سأكون "تحفيز للمذاكره"

ما تقلقش من التأخير كل حاجة بتحصل في معادها اللي ربنا رتّبه

نكبر في شغلنا نترقّى في وظايفنا ننجح في امتحاناتنا كل دا جميل وأهداف حلوة لكن المهم هل ربنا راضي عنّا؟ اللهم لا تتوفنا إلا وأنت راضٍ عنا🧡

حد هنا مشترك فى تليجرام المميز ؟

عارف ايه أسوأ من الغلط؟ - ان قلبك يتعود عليه وعارف ايه أسوأ ؟ - انك تطلّع تبريرات انك صح #خواطر_قد_تصل

قاعدة اتعلمتها اجبُر تُجْبَر ساعد تُساعَد فُك كُربة وانتظر فك كربتك من الله

ابن الأصول أمّا بيوصل ما بيتكبّرش على خلق الله ابن الأصول فاهم انه تعب عشان يوصل وما ينفعش يصعّب عاللي تحت منه بعدين ابن الاصول بس

اتعودت اذاكر عشان دا واجبي مش عشان هدف معين. اتعودت اجتهد عشان اجيب درجة عالية وبعدين اختار بنفسي ايه الافضل. اتعودت ان الوقت ليه حساب حتى وقت الفسحة. اتعودت ان الدعاء بيغيّر كتير جدًا من الشيء اللي انت فاكر انه حتمي وهيضرّك. اتعودت بعد المجهود أرضى بالنتيجة. اتعودت ان الزعل لحظي والفرح لحظي والخصام لحظي والودّ لحظي لكن اتعودت ان الرضا لازم يكون دايم. اتعودت افهم اني مخلوق خليفة لله في الأرض! يعني لي رسالة لازم انفذها مش جاي العب وآكل وأنام. اتعودت ان ممكن الناس تأخرني او تضرني او تغلط فيّ لكن اتعودت افهم انهم مش هيقدروا يعملوا كده الا اذا ربنا أراد كده وعشان دا فهمت ان الضرر هيكون بعدين فايدة والابتلاء هيكون بعدين ثواب ثم نعمة، ولو طال، ولو طال. #خواطر_قد_تصل

كل ما بشوف حد منهار بسبب المذاكرة بيبقى هاين عليّ أقولّه يبني صحتك بالدنيا .. اعمل اللي عليك بس مفيش حاجة تستاهل انك تنهار عشانها. المذاكرة وسيلة يبني مش غاية وبداية مش نهاية. ولو وقفت في طريق صحتك فصحتك هي الأهم وهي الأولى. وخلّي عقيدتك دائمًا ان مذاكرتك طريق بينك وبين ربنا متخليهوش طريق بينك وبين الشيطان اللي عايز يعجزك ويوعدك الفقر والفشل.

بوست لسنة اولى طب طبيعي اوي تتصدم بكمية المناهج وطبيعي اوي تتصدم بضيق الوقت وطبيعي برضه تحس بالصدمة بعد نقلتك من الثانوي للكلية حتى لو كان نفسك فيها وبتحبها. عنق الزجاجة في رأيي هو سنة اولى اللي لازم عضمك ينشف فيها وتستقوى كده وتشيل الشيلة القوية بتاعت الطب. انت كنت فاكر نفسك هترتاح او تلاقي وقت للنشاطات! اسمع كلامي : عارف ان البوست دا هيلاقي كتير يقولوا نتفسح ونخرج ونشارك في نشاطات وأندية وأُسر بس انا بقولك أهو بالفم المليان اوعى تضيع وقتك واوعى تستسلم لفكرة مفيش وقت لأن الوقت موجود وانت اللي بتستخدمه غلط. اسمع كلامي كمان مرة او متغرب او لوحدك واهلك اللي متغربين : بسرعة بسرعة دوّر على صحبة طيبة وناس تشجعك مش ناس تلهيك وتشغلك ويقنعوك انهم كده بيحبوك. سنة اولى طب هي الأساس اللي لازم يتبني صح وانت قدها ونص #خواطر_قد_تصل

والله مسموح لينا نغلط ومسموح لينا نقع ومسموح لينا نتأخر لكن مش مسموح لينا نيأس من رحمة ربنا ولا نبطّل شغل

طلابي الأعزاء نصايح للي حابب يسمع كلامي: ١- اجتهد من أول يوم. ٢- لا تستبعد وقت الامتحانات فهي قريبة. ٣- خد بإيد حد من الدفعات الاصغر او زمايلك في الدفعة وساعده. ٤- بلاش تدخل في أُسر كتير ونشاطات كتير هتحتاج تركز، خلي تركيزك أسرة او اتنين تفيد وتستفيد. ٥- اسمها زميلي وزميلتي مش صديقي وصديقتي. ٦- ما تنشغلش بالثانوي او بالسنين السابقة في الكلية، اللي حصل حصل وقابل للتعويض. ٧- ما تحسبش المستقبل لأنه مش بحساباتك. ٨- اختار صديق صح يشجعك عالخير والعمل الصح. ٩- ما تضيعش وقت في الخروجات والفسح لكن في نفس الوقت خد فسحة تكسر بيها الروتين. ١٠- المستقبل كتبه ربنا في علم الغيب عنده وعليك فقط الاجتهاد وليس النتيجة. #خواطر_قد_تصل

طالما اجتهدت وتعبت وكافحت ما تبقاش غلطان يبقى ربنا عايز كده ونستنى العوض من غير (يأس) #خواطر_قد_تصل

لو عايز تخسر حد اعمل دول او حاجة منهم باستمرار بس خد بالك انت هتخسر اكتر: ١. خليك دائمًا تقلل من مجهوده وامكانياته. ٢. كل شوية قلّه انت غلطان. ٣. فكّره دائمًا بجمايلك عليه. ٤. لو وقع في مشكلة متسندوش. ٥- افضح سرّه أو فكّره ان سرّه عندك. 👈والأهم واللي لازم تتبروز انك لا تراعي الله فيه #خواطر_قد_تصل

اوعى تشمت في تلاتة -في العاصي المستتر لأنه ممكن يتوب - في قليل الحظ رغم الاجتهاد لأن ربك هيجازيه يومًا ما - في صاحبك اللي زعلت منه و فرقتكم الأيام ومجابش سيرتك بأي سوء

إيه رأيكو نعمل جروب مناقشة للقناه ؟ لو حد عنده اقتراح يبعت هنا 👇 @Bot34423bot

اطلب الرزق بعزّة نفس فليس بيد أحدهم رزقك

خليني اعلمك حاجة اتعلمتها بفعل الزمن اشتغل وانت مبسوط اشتغل وانت زعلان اشتغل وانت في عز نشاطك اشتغل وانت كسلان اشتغل وانت في كل حالاتك مفيش شغل هتشتغله هتندم عليه حتى اللي خسرت فيه مجهود او وقت او فلوس، كلّه هتستفيد منه في وقت جاي أكيد

انت شخص عادي= بشر يعني ممكن تنجح وممكن تسقط وممكن تفرح وممكن تحزن وممكن تذاكر وممكن تلعب وممكن تبقى مهذب ولطيف احيانًا وتنفعل وتغضب وبشدة مع اللي بيحاول ياكل حقك. انت مش سوبر مان. خليك فخور بكل خطواتك اللي مشيتها مهما كان فيها من عثرات وأخطاء لأن في ناس مش بتبطّل تفتخر بيك ❤️ #خواطر_قد_تصل

طالما توكلت على الله وطالما سعيت ، سيبها بقى لتيسير الله وتوقيته مش هتزعل ان شاء الله

ليس كل من خذلك أذاك..بعضهم يدفعك نحو معرفة نفسك دون أن يقصد فتصبح أنت أقوى