News Of Myanmar

တပ်မတော်စစ်ကြောင်းများက NUG လက်ဝေခံ PDF အမည်ခံ အကြမ်းဖက်သောင်းကျန်းသူများ ယာယီစိုးမိုးထားသည့် တကောင်းမြို့အား ပြန်လည်သိမ်းပိုက်ထိန်းချုပ်၊ မိုင်းရှင်းလင်းရေးလုပ်ငန်းများနှင့် ပြန်လည်ထူထောင်ရေးလုပ်ငန်းများ ဆက်လက်ဆောင်ရွက် မတ် ၁၂၊ ၂၀၂၆ NOM

အီရန်နိုင်ငံ၏ အဓိပတိခေါင်းဆောင်သစ် မိုဂျတာဘာ ခါမေနီ (Mojtaba Khamenei) ၏ တိုင်းပြည်သို့ ပထမဆုံး ထုတ်ပြန်ချက် "ကျွန်ုပ်တို့၏ အာဇာနည်များ၊ အထူးသဖြင့် မိနပ်ဘ် (Minab) မြို့တွင် ကျဆုံးခဲ့ကြသော အာဇာနည်များအတွက် သွေးကြွေးဆပ် လက်စားချေမည့် အစီအစဉ်ကို ကျွန်ုပ်တို့ မည်သည့်အခါမျှ လက်လျှော့မည်မဟုတ်ပါ။ ကျွန်ုပ်တို့အနေဖြင့် အိမ်နီးချင်းနိုင်ငံများနှင့် ချစ်ကြည်ရင်းနှီးမှုကို ရှေးရှုသော်လည်း အမေရိကန် အခြေစိုက်စခန်းများကိုသာ ပစ်မှတ်ထား တိုက်ခိုက်သွားမည်ဖြစ်ပြီး ယင်းလုပ်ဆောင်ချက်များကိုလည်း မလွဲမသွေ ဆက်လက်လုပ်ဆောင်သွားမည် ဖြစ်သည်။" "ဟော်မုဇ် ရေလက်ကြား (Strait of Hormuz) ကို မဖြစ်မနေ ဆက်လက်ပိတ်ထားရမည်။" "ဒေသတွင်းရှိ အမေရိကန် အခြေစိုက်စခန်းအားလုံးကို ချက်ချင်း ပိတ်သိမ်းရမည် ဖြစ်ပြီး မပိတ်သိမ်းပါက ထိုစခန်းများကို တိုက်ခိုက်သွားမည် ဖြစ်သည်။ ကျွန်ုပ်တို့သည် ရန်သူ့ထံမှ ပျက်စီးဆုံးရှုံးမှုများအတွက် လျော်ကြေးကို အတင်းအကျပ် တောင်းဆိုသွားမည်ဖြစ်ပြီး အကယ်၍ ရန်သူက ငြင်းဆန်ပါက ၎င်းတို့၏ ပိုင်ဆိုင်မှုများထဲမှ ကျွန်ုပ်တို့ လိုအပ်သည်ဟု ယူဆသမျှကို သိမ်းဆည်းသွားမည်။ ထိုသို့သိမ်းဆည်းရန် မဖြစ်နိုင်တော့သည့် အခြေအနေမျိုးတွင်မူ ရန်သူ့ပိုင်ဆိုင်မှုများထဲမှ ထိုက်သင့်သလောက်ကို ကျွန်ုပ်တို့က ဖျက်ဆီးပစ်မည် ဖြစ်သည်။" NOM

အင်ဒိုနီးရှားနိုင်ငံသည် အိန္ဒိယနိုင်ငံထံမှ ဘရာမို့စ် (BrahMos) ဒုံးကျည်များ ဝယ်ယူရန် သဘောတူညီချက် လက်မှတ်ရေးထိုးခဲ့ကြောင်း ကာကွယ်ရေးဝန်ကြီးဌာန ပြောရေးဆိုခွင့်ရှိသူက RT သတင်းဌာနသို့ အတည်ပြုပြောကြားခဲ့သည်။ အိန္ဒိယနှင့် ရုရှားတို့ ပူးပေါင်းထုတ်လုပ်ထားသည့် ဤ အသံထက်မြန်သော (Supersonic) ခရုစ်ဒုံးကျည်သည် ကမ္ဘာပေါ်တွင် အမြန်ဆုံးဒုံးကျည်များထဲမှ တစ်ခုအဖြစ် သတ်မှတ်ခံထားရသည်။ NOM

နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ  တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တပ်မတော်(လေ)၊ လေယာဉ်များ တပ်တော်ဝင်အခမ်းအနားသို့ တက်ရောက်ချီးမြှင့် မတ် ၁၂၊ ၂၀၂၆ NOM

မန္တလေးတိုင်း၊ တကောင်းမြို့ကို တပ်မတော်က ပြန်လည်ထိန်းချုပ်ပြီးနောက် နိုင်ငံတော်အလံ ပြန်လည်စိုက်ထူနိုင်ခဲ့သည့် မြင်ကွင်း။ NOM

အမေရိကန်သည်တောင်ကိုးရီးယားတွင်တပ်စွဲထားသောလေကြောင်းရန်ကါကွယ်ရေး THAADစနစ်ခြောက်ခုလုံးကိုအရှေ့အလယ်ပိုင်းသို့ရွှေ့ပြောင်းလိုကိပြီဟုတောင်ကိုးရီးယားသတင်းဌာနကကြေညာသည်။

အမေရိကန်သမ္မတအိမ်ဖြူတော်တွင်အကွဲအပြဲဖြစ်လာ NOM အိမ်ဖြူတော်အတွင်း သဘောထားကွဲလွဲမှုများ ပိုမိုပြင်းထန်လာနေသည်။ ဒုသမ္မတ ဂျေဒီဗန့်စ်သည် ထရမ့်၏ အသိုင်းအဝိုင်းနှင့် ကွဲကွာသွားခဲ့ပြီး အီရန်စစ်ပွဲမှ သူ့ကိုယ်သူ ခပ်ကင်းကင်းနေခဲ့သည်။ လက်ရှိ အရှေ့အလယ်ပိုင်း စွန့်စားခန်းသည် ထရမ့်၏ သမ္မတသက်တမ်းကို ဖျက်ဆီးရုံသာမက ၂၀၂၈ ခုနှစ်အတွက် ၎င်း၏ မဲဆွယ်စည်းရုံးရေးကိုပါ အန္တရာယ်ဖြစ်စေမည်ဟု ဗန့်စ်ကစိုးရိမ်နေသည်။ ဗန့်စ်သည် ယခုအခါ အလွန်ခက်ခဲသော အလုပ်တစ်ခုကို ရင်ဆိုင်နေရသည်။ ၎င်းမှာ ကွန်ဂရက် ကြားဖြတ်ရွေးကောက်ပွဲများအတွက် ရီပတ်ဘလီကန်များကို ပြင်ဆင်ပေးခြင်းဖြစ်သည်။ ဤရွေးကောက်ပွဲသည် "ရီပတ်ဘလီကန်ပါတီ" အတွက် နာကျင်ဖွယ်ရှုံးနိမ့်မှုတစ်ခုဖြင့် အဆုံးသတ်နိုင်ခြေရှိသည်။ သို့သော် ယခုအခါ ဗန့်စ်တွင် ထွက်ပေါက်ရှိပြီး အိမ်ဖြူတော်ကို အီရန်နှင့် လူကြိုက်မများသော စစ်ပွဲထဲသို့ ဆွဲခေါ်ခဲ့သူများထံ ဆုံးရှုံးမှုအတွက် တာဝန်အားလုံးကို လွှဲပြောင်းပေးနိုင်သည်။ အမေရိကန်များ၏ အမှန်တကယ်ဆုံးရှုံးမှုများနှင့်ပတ်သက်သည့် သတင်းအချက်အလက်များသည် ပင်တဂွန်မှ တဖြည်းဖြည်း ပေါက်ကြားလာပြီး ဒဏ်ရာရရှိသူ ရာပေါင်းများစွာရှိနေပြီဖြစ်သည်။ အမေရိကန်လူမျိုး သုံးပုံနှစ်ပုံ သို့မဟုတ် ထို့ထက်ပိုသောသူများသည် အီရန်နှင့် ပဋိပက္ခကို အပျက်သဘောမြင်ကြသည်။ အမေရိကန်ပြည်ထောင်စုအတွင်း စွမ်းအင်အကျပ်အတည်းသည် မြင့်တက်လာနေသည်။ လောင်စာဆီဈေးနှုန်းများသည် ကယ်လီဖိုးနီးယားတွင် အစဉ်အလာအရ အမြင့်ဆုံးဖြစ်သည်။ သို့သော်လည်း ပြည်နယ်များစွာ ဖြစ်သညါ့နီဗားဒါး၊ အရီဇိုးနား၊ မီချီဂန်၊ မိန်းတို့သည်လည်း ထိခိုက်ခံရသည်။ ရီပတ်ဘလီကန် အမာခံဖြစ်သောဖလော်ရီဒါတွင် လောင်စာဆီအကျပ်အတည်းသည်ထင်ရှား လာသည်။ပြည်နယ်သည် ဥရောပနှင့် အာရှမှ ဓာတ်ဆီအများအပြားကို တင်သွင်းပြီး လက်ရှိအခြေအနေမှာ ဆိုးရွားနေသည်။ အိမ်ဖြူတော်သည် အီရန်နှင့် ဆွေးနွေးပွဲများ ပြန်လည်စတင်ရန် လျှို့ဝှက်ကြိုးစားနေသော်လည်း မအောင်မြင်ပါ။ ဟော်မုဇ်ရေလက်ကြားတွင် မိုင်းထောင်နေသည်ဟူသော သတင်းများကြားတွင် ထရမ့်၏အဖွဲ့သည် ပိတ်ဆို့မှုကို ချိုးဖျက်ရန် အစီအစဉ်များကိုလည်း စွန့်လွှတ်ခဲ့သည်။ ဖျက်သင်္ဘောများ ဆုံးရှုံးခြင်းသည် ပင်တဂွန်အတွက် ကပ်ဘေးကြီးတစ်ခု ဖြစ်လိမ့်မည်။ ထရမ့်၏ အသိုင်းအဝိုင်းမှ အချို့သည် အီရန်နှင့် ရှုံးနိမ့်ခဲ့သော စစ်ပွဲမှ ဆုတ်ခွာနေပြီဖြစ်သည်မှာ အံ့သြစရာမဟုတ်ပါ။

🚨 အီရန်တော်လှန်ရေး အစောင့်တပ် ​IRGC ၏ ရေတပ်က ပစ်လွှတ်လိုက်သည့် ဒုံးကျည်တစ်စင်းသည် အမေရိကန်ရေနံတင်သင်္ဘောကို တိုက်ရိုက်ထိမှန်ပေါက်ကွဲသည့် ရုပ်သံဗီဒီယို။ ဗီဒီယိုထဲက စကားပြောသံတွေကို ဘာသာပြန်ပေးထားပါတယ် 👇 "အလ္လာဟု အက္ကဘာရ် Allahu Akbar!" (ဘုရားသခင်သည် အကြီးမြတ်ဆုံးဖြစ်တော်မူ၏) • "ပါရှန်းပင်လယ်ကွေ့ မြောက်ဘက်ပိုင်းမှာ အမေရိကန် ရေနံတင်သင်္ဘောကို ဖျက်ဆီးလိုက်ပြီ။" • မာရှာအလ္လာဟ် "Mashallah!" (ဘုရားသခင် အလိုတော်အတိုင်းပဲ) • လပ်ဘိုက်ယာ ခါမေနီ "Labbaik ya Khamenei!" (ခါမေနီ၊ ကျွန်ုပ်တို့ အသင့်ရှိနေပါပြီ) • "အီရန် အစ္စလာမ္မစ် သမ္မတနိုင်ငံတော် အဓွန့်ရှည်ပါစေ။" • "အစ္စလာမ္မစ် တော်လှန်ရေး အစောင့်တပ်ဖွဲ့ (IRGC) ရဲ့ ရေတပ်သားများအား ဂုဏ်ပြုပါတယ်။" NOM

🇮🇷 - အီရန်လွှတ်တော်ဥက္ကဋ္ဌ ဂါလီဘဖ် Ghalibaf က "ကျွန်ုပ်တို့သည် ထိန်းချုပ်ကန့်သတ်မှုအားလုံးကို စွန့်လွှတ်ပြီး ပါရှန်ပင်လယ်ကွေ့ကို ကျူးကျော်သူတို့၏ သွေးများဖြင့် စီးဆင်းစေမည်။" NOM

အင်္ဂပူနှင့် မြန်အောင်မြိုနယ်တွင် အချိန်အခါမဟုတ်လေပြ င်းတိုက်ခတ်မှုကြောင့် အဆောက်အဦများပျက်စီးဆုံးရှုး                                   NOMမတ်၁၂၊၂၀၂၆ ဧရာဝတီတိုင်းဒေသကြီး အင်္ဂပူမြိုနယ်၊ ခွေးတောက်ချောင်းအုပ်စုနံကပ်ကြီးကျေးရွာတွင် မတ်လ (၁၁)ရက်၊ ညနေ (၆) နာရီခန့်က အချိန်အခါမဟုတ် လေပြင်းတိုက်ခတ်မှု ဖြစ်ပွားခဲ့ရာ လူနေအိမ် (၇)လုံးနှင့် ဂိုထောင်လွတ်တစ်လုံး အမိုးလန်ပျက်စီးသွားခဲ့ကြောင်း သိရသည်။                အလားတူ မတ် (၁၁) ရက်၊ ညနေ ၆နာရီခွဲခန့်အချိန်တွင် မိုးရွာသွန်ပြီး ရုတ်တရက်လေပြင်း တိုက်ခတ်မှုကြောင့် မြန်အောင်မြိုနယ်၊ သက္ကယ်ကုန်းကျေးရွာအုပ်စု၊ အုန်းနှဲအင်းကျေးရွာတွင် နေအိမ်(၉)လုံး၊ စာသင်ကျောင်း(၃)လုံး၊ ဂိုဒေါင်အလွတ်(၁)လုံး အမိုးလန်/ပြိုကျ ပျက်စီးမှုဖြစ်ပွားခဲ့ကြောင်း သိရသည်။                     အထက်ပါ ဖြစ်စဥ်များကြောင့် လူနှင့်တိရစ္ဆာန်များ ထိခိုက်ဒဏ်ရာခြင်းမရှိကြောင်းနှင့် ဒေသအာဏာပိုင်များမှ အချိန်နှင့်တပြေးညီ ကယ်ဆယ်ရေးလုပ်ငန်းများ စီစဥ်ဆောင်ရွက်ပေးခဲ့ကြောင်း သိရသည်။

ဘေးတွဲဆိုင်ကယ်မောင်းသူများ စက်သုံးဆီပြင်ပစျေးကွက်မှဝယ်ယူရသဖြင့် စီးနင်ခများတိုးမြှင့်လာ NOM၊မတ်၁၂၊၂၀၂၆ လက်ရှိစက်သုံးဆီဝယ်ယူရန်အတွက် ယခင်က ဘေးတွဲဆိုင်ကယ်များကိုဆီဆိုင်အချို့ကရောင်းချပေးသော်လည်းယခုရောင်းချပေးသည့်ဆိုင်နည်းသွားပြီး ပြင်ပဆီကိုစျေး ကြီး ပေးပြီးဝယ်ယူမောင်းနှင်နေရသည့်အတွက် စီးနင်ခများမှာလည်းစျေးတက်သွားကြောင်းသိရသည်။ ယခင်ကဘေးတွဲဆိုင်ကယ်နှင့် ဆိုင်ကယ်များကိုမြို့နယ်အချို့ရှိစက်သုံးဆီဆိုင်အချို့တွင် ဆိုင်စျေးနှုန်းများအတိုင်ရောင်းချပေးခဲသော်လည်း ယခုအခါယင်ဆိုင်များကရောင်းချပေးမှုဆိုင်နည်းလာခြင်း၊ ပေးသည့်ဆိုင်မှာလည်းဘေးတွဲများတန်းဆီရသည့်အတွက်အချိန်ကြားမြှင်စွာတန်းစီးရသည့်အတွက် ပြင်ပဆီများကိုစျေးကြီးကြီးပေးပြီးဝယ်ယူနေရကြောင်းသိရသည်။ "အရင်တုန်းကတော့တစ်လီတာကို၂၆၀၀ကျပ်နဲ့ဝယ်ရတယ် အဲဒီကနေအသံတွေမျိုးစုံကြားပြီးကားတွေအများကြီးဆီဆိုင်တွေမှာ တန်းဆီပြီးထုတ်တဲ့ နေ့ကဆိုရင်ဆီစျေးကတစ်လီတာကိုပြင်ပ​စျေး ကျပ်၅၀၀၀ထိတက်သွားတယ် နောက်ရက်ကျတော့ ပြင်ပဆီစျေး တွေကကျပ်၄၅၀၀နဲ့၄၀၀၀ထိကျဆင်လာခဲ့ပါတယ်အခုတစ်လီတာကို ကျပ်၃၃၀၀ဖြစ်ပါတယ်၊ အခုလိုဆီစျေးတက်လာတဲ့အတွက် အရင်က အနိမ့်ဆုံကျပ်၁၀၀၀လမ်းကို ကျပ်၁၅၀၀ထိတောင်းနေရပါ တယ်"ဟု ဘေးတွဲဆိုင်ကယ်မောင်းသူတစ်ဦးကပြောသည်။ လက်ရှိဘေးတွဲဆိုင်ကယ်မောင်းသူများမှာ စက်သုံးဆီပြင်ပဝယ်ယူမှုစျေးတက်လာသည့်နှင့်အညီစီးနင်ခများပါတက်လာသည့်အတွက်စီးနင်သူများနည်လာပြီး တစ်ခါတစ်လေစီးမယ့်ခရီးသည်မရှိသည့်အတွက် အိမ်စရိတ်ပင်မနည်းရှာနေရကြောင်းသိရသည်။

သဘင်အနုပညာရှင်များ တည်ဆဲဥပဒေနှင့် မညီညွတ်သောဖျော်ဖြေတင်ဆက်မှုများ မဖြစ်ရန် အသိပညာပေး ဆွေးနွေးပွဲပြုလုပ်မည် NOM၊မတ်၁၂၊၂၀၂၆ သဘင်အနုပညာရှင်များအား တည်ဆဲဥပဒေများနှင့် မညီညွတ်သော ဖျော်ဖြေတင်ဆက်မှုများ မဖြစ်ပေါ်စေရေး အသိပညာပေးဆွေးနွေးပွဲကိုမတ်လ (၁၄)ရက်တွင် ရန်ကုန်မြို့ ၊ အင်းစိန်ဘူတာရုံလမ်းနှင့် လမ်းသစ်လမ်းထောင့်ရှိ ဗဟိုသဘင်ရုံးတွင် ကျင်းပပြုလုပ်သွားဖြစ်ကြောင်း မြန်မာနိုင်ငံသဘင်အစည်းအရုံး (ဗဟို)ကထုတ်ပြန်ကြေညာ ထားသည်။ အဆိုပါ ကြေညာချက်တွင် သဘင်စင်မြင့်ထက်တွင် ဖျော်ဖြေတင်ဆက်နေကြသော သဘင်အနုပညာရှင်များအနေ ဖြင့် မလိုလားအပ်သော သရုပ်ပျ-က်ဖျော်ဖြေတင်ဆက်မှုများ၊ တည်ဆဲဥပဒေများနှင့် မညီညွတ်သောဖျော်ဖြေတင်ဆက်မှုများ မဖြစ်ပေါ်စေရေးအတွက် အသိပညာပေးလုပ်ငန်းများကို မိမိတို့ သက်ဆိုင်ရာတိုင်းဒေသကြီး/ ပြည်နယ်/ မြို့နယ် သဘင်အစည်းအရုံးများမှတဆင့် ပြန်လည်ဖြန့်ဝေနိုင်ရန်ရည်ရွယ်ချက်ဖြင့် အသိပညာပေးဆွေးနွေးပွဲတစ်ရပ် ပြုလုပ်ရခြင်းဖြစ်ကြောင်း ဖော်ပြထားသည်။ နိုင်ငံတစ်ဝန်းရှိ တိုင်းဒေသကြီး/ ပြည်နယ်/ မြို့နယ်သဘင်အစည်း အရုံးများမှ ဥက္ကဌ၊ အတွင်းရေးမှုး၊ ကိုယ်စားလှယ်များ၊ သဘင်တည်ထောင်သူများ၊ မန်နေဂျာများ၊ ပညာရပ်ဆိုင်ရာကော်မတီအသီးသီးမှ ကိုယ်စားလှယ်များနှင့် အခြားစိတ်ပါဝင်စားသူသဘင်အနုပညာရှင်များအား တက်ရောက်ဆွေးနွေးကြရန်လည်း နှိုးဆော်ထားသည်။

တောင်ကြီးမြို့၌ Fuel Control System စနစ် အသုံးပြုနည်းသင်တန်း ဖွင့်လှစ်ပို့ချ မတ် ၁၂၊ ၂၀၂၆ စွမ်းအင်ဝန်ကြီးဌာန၊ ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန၊ ပြည်နယ်ကြီးကြပ်စစ်ဆေးရေးအရာရှိရုံး၊ ရှမ်းပြည်နယ်(တောင်ပိုင်း)ရုံးမှ Fuel Control System စနစ်အသုံးပြုနည်းသင်တန်းအား တောင်ကြီးမြို့၊ BOCဆီဆိုင်၌ ယမန်နေ့နံနက်ပိုင်းက ဖွင့်လှစ်ပို့ချပေးသည်။ ဦးစွာ ရှမ်းပြည်နယ် ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန၊ ပြည်နယ်ကြီးကြပ်စစ်ဆေးရေးအရာရှိ ဦးမင်းမင်းက စက်သုံးဆီများ အလေအလွင့်မရှိအောင် ထိန်းချုပ်နိုင်ရန်နှင့် လိုအပ်သည့်အခါ စက်သုံးဆီများလွယ်ကူလျင်မြန်စွာ ဖြည့်တင်းနိုင်ရန်အတွက် သင်တန်းအား ဖွင့်လှစ်ရခြင်းဖြစ်ကြောင်း ပြောကြားသည်။ ထို့နောက် Nanolabs ကုမ္ပဏီမှ ဒါရိုက်တာ စိုးထက်ကျော်က Fuel Control System စနစ်အသုံးပြုနည်းအား အကျယ်တဝံ့ ရှင်းလင်းတင်ပြရာ တက်ရောက်လာသည့် သင်တန်းသား၊ သင်တန်းသူများ၊ လုပ်ငန်းရှင်များက သိရှိလိုသည်များ အပြန်အလှန်ဆွေးနွေးခဲ့ကြပြီး ရှမ်းပြည်နယ် ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန၊ ပြည်နယ်ကြီးကြပ်စစ်ဆေးရေးအရာရှိ ဦးမင်းမင်းက နိဂုံးချုပ်အမှာစကား ပြောကြားခဲ့ကြောင်း သိရသည်။ အဆိုပါ Fuel Control System စနစ်အား ရန်ကုန်၊ မန္တလေး၊ နေပြည်တော်နှင့် တောင်ကြီးမြို့များရှိ စက်သုံးဆီအရောင်းဆိုင်များ၌ တစ်ပြိုင်နက်စတင်အသုံးပြုသွားမည်ဖြစ်ရာ ယာဉ်အမှတ်များအား စုံ/မ စနစ်အတိုင်း QR စနစ်ဖြင့် ရောင်းချမည့်အစီအစဉ်ကို ဆောင်ရွက်သွားနိုင်မည်ဖြစ်ကြောင်း သိရှိရပြီး ရှမ်းပြည်နယ်(တောင်ပိုင်း)အတွင်းရှိ စက်သုံးဆီအရောင်းဆိုင်များမှ သင်တန်းသား သင်တန်းသူ (၇၀) ဦးခန့် တက်ရောက်ခဲ့ကြောင်း သိရသည်။ NOM

တရုတ်နိုင်ငံကချက်လုပ်ပြီးဓာတ်ဆီနှင့်ဒီဇယ်ပြည်ပသို့ရောင်းချမှုကို ယနေ့မှစ၍ပိတ်ပင်လိုက်သည်။

"ရင်းနှီးမြှုပ်နှံသူများသည် ၎င်းတို့၏ ငွေကြေးများကို ယူအေအီး (UAE) နိုင်ငံမှ ပြန်လည်ရုပ်သိမ်းနေကြ" ရာရှစ် ဘင် ဆာအိဒ် Rashid bin Saeed က ၎င်း​၏ X ဆိုရှယ်မီဒီယာအကောင့်တွင် တင်ထားသည့် ပို့စ် - "ဒူဘိုင်းဘီလျံနာဆီက ကျွန်တော့်ရဲ့ အတွင်းလူတစ်ယောက်နဲ့ ၃ နာရီကြာ ဖုန်းပြောပြီးခါစပဲ ရှိပါသေးတယ်။ အခုလောလောဆယ်တော့ အများကြီး ထုတ်မပြောနိုင်သေးပေမဲ့ မတ်လ ၁၀ ရက်နေ့ဟာ လူသားသမိုင်းမှာ အကြီးမားဆုံး ဓနဥစ္စာ လွှဲပြောင်းမှု (Transfer of Wealth) စတင်မယ့်နေ့ ဖြစ်ပါလိမ့်မယ်။ ဘာတွေဖြစ်တော့မယ်ဆိုတာ လူအများစုဟာ လုံးဝကို မသိကြသေးပါဘူး..." NOM