سأكون "تحفيز للمذاكره"

١- ما تضيعش وقت ٢- ما تصاحبش حد وحش ٣- خد بالك من اولويات مستقبلك ٤- ابعد عن العلاقات الحرام ٥- ننوي نتعلم عشان ربنا أمرنا بالعلم ٦- ارفع رأس أهلك ٧- مفيش اكتئاب ولا احباط ولا يأس ٨- اغلط وصلّح غلطك ٩- ركّز اوي مين بيحبك واوعاك تخذله ١٠- الدنيا منافسة واللي بيجتهد ربنا بيجعله فيها نصيب اوعد نفسك تتغير عشانك انت ، عشان نفسك #خواطر_قد_تصل

شير لصديقك المحبط 🤝

عمري ما كنت جاهز لموقف أو امتحان أو ترقية ١٠٠٪؜ دايمًا كان في حلقة مفقودة؛ المذاكرة مش كاملة، الصحة مش هايلة، النفسية مش تمام. لكن عمري ما دخلت امتحان او موقف غير وأنا عندي إحساس انه هيعدّي برحمة الله وعون الله ومدد الله. #خواطر_قد_تصل

خليك كتوم خليك غامض خليك ساكت الكلام بيفضح والطريق راح يتوه منك #خواطر_قد_تصل

مفيش حاجة اسمها فقدت شغف الشغل أو شغف المذاكرة. مش مهم الإنجاز يبقى ضخم وعملاق لكن المهم انك تستمر وتشوف خطوات رجليك وصلت فين. انت بتتقدّم و مش واقف في مكانك وعشان تعرف كده احسب انجازاتك الصغيرة وعدّ النعم اللي انت فيها. اشكر ربنا على اللي وصلتله وكمّل طريقك بيقين. هتوصل لسعادتك اللي ربنا اخترهالك وعلى مقاسك. السعي أهم ، السعي عليك، الرزق على الله. #خواطر_قد_تصل

يا أخي دا انت لو كان بس سبب مذاكرتك او شغلك هو ثباتك على مكانك اللي ربنا أوكله ليك لكفاك سببًا

الصورة دي ليها غلاوة عندي لأن صاحبها كان مزنوق في مذاكرة الفيزياء في ثانوية وكتب جملة من الجمل بتاعتي يشجع نفسه بيها. اوعى تفتكر عشان معرفتش تحقق حلمك ان طريقك خلص.. طريقك ربنا بس اللي رسمه وعالم نهايته فخليك حسن الظن بربنا وربنا هيرضيك #خواطر_قد_تصل

ليه بقيت كل ما اشوف صفحة ألقى فيها كلام عن الشغف! ليه بقى السؤال الدايم ازاي استرجع شغفي! حتى في العبادات ؟ حتى في الشغل؟ حتى في المذاكرة؟ ازاي نقبل نبقى بالخنوع دا! وإزاي نسينا دورنا اللي مخلوقين عشانه وإزاي غلطنا لما فهمنا اننا مفروض نحب كل حاجة بنعملها؟ وإزاي تهنا عن ان الحياة ترانزيت اتوجدنا فيه عشان نبني ونعمر ونعبد ونرجع تاني بإجابات في اليوم الحق. كل ما تلاقي شيطانك بيقولك شغف قلّه ربنا بيقول أمر وكل ما شيطانك يقولك ملل قله ربنا بيقول سعي وكل ما شيطانك يقولك اعمل اللي بتحبه قله ربنا ما طلبش مننا نتعلق بالدنيا كلها ما بالك بحاجات صغيرة فيها. اللهم ارزقنا حب ما نفعل حتى لو فُرِض علينا وارزقنا إنجاز ما نفعل حتى لو أصابنا الفتور. #خواطر_قد_تصل

سيعوضك الله عن تعبك ، عن سهرك على العلم والعمل، عن طيبة قلبك، عن ضميرك الحيّ، عن حقٍ ضاع منك ولم تأخذه رغم الطلب، عن شخصٍ كسرك، عن دمعةٍ في ليلةٍ بسبب قهرٍ أو ضياع حلم. سيعوضك مهما تأخر الوقت. #خواطر_قد_تصل

أَحِبَّـتي، النَّجاحُ والتَفَوق لا يُمكن الوصولُ لهما بطريقةٍ سحرية، أو خُطُوَاتٍ سريعة وسهلةِ التنفيذ، تجنَّبوا الخزعبلات التي تتسلَّل إلى فِكرِكم! ‏ ‏تحتاج في البداية أن تتخلصَ من: العُجْبِ، الغرور، العناد، الاستعجال، الملل، الضجر، الغضب، التكبر، والجدل. ‏ ‏ثُمَّ عليكَ بالصبرِ والتركيزِ في خُطواتِكَ البسيطة في سُلَّمِ النَّجاح؛ للوصول لأهدافك، ومنها: ١- اعتمد على نفسِك منذُ البداية: سواءٌ بالواجباتِ، والتكاليفِ، أو تقديم العروض التي طُلِبَتْ مِنك. ٢- نظَّم جدولك اليومي بما يتكيَّف ويتماشى مع حياتِك الخاصة. ٣- اختر أفضلَ وقتٍ للمذاكرة: ويرى علماءُ النفس أن أفضل وقتٍ للمذاكرةِ ما بعدَ صلاةِ الفجر حتى الشروق. ٤- اخترِ المكانَ المناسِبَ والهادئ: والذي يكون بعيدًا عن الضوضاء ووسائل الانشغال عن المذاكرة؛ كالتلفاز، والجوال. ٥- التركيز بالمحاضرات: عند بَدءِ المحاضره كن دائمًا في المدرجات الأولى حتى تنتبه إلى كلام الدكتور وتُسَجل الملاحظات المهمة، وإذا اِسْتُعْصِيَتْ عليك معلومة فَسَلِ الدكتور عنها ولا تخجل من زملائك أو ابحث عنها في الإنترنت. ٦- خصص لك دفتر ملاحظات (كشكول): اكتب فيه الملاحظات المهمة أثناء الشرح حتى تكون لك مرجعًا وقت الاختبارات وتكون سهلة عليك. ٧- المذاكرةُ أولًا بِأوَّل: من الأفضلِ أن تراجع المحاضرة في نفس اليومِ الذي تلقَّيتها به؛ لِيَسهُل عليك مراجعتَها أثناء الإختبارات. ٨- القراءةُ العامةُ للمحاضرة: القراءه تزيدُ من قدرتك على الحفظ؛ لأن الهدف منها فَهم المُحتوى، وأخذِ معلومةٍ عامةٍ عن المحاضَرة والتي تكون كالآتي: أ- تقسيمُ المحاضرةِ إلى فقرات، كلُّ فقرةٍ تشمل فكرةً معيَّنة (اربُطِ المعلومةَ بِصُوَرٍ فكاهيةٍ من خيالك)، ثم قم بقراءةِ الفقرةِ، وفَهم المعلومات الموجودة بها، ثم ابدأ بحفظِ الفقرةِ وتسميعِها أكثرَ من مرة. ب- قم باستخدام الأقلام الملونة (الفسفورية) لإبراز أهم المعلوماتِ، ثم لخِّص بعضَ الفقراتِ الصعبةِ في مُخطَّطاتٍ بيانية، وخرائطَ ذهنية؛ حتى تسهِّل لك المعلومات. ج- أثناء مذاكرةِ المحاضرة، خصِّص دفترًا آخرَ للأسئلة، واكتب فيهِ أسئلةً عن المحاضرةِ، وبعد مذاكرتك للمحاضرة جاوب عنها؛ حتى يسهُلَ لك تذكُّرها وحفظِها. ٩- اربط المعلوماتِ بعضها ببعض: اربط المعلوماتِ المتشابهةِ بعضها ببعض، حتى يَسهُلَ لك وقتُ الإختبار تذكُّرُها والمراجعةُ بسرعةٍ أكبر. ١٠- ذاكر قبل النوم: من أهم الطرقِ التي تساعدُ على ثباتِ المعلوماتِ، وتخزينها لفترةٍ أطول؛ إذ يعزِّزُ النومُ نقلَ المعلومات من الذاكرةِ قصيرةِ الأمد إلى الذاكرة بعيدةِ الأمد. ١١- التسميع (المراجعة): عندَ نهايةِ مذاكرةِ المُحاضَرة قم بالتسميع لنفسك من خلال الأسئلة الشفوية والتحريرية؛ والتي تساعدُك على تذكر المعلومات. وأخيرًا خُذِ القدر الكافي من النوم، السَّهر لفتراتٍ طويلةٍ يؤدي إلى إجهادِ الذاكرةِ وضعفِها، واهتم بغذائك جيدًا. - هيام محمد.

ألم الإجتهاد أهون من ألم الندم..🎯 أنت عارف كويس المفروض في اللحظة دي تكون بتعمل إيه ومع ذلك بتهرب منها..🏃🏻‍♂️ عارف إن نفسك تذاكر، ونفسك تلم المنهج، ونفسك تنجح، لكن عمال تهرب.. - طب وبعدين؟ لحد امتى.. عايز أقولك إن كل هروب عشان تتجنب ألم الإجتهاد بيكون ليه ألم مضاعف كل يوم بليل لكنه ألم الندم للأسف. ويوم ورا يوم بيعدي وفجأة هتكتشف إن عمرك راح في الولا شيئ! أنا جاية أقولكم إن مفيش حد بيحب يتعب وكلنا بنحب الراحة لكن فيه حد بيضغط على نفسه وبيتحمل ألم الاجتهاد عشان حياة نفسه يعيشها وسعادة بعيدة. وفي شخص تاني بيفضل يضيع حياته في راحة ومتعة مؤقته وندم كبير بعيد. وليك حرية الإختيار بين الاتنين. الرسالة دي ممكن تكون قاسية شوية بس أنا عاوزك تراجع نفسك. ولو حاسس إن فات كتير فأنا بقولك إن كل يوم ممكن يكون بداية جديدة، بس استعين بالله وأسعى، وأستمر، وهتوصل..🥇 مش مشكلة ابدًا إنك تبدأ متأخر المشكلة فعلا إنك متبدأش خالص عشان فاكر نفسك متأخر .... ربنا معاكم يسدد خطاكم ويجبر بخاطركم ويجعل النجاح والتوفيق دايما حليفكم🤲

قيمتك لو انت ما حددتهاش ما تطلبش من حد يعرفها. قيمتك هي عملك مش صوت (صياحك) وشكواك المستمرة. لازم يكون ليك أثر في الأرض وفي السماء فبلاش تقعد تضيع الوقت في الشكوى من الناس اللي مش بتقدرك وانت كل اللي انت عملته انك مضيع وقتك عياط بس. تنويها لله يا أخي يبقى عملك وعلمك شفيعيْن لك ويكون في عملك وعلمك فايدة ليك وللي حواليك. احنا في زمن كل واحد فينا لازم يتمسك بدوره مش يقعد ينوح. #خواطر_قد_تصل

عمرك حسيت معنى (يدبّر الأمر) تنام أنت مهموم وهو لا ينام ويرعاك دون ان تدري تخاف من كل حاجة حواليك وهو يهديء روعاتك تخاف من بطش انسان وهو يردّ كيده دون علمك تخاف على رزقك وهو يضمنه تخاف على علمك وهو يحفظه تخاف على قلبك وهو يحرسه (يدبّرُ الأمر) #خواطر_قد_تصل

بطّل تشيل من أي حد الدنيا ما تستاهلش #خواطر_قد_تصل

فى لحظه من لحظات حياتك بتكون محتاج لكلمة دعم من حد. او فيه فراغ عاطفى عايز تملاه فمتبخلش على حد بالنصيحه او بكلمة الدعم دى و طمئنه اكسب فيه ثواب ربنا هيسوق ليك اللى يساعدك أكيد .

لو حد معاه روايات كويسه يبعت على البوت 🤝 @Bot34423bot

اتعوّد ما تُقفش عند هزيمة أو عند موقف أو عند عتاب لشخص. الحياة ريتمها سريع أوي. تجاوز حتى تتقدّم #خواطر_قد_تصل

انت مجيتش صدفة. انت مجيتش عشان ترضي الناس وتوقعاتهم. انت جيت عشان تعبد ربنا وتشتغل عشان تعبد ربنا في علمك وعملك. اوعى تتخلّى عن طريقك، انت موجود لغرض، اوعى الثغر اللي انت واقف عليه يضيع منك. #خواطر_قد_تصل

كل يومٍ جديدٍ هو في الأصل فرصة جديدة #خواطر_قد_تصل