத் தவிர வேறெதையும் தடை செய்ய இயலாது. அது ஏனென்றால், ஏவல் மற்றும் விலக்கல்: அவ்விரண்டும் அல்லாஹ்வுடைய ஷரீ'அஹ்வாகும். வணக்க வழிபாடுகள் என்பது கண்டிப்பாக ஏவப்பட்டவையாக இருத்தல் வேண்டும். எனவே எந்த ஒன்று ஏவப்பட்டதாக உறுதிபெறவில்லையோ, அதற்கு வணக்க வழிபாடு என்று எவ்வாறு தீர்ப்பளிக்க இயலும்? மேலும் பழக்கவழக்கங்களில் எந்த ஒன்று தடுக்கப்பட்டதாக உறுதிபெறவில்லையோ, அது தடுக்கப்பட்டது என்று எவ்வாறு தீர்ப்பளிக்க இயலும்? இதன் காரணமாகவே அஹ்மத் மற்றும் அவரல்லாத அஹ்லுல் ஹதீஸைச் சார்ந்த ஃபுகஹாக்கள் கூறுபவர்களாக இருந்தார்கள்: வணக்க வழிபாட்டில் அடிப்படை விதியானது 'தவ்கீஃப்' (மார்க்க ஆதாரங்களில் வந்திருப்பவற்றோடு நின்று கொள்வது) ஆகும். எனவே அல்லாஹு த’ஆலா மார்க்கமாக்கியவற்றைத் தவிர வேறெதுவும் மார்க்கமாக்கப்படமாட்டாது. இல்லையெனில், اَمْ لَهُمْ شُرَكٰٓؤُا شَرَعُوْا لَهُمْ مِّنَ الدِّيْنِ مَا لَمْ يَاْذَنْ بِهِ اللّٰهُ‌ மார்க்கத்தில் அல்லாஹ் எதற்கு அனுமதியளிக்கவில்லையோ அதை அவர்களுக்கு மார்க்கமாக்கி வைக்கக்கூடிய இணையாளர்கள் அவர்களுக்கு இருக்கின்றார்களா? (42:21) என்ற அவனது கூற்றின் பொருளில் நாம் நுழைந்து விடுவோம். மேலும் பழக்கவழக்கங்களானது அது விடயத்தில் அடிப்படை விதியென்பது மன்னிப்பு (அனுமதி) ஆகும். எனவே அவற்றில் அல்லாஹ் ஹராமாக்கியவற்றைத் தவிர வேறதனையும் தடுத்திட இயலாது. இல்லையெனில், قُلْ اَرَءَيْتُمْ مَّاۤ اَنْزَلَ اللّٰهُ لَـكُمْ مِّنْ رِّزْقٍ فَجَعَلْتُمْ مِّنْهُ حَرَامًا وَّحَلٰلًا  (நபியே!) நீர் கூறுவீராக! “உங்களுக்காக அல்லாஹ் இறக்கி வைத்த உணவு வகைகளை நீங்கள் கவனித்தீர்களா? அவற்றில் சிலவற்றை ஆகாதவையென்றும் சிலவற்றை ஆகுமானவையென்றும் நீங்கள் ஆக்கிக் கொண்டீர்கள்”(10:59) என்ற அவனது கூற்றின் பொருளில் நாம் நுழைந்து விடுவோம். 📖 மஜ்மூ'உல் ஃபதாவா 29/16,17 salafiyyah.in