News Of Myanmar

၂၀၂၅ ခုနှစ် ဒီဇင်ဘာလ ၂၉ အနောက်တောင်တိုင်းစစ်ဌာနချုပ်ရှိ လေ့ကျင့်ရေးကျောင်းတွင် ပြည်သူ့စစ်မှုထမ်းသင်တန်း အမှတ်စဥ် (၁၇)သင်တန်းဆင်းပွဲအခမ်းအနားကျင်းပ။

၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲ အပိုင်း(၁)တွင် တိုက်ကြီး၊ မင်္ဂလာဒုံ၊ မှော်ဘီ မြို့နယ်များ၌ မဲပေးဆောင်ရွက်မှုမှတ်တမ်းဓာတ်ပုံများ

အကယ်ဒမီရွှေကြိုရွေးပွဲဒုတိယဆင့်ဆက်လက်ကျင်းပ NOM၊ဒီဇင်ဘာ၂၉၊၂၀၂၅ ၂၀၂၅ခုနှစ်အကယ်ဒမီဆုပေးပွဲအတွက်ရွေီကြိုရွေးပွဲဒုတိယအဆင့်ကိုမြန်မာနိုင်ငံရုပ်ရှင်အစည်းအရုံး ရွှေရတုခန်းမတွင်ယနေ့ဆက်လက်ကျင်းပရာပထမဆင့်အောင်မြင်ထားသောရွှေကြိုမောင်မယ်၁၀၄ဦးဆက်လက်ယှဉ်ပြိုင်လျက်ရှိသည်။

ဒီနေ့ ကျင်းပခဲ့တဲ့ ရွေးကောက်ပွဲနဲ့ပတ်သက်ပြီး နီပေါ မိသားစု အသိုင်းအဝိုင်းအတွက်တော့ ကိုယ်ဖော်တဲ့ ဆေး၊ ကိုယ်ပြန် စားသုံးခဲ့ရတယ်လို့ပဲ ကိုယ်တော့ သုံးသပ်တယ်။ ---- ပထမဆုံး တွေ့ရတဲ့ အချက်က ကြိုတင်မဲပဲ။ ကြိုတင်မဲ ဟာ အများစု အဝေးရောက် မြန်မာနိုင်ငံသားတွေ၊ ပြီးတော့ ရွှေ့ပြောင်းဝန်ထမ်းတွေ၊ သက်ကြီးရွယ်အိုတွေ ပေးကြတဲ့ မဲ အမျိုးအစားပါပဲ။ ဒီထဲက လူထု စိတ်ဝင်စားမှု အများဆုံးဖြစ်တာက… အဝေးရောက် ရွှေ့ပြောင်းလုပ်သား တွေဖြစ်ကြတဲ့ ပြည်ပအခြေစိုက် မြန်မာနိုင်ငံသားတွေရဲ့ မဲ တွေ ဖြစ်ကြတယ်။ ခက်တာက….နီပေါ အများစုက ဒီကြိုတင်မဲတွေမှာ… ပြည်သူတွေ မဲ လာမပေးရဲအောင် ၊ သံရုံးအနီးနားမှာ အချိန်ကိုက် ဆန္ဒပြပွဲတွေလုပ်တာ၊ အချိန်ပြည့် စောင့်ကြည့်ပြီး Boycott လုပ်ဖို့ ကြိုးစားကြတာ တွေ့ရတယ်။ ဒါကြောင့် တစ်ချို့နိုင်ငံတွေ ရဲ့ ကြိုတင်မဲဟာ ထင်ထားသလောက် မများတာတွေ့ရတယ်။ ဒါပေမယ့် ရလာတဲ့ မဲ အများဆုံး ဘယ်ပါတီကို မဲပေးမလဲ။ ဒါက ကြိုတင်မဲနဲ့ပတ်သက်ပြီး အရှုံးထဲက အမြတ်ထွက် သွားတဲ့ကိစ္စဖြစ်တယ်။ ------ ဒုတိယ တစ်ချက်က နီပိန်း၊ နီပေါ မိသားစု အသိုင်းအဝိုင်းကနေ ရွေးကောက်ပွဲမှာ ပြည်သူတွေ ကြောက်ရွံ့ပြီး မဲလာမပေးစေဖို့ အကြောက်တရားဖြစ်အောင် ပုံစံ ပေးရင်း၊ ကောလာဟလ တွေ ထုတ်လွှင့်ရင်းကပဲ သာမန် စိုးရိမ်ပိုတဲ့ လူထုက ဒီကြောက်စိတ်ကြား မှာ စီးမြော သွားကြတာ တွေ့ရတယ်။ ဥပမာ- မူဆယ်လိုမျိုးနေရာမှာ မဲ လာ မပေးရင် ဝင်/ထွက်ခွင့် မထုတ်ပေးတော့ဘူးဆိုတဲ့ ကောလာဟလမျိုး။ တကယ်တော့… ဘယ်ပြည်သူက မဲ လာ မပေးလဲ၊ ပေးလဲဆိုတာ ဘယ်ဝန်ထမ်းက အလုပ်ရှုပ်ခံပြီး ထိုင်စောင့်ကြည့်နေနိုင်မှာလဲ။ ဒါပေမယ့် ဒီကောလာဟလတွေ ကြောင့်ပဲ ပြည်သူ အများစုက မဲ ရုံဆီ တန်းတန်းမတ်မတ် ရောက်လာခဲ့ကြတယ်။ -------- တတိယ အချက်က နီပေါ မိသားစု အသိုင်းအဝိုင်းဘက်က မျှော်လင့်ထားတဲ့ အချက်က မိုင်းခွဲလိုက်ရင်…လူထုက ကြောက်ရွံ့ပြီး မဲ လာ မပေးတော့ဘူးလို့ထင်မှတ်ကြတာပါပဲ။ ဒါက ပူပူနွေးနွေး မြဝတီနဲ့ မန္တလေးမှာ ဖြစ်ခဲ့တဲ့ ပေါက်ကွဲမှုတွေကို ဆိုလိုတာဖြစ်တယ်။ ရွေးကောက်ပွဲကို ဖြစ်မြောက်ဖို့ အစိုးရက ဦးစီးနေချိန်မှာ ဒီအကြမ်းဖက်မှုတွေ လုပ်တာက ဘယ်အဖွဲ့အစည်းဖြစ်တယ်ဆိုတာ သာမန်လူထုတောင် သိနိုင်တဲ့ ကိစ္စပါပဲ။ ဆိုတော့… လူသေဆုံးမှုအထိ ဖြစ်သွားစေတဲ့ ဒီလိုအကြမ်းဖက်မှုတွေကို တကယ်ခံစားရတဲ့ ပြည်သူက အဖြူ/အမဲ သဲသဲကွဲကွဲ ဖြစ်သွားစေခဲ့တယ်။ မြေပြင်မှာ ကြောက်စိတ်ထက် ဒီလို အကြမ်းဖက် သမားတွေ မရှိမှ တိုင်းပြည်အေးချမ်းသာယာမယ်ဆိုတဲ့ စိတ်က ပြည်သူတွေစိတ်ထဲမှာ အလိုလို ဝင်သွားကြတယ်။ ------- ခြုံကြည့်လိုက်ရင် ကြိုတင်မဲ မှာ နီပေါတွေ မဲ လာမပေးကြလို့၊ မဲ လာပေးတဲ့ လက်တစ်ဆုပ်စာ စာရင်းမှာ နာမည်ကြီးပါတီတွေ နိုင်တာ အပြစ်တစ်ခုတော့ မဟုတ် နေဘူး။ လူထုကို အကြောက်တရားနဲ့ ရွေးကောက်ပွဲကို ဆန့်ကျင်အောင် ခြိမ်းခြောက် ကြပေမယ့် ဒါလည်း လက်တွေ့မှာ မှန်ကန်တဲ့ လုပ်ရပ်မဟုတ်ဘူး ဆိုတာ ဒီကနေ့ ကျင်းပသွားတဲ့ ရွေးကောက်ပွဲ အပိုင်း(၁)က သက်သေ ခံသွားတယ်ပေါ့။ မဲရုံတွေ မဖွင့်နိုင်အောင်၊ မဲ လာ မပေးရဲအောင် အကြောက်တရားနဲ့ ခြိမ်းခြောက်ထားတာ တောင် မြေပြင်မှာ ဒီလို စည်စည်ကားကားဖြစ်နေတယ်ဆိုတော့…လက်ရှိ ကျင်းပတဲ့ ရွေးကောက်ပွဲဟာ အောင်မြင်တဲ့ ရွေးကောက်ပွဲတစ်ခုလို့ ပြောလို့ရနေပါပြီ။ (နရီမိုး)

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် နေပြည်တော်ဘူတာကြီးသို့ သွားရောက်ကြည့်ရှုစစ်ဆေး နေပြည်တော်၊ ဒီဇင်ဘာ - ၂၈

စဉ့်ကူးမြို့နယ်၊ ကျည်တောက်ပေါက်ကျေးရွာသို့ ရောက်ရှိလာသော လုံခြုံရေးတပ်ဖွဲ့ဝင်များအား ဒေသခံပြည်သူများက သောင်းသောင်းဖြဖြ ဝမ်းပန်းတသာကြိုဆို နေပြည်တော် ဒီဇင်ဘာ ၂၈၊ ၂၀၂၅

စစ်ကိုင်းတိုင်းဒေသကြီး၊ မုံရွာမြို့ ရုံးကြီးရပ်ကွက်ရှိ မဲရုံတွင် မဲဆန္ဒရှင် ပြည်သူများ လွတ်လပ်ပျော်ရွှင်စွာဖြင့် လာရောက်မဲပေးနေစဉ်

တောင်ငူမြို့နယ်အတွင်းရှိ မဲရုံများ၌ မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်း

နမ့်စန်မြို့နယ်ရှိ မဲရုံများတွင် မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်း

ပြည်မြို့နယ်ရှိ မဲရုံများ၌ မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်း

၁၁၇ ယာဉ်လိုင်း လမ်းကြောင်း ပြောင်းလဲပြေးဆွဲမည် NOM၊ဒီဇင်ဘာ၂၉၊၂၀၂၅ ဗန္ဓုလသယ်ယူပို့ဆောင်ရေးကုမ္ပဏီမှ တာဝန်ယူပြေးဆွဲလျက်ရှိ‌သော၁၁၇ ယာဉ်လိုင်းသည် ၂၀၂၆ ခုနှစ်၊ ဇန်နဝါရီလ ၁ ရက်နေ့မှ စတင်ပြေးဆွဲသွားမည်ဖြစ်လမ်းကြောင်းပြောင်းလဲပြေးဆွဲသွားမည်ဖြစ်ကြောင်းသိရသည်။ အဆိုပါပြောင်းလဲပြေးဆွဲသွားမည့် လမ်းကြောင်းသစ်မှာ ပြည်ထောင်စုလမ်းမှ တပင်ရွေထီးလမ်း၊ ဦးဝိစာရလမ်းသို့ ပြောင်းလဲပြေးဆွဲသွားမှာဖြစ်ပြီး လမ်းတလျှောက်တွင် ၄၀ ဈေး၊ ဟောင်ကောင်၊ ၆ လမ်း၊ နာရီစင်မှတ်တိုင်များတွင်ရပ်တန့်ပေးမည်ဖြစ်သည်။ ယခင်လမ်းကြောင်းအဟောင်းဖြစ်သည့်ပြည်ထောင်စုလမ်းမှ ပင်လုံလမ်းကနေ ယခုဖော်ပြပါ လမ်းကြောင်းသစ်ကို ပြောင်းလဲခဲ့တာဖြစ်ပြီး ၁၁၇ စီးနင်းလိုသူများအနေဖြင့် တပင်ရွှေထီးလမ်း၊ ဦးဝိစာရလမ်းမှ တဆင့်စောင့်ဆိုင်းစီးနင်းနိုင်ပါကြောင်း ယာဉ်လိုင်းဘက်က အသိပေးထားသည်။ ၁၁၇ ယာဉ်လိုင်းသည်ယခင်က ၃၀ (ပြည်လမ်း) လိုင်းခွဲအဖြစ် ပြေးဆွဲခဲ့တာဖြစ်ပြီး ၂၀၂၂ - ၂၀၂၄ ခုနှစ်၏ယာဉ်လိုင်းနံပတ်ပြောင်းလဲရမှုများကြောင့် ၁၁၇ အဖြစ်ပြောင်းလဲပြေးဆွဲနေရ‌ေသာယာဉ်လိုင်းတလိုင်းလည်း ဖြစ်ကြောင်းသိရသည်။

ကချင်ပြည်နယ် တနိုင်းမြို့၌ မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်း

တိုက်ကြီးခရိုင်၊တိုက်ကြီးမြို့နယ်အတွင်းရှိ မဲရုံများ၌ မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်း

သန်လျင်၌ ဂတ်စ်ဆိုင် မီးလောင် NOM၊ဒီဇင်ဘာ၂၈၊၂၀၂၅ ရန်ကုန်တိုင်း၊သန်လျင်မြို့နယ်ရှိ ဂတ်စ်ဆိုင်တစ်ဆိုင် ဒီဇင်ဘာ ၂၇ ရက်နံနက်ပိုင်းကမီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာန၏ ထုတ်ပြန်ချက်အရသိရသည်။ သန်လျင်မြို့၊ အုတ်ဖိုစုရပ်ကွက်၊ သောက်တော်တွင်း (၁)လမ်းရှိ Gas ဆိုင်၌ ယနေ့ နံနက် ၁၁ နာရီ ၁၂ မိနစ်တွင် မီးလောင်မှုဖြစ်ပွားခဲ့ခြင်းဖြစ်ပြီး အနီးဝန်းကျင်ရှိအခြားအဆောက်အအုံ လေး ခု လည်း မီးလောင်ပျက်စီးခဲ့ကြောင်း သွားရောက်ကူညီခဲ့သည့် လူမှုကူညီရေးအဖွဲ့ဝင်တစ်ဦးက ပြောသည်။ “gas အိုးတွေလည်းပေါက်တယ်။ ကျွန်တော်တို့ရောက်တဲ့အချိန်ကမီးစလောင်နေပြီ။ ဘေးနား တွေပါ ကူးတာ။သူက သစ်သားနဲ့ ဆိုင်လိုလို အိမ်လိုလိုလေးတွေဖြစ်နေတာပေါ့။အိမ်အသေး ၄ လုံးလောက်လောင်တယ်။ မီးသတ်သမားတစ်ဦးသွပ်ပြားရှတာတော့ရှိတယ်။ကျန်တာတော့ လူထိခိုက်မှုမရှိပါဘူး”ဟု ရှင်သန်ရေး ကူညီမှုအသင်း တာဝန်ရှိသူတစ်ဦးကပြောသည်။ ယင်း မီးလောင်မှုကို မိနစ်ပိုင်းအတွင်း ငြှိမ်းသတ်နိုင်ခဲ့ပြီး မီးလောင်မှုဖြစ်ပွားရသည့်အ ကြောင်း အရင်းနှင့်ဆုံးရှုံးမှုတန်ဖိုးအား စုံစမ်းဆဲဖြစ်ကြောင်း မြန်မာနိုင်ငံမီးသတ်ဦးစီးဌာန၏ ထုတ်ပြန် ချက်အရသိရသည်။

ဒီဇင်ဘာလ၂၈ရက်နိုင်ငံတကာသတင်းများ NOM ၁။အီရန်သမ္မတကအမေရိကန်၊အစ္စရေးနှင့်ဥရောပသည်အီရန်အပေါ်အလုံးစုံစစ်ပွဲဆင်နွှဲနေသည်ဟုပြောလိုက်သည်။ ၂။ အစ္စရေးသမ္မတနေတန်ယာဟုကအီရန်အပေါ်ထပ်မံတိုက်ခိုက် ရေးအတွက်ခွင့်ပြုချက်ရရန်အမေရိကန်သမ္မတထံအီရန်သည်တိုက်ချင်းပစ်ဒုံးပျံအစီအစဥ်ကိုအောင်မြင်စွာစမ်းသပ်ပြီးကြောင်းအထောက်အထားများဖြင့်တင်ပြမည်ဟုပြောသည်။ ၃။ယူကရိန်းတွင် ရောက်နေသည့်ဥရောပနိုင်ငံများ၏တပ်ဖွဲ့များသည်ရုရှား၏တရားဝင်ပစ်မှတ်များဖြစ်သည်ဟုရှားနိုင်ငံခြားရေးဝန်ကြီးလာယော့ဗ်ကပြောသည်။ ၄။ မလေးရှားစစ်တပ်၏ပစ္စည်းဝယ်ယူမှုများနှင့်ပတ်သက်ပြီးအဂတိလိုက်စားမှုတိုက်ဖျက်ရေးကော်မရှင်ကလူသုံးဦးကိုခေါ်ယူစစ်ဆေးနေချိန်တွင်မလေးရှားစစ်ဦးစီးချုပ်အားရာထူးမှခေတ္တအနားပေးလိုက်သည်။(ဓါတ်ပုံ) ၅။မြန်မာတိုင်ငံတွင်ပါတီစုံဒီမိုကျရစီရွေးကောက်ပွဲယနေ့စတင်ကျင်းပရာရုရှား၊တရုတ်၊အိန္ဒိယ၊ဘယ်လာရုဇ်အပါအဝင်နိုင်ငံတကာမှစောင့်ကြည့်လေ့လာသူ၁၃၉ဦးလာရောက်ကြည့်ရှုသည်။

မြောက်ဒဂုံဘီယာဆိုင်မီးလောင် NOM၊ဒီဇင်ဘာ၂၈၊၂၀၂၅ ဒဂုံမြို့သစ်မြောက်ပိုင်းမြို့နယ်၊၂၉ရပ်ကွက်၊ပြည်ထောင်စုလမ်းမကြီးပေါ်ရှိစုမြတ်ဘီယာဆိုင်တွင်ယနေ့ဒီဇင်ဘာလညနေ၃း၁၀နာရီအချိန်၌မီးလောင်မှုဖြစ်ပွါးကြောင်းသိရသည်။မီးမှာဂက်စ်အိုးပေါက်ကွဲရာမှလောင်ကျွမ်းခြင်းဖြစ်ပြီးမီးသတ် နှင့်လူမှုကူညီရေးအသင်းများမှလာရောက်ငြိမ်းသတ်သဖြင့်ညနေ၃း၄၀နာရီတွင်မီးငြိမ်းသွားပြီးလူထိခိုက်မှုမရှိကြောင်းသိရသည်။

ဘားအံမြို့နယ်ရှိ မဲရုံများတွင် မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်းဓာတ်ပုံများ ဒီဇင်ဘာ ၂၈၊ ၂၀၂၅

မြဝတီမြို့နယ်ရှိ မဲရုံများတွင် မဲဆန္ဒရှင်ပြည်သူများမှ ဆန္ဒမဲပေးနေမှု မှတ်တမ်းဓာတ်ပုံများ ဒီဇင်ဘာ ၂၈၊ ၂၀၂၅