I made this channel because she leave me

ကိုယ်မရှိပဲ မင်းဖြစ်ပါ့မလားတွေးခဲ့ဖူးတယ် တကယ်တော့ မင်းမရှိပဲ ဖြစ်အောင်နေထိုင်ရသူဟာ ကိုယ်ဖြစ်နေခဲ့တယ် -ဂန္ဓမာ

လူကိုချစ်ပြီး အကျင့်ကိုမကြိုက်လို့ လမ်းခွဲလိုက်ရတာတွေဆိုတာ တကယ်ရှိတယ် တစ်ယောက်နဲ့တစ်ယောက် မချစ်တော့မှဝေးကြတာ မဟုတ်ဘူး စိတ်ဓါတ်နဲ့အပြုအမူလုပ်ရပ်တွေ မနီးစပ်ရင်လည်း အနှေးနဲ့အမြန် ဒီချစ်ခြင်းက ဝေးဖို့အတွက် ဖြစ်လာတတ်တယ် ။ မကြိုက်ဘူးလို့ သေချာပြောနေတာကို ထပ်ခါထပ်ခါလုပ်နေမိရင် အဲ့နေရာကစလွဲသွားပြီပဲ ပထမတကြိမ် စိတ်ဆိုးတာက အချိန်သိပ်မကြာ ပြေပျောက်နိုင်သေးတယ် ဒုတိယတကြိမ် စိတ်တိုတာလည်း အနည်းနဲ့အများ စိတ်ပြန်ငြိမ်နိုင်တယ် နောက်ဆုံးအကြိမ် စိတ်ပျက်သွားရင် သေတဲ့အထိကိုဝေးသွားကြတာပဲ ။ Khoon Sitt-ခွန်းစစ်

အဖေပြန်လာတော့မယ် ပန်းပင် ရေလောင်းရမယ် အဖေပြန်လာတော့မယ် ကျိုက္ကဆံဘီစကစ် စားရတော့မယ်။ တိမ်တွေ ပုစွန်ဆီရောင် ပြောင်းလို့ ကြည်သာတဲ့ ညနေခင်းတွေရောက်တိုင်း အဖေပြန်လာနေကြ။ အဖေပြန်လာပုံက မီးတိုင်ကြီးတစ်တိုင်လို အရွက်ကားကား ထီးဖားဖားကြီး တစ်ချောင်းလို ခိုင်ခံ့ အုတ်နံရံကြီး တစ်ချပ်လို။ အဖေဆိုတာ သတ်မှတ်ပုံစံရှိရသလား အဖေဆိုတိုင်း အဖေနဲ့မတူဘူးပြောကြ နားမလည်သော်လည်း ကျွန်မအဖေကတော့ အဖေနဲ့တူတယ်။ ချော်လဲရင် ထူပေးတယ် ငါးအရိုးနွှင်ပေးတယ် မမှီတဲ့ စံပယ်ပန်းတွေခူးပေးတယ်။ အဖေက မိုမိုရေ...ဝူးဝူး အဖေက စူပါမန်း အဖေက ပုံပြောသူ အဖေက ပန်းစိုက်သူ။ အဖေကမှော်ဆရာ သူ့လက်ဖဝါးထဲ ကျွန်မ ခြေဖဝါးနှစ်ဖက်ထည့် ရပ်နိုင်ပေ့ဆိုပြီး မန်းမှုတ်ခဲ့။ ဘုံခုနစ်ဆင့်က နတ်သမီးမဖြစ်စေရ ဖန်နန်းဆောင်က ကတ္တီပါမင်းသမီး မဖြစ်စေရ ချော်လဲ ပြန်ထ မြေကြီးနဲ့ဖဝါး တစ်သားတည်းကျတဲ့ လူမိန်းကလေးသာ ဖြစ်စေရ။ အဖေက ကျွန်မဟာ သမီးလို ထီးမဟုတ်ဘူး သားလို အား မဟုတ်ဘူး မြတ်နိုး တန်ဖိုးထားအပ်သော ရတနာတဲ့။ အဖေကပြောတယ် ကျွန်မက အဖေနဲ့တူတယ် သံယောဇဉ်ကြီးတယ်၊ ခေါင်းမာတယ်။ အဖေကပြောတယ် ကျွန်မက အဖေနဲ့မတူဘူး ကြောက်တတ်တယ်၊ တွေဝေတယ်။ အဖေကပြောတယ် သူ့မေတ္တာကို အကြွင်းမဲ့ယုံလို့ရတယ် သူနဲ့တူတဲ့လူကို အဆုံးထိချစ်လို့ရတယ်။ အဖေကပြောတယ် ကျွန်မက ငိုလည်းလှတယ်၊ ရယ်လည်းလှတယ် မကောက်ကျစ်တတ်တဲ့ မြေခွေးမလေးတဲ့။ ကျွန်မ လမ်းလျောက်ပုံကို ချစ်တယ် ကျွန်မ ချော်လဲကျပုံကို ချစ်တယ် ကျွန်မ ကုန်းရုန်းပြန်ထပုံကို ချစ်တယ် ကျွန်မ အမာရွတ်တွေကို ပွတ်သပ်ပေးပြီး ဒါက လမ်းပြမြေပုံတွေလို့ ပြောတယ်။ အဖေက အဖေနဲ့အတူဆုံးအရာက ကျွန်မကို အမြင့်ဆုံးဂုဏ်နဲ့ချစ်တာပဲ တစ်ဘဝလုံးလုံတယ်။ အဖေက ကျွန်မနဲ့ အဝေးကြီးမှာဆိုလည်း အဖေက ကျွန်မရဲ့ အနီးဆုံးမှာရှိတယ်။ -မြကျေး -အဖေ

မင်းကလွဲရင် အားလုံးကို အကြာကြီးစဉ်းစားရပါတယ် မေ့တတ်တာဟာ ရောဂါဖြစ်ပြီး မေ့မရတာဟာလည်း ရောဂါပါပဲ ။ -ဆူးရစ်နွယ်

ကမ္ဘာကြီးပေါ်က လူတွေထွက်သွားကြတာ ပုံမှန်လိုပါပဲ။ တိမ်လို လေလို ကုက္ကိုရွက်တွေလို ပုံမှန်လိုပါပဲ။ လူတစ်ယောက် ဘဝထဲက လူတစ်ယောက် ထွက်သွားတာ ပုံမှန်လိုပါပဲ။ နာဖျားပြီး ကျန်ခဲ့သူတွေဟာလည်း ပုံမှန်လိုပါပဲ။ အချစ်ရေ ... ပုံမှန်လိုပါပဲ ။ -ဂန္ဓမာ

သပ်သပ်ရပ်ရပ် ရှပ်အင်္ကျီတစ်ထည် ဝတ်ခဲ့ပါတယ် အချစ်ရေးမှာတော့ ငါတို့ဟာ ပုံပျက်ပန်းပျက်ပါပဲ ။ -ဂန္ဓမာ

ကျွန်တော့်ဘဝမှာ စိတ်ကြီးဝင်စရာ ဘာမှမရှိပါဘူး ဒါပေမဲ့ သူမရဲ့အသံလေးကို နားနဲ့ဆက်ဆက်ကြားရတဲ့အချိန်မျိုးမှာတော့ ကျွန်တော်ဟာ ဘဝမေ့တတ်ပါတယ် ။ -မောင်သိန်းဇော်

ကိုယ်ခြေတစ်လှမ်း တိုးရင် မင်းခြေဆယ်လမ်း ဆုတ်သလို ''ချစ်တယ်ပြောတိုင်း တရားမဝင်ဘူး'' ကိုယ်ဘာမှဆက်မလုပ်ဘူး မင်းလည်း ဘယ်မှမသွားနဲ့တော့ -ခန့်သွယ်

လူအများ အလကားနီးနီးရသော အရာကိုမျှ ငါတိုက်ယူခဲ့ရပါတယ်  ။ -အောင်ချိမ့်

ဒီလိုနေ့မျိုးမှာ ဘယ်သူနဲ့မှ ယှဥ်လို့မရဘူးဆိုတာ ငါသိခဲ့တယ် ။ ငါ့ခံတပ်တစ်ခုလုံး ပြိုကျခဲ့ပါတယ် ။ ပြီးတော့ ဟက်ပီးဘက်ဒေးပါကွယ် ။ -ခက်မင်းဝေ

ကမ္ဘာကြီးလည်း မီးနဲ့ မျက်ရည်ပဲ ဒီအချိန်မျိုးမှာ တစ်ယောက်အသည်းတစ်ယောက် မခွဲကြတာအကောင်းဆုံးပဲ -အောင်ခိုင်မြတ်

ဒါ ၀ဋ်ကြွေးပဲ အချစ်ရေ ဆိုရင်တောင် ငါ သက်တမ်းလေး တိုးထားချင်ပါသေးတယ် - စောနန္ဒာခိုင်

နေကောင်းအောင်နေပါ မာရီယာ နေမကောင်းရင် ကမ္ဘာကြီးက မင်းကို မောင်းထုတ်ကြလိမ့်မယ် လူတွေချစ်တယ်ဆိုတာက သူတို့ကို မထိခိုက်သရွေ့ပဲမဟုတ်လား...။ -မင်းခိုက်စိုးစန်

သက်သာသွားမှာပါတဲ့ အသက်မရှိတော့ပါဘူး ။ -စိုင်းဝင်းမြင့်

အပိုင်ရခဲ့ပြီ ထင်သော နေ့စွဲများအား ပြန်လည်သတိရလျက်။ -ဂန္ဓမာ

တစ်ချို့က လူကောင်းတွေပါ ဒါပေမဲ့ ကျွန်တော်နဲ့တော့ အဆင်မပြေဘူး ။ -ကြည်ဇော်အေး

ပန်းရောခေါင်းရော ယူထားရင်တောင် ကိုယ်မနိုင်ဘူး အချစ်ရယ် မင်းကိုယ်တိုင်က သူ့ဘက်မှာလေ ။ - ရိပ်ငြိမ်

ဒီငရဲပဲမလားယောက်ဖ။ အင်းလေ ဒီငရဲပဲပေါ့။ -ချောသွင်

နှစ်ယောက်အတူတူ နားထောင်ခဲ့တဲ့သီချင်း တစ်ယောက်တည်းရှိတဲ့အချိန်ပြန်ကြားရတဲ့အခါ သတိမရဖို့ပဲ မှာချင်တယ် ။ တစ်ယောက်မပါတဲ့ နေ့ရက်တွေကို တစ်ယောက်ကဖြတ်သန်းရဲတဲ့အခါ ၊ တစ်ယောက်လက်ကိုတစ်ယောက်က ဖြုတ်ချဖို့ ဖြစ်လာတဲ့အခါ ၊ ဖြုတ်ချခဲ့တဲ့သူထက် ဖြုတ်ချခံရတဲ့သူက ပိုပြီးနာရတယ်ဆိုတာ မင်းသိပါတယ် ။ - ခက်နှောင်

ဘာပဲဖြစ်ဖြစ်ပေါ့ကွယ် ချစ်သူလက်သာ ထိကိုင်ထားရရင် အသက် မရှူပေမယ့်လည်း အသက်ရှိနေပါတယ် ။ -သိုး‌ဆောင်း -လက်ညှိုးထိုး၍ပန်းဝေ သည်